Our Restaurant

營業中

休息中

同個朋友去開旺角，諗住搵啲我平時唔多試嘅餐廳試下，朋友話呢間土耳其菜唔錯就去試下啦，餐廳地方唔算好大，得幾張枱，晚餐時間都多人呀，坐到八成滿，差啲就要等位牛肉卡乎肉質有少少偏乾身，同埋有少少鹹，反而我覺得個飯幾好食，係有油香嘅，可能我鍾意食有味嘅飯轉轉燒雞肉呢個我都覺得幾好食，雞肉唔算乾身，朋友太鍾意食佢地嘅醬汁，另外叫佢地俾啲醬汁我地，仲幾枝俾我地任加，侍應搞笑地話剩係俾我地架咋芒果奶昔好有芒果味，不過偏甜左少少啦，如果係凍啲就好喇，因為係杯嘢飲係室溫

同朋友做完運動有啲夜，但想搵開胃菜式，突然想食土耳其菜，於是佢帶我去到通菜街裡面一間食店，隔離就係一燒窰，原來之前經過都不為意。 裏面呢就冇乜香港人，個侍應都似係外國人打扮。我哋點咗燒雞同烤魚做主菜，朋友叫咗乳酪，我就叫咗蘋果茶。因為之前睇節目介紹土耳其紅茶好好飲，其實真心有啲甜同似蘋果綠茶，試過就算喇。🧃☕️ 而個主菜就係將所有餸都撈埋一齊食（冇去過土耳其唔知啲人點食）其實味道幾特別，有蔬菜同薄荷醬加埋味道好清新。🌿 去唔到旅行又想感受下異國風情可以去食下。 💰人均消費：$100 🍴Our Restaurant (旺角)旺角通菜街1A-1J 威達商業大廈地下9號舖

無事先特別睇食評，路過見到Menu 貌似吸引就walk in 試下呢間野想食羊，原本想叫pizza, 最後叫另一樣較有特色d既菜，係茄子蓉mixed yogurt 泥，加上羊肉粒，隨碟有一塊土耳其厚bread 首先，羊肉超級、超級、超級硬，無羊味，唔似新鮮煮，好似熟肉雪左好耐再反叮，完全咬唔開，少部份要咬好耐、半格硬咁吞落肚個包望落好似好吸引，但又係硬到痴線隨時因為食呢餐要睇好貴牙醫另外叫左炸芝士春卷，正常，至少都叫新鮮炸起。我同朋友2個人食完呢碟野，唔飽都唔想加單。連主菜 - 羊肉都煮唔好，咁都夠薑收人一碟$138，真心覺得呢間係港版地獄廚房，執左佢啦。

The food was ok but not worth the price. Much better options in the area for the same cost or less. Over filling a chipped plate with salad, fries and microwaved meat garnished with tinfoil shavings is not worth the cost in my eyes.

星期六去旺角行街買完野，響女人街附近就搵左依間土耳其🇹🇷嘅清真菜。都有啲驚喜，不過啲扒類要小心選擇。驚喜係卡巴用料十足，我地叫了烤魚卡巴，多汁香口，魚肉係炸得唔錯，加埋佢嘅蒜味醬同薄荷醬，十分了得。卡巴料多魚肉新鮮。值得一試，但價位係68-70蚊,唔算便，但好大個，一定食得飽。另外叫咗個羊把餐，呢個有啲伏，煮得太乾，太韌無羊味。有啲失望。另外叫左個鄂圖曼沙律，鹹鹹酸酸，有少少辣菜，好特別。佢配置嘅薯菜好好味炸得唔錯。大家可試吓。

