Our Restaurant

營業中

休息中

一直都好想試下土耳其菜,咁岩係街搵野食時見到呢度,所以入去試下~地方唔叫好大,但都幾有特色,充滿左濃厚的土耳其特色~乳酪羊肉伴麵包用乳酪黎配肉類都係第一次試~食落有D古怪,可能我食唔慣啦~佢地D麵包比較似餅多D,個汁食落辣辣地幾惹味! 羊肉出奇地唔SO,但唔會冇羊味,但略嫌擺位有D亂,如果可以整齊D就好~雜錦轉轉伴薯條雜錦就係咩肉都有, 食落口有D乾, 口感其實有D普通,但薯條好脆好好食!配埋沙律都唔差,但如果可以多D沙律醬就會比較好!Rice Pudding食落似食水晶糕,飯味好重,唔會好甜,如果肉桂粉多D就好啦'開心果批本來係想試其他,但店員話冇,建議左我地食呢個個SIZE比我地想像中的細,但因為個陣已經有D飽,所以都OK一食落,太甜啦~!食左一件已經冇食總括黎講.我覺得質素都唔差.

我第一次食土耳其卷卷，這個羊羊卷好好食，好so😚 味道都ok,羊唔so說唔叫羊😛😛同埋佢個土耳其茶有d似無糖涼茶咁。但個扁豆湯有d薄荷同一d香料，但一般般😊報告完畢😛😛

星期日晚上7:30pm, 經過土耳其餐廳, 被轉轉轉的燒烤肉吸引.我同友人見時間早多位, 就入去試下. 8pm左右開始多人.見店內裝飾都有d特式, 好異國風情.- 餐湯 (另加$10) :好重薄荷味, 有d豆蓉既料, 好多香料既湯. 味道好特別都接受到, 我未試過既, 但唔難飲幾飽肚.- 土耳其雜錦轉轉燒肉卷 (羊肉, 雞肉) ($68) :2款肉一齊食, 我試唔到雞肉味, 可以比較味淡. 反而羊肉味好突出, 又有少少羊騷, 好正.卡巴卷得鬆緊岩岩好, 食得好方便, 菜同肉都卷得好平均. 食落唔會膩.- 烤牛肉粒配薯條 ($82) :睇落比較普通, 牛肉好有咬口, 係好多香料好香口既烤牛肉粒, 而且分量幾多, 配酸乳酪醬都夾到.由於太飽唔想食飯, 揀左薯條, 我諗配飯更夾. 不過薯條係粗薯, 而且熱辣辣又香脆好味. - 餐飲 - 紅茶:睇落以為好濃既茶, 但飲落味道唔會太濃, 有點茶味. 沒苦味.

呢間小餐廳開左好耐,每次見佢既轉轉肉都好想食,今次終於黎試喇!一個午餐大概$50內,其實都幾平,所以叫左一個卷餐同一個飯餐。轉轉雞肉卷好好味呀,入面好多濃味雞肉,再加生菜係入面,好fresh!轉轉羊肉一d都唔穌,配埋帶少少薄荷味既沙律醬,正!餐飲叫左紅茶&咖啡!無咩特別...haha

今似黎到旺角女人街既排檔,慢慢搵下搵下就見到依一間細細地,睇落非常之有土耳其風味既餐廳,就咁睇出面塊玻璃就已經可以見到有極大串既串燒雞肉係到,睇見都流口水,朋友同我就當然二話不說就入左去,一坐低就已經可以叫野食喇,因為朋友黎過依到,佢就叫左依個雞卷同埋烤牛肉卷,兩個都應該好好食,分別就配有生菜, 蓄茄,生蔥等同埋少少沙律醬汁,食落呢雞肉卷督夠比較惹味,肉質就幾特別嫁,有一半係嫩,有一半就比較熟D,非常特別既口感,菜閎部份當然係非常之新鮮,沙律醬幾好味,同雞肉一齊夾埋非常好食,好夾。至於餅身方面, 呢度個餅身比較薄同乾脆,有少少似出面既雞卷,脆脆地食落唔會太飽,至於烤牛肉就當然冇雞肉咁嫩,比較厚身既肉,食落無雞咁好食,不過味道都算好既,唔錯幾特別既一餐。 

