NUTTEA (兆英商業大廈)

營業中

休息中

好鍾意❤️飲奶蓋但又害怕奶蓋肥膩，堅果奶蓋就剛好解決呢個問題，而且絕對是乳糖不耐症的人的一個好消息，素食者都可以飲啊！➰葡萄堅果奶蓋茶➰厚厚一層奶蓋一點都不吝嗇放到滿下層是黑加侖子打成的沙冰飲完一點罪惡感都無🤫

話說我哋行吓行吓，行到開始有啲口渴，咁啱就遇到呢間賣嘢飲嘅～ 喺等待嘅過程⌛，呢間舖頭用咗9幅圖同少量文字話我哋知，一杯堅果奶係點嚟⋯️·伯爵朱古力堅果奶蓋茶🥤飲之前，店員姐姐俾咗個木製小鏟子我，好彩我有留意佢蓋面上嘅3種建議飲法。首先，我用咗小鏟子去食個朱古力堅果奶蓋，佢嘅味道即時令我諗起每人細個必定食過嘅夾心朱古力條⋯🙊因為佢有好濃郁嘅朱古力味之餘，仲夾雜住堅果味，然後起勢咁湧出嚟！😆跟住，我再45度角傾斜杯嘢，咁就飲到清新怡人嘅淡淡茶底。 最後，均勻攪拌就變成1杯特厚奶蓋茶。真係1次過滿足晒我3個願望，每1種飲法都好有驚喜！！🤩🤩 好飲得嚟又好玩⋯⋯正！！！🥸·紫米堅果奶 — 熱🥤咁佢就話要飲熱，所以就揀咗呢杯季節限定嘅嘢飲。飲落嘅味道係層次分明嘅～先係食到一粒粒紫米，連隨佢嘅紫米香；再嚟就係濃郁嘅堅果味，好快咁走埋出嚟；最後就係順滑嘅奶香，將所有嘢變得好圓滿～簡單啲講，係會覺得好飲嘅！！😝😙·好想喺度讚一讚👍🏻👍🏻呢間飲品店所用嘅飲管同小鏟子，分別係用環保可回收嘅紙同木造♻️，係追求Green Living嘅生活態度～🌏

今日去中環食沾麵，食完之後都想同朋友仔飲翻杯特色茶，朋友就話一間叫Nuttea 的鋪頭好唔錯，成日幫襯，於是就去試啦。伯爵朱古力堅果奶蓋茶（少冰少甜）賣相相當之靚，奶蓋勁勁勁厚。 最特別嘅係， 一杯茶有三種飲法，第一，先用匙羹試下個奶蓋，奶蓋有好重嘅朱古力及堅果味， 第二就可以試下 直接飲用，感覺奶蓋的醇滑以及茶味的香濃。 最後，就可以將兩者混合，嘗試兩者之間的互相配合。 而呢一杯茶的平衡做得相當好，而且完全唔會過甜，每一步都可以試出個種材料的原味，而混合過後，又出奇地夾同平衡，大推！！！粉紅莓好堅果奶蓋茶（少甜）呢杯有少少似沙冰的感覺，飲落比較酸甜，夏天解暑一流👍👍👍而奶蓋亦有濃濃的堅果香味，喜歡果味的朋友絕對可以一試

周末好去處，由西環、上環、再落到中環，在各處的特色壁畫上打打卡，又順道看看活化了的中環街市。友人嚷着試試「NUTTEA」，好吧，反正沒試過。搭級而上，店鋪雖然不大，但裝潢骨子，加了很多綠化元素，又放了一筒筒堅果做裝修，非常切合主題。顧名思義，主打就是以堅果奶製作的茶品及奶品，還有就是堅果汁、水果茶、手沖咖啡、特選好茶……等等。當然，長途跋涉，就要試一試店家的招牌堅果奶蓋系列吧！店員更補充，他們的堅果奶都是每日新鮮研磨，營養十足。要數人氣，就是這個每日限定的「伯爵朱古力堅果奶蓋茶」（$48），賣相很有霸氣，奶蓋有十分濃厚的朱古力香味，感覺猶如吃着朱古力雪糕般，而且，萬分幼滑，裡面還藏了好些堅果仁碎，往下的伯爵茶啜一口，幽香無比，最後將兩者混和，出奇地般合拍，構成一種獨特的風味。另一杯亦選了既人氣，又推薦的「粉紅莓好堅果奶蓋茶」（$47），外觀甚有太空星體的感覺，非常有層次感，堅果奶蓋非常好味，質感稠厚綿密，並充滿堅果香氣；至於下面的士多啤梨果茶酸爽清新，而且，果香來得自然，相當出色。兩款的堅果奶蓋出品都各具特色，亦十分好喝，怪不得，在此疫境下，依然可以在各區都越來越多分店。