這間位於女人街內，近家樂坊段的典型土耳其餐廳，由土耳其夫及香港出世的太太經營。傳統的中東餐廳格局，有著一個開放式廚房，中東大肉串的燒爐，內裡播放着熱鬧的土耳其音樂及MV。主打傳統中東土耳其的菜式，各式卡巴、薄餅、中東卷物如羊肉卷牛肉卷等，應有盡有。更甚的是，一隻中東地區常見的甜品—Kunafeh (一種以糖漿，麵粉絲及芝士做成的地道甜品）亦有提供。老闆娘溫馨提示，這款甜品要趁熱食，才能拉出萬惡的芝士拉絲後記：從閒談之間，知道太太的旅遊經歷非常之廣泛，足跡遍及之地可謂非常驚人。北韓，土耳其，西藏，北極，甚至全中國省份，都於年少時曾經到訪過，非常之羡煞旁人。

突然心血來潮 想食土耳其菜好似由細到大都未食過全餐都是香料味 不過 唔算好濃岩香港人口味🔸轉轉雞肉配沙律薯條🐔🥗🍟 $72比左薄荷醬 同乳酪醬 雞都係襯乳酪好味d薄荷醬太香料，唔係好接受到🔹薯條🍟 $38夠脆 即炸👍🏻🔸燒牛肉kebab 🌯 $82d牛肉好硬 似豬肉🐮or🐷？多菜多洋蔥 3種醬 幾好食🔹扁豆湯🥣 $30微辣 香料味既蕃茄湯🔸熱咖啡☕️ $15平平無奇今餐真係食佢特色😂短期內應該都唔會再食因為好唔習慣佢既香料雖然已經調較左香港人口味不過一試無妨

一個普通但開心嘅情人節由於情人節食乜都太貴喇所以同女朋友出去食飯都唔知食乜好而我仲要係位都冇book添呀所以係旺角亂行 行到女人街 入咗呢間嘢食Our restaurant 本身我都睇唔明佢個名睇唔出OUR呢個字有啲扒食下咁仲有薯條🍟望張圖都覺得肚餓呀好似幾好味咁呀一人一份叫咗一份牛扒一份羊扒 個牛扒 係不知所謂呀又靭又乾 完全唔掂 咬唔開 又要乾晒 好難食 本身塊扒又薄咁羊扒叫好少少咁啦只係好少少咋都唔可以叫做好味但佢冇咁乾 只冇咁乾 都唔算好食但每份要$138一人一杯嘢飲普通嘢 冇特別

每個月總要嚟一次~多數會叫牛肉，塊薄餅令我諗起細個，工人姐姐親手做，點砂糖或咖哩食，食得出沙律菜同蕃茄好新鮮，洋蔥略為生左d無論牛，雞卷都係咁鍾意，熱辣辣，不過會食到成手都係汁老公會自己叫個羊肉沙律，我怕so所以會一人一個呢個包住一一舊芝士，溶溶地超正，芝士迷必食最後必叫甜品，如果可以走肉桂就更好，肉桂陣味唔係個個頂得順，老公會幫我食左頭頂果陣，布丁甜度適中，有飯既口感，好得意。野飯都係玫瑰蘋果茶，或者汽水，其他都無點試過。店員有禮貌，老闆幾型

呢間土耳其菜，開左好耐，試過一次後，有時去到mk，諗唔到食乜，就食佢啦，有介紹比朋友都話好食，試過有d連鎖式個d都無佢咁好食基本上我而家每次去都一定叫同一款野架啦，就係雜錦肉加沙律肉，係羊加雞羊唔算好so，但都燒得好香下，又唔un雞就談不上滑架啦，不過都唔錯沙律係好好食配埋佢個兩款漿，好好食，又新鮮，食落索索聲

