NUTTEA (時代廣場)

營業中

休息中

My friend is a fan of NUTTEA. Today she gives me a treat. It is my first time trying this signature drink of the brand, earl grey tea with chocolate nut cream.I have chosen less ice and normal level of sweetness. The chocolate nut cream on top of the earl grey tea is rich, thick and smooth. I like the nutty and chocolate taste and flavour. The tea is aromatic and of appropriate strength. By stirring the cream in the tea, I start enjoying this signature drink and appreciate why it is a gold

我最鍾意飲嘅係伯爵朱古力堅果奶蓋茶 ($48)朱古力味好香濃，朱古力奶蓋飲，仲食到奶蓋入面有好多nuts。而佢嘅茶都好香！所以我每一次都唔捨得嘗試另外一隻味。缺點係飲完一杯之後會好飽 😆😆

作為一個好鍾意飲肥仔水嘅人，NUTTEA可算係我嘅健康首選🤣今日行街經過times square，就嚟買咗一杯😆呢個位置太方便，好吸引，裝修亦非常eye-catching☺️其實有幾款都好想飲，最後都係揀咗伯爵朱古力堅果奶蓋茶 ($48)🍫跟佢嘅指引嚟飲，第一首先打開個蓋用羹𢳂啲朱古力奶蓋飲，朱古力味好香濃好滑，仲食到奶蓋入面有好多nuts😳之後就打斜飲奶蓋同茶，成件事即刻唔漏，好fresh🤣可以一次過飲到兩種質感同味道，滿足貪心嘅我😆最後將佢哋撈埋一齊，我開頭忍唔住𢳂咗好多奶蓋食，所以最後茶味較濃，但飲得出好濃郁嘅伯爵茶味，好正😆下次想試下佢其他茶，尤其是個蘋果脆脆都好吸引呢😙

NUTTEA 必飲堅果奶蓋系列！❤️行開times square 所以去左買杯野飲🤫佢令我試過一次就愛上左！比起普通既芝士奶蓋，我更加中意呢個既奶蓋，因為真係好似食緊雪糕咁😍男朋友話搞混佢再飲好味啲，我試左🤣又真係喎！平時我中意畢咗上面既奶蓋再飲下面既茶，而家先知搞混都可以咁好飲！心心念念好想再飲呀🥹

NUTTEA我又黎啦！！！雖然已經飲左好多次，食評都寫左幾間，但係為左話比大家知有幾好飲，我都係忍唔住再寫，我要學某位前輩咁，佢試全球嘅M記，我要試曬香港每間NUTTEA！！！今次依間分店算係商場嘅POP UP STORE，所以冇店內企位(冇堂"飲)，但係木條裝飾一樣係到，令你遠遠都見到佢 (KEEP住大量支持者買野飲，只好用隻杯擋曬D FANS們啦～)今次都係飲番佢地嘅皇牌之一，伯爵朱古力堅果奶蓋茶，茶底今次揀左走甜，因為食到飽飽要消消滯，平時微甜果陣，茶已經夠香，走甜之後更濃郁，算係又一個新飲法依間分店嘅奶蓋分量一樣咁足，目測3cm厚，D奶蓋一樣咁厚，冇偷工減料，其實原先我想食雪糕，而朋友仔係想飲D清爽嘅飲品，依家一杯KO曬2個問題，正！！！

I decided to try their signature drink but I was a bit disappointed.Despite I already chose less ice, the tea itself was a bit too diluted. I also suggest to choose no sugar as the nut cream on top was quite sweet already.As their store's name imply, I would have expected the star to be the nutty flavors and aroma. However,  it was not as prominent as I hoped for as it was overpowered by the chocolate. I understand that some of us like chocolate cream and I am not saying this is a bad thing. How

伯爵朱古力堅果奶蓋茶寫住金獎 100%純朱古力 咁我就滿心期待咁試啦☹️淡到飲緊水咁🤯🤯一入口，我究竟飲緊d咩野？堅果味又唔重，茶味又唔重，奶又冇味，朱古力味又唔重😑😑仲要收緊$48一杯 我真係個腦好多個？？？？有冇人可以答到我