9 0 後 的 味 蕾.珍珠奶茶舖開到成行成市，間間味道參差不一，有時真係想搵一間有特色嘅，唔好浪費一杯嘢飲嘅quota！.真誠推薦「Nuttea」嘅堅果奶蓋系列，店員介紹係用五種堅果萃取嘅純素堅果奶蓋，仲要係每日新鮮研磨，健康過傳統嗰隻，仲要冇用牛奶都可以整到勁軟滑，素食者都可以享受到！.個人會建議要試吓佢哋嘅王牌，🤩伯爵茶朱古力堅果奶蓋🤩，朱古力味香濃，每食一啖雖然邪惡，但係勁滋味。茶同奶蓋兩層分明，我搭巴士拎到返屋企，都唔會溶到溝埋變成一杯普通奶茶。.最好唔好用飲管，用個蓋飲口斜斜地飲，會飲到一啖奶蓋，隨之加多一啖伯爵茶，將奶蓋嘅膩沖淡，真係好正！.今次試埋佢杯熱紫米堅果奶，加入咗好多堅果碎，非常有飽足感，開頭第一啖紫米味冇咁濃烈，但係越飲就越強勁，越好飲，我覺得飲一杯，加一個包，夠哂飽足一個下晝。

今日去中環睇牙， 話說依家睇牙貴都算，到左仲要叫我過多3個鐘先翻去剝牙。咁就唯有周圍行下啦。見到NUTTEA，之前都成日同同事叫，但係一直都試唔到手沖咖啡奶蓋，個時店員話要早一日預約。今日一場嚟到就諗住碰碰運氣，點知真係比我見到手沖咖啡奶蓋🤩🤩講返杯嘢飲，$45其實已經飲到好飽。 飲咗咁多杯其實我最鍾意就係呢個咖啡同埋伯爵朱古力堅果奶蓋。今次一次過要曬兩杯🤭 今日我係第一個客， 所以好快就拎到。咖啡揀左微甜， 我覺得同Asahi微糖咖啡差唔多甜， 咖啡都香，我覺得比起平時嘅茶更具香味，更加夾🤩因為那個本身都潔身所以令到成個咖啡好滑口， 好推介。朱古力奶蓋就係偏甜嘅一個飲品， 但係可以一解想食甜野嘅衝動， 不過就邪惡小小🤣要跑多幾次步先得

今日去左nuttea,叫左一杯野飲，叫左杯伯爵朱古力堅果奶蓋，只係等咗大約3分鐘左右就已經整好，店員都好快手，味道方面佢個奶蓋好有朱古力味，如果你將佢溶化埋落啲茶入邊一齊飲味道都唔錯。我覺得好值得嘗試，價錢係$48。

呢間手搖飲品店一啲都唔陌生，主打健康堅果奶。今日試吓呢個綜合堅果奶，係兩款時令水果，今次係火龍果加西瓜，再溝埋堅果奶既milkshake咁。本身水果有果糖所以叫左無糖，健康首選。

中環nuttea係旺區附近，人流頗多，而且舖面既裝修用心（除左介紹堅果奶既來源，仲有定期更新既人氣排行榜，令人係繁多選擇之中搵到最適合自己既一杯飲品）。牛油果堅果奶 $47Avocado Nut Mylk 🥑用上新鮮牛油果，加入濃郁芬芬既堅果奶，Texture比較厚實而細膩，後勁有牛油果既清澀味，略到獨特的水果風味，又可以食到少少牛油果既果粒。整體既營養價值極高，主打純素堅果，健康飲品必選！伯爵朱古力堅果奶蓋茶 $48Earl Grey Tea with Chocolate Nut Cream 🍫伯爵紅茶與香濃朱古力混合既口味剛好，用上100%純朱古力，唔會太甜！上面既nut cream用匙羹食更試出超thick既口感！

近排脫離左唔健康嘅珍珠奶茶，試吓新嘅就係堅果飲品！平時都會買啲五穀堅果粉沖黎飲，鍾意濃郁堅果味，但平時出去買即沖粉嘅話會有粉味（唔知飲開嘅大家會唔會知我講緊嗰隻味）反正就奇怪，今次試吓真材實料嘅堅果飲，特別濃郁又健康！叫咗香芋堅果奶，香芋冇特別濃郁，但係堅果香好好飲，可能因為咁就蓋過了香芋的味道！之前飲過嘅牛油果堅果奶嘅平衡就比香芋堅果奶好！我自己超鍾意伯爵朱古力堅果奶蓋茶，我自己超鍾意飲伯爵茶，佢嘅奶蓋雖然堅果味唔係好重，但係好濃郁就咁試一試佢嘅奶蓋係一試難忘！