續上一次食左個質素平平既lunch之後，再一次黎到our restaurant。今次食晚餐。dinner set同lunch差唔多，都係轉轉卷，雞肉／牛肉／羊肉配飯／沙律等等。雞肉轉轉卷：肉好少，而且冇乜汁／醬，好乾。同上次一樣，冇改善過。比亞沙沙律：原來係豆沙律。普通，還算新鮮。乳酪羊肉：羊肉唔錯，一D羶味都冇，配上茄汁同乳酪，下面係切左細細塊，疊左兩三層既薄餅，幾特別。唔肯定個名，好似係叫乳酪麵條，但肯定既係其實係未熟既通心粉，加左茄汁同乳酪，又硬又冇味。叫左芝士奄列，menu幅圖明明冇肉，黎既係一塊蛋上面有雞肉同sauce。味道都唔錯既，sauce同肉幾夾。個waiter溝通唔到，一坐低就見到張枱好多油，唔該佢抺一抺，佢點完頭就冇左回事。落單又唔係好知佢明唔明，結果個奄列應該係黎錯左。

這家土耳其餐廳，Wing已經不是第一次品嚐的啦，每次經過都想再嚐多次，因為它的食物的確令Wing難忘~這店店子少少的，每次都幾乎滿座的說~Wing今次又點了兩個餐，很想知道饞嘴Wing點了甚麼吧xd土耳其紅茶是餐茶來的，機乎每道菜都跟餐茶的啦。土耳其紅茶味道香濃，Wing這頓晚餐是大概晚上十一時才享用的，但都沒有因紅茶而不能入睡的說~轉轉豬肉配薯條($75)本來想點轉轉羊肉的，但羊肉售罄了。不打緊，豬肉也不錯的。有夠香滑，加上醬料，感覺不錯的。薯條夠新鮮的，是剛炸好的~土耳其菜最好的是每道菜都會拌有蔬菜，很健康的啦~對唷，Wing忍不住問廚師何鮮轉轉肉可以如此入味跟juicy。廚師就很nice的解答說是每天晚上關門後就開始動工弄轉轉肉，所以每天的轉轉肉都是新鮮製造的，入味非常~牛肉卡乎配沙律同麵包($82)這個牛肉卡夫認真的不得了，香辣味道叫Wing吃不停口，辣味刺激著每一個味蕾，愈吃愈想吃，就連不愛吃辣的他都跟Wing爭食呢xd麵包就是土耳其菜那種傳統的麵包，夾著牛肉卡乎跟沙律吃卻有另一番風味。Wing對這道菜的評價不錯耶，有機會要多試一次才可行耶~

這家土耳其餐廳，Wing已經不是第一次品嚐的啦，每次經過都想再嚐多次，因為它的食物的確令Wing難忘~這店店子少少的，每次都幾乎滿座的說~Wing今次又點了兩個餐，很想知道饞嘴Wing點了甚麼吧xd土耳其紅茶是餐茶來的，機乎每道菜都跟餐茶的啦。土耳其紅茶味道香濃，Wing這頓晚餐是大概晚上十一時才享用的，但都沒有因紅茶而不能入睡的說~轉轉豬肉配薯條($75)本來想點轉轉羊肉的，但羊肉售罄了。不打緊，豬肉也不錯的。有夠香滑，加上醬料，感覺不錯的。薯條夠新鮮的，是剛炸好的~土耳其菜最好的是每道菜都會拌有蔬菜，很健康的啦~對唷，Wing忍不住問廚師何鮮轉轉肉可以如此入味跟juicy。廚師就很nice的解答說是每天晚上關門後就開始動工弄轉轉肉，所以每天的轉轉肉都是新鮮製造的，入味非常~牛肉卡乎配沙律同麵包($82)這個牛肉卡夫認真的不得了，香辣味道叫Wing吃不停口，辣味刺激著每一個味蕾，愈吃愈想吃，就連不愛吃辣的他都跟Wing爭食呢xd麵包就是土耳其菜那種傳統的麵包，夾著牛肉卡乎跟沙律吃卻有另一番風味。Wing對這道菜的評價不錯耶，有機會要多試一次才可行耶~

特登黎食久違既土耳其菜。叫左Lamb donner roll ($50) 同雞肉kebab 配沙律 ($50) sets。先黎左土耳其湯, 好重既蕃茄同香草味, texture係煲融左既薯仔。有點過酸... 麻麻地雞肉味道都可以但凍既 mint sauce偏淡, yoghurt sauce似樣少少,不過同土耳其食到既味道差一大截。羊肉roll只係微暖, 肉好乾, 好既係餡料都算夠既。又未去到難食既, 但絕對唔係好食......