NUTTEA分店遍佈港九新界，今次經過銅鑼灣時代廣場，決定試一試佢哋既健康純素飲品，解渴之餘又健康，對於怕肥既女仔嚟講可以少啲罪惡感😛NUTTEA主打烘焙健康飲品，配上香滑濃郁嘅堅果奶，同多款健康既果仁，絕對係健康之選。店內除咗主打嘅堅果奶蓋與唔同茶飲或者水果茶既配搭，仲有精品咖啡選擇，款式非常多。今次我試左佢哋每日只限定100杯既伯爵朱古力堅果奶蓋茶同四季春堅果奶蓋茶!🧋伯爵朱古力堅果奶蓋茶($48)呢杯朱古力堅果奶蓋茶100%純朱古力無牛奶添加，口感非常濃郁，堅果奶蓋好creamy，食咗幾啖都已經有飽腹感。伯爵茶好香，飲得出有烘焙嘅味道，濃郁嘅朱古力同清爽嘅伯爵紅茶配合得天衣無縫！🧋四季春堅果奶蓋茶($36)四季春奶蓋茶飲落有種淡淡清香，堅果奶蓋十分滑身，配上果仁粒，口感很特別！

Nuttea 相信大家都唔陌生我都成為左佢既小粉絲🤟🏻葵芳旺角鑽石山..都飲過好多間只係冇諗過第一次幫襯CWB分店就中伏🥹時間上，明明冇人但可以整好耐🙈其他分店無人2分鐘都實出貨呢間要整8分鐘左右先有咁耐應該係慢工出細貨？事實係出到嚟個奶蓋杰撻撻完全冇左奶蓋幼滑嘅口感😭由於太杰，所以杯野個外觀都好核突😭本身心情好好但見到杯野真係覺得好sad😞我都唔係好明，飲咗咁多間分店都冇問題，點解CWB會咁😞難怪以前樓下喜茶都冇咩人幫襯突然間多番咁多人俾我飲完一次呢杯奶蓋，我都寧願落去飲芝士奶蓋🤨 (只係我唔想飲喜茶🫣)希望Nuttea可以留意吓改善返呢個問題🙏🏻比大家睇下個對比⬇️

大熱天走在街上，身體水份特別易被蒸發晒，極度需要補水，而有嘢𡁻、又甜甜地嘅”廢水”，好容易會成為我嘅首選。不過……其實同時期我又控制體重中，點都要忍吓口。今日同事就俾左個折衷我……Nuttea😄有控制體重嘅朋友仔都知道堅果類食物係最好嘅零食，因為堅果容易有飽腹感，可抑制食慾；不少測試亦證明堅果可以有效降低膽固醇，同改善腸道健康。Nuttea主打純素，不加牛奶或者奶精，反而選擇了工序較繁複嘅堅果萃取，去調製成醇滑香濃又較健康嘅堅果奶茶。我今日就買左杯伯爵堅果奶茶，入口非常順滑，細嚐之下更飲到濃濃嘅腰果香味，微微嘅合桃味；搭配我喜愛嘅Earl Grey，味道有層次、無衝突，大熱天，不用兩分鐘整杯喝清了。😁

行街行咗好耐，經過City Super，見到nuttea，之前有朋友同我講過話呢杯嘢飲好健康，因為好多堅果。咁都幾好呀。本身仲諗住睇吓會唔會有🧋🧋珍珠奶茶嗰啲飲。跟住我就買咗伯爵朱古力堅果奶蓋茶，我見到佢話限定100杯㗎咋，好好彩我都買到。成件事完全唔同講法，即刻覺得自己好健康😁😁等咗一陣就有得飲啦，首先要打開個蓋，用匙羹食咗面頭啲奶蓋先😋😋😋食到碎碎的堅果，好厚實同好香嘅奶蓋，厚到可以產起嚟食😍超級無敵滿足！食完之後就開始飲，佢寫到明要45度斜斜地咁飲，一入口就係好香嘅伯爵茶味道，香濃嘅茶味配合堅果嘅奶蓋，我覺得簡直係Perfect match！飲完仲覺得好飽肚，好抵呀！喝到健康繽紛口感，提提大家記得兩個鐘頭內飲。