同朋友行左成晚，都好肚餓，經過見到呢間鋪裝修唔係好出彩，反而有啲興趣試下。入到去，唔知老闆定普通員工，態度好好，會同我地打招呼，點餐嘅時候都會細心推薦嘅。但係我地入去嘅時候都算夜了，10點幾，所以我同朋友一開始想叫嘅Lamb Pide羊肉長角Pizza同beef Roll都無左😭😭😭😭😭。朋友係老闆（？）嘅推薦下叫左個Chicken Shxxi Roll(唔記得點串) 係同對普通Roll唔同在用嘅香料，好似，當時無認真咁聽🤦🏿‍♀️我就未食過長角Pizza，基於想試新野嘅諗法下叫左唯一仲serve到長角Pizza嘅Cheese Pide，係純芝士口味，無肉無菜嘅。朋友嘅Roll上先，算係香嘅，朋友坐對面我係冇拎起啲Roll嘅情況下都已經聞到雞嘅香味，但係朋友只係用叉撩左一下，啲料已經散左出黎，當我揭開張錫紙嘅時候已經唔係熱辣辣嘅，唔似啱啱整好嘅Roll，只係溫熱咁。薄皮嘅Roll我本人偏中意嘅，但朋友中要厚皮，入面嘅雞肉我地兩個都覺得個香料落得幾足同入味😋😋😋，同時間都算係嫩嘅，不過就真係切得好碎，朋友話個醬都不錯添，但係因為朋友係上環食過另一間，價錢同食物質素都比較好，相比之下，整體而

繼之前食過好難食嘅土耳其菜 今次又去返信得過餐廳食 都係係女人街入面 一星期內第二次光顧呢個係最愛嘅牛肉薄餅 好香牛油味 啲包又好有彈性 好咬口！係窗口見到一碌碌嘅肉然後切落嚟嘅雞肉 味道好好 加上啲土耳其🇹🇷醬汁沙律都好新鮮！之前想試好耐 但上次食咁啱冇得賣今次再試 原來感覺好一般 自己屋企煮嘅都差唔多 下次呢個可以唔洗食老闆娘話我哋可以試下 但一啖 我就打曬冷震 感覺好怪 可能真係食唔慣 佢哋話土耳其人係食咸嘅 😵😵😵但老闆係土耳其人 老闆娘係香港人 所以方便溝通落單 服務又好 啲漿料唔會稀冧冧 總體都唔錯😊

第一次去通菜街食士耳其菜 下午茶時段吾多人 好快就有位🙌🏻預早一晚已經睇定menu食啲咩😂香烤芝士用薄餅夾住 有埋青瓜同蕃茄 芝士煎香左 望落有成0.5cm厚 仲有啲彈牙 質感似扎肉😂 帶有鹹香幾得意 青瓜同蕃茄令口感豐富之外亦解鹹 不過價錢真心貴🤭燒肉卷聞落吾重羊味但食落就散出黎 入口既肉香 生菜配有甜甜酸酸既醬同炒過既洋葱好好食 熱辣辣又方便

土耳其菜本來真係未食過，今日同一班fd放學咁岩經過，見到都幾得意，所以就決定大家一齊試下伏唔伏😂😂一入到去已經覺得勁有土耳其feel,廚師個啲又係外國人,所以感覺都幾正宗🤤🤤咁我就叫左個轉轉燒雞肉卷$45呢個卷入面既料同醬汁都配合得既好，料除左雞肉，仲有大量其他唔同既蔬菜，但一個人食一個卷做lunch就唔係好夠飽啦是日土耳其湯+$10呢個湯一飲已經知落左大量香料，但味道個人就覺得好怪，所以飲左兩三啖就放棄左

本身經過門口都冇諗住試嘅，但見到一位土耳其嘅女士係度派傳單，就不如入去試下啦。好耐冇食過土耳其菜真係好鐘意呢啲中東菜！環境就冇乜得講，牆身有掛啲土耳其風景，枱布好有feel。揀好食物之後，職員就拎咗3支醬汁放係枱等用，問下係咩醬汁佢亦都好耐心地介紹！服務真係唔錯！！叫咗個mix嘅肉卷，羊+雞！好好食！又夠熱辣辣！又多汁！呢個要點綠色嗰隻醬汁！好好味！另外叫咗個雞塊拼薄餅，夾住舊雞塊食！推介點白色嘅乳酪醬汁，好夾！