呢間舖出面係女人街既排檔, 要搵就最好由街尾開始向旺角MTR方向行, 行到中段左右, 就會見到一間細細的,有土耳其風味的餐廳. 透過玻璃, 可以見到裏面有一大串燒雞肉. 我地點左轉轉雞卷同埋烤牛肉卷. 2者都配有生菜, 蓄茄,生蔥等同埋沙律醬汁. 雞肉卷比較惹味, 肉質有一部份是嫩的, 有一部份是較熟的, 形成不同既口感. 蔬菜部份都好新鮮. 沙律醬同雞肉既肉汁都好配合.餅身方面, 之前係外國食既有PIZZA 餅底相似既質感.呢度個餅身比較薄同乾脆, 有D似某炸雞店既雞卷. 咁樣就唔會有飽到上心口既感覺.烤牛肉冇雞肉咁嫩, 係厚身既肉塊, 相比之下, 雞肉既味道會比較特別. 餐茶叫左土耳其茶, 味道有D 似濃味既紅茶.

我地叫咗個羊肉飯同羊肉/雞肉飯,D肉都好乾吓,冇乜味,因為冇水畀,好在有飲品跟,係奶茶同架啡,勉強食得倒.呢間野D食品可以話麻麻地,最唔好係要最低消費每人30元,水都冇杯,兩個人食咗都過100元,第3個人覺得飽唔想叫野食,都要畀30元,結果叫咗個唔好食嘅沙拉比,都唔會有第二次咯.

午餐兩個人經過，見有團肉轉轉下，就入去試下士耳其食物！轉轉羊肉卷 - 羶味夠、有趙頭伊斯更達燒羊 - 醬汁味濃、羊味夾牛肉卷 - 帶牛味的春卷、鬆脆士耳其湯 - 帶少辣薯仔味湯沙立比（茶) - 玉桂香、入口濃滑 （Dessert)- 有趙頭、玉桂味

我印象中土耳其這個地方, 特色有地毯, 摔跤, 酸奶, 烤麵包, 茄子...土耳其令我最留意莫過於卡巴, 以軟餅包著洋蔥, 蕃茄, 菜; 另自選肉- 雞, 羊, 牛(由於土耳其為回教國家, 所以沒有豬肉選擇) 再配上醬料, 真的回味無窮. 之前吃過灣仔伊XX堡, 真的一吃就愛上. 行開旺角, 突然係女人街入面發現有食卡巴, 又未食飯, 就拉埋個朋友衝入去, 一坐低就一件牛一件羊呀! 可能真的太渴望所以才換來失望. 腦海中仍記掛住的味道是伊XX堡, 我將這間比下去了:肉都烤得太乾, 變得沒有肉汁.醬汁不夠酸不夠濃, 令到生洋蔥這些重口味的蔬菜蓋了味道, 而且吃得有點剌鼻.通常我比較怕中伏, 餐飲叫了土耳其紅茶, 而朋友叫了土耳其咖啡, 我倆都是喜歡品咖啡的人, 他喝了一口, 他的表情已經告知我的紅茶沒有點錯, 我問唔OK嗎? 他只輕輕帶出可以轉返紅茶嗎??總括黎講, 這店裝潢設計有誠意, 但食物質素可以有進步空間!

行行下見女人街有間土耳其餐廳，見未食過就入去試下，叫左個轉轉羊肉卷同飯($68/$78)，仲有個餐湯($10)個羊肉卷入面有好多菜同洋蔥，材料都幾足，飯既份量就比較少，味道都算ok湯就有d怪，好似係d豆之類既味總括黎講都ok.但價錢就略貴左d

某日無意中經過女人街的排檔邊發現此店, 襯某星期六放工同太座去咗試食,叫咗一個: 轉燒羊肉捲 整個捲的調味至肉類都唔突出, 個汁亦唔多同無驚喜另一個個名字似乎無聽過, 就試下啦: 亞丹娜羊肉捲, 原來特別在將兩個肉餅夾係入邊咁特別囉,基本上的菜無分別,個汁都無分別,飲品在茶同汽水之間我們選擇了清茶兩杯,又係沒啥特別, 串燒豬肉/ 雞肉, 就真的好”渣” 100%乾硬化, 實在令人想起灣仔海皮那間希臘串燒有多Juicy啊,如果佢地維持咁嘅食物質素而無改進的話, 應該頂多只能在這條街企住腳, 千萬不要向外邊蕩!必x無疑