Ohayo

營業中

休息中

夜晚830左右去食，經過見到裝修唔錯，食評都唔錯，就入去trytry。首先有餐湯，係番茄湯，完全係茄膏加水，仲要超級鹹。朋友叫咗個all day breakfast，原隻煎雞髀嘅肉有啲老，仲好乾，其他配菜都係罐頭味or預製加熱only。我就叫咗燒烤醬煮牛肋條，真係超難食，擺明唔係自己煮，攞出黎我摸一摸個碟，係凍嘅，放入口，真係凍嘅，想像一下屋企整牛腩煲，但係放咗大半日，啲油都已經停晒喺面頭，就係凍到咁，佢暖暖地都冇咁嬲，仲要啲肉擺明唔係自己煮，又係預製加熱，啲肉嘅質感好似臘肉咁，總之唔係新鮮嘅肉，切開見到入邊有少少粉紅色，以為佢煮得嫩，但係擺入口先知原來單純因為放喺個包裝袋入邊醃得太耐，但係賣我成$150，仲要超級鹹，所以成餐最好食得佢配嘅薯條。原本仲想食完正餐食埋個甜品，因為又係見網上comment最多人都係話個甜品好食，但食到一半我哋已經話想走，完全唔想再俾錢佢賺。海港城嘅價錢，仲差過茶餐廳嘅質素。

牛肋条好难吃，仲系微温，唔系现煮。不过薯条仲几好，，估计厨房水平有限，总体来说不会有惊喜的感觉，也可能因为我期望太高吧，期望越大失望越大，这是必然的。下次不会来了，

菜式味道不錯，服務很好，上菜速度也很快。點了個set dinner, 魚肉很嫩，另外又點了朱古力窩夫，賣相很好看，餅底很綿密 很足料。可惜日落了，海景位沒有景色看，下次都會再過來

这家餐厅位于海港城最下面的一层，就是全都是卖宝宝用品的那层～靠近海边🏝️，吧台位置属于海景位💗.🍃环境：非常韩范儿，童心满满的设计可能这层都是卖宝宝用品的所以，用餐的孩子特别多，也有专门的宝宝餐💁服务：无功无过吧，香港人工高用餐高峰，人手总是很忙碌……🍴出品：中午去的，一行五人，点了四份lunch set主菜➕沙拉🥗or汤➕饮品总体性价比ok，午餐的话，人均💰200左右🥐全日早餐 这个是我点的，非常大一份内容也相当的丰富～饮料的话，有个💰33的限额，补差价即可。🍜乌冬面 这个是我女儿点的里面的豚肉超级大……烹制入味，非常好吃🍵抹茶心太軟 流心抹茶蛋糕，不会过于甜腻搭配了冰激凌和奶油，口感更多元化.总体不错要光说多好吃吧，其实一般但胜在位置，各方面都尚可#瞬间心动的高颜值咖啡 #香港海景 #香港海景餐厅 #香港美食 #香港探店 #香港旅游 #香港美食攻略

點咗午餐 #5 & #7，仲有 Waffle、Coffee…哇！個和牛漢堡… 啲芝士、牛肉、醬汁… 鹹到…食左兩啖就放棄 !!!自問平日可以食得好重口味…但佢個漢堡真係鹹到不能接受！$118 + 35… 再加一… $35都俾多佢！甜品，Brownies 50分 Waffle 80分至於服務… 可以用「踢一下行一步」來形容BB 都當一個人頭計（最低消費$100/位）又唔係坐你兩三個鐘…用餐時間：限時一個鐘（真係趕頭趕命）無下次（連想比多次機會都無）

造型很甜美，味道也是蛮甜哦OHAYO蜜瓜雪山熱香餅🧇将水果量拉满，甜度也拉满。🍈实实在在的半个哈密瓜上面是松软的舒芙蕾，口感丰富有层次🥞，但是下面的哈密瓜是怎么也挖不出来綠茶大福雪山熱香餅味道稍微清爽一些，温热拉丝的糯米糍和丝滑的冰淇淋在口中碰撞🍦，三重味道在嘴里留下无尽的甜🪑店里的环境还挺好的，但是都有点甜

