Ohayo

營業中

休息中

約好耐冇見嘅朋友食下飯傾下計～要搵間環境好啲嘅餐廳～上OpenRice 見到呢間睇落幾舒服，朋友又就腳，就揀咗佢～一入去感覺幾乾淨，木系裝修好warm，我哋叫咗兩個dinner set，燒烤醬醬燒牛肋條漢堡，同德州醬燒豬肋骨石鍋湯烏冬Dinner set 配濃濃粟米湯牛肋條漢堡，裡面係原條牛肋條，啖啖肉，好入味，仲有煙肉，整體多汁唔乾德州醬燒豬肋骨石鍋湯烏冬，豬肋骨好稔好入味，天氣涼涼地食石鍋湯烏冬啱晒😋好煙韌，印象中好似係稻庭烏冬🧐另外叫多左一份buffalo wings，單骨雞翼夠易食😝餐飲揀左香草洋甘菊同芒果綠茶。我個芒果綠茶好香好香，洋甘菊聞落都好香（冇偷飲🙂）整體來講，環境同食物質素都好唔錯👍🏻

餐廳環境好靚偏木系文青風得黎又夠光猛見到呢排做緊星期一至四嘅晚市優惠惠顧套餐 第二份半價就腳嘅話過黎食下嘢傾下偈都唔錯🥳***Ocio嘅甜品一向深得我心但係今次冇咁大胃口所以淨係嗌左主食一樣咁好味🤤***🥢鰻魚玉子燒定食 $138🥢跟餐配南瓜湯&熱飲定食有好多款嘢食鰻魚有肉地又冇骨 正😗迷你玉子燒係我鐘意嘅甜味玉子蒜味螺肉好爽口麵豉湯最有驚喜 有好多海帶同好大塊嫩滑豆腐😍餐飲嗌左熱啡多奶奶係另上 仲熱辣辣嘅添👍🏻***🥢迷你芝士流心蛋燒南瓜煱伴脆皮單骨雞翼 $128呢個小食好特別半挖空嘅南瓜裝滿流心芝士雞翼沾上滿滿嘅芝士 好邪惡好滿足🤤而且成個南瓜都焗得好淋輕鬆全部完食真正食到渣都冇得淨😂btw半粒流心蛋拎左去撈定食嘅珍珠飯 增香不少🤭

今日食評✍🏻Ohayo @ Harbour CityDate back 產後第一次同朋友聚餐感受良多😂發覺自己真係冇哂自由🥹甜蜜的束縛Ohayo一聽個名都知係日本嘢面皮厚嘅我點了兒童餐😂😂😂😂😂食物水準ok不過店員就「冇咁醒目」我哋本來點咗甜品快樂不知時日過傾到過哂鐘埋單才醒起未食甜品而店員在結帳後都冇提及最後我哋check 單才發現🥸無論大鋪小店我哋都會盡試盡講

今日去海港城試完lady m 新款蛋糕 直接再去一間日式cafe 晚餐 飽到爆😝. Cafe採用日式木系style 環境舒適 座位非常闊落 仲有小小海景 環境同朋友吹水食飯一流 見佢OpenRice訂仲有85折。 - Dinner 套餐 包一餐湯 & 一杯$33以下飲品 -飲品我地揀左🍵茱莉綠茶 & 香草洋甘菊茶🍱鰻魚玉子燒定食餐 $138 定食除左本身餐湯外 仲有一碗濃味海帶湯 。 重點係鰻魚 雖然吾係好厚身 但好大條 夠香 再淋埋醬汁超餸飯。前菜有螺肉同玉子燒 螺肉大大粒 幾好食 。玉子燒普通冇乜特別。 整個set份量足 味道中規中矩 $138都吾貴 。🍝香煎刺身帶子鮮茄意粉餐 $138意粉反而幾驚喜 吾細碟 帶子又有兩粒 一睇就知大大粒又厚 煎得幾香。意粉煮得剛好 吾會好淋 醬汁都好濃鮮茄味 小小酸酸甜甜 搭配帶子 幾好食 👍🏻Cafe 仲有好多甜品 但實在太飽 唯有下次再試🤫

係海港城入面既日式cafe, 木系簡約設計配搭窗邊一片海景, 環境舒適. 如果揀坐窗邊bar枱位, 仲可以望住海景嘆返個all day breakfast Tim!Dinner set $138主菜香煎刺身帶子鮮茄意粉2大粒帶子煎到適中熟度, 外面微脆香口, 內𥚃仍然保留刺身級帶子既腍滑口感. 意粉亦煮至al dente, 唔會過份軟身, 配搭香濃茄醬, 味道不錯.鰻魚玉子燒定食定食除左有玉子燒外, 仲有日式味付螺肉同海帶湯, 非常豐富. 至於鰻魚燒得非常香口，而且厚肉肥美, 肉質嫩滑, 仲要超大條, 配搭鰻魚燒汁, 送飯一流.Dinner set亦會奉送餐湯同飲品, 分別叫左杯蜜桃茶同香草洋甘菊.

