NUTTEA (兆英商業大廈)

營業中

休息中

夏日熱辣辣，行咗一陣街已經大汗搭細汗🥵🥵 今日去咗上環整啲嘢，行咗陣已經頂唔順要買嘢飲，我嘅首選就係NUTTEA堅果奶蓋茶🥰 呢間茶飲係綵用咗五種堅果整成嘅奶/ 奶蓋，蛋白質同營養都好豐富🥰 🥭🧋 芒芒堅果奶蓋茶 （$45）第二次飲芒芒堅果奶蓋茶🥰 奶蓋好creamy又好rich，芒果茶一樣都係咁多果粒，兩樣分開同夾埋一齊都係咁好飲😋🍫🍌 香蕉朱古力堅果奶 （$45）第一次試呢杯香蕉朱古力堅果奶，因為朋友飲茶同咖啡怕會瞓唔著，所以揀咗呢杯奶💛 香蕉同朱古力味道香得嚟唔似糖精，而且唔會太甜，成杯嘢飲營養豐富又好飽肚😋

行到熱一熱，去左飲野（左）芒芒堅果奶蓋茶，我選左半糖，呢到啲奶蓋比較潔身，係要用匙羹先食到，但我覺得比較heavy 都係溝埋一齊黎飲好啲（右）伯爵朱古力堅果奶蓋茶，呢個係招牌！真係好飲啲，個朱古力奶蓋超好味，好似平時食啲蛋糕咁，但又less heavy ，好正

今次是老闆帶頭說要喝，亦請同事，我當然要試剛出新款式！芒果奶蓋 $45奶蓋一如既往那麼綿密又夠香，加了幾粒芒果肉，杯底更是芒果蓉，一定要攪杯底，否則芒草果味會好淡！

I’ve been to Nuttea so many times. It is definitely one of my favorite places. I always get the nut cream series.I’ve tried different flavor such as strawberry fruit tea, grape fruit tea, and my go to is earl grey tea nut cream. ✨✨✨Going with my friend today and he tried the mango fruit tea w/ nut cream.✨✨✨The nut cream is just so fluffy so creamy! Perfect for ppl who doesn’t like dairy so much. Aka me😂 highly recommend!

好友係炎炎夏日行街 搵下附近有咩飲品店買飲品飲下 朋友搵到呢間之前佢飲過好味道嘅nuttea 佢話呢間店嘅奶蓋只有堅果無落牛奶 而且味道一流 係營養同健康嘅飲品叫左芒芒堅果奶蓋茶同埋焙香堅果奶蓋烏龍茶試下呢杯芒芒堅果係夏日限定，當然要試下。首先綿滑厚厚嘅奶蓋夠晒吸引 食落好幼滑仲有粒粒芒果肉 口感一流又夠香 同平時飲嘅軟稀身奶蓋唔一樣 放耐少少都仲唔會稀晒 用料十足 茶底亦好香 飲落清新 好滿足 朋友杯焙茶堅果奶蓋同樣好creamy同香滑 食起嚟又無芝士奶蓋咁膩同邪惡 配合非常清新茶香 個人更鐘意呢杯 淡烏龍茶淡茶香漫漫滲出 因為個奶蓋已經好香濃 配淡香茶底反而覺得好夾雖然佢嘅價錢比一般飲品貴，但我覺得都係物有所值，令人回味！

好耐無飲nuttea，今日咁岩經過中環又唔洗排好耐隊，就去買好耐無飲過既奶蓋!!呢排都出左唔少既新野飲，例如係期間限定既草莓堅果奶蓋茶，但因為食得太飽，唔想飲太膩既野，就選左焙香堅果奶蓋鳥龍茶，而朋友就點左手沖堅果奶咖啡！焙香堅果奶蓋鳥龍茶，濃厚既奶蓋，雖然好肥但都係抵擋唔住誘惑，奶蓋一如既往有好香既堅果味，唔會太甜，好似食緊金莎咁，而呢杯係焙香既奶蓋，所以仲會多左d焙茶既香味，配埋鳥龍茶飲就岩岩好唔會覺得膩！手沖堅果奶咖啡，朋友話