一開頭見到呢間cafe叫Ohayo，坐低先發現係Ohayo by ocio😆 以前有試過佢哋係坑口同鑽石山Ocio嘅分店，Ohayo就第一次試～位於海運大廈地下，一直行到去玩具反斗城個邊就會見到，餐廳行日系小清新風，用木系顏色多，坐窗邊嘅話仲可以望到海景添！香煎刺身帶子鮮茄意粉當晚dinner set其中一款菜式係帶子鮮茄意粉，蕃茄味濃郁，都算唔錯😋Ohayo  蜜瓜窩夫🍈 窩夫幾新鮮，襯埋雪糕幾好食，但就無咩蜜瓜味水牛城單骨雞鎚雞鎚味道夠，但唔會太辣，份量亦比想像中多

呢日同小朋友去咗海港城嘅玩具反斗城睇玩具,睇完之後近近地就去咗隔離嘅OHAYO食野啦☺️我地叫咗OHAYO芝士牛肉漢堡配薯條 $153熱玫瑰咖啡 +$15Burger有牛肉🥩,芝士🧀,煙肉🥓,蕃茄🍅和生菜🥬🍔包入面有烘過👍🏻芝士係半溶狀態😍牛肉係around 9成熟,肉味香濃夠晒juicy👍🏻薯條炸得金黃香脆👍🏻份量頗多而玫瑰咖啡拉花幾靚,面頭伴有食用玫瑰🌹飲落玫瑰味道唔算太突出,奶味較重香茅豬頸肉定食 $143凍檸茶 +$3豬頸肉咬落算爽口,味道都ok不過整體份量較少,食完都唔係好夠飽😅跟餐是日餐湯係粟米湯粟米味香甜,幾好飲不過份量較少d甜品賣相幾吸引,下次過開嚟嘅話試埋佢先😍

海港城海景休閑Cafe - Ohayo喺玩具反斗城隔離嘅Cafe，裝修感覺好親子feel😂唔太餓點左至尊Ohayo安格斯牛肉漢堡包 同 焦糖香蕉朱古力 Waffle，Burger 有菠蘿同埋溫泉蛋，中和咗啲油膩感☺️ 流心溫泉蛋令到更有層次😀Waffle 好香脆，香蕉表面嘅焦糖有用火槍辣一辣整到好脆😋飲品方面點左Hot rose latte同Ohayo水果茶，都唔錯，水果茶都好fresh😗可以假日過嚟Chill 下😜

今次同朋友喺尖沙咀食飯，打算揾一間坐得舒服既cafe。上open rice 見到海港城呢間Ohayp就book 左位。晚市有85折優惠😆Cafe 内係日式風格，有榻榻米setting。平日有Dinner set，包餐湯同一杯飲品。我地叫左個漢堡包同冬陰公意粉。漢堡有驚喜！勁Juicy! 又大份！冬陰公意粉夠fusion🤣 少少辣但唔會接受唔到，意粉都係Al Dente，唔會overcooked。本身仲打算叫埋甜品，但太飽😂總括嚟講非常唔錯，如果冇加一會更好😂

這間位於尖沙咀大型商場地下入口最深處的日式咖啡店，門外內都係木系柔和的色調，令人感覺舒服.門口同餐牌也有可愛造型的公仔圖案，吸引大人之餘仲可以吸引到小朋友目光. 店內的中間有條長型仿石的位置，擺放了一些樹仔同圓型藤製坐墊，令人感覺似置身‘大自然’之中，這個位適合打卡. 食物方面我哋叫咗晚市套餐，因為見到佢$138包主菜、湯同飲品，都幾吸引.主菜叫咗平時比較少見的泰式青檸冬陰公海鮮意粉，另外叫咗鰻魚玉子燒定食（味噌湯、小食、白飯）. 海鮮意粉即叫即整熱辣辣，冬陰公香口惹味，辣辣哋但唔會搶喉，意粉彈牙，好多海鮮，啲蝦幾大隻下，冬陰公平時叫來飲嘅多，估唔到竟然用來整意粉也幾夾. 鰻魚玉子燒定食，長長的鰻魚，加埋甜甜哋嘅鰻魚汁用來送飯一流，白飯上灑上大量紫菜，增添口感. 這環境這食物這服務整體來講不錯. 見到佢D甜品也好正，下次要試吓佢啲甜品先得.