最近迷上左手調飲品，除左坊區一般既台式飲品店之外，仲好欣賞呢間以堅果做招牌既手沖飲品店Nuttea。佢有幾間唔同分店，不過數目唔算多，希望會再擴充分店，多啲機會飲得到。飲品選擇都幾多，除咗有招牌堅果系列之外仲有普通嘅手沖飲品。我當然係叫佢嘅蘋果脆脆楓糖堅果奶蓋茶，面頭奶蓋好香，入口即溶，茶味濃郁。而佢扁桃嘅蘋果脆脆甜甜地甘，又幾夾奶蓋同茶香味，係幾唔錯！另外佢仲有個好細既剷仔比你兜起奶蓋黎食，都幾得意！

今日行過city' super見到一間以堅果沖調飲品的店子，牆上鑲了五支存放着不同堅果的膠柱，很具代表性。 開放式的店舖，沒有坐或企位，只供外賣，舖位雖小，但整齊企理，仲貼了不少飲品相片，睇落款款都好吸引。在多款堅果奶中，我揀了一杯蘋果脆脆楓糖堅果奶蓋茶 ($40)，去冰微糖，甜度正合我心意。原來係以蘋果茶做底，茶味和蘋果味兼備，好香。茶頂就是除了有堅果奶蓋之外，仲有甜美的蘋果乾，好好食! 堅果奶蓋豐厚綿密， 口感香滑，濃濃的果仁香中有啲鹹，仲有楓糖的香甜，一羹一羹大啖食，好滋味! 飲了一半就將果仁奶蓋跟茶拌勻，入口變滑，而蘋果茶配上果仁奶原來都好夾，喜歡！其實仲有好多好多口味，下次再來一杯吧! 

今日行街經過SOGO ，行到好頸渴同埋好熱，想飲下台式飲品，咁岩見到有間比較健康嘅台式飲品店，點解會話比較健康，因為佢地係用堅果奶黎沖既。另外問店員，原來乳糖不耐症都可以飲到，真係幾好。我就叫左杯焙香堅果奶蓋烏龍茶，一打開就見到滿滿嘅奶蓋，超級吸引，而且喺表面上都鋪咗滿滿嘅果仁，食落去都幾有口感。拎到手嘅時間，店員另外畀咗個小匙羹我，原來係拎嚟食表面上嘅奶蓋，不過就算食咗部分，個份量都好多。所以我建議可以食一半，之後將奶蓋同茶溝埋一齊飲，咁茶就可以中和到奶蓋，唔會覺得太過肥膩。烏龍茶嘅茶味都好出，同埋奶蓋一齊食啱啱好，不過要記得攪勻先，因為奶蓋比一般嘅茶飲店厚，就咁用飲筒飲比較難飲到，飲完一杯就會好飽，大滿足。

好耐都未試過出嚟銅鑼灣，如果唔係咁啱去到港島，都好少可會過嚟呢面，不過難得黎到就行咗入商場睇一睇，咁啱喺商場發現到呢間舖頭，我之前都喺旺角飲過，味道比一般嘅茶飲店健康，但係都只係提供外賣，冇得坐喺度飲，不過餐廳嘅裝修幾特別，開放式嘅廚房，另外門口都有五條堅果柱，飲品方面種類都好多，有堅果奶、堅果奶蓋茶、堅果奶·茶、法蘭絨手沖精品咖啡、特選好茶、堅果汁和水果茶。另外都有啲限定嘅供應 呢度嘅奶係堅果奶，所以真係好少有，黎到我都專登叫堅果嚟試一試。我就叫咗伯爵堅果奶蓋茶，茶味好香醇，再將奶蓋跟茶拌勻之後，個味道又折然不同，本來清涼嘅茶，入口就變得好滑，而且甜度冇一般嘅茶飲店咁甜，值得推介。下次有機會試埋佢其他嘅種類