約咗阿囡朋友仔食個午餐，食完去隔離玩具反斗城睇玩具，呢個節目一流🤣🤣叫左個兒童餐【白汁芝士通心粉、鮮雜果、粟米粒、炸薯餅、橙汁】以一個百幾蚊嘅兒童餐嚟講，佢啲通粉實在太少，我個女一陣就食晒，然後同我講佢仲係好肚餓🤣🤣🤣我叫佢等之後嘅窩夫啦我就叫左個【鹹蛋黃卡邦尼意粉+巨峰提子檸檬梳打+迷你雜莓窩夫】卡邦尼意粉成日都食，但加鹹蛋鍋就第一試，估唔到囉埋一齊都幾夾個鹹蛋黃醬個味又唔會太鹹👍🏻巨峰提子檸檬梳打，明明叫做少冰但佢太多冰飲落都幾清新嘅！至於價錢點嘅窩夫，外脆內軟點雪糕係一個正常配搭，不過不失！

行街行到攰，梗係要餐埋肚先返屋企啦比佢個甜品吸引左就諗都唔諗入左去叫左個晚餐set同窩夫🧇已經夠飽香煎8安士美國安格斯西冷配薯菜我地簡左5成熟～成塊扒出到黎都仲好嫩好多汁唔會煎到過哂火老哂，又唔會鞋到咬唔到，讚👍🏻加左個小食炸豆腐，出面層炸粉唔厚好薄炸完出黎外脆內軟，面頭仲落左啲七味粉&紫菜絲最後就係吸引我入去食既朱古力麻薯窩夫🧇窩夫即叫即製，焗到外脆內軟，唔係擺到硬哂果啲中間夾住左麻薯煙煙韌韌😋可以拉到好長仲有啲朱古力脆片🍫草莓🍓雪糕🍦真係好好食

最近同朋友係尖沙咀行街，睇到有間木系cafe😍所以就去試下😋餐廳環境好舒服，仲唔會太嘈👍🏻睇下餐廳有唔同嘅套餐🥰除左主食套餐外，仲有甜品窩夫&Pancake都係必點項目❤️🌸餐湯係蘑菇湯😍🌸香煎刺身帶子鮮茄意粉上枱係熱辣辣，配埋煎好帶子刺身，意粉帶鮮味😋香香嘅茄醬🥫帶子口感鮮嫩🥰意粉彈牙🤩🌸德州醬燒豬肋骨石鍋湯烏冬烏冬係由熱辣辣嘅石鍋去上，保留到熱辣辣嘅溫度😋豬肋骨份量好多又入味😍🌸熱榛子朱古力，朱古力香濃，唔會太甜🤤🌸芒果乳酸梳打，梳打好香果味🥳
🌸綠茶紅豆麻糬窩夫，成個窩夫都係用抺茶粉漿去整，食落外脆入面仲加左軟編綿嘅麻薯🥰

.靠近維港海景日式餐廳Ohayo個名就知係一間日式餐廳日式餐廳食西餐既有特色～而且仲要係一間打卡影相一流既日式西餐廳環境好舒適·燈光夠哂光猛而溫暖店既窗口都貼上好可愛既熊仔作佈置 第一眼就吸引左我入去食物擺盤都好靚 🥰餐廳仲要係面對維港 好正～我當晚order 左dinner set - 🍝香煎刺身帶子鮮茄意粉 帶子襯熱食既香，意粉有茄汁都既開胃 除左意粉仲有粟米湯同一杯咖啡☕️另外當晚仲order 甜品🧇朱古力布朗尼窩夫都係要襯熱食配合雪糕一齊食會既特別🍨如果同閨蜜行街到攰想食下野入去ohayo 食下野打卡都唔錯‘而平時一個人想靜靜放空 坐係窗邊望海飲咖啡食住甜品都真心都既正大家可以試吓～.ꨄتꨄ食物質素：即叫即整環境：環境好舒適 ，店舖靠近維港海景衛生情況很乾淨打卡熱點

要睇到尖沙咀嘅夜景，又唔一定要fine dining可以好少女心咁，去海港城呢間cafe靜靜呆望窗前，又或者約人收利是呢間cafe晚市有西餐，亦有日式定食，$138就有個dinner set就ok鰻魚都好大條吓，燒得爽彈，唔夠汁仲可以淋多啲汁𠻹飯上面有啲飯素，鰻魚送飯好過癮。玉子一磚質感軟彈，蛋香突出。味噌湯好多料，有昆布同豆腐前菜有螺肉，好多汁好大粒跟餐有蘑菇湯，打得綿同時又有啲顆粒，菇味好香仲有包埋$33或以下嘅飲品，香草洋甘菊茶配飯配甜品都好適合鑊仔熱香餅每日每款限量供應12份咋，原本想嗌焦糖味點知大胃篤錯呢款，但都好香綿裡面有拉絲麻糬，雪糕融落去撈埋一齊食超正