踏入餐廳迎接你嘅係高挑明亮的室內空間,巧妙利用大面積落地窗引入自然光線,打造出舒適愜意的用餐氛圍。整體空間設計簡約大方,卻又不失生氣，散發出悠然自得的悠閒氛圍，讓人忘卻塵囂，好好享受美食時光。用餐環境適合小型聚會或情侶約會。窗邊位置更可飽覽香港維多利亞港美景,在美食佳餚中細細品味呢座城市嘅魅力。🔸燒烤醬安格斯牛肉漢堡配薯條這道特色菜品以炭燒的安格斯牛肉漢堡搭配香濃馥郁薯條，安格斯牛肉柔軟多汁,漢堡🍔口感扎實,搭配上特製的燒烤醬,令這個漢堡口感更圓滑細緻，每口都是滿滿的幸福！牛肉與醬料互相融合～🔸鑊仔焦糖金寶雪山熱香餅由鑊仔烹製嘅焦糖金寶雪山熱香餅係Ohayo招牌甜品，將熱騰騰剛出爐的雪山熱香餅淋上一層香甜可口的焦糖醬汁,再淋上鮮奶油，成品美味無比～香甜誘人，外酥內軟，是完美嘅甜品享受😎

上星期經開尖沙咀經過呢到見到無咩人環境又舒適，安安靜靜，而且望坐個海就入左去坐之後叫左個「蜜瓜窩夫」🧇嘩！有驚喜呀賣相靚喎，再配埋海景呢個me time ,心頓時感覺絲絲溫暖一邊嘆個甜品，邊睇下書而且侍應都好nice講返個甜品先🔸蜜瓜窩夫蜜瓜🍈份量足，好鮮甜餅底較厚身，帶有烘烤香味食落脆口鬆化，奶味突出配埋雪糕🍧冷熱交溶好好味呀😋下次我要再去享受下快樂時光自得Chill住聽下音樂，好寫意既一日

尖沙咀海港城Ohayo🙌🏻🔥💕 必嘗鮑汁海鮮意粉！選用上等鮮蝦和魷魚，搭配細膩的意粉，鮑汁香濃，口感鮮美。🦐🦞而雜菜沙律新鮮蔬菜搭配特製沙拉醬，清新爽口。🥗最後來一份香草洋甘菊，香甜四溢，為整頓餐食畫上完美句號。而且餐廳還提供多種飲品選擇，包括鮮榨果汁、特色茶飲等，讓您盡情享受美食之旅。🍵這裡，美食與環境並存，是您不容錯過的美食天堂！無論是家庭聚餐還是朋友聚會，尖沙海港城Ohayo 食都是一個不錯的選擇。優雅的環境、周到的服務和美味佳餚，定能讓你留下難忘的用餐體驗。

今日喺海港城行完街食完飯，心思思想食個甜品，見到海港城嘅現金券可以用呢一間，就行咗過嚟食。個位置都算偏僻喺海運中心嘅最角落位置，搵咗一陣先嚟到。坐低見到個餐牌已經比佢啲甜品吸引咗，我同朋友最後嗌咗一個哈密瓜熱香餅，同埋朱古力麻糬窩夫。原來哈密瓜熱香餅仲係限量12份，好好彩去到嘅時候未賣晒！！哈密瓜熱香餅係一個好新奇嘅組合，佢哈密瓜入面裝住啲雲呢拿雪糕，哈密瓜啫喱，仲有熱香餅，上面仲有蜜糖星星。 啱啱整好熱辣辣嘅熱香餅，配上冰凍嘅雪糕，同埋多汁香甜哈蜜瓜，成個組合好新鮮，一凍一熱咁，好正，熱香餅鬆軟，好香麵粉牛奶味，個雪糕都好幼滑，冇冰粒冇沙，唔會太甜。我哋連哈密瓜啲肉都刮埋落嚟食晒。 跟住到個朱古力麻糬窩夫，啱啱看好嘅窩夫，熱辣辣咁啲麻糬都係半溶化狀態可以拉絲，煙煙韌韌，連埋好脆外皮嘅窩夫，成個口感都係好好食。仲有一球朱古力嘅雪糕，好重朱古力味，又係冇冰粒冇沙。 其實我好驚喺出面食到啲雪糕係有啲冰沙喺入面，即係溶完雪又雪返落雪櫃，一定係好唔新鮮，或者處理得好差。 呢間嘅甜品真係好靚，用嚟打卡一流，味道亦都唔差，咁啱有海港城券，過嚟食甜品真係好正！