Nuttea🥜🍵已經唔係第一次飲, 自從飲過一次就完全愛上, 因佢地既奶蓋與別不同, 係用堅果奶製成的, 感覺上健康的😙今日食完午餐行左陣口啖啖想揾杯野飲吓, 咁岩見到中環都有分店, 呢期港九新界都見到佢哋, 真係方便哂我呢中意飲手搖飲品但又想追求健康嘅朋友仔😁1/ 培香奶蓋烏龍茶🥤 $45本身食野食到好滯, 所以特登叫咗茶底既飲品🌝佢哋嘅茶底清新甘香, 非常消滯解膩, 而特厚Creamy而且smoothie既奶蓋係我既最愛😍2/ 粉紅莓好堅果奶蓋茶🥤 $47店員推介呢杯季節性既人氣飲品, 同樣係比較消滯既飲品, 紅莓味重, 感覺酸酸甜甜, 而且天氣回暖左好多, 飲呢個口味相當解渴, 希望佢做耐的呢個季節飲品啦🥺相當適合春夏季飲👍🏾

NUTTEA自從登陸香港後迅速發展至旺角、九龍灣、大埔、鰂魚涌、銅鑼灣等分店遍佈港九新界，多次回訪亦從未令人失望。顧名思義NUTTEA主打招牌堅果茶，除此之外更有水果茶、冷萃茶及手沖咖啡等非堅果類飲品。粉紅莓好堅果奶蓋茶 ($47) 堅果奶蓋一如既往質感稠厚綿密，由合桃、杏仁、榛子、夏威夷果仁及腰果製作而成，堅果香氣濃郁醇美，好比金莎朱古力忌廉；士多啤梨茶酸甜清爽而果香自然。香芋堅果奶 ($40) 當中真材實料混有粒粒綿密芋頭，堅果奶同樣醇香濃厚，但另一邊廂則令芋香顯得相對薄弱，顧此失彼，個人始終比較喜歡芋頭與鮮奶的配搭。

天氣咁凍，最岩就係買住杯飲品一路行一路拎住暖手，今日又經過nuttea，諗番上之杯野都幾正就又行左入去☺️。🐒焙香堅果奶蓋烏龍茶💰$45嗌呢杯最主要都係因為對佢個奶蓋念念不忘，果然冇令我失望，去nuttea真係必嗌堅果奶蓋😍就咁用佢個匙羹食真係好幸福，茶底就正常偏淡，平時飲開走甜但今次唔記得左但都唔係話特別甜，但因為奶蓋係凍，所以杯野就會變左暖。🐒紫米堅果奶💰$42呢杯係熱飲排行榜首，果然對得住佢個名銜，飲落夠熱得黎入面仲有唔少紫米，味道夠濃又足料，好似食緊紫米露咁，天寒地凍有杯咁嘅嘢真係好滿足🥰

今日去中環與朋友吃午餐，吃完後覺得非常好渴。走著走著，發現這間人氣飲品店Nuttea，所以便與朋友走入去喝一杯啦。 飲品用堅果奶製成，純素素食者一樣飲得呀。而且飲品種類很多，有奶蓋茶，有堅果奶，水果茶等等，好豐富嘅!!!粉紅莓好堅果奶蓋茶 $45 招牌之一的粉紅莓好堅果奶蓋茶，有濃郁的草莓香，又有草地果肉，非常好飲。 葡萄堅果奶蓋茶 $41 這款奶蓋茶同樣不錯，有好濃的葡萄味前，不過草莓味更得我們歡心。

見d同事間唔時放lunch都會買呢間嚟飲，都話好飲。今日放工路過，決定入去試下。店面乾淨整潔，門口就見到4大札唔同既堅果，直接了當表達左舖頭既特點，堅果同茶飲。menu選擇唔少，對於唔經常飲茶飲既我來講，有d花多眼亂，最後簡左蘋果脆脆楓糖堅果奶蓋🍎同宇治抹茶堅果奶蓋🍵。可能因為依排夜晚無堂食，人唔多，等幾分鐘就有，仲比左支匙羹仔我筆住食d堅果同奶蓋，幾有諗法，有創意👍👍。蘋果脆脆奶蓋鋪左一層蘋果脆片係奶蓋面，同奶蓋撈埋食口感幾特別😋，楓糖味其實唔太食到，不過都好，唔會喧賓奪主，果汁好fresh幾高質，感覺唔似d溝糖水果汁。宇治抹茶堅果有驚喜😋😋，抹茶本身小小苦苦地，配合奶蓋調和個口味更易入口，配搭相當夾👍。試完明曬點解同事特登落去買，真係唔錯，值得一試👏👏。