餐廳位於海港城，座位寬闊，燈光明亮。 平日晚市唔需要等怕太耐即可入座。Ohayo慢煮鴨胸全日早餐早餐非常豐富，有慢煮鴨胸，蕃茄切片，炸薯餅，烤大啡菇，早餐腸，煙肉，牛角包同埋茄汁焗豆。大啡菇非常之厚身， 食落啖啖肉，配埋蒜蓉醬食落好香口。火箭菜沙律落嘅唔係醋，而係蜜糖， 食落甜甜地幾特別。鴨胸肉質嫰滑，入口帶有微微嘅煙燻味，仔細嘴嚼食到少許鹹香味， 都好好食。綠茶雪山大福熱香餅熱香餅熱辣辣新鮮整好， 呈金黃色，食落好蓬鬆。外面用一層好似雪糕糯米糍嘅綠茶皮包果住，配上一啖凍冰冰嘅雲呢拿雪糕， 一冷一熱雙重享受。

餐廳： Ohayo by Ocio 地址： 尖沙咀廣東道3-27號海港城海運大廈地下OTG19號舖 跟媽媽逛海港城，行到攰想唞一唞及輕食，見到玩具反斗城隔離有間清新小店，一於入去試吓，餐廳日系裝飾設計，環境開揚及寧靜，坐得很舒適，相當唔錯😊我哋楝了以下食物：～凱撒沙律有新鮮嫩綠的羅馬生菜、煙肉及麵包碎、加上開胃的凱撒沙律醬，感覺健康又美味！～烤芝士肉丸伴自家製蒜蓉肉丸口感鮮嫩多汁，每一口都散發著豐富的肉香，烤至金黃酥脆的外皮更增添了口感的層次感；另外配上媽媽喜愛的濃郁芝士及薯蓉，蒜蓉的香氣與肉丸的香味相互融合，媽媽讚口不絕😊～綠茶紅豆麻薯窩夫賣相吸晴，上檯熱辣辣的，富有濃郁的香氣；窩夫鬆軟可口，上邊有甜甜地嘅紅豆呢個組合非常匹配，再加上香濃及口感順滑的雪糕，一冷一熱的夠特別！另外還有我特別喜愛的麻薯加咗啲煙韌嘅感覺，口感層次豐富，食完簡直覺得幸福滿溢❤️總括來講，下次係尖沙咀海港城行街行到攰，嚟呢度欣賞吓海景唞吓確係不錯的選擇☺️

朋友於附近上班　之前午餐時試過疏乎里一直想試試窩夫　於事乎平日晚人流較少時來一圓心癮~餐廳能看見維港海景　裝潢偏日系以木色為主　cafe為副加上不同可愛的插畫少女心滿滿於晚市套餐內選了一項石鍋蕃茄龍蝦湯海鮮泡飯泡飯湯底龍蝦味濃郁　配以蜆肉 魷魚 蝦以及一大隻大頭蝦　石鍋燒至沸騰上台滾燙的湯底更令龍蝦湯的香氣四溢味道上亦恰到好處　龍蝦味顯而不過朱古力布朗尼窩夫甜品貌似亦是餐廳的重點之一布朗尼窩夫外酥內軟配上朱古力醬　雪糕　布朗尼十分般配　個人認為窩夫比布朗尼出色!!下次想試試麻糬窩夫

今日約左朋友去左尖沙咀行街影相打卡，順便係附近食晚餐。入左呢間餐廳以日式風味為主題，提供了一系列令人垂涎欲滴的美食選擇。我首先點了他們的香煎刺身帶子鮮茄意粉 $138 dinner set，這道意粉以新鮮的帶子和熟透的番茄為主要材料，配上香煎的帶子，味道鮮美帶子煎得剛剛好，散發出誘人的香氣，讓人回味無窮。接著，我加點了小食水牛城單骨雞翼 $68 (加配小食)，呈現出外脆內嫩的口感。雞翼的表面烤至金黃酥脆，搭配上脆炸粗薯，更加增添了這道菜的風味。最後，我選擇了綠茶紅豆窩夫 $98 作為甜點。這款窩夫外酥內軟，口感出色味道較甜，配上綠茶和紅豆餡，窩夫本身的香氣和口感與冰淇淋和紅豆的結合非常完美，每一口都讓人感到舒服和滿足。餐湯及餐飲

係海港城同小朋友去完玩具反斗城已經好攰，勁想搵個地方坐同Hea剛剛隔離有間食西餐仲有兒童餐最緊要有pancake同窩夫好吸引坐低見到有dinner set，包餐湯，主菜飲品叫左個cheese burger，超新鮮中間塊牛仲係熱辣辣好juicy個麵包都好軟熟然後芝士半溶好正，另外薯條都脆卜卜個南瓜湯都咸咸地好開胃飲品叫左個凍朱古力好正然後仲有個窩夫，窩夫好脆好香加埋cream ，同埋雜莓，仲有一球雪糕坐得舒服仲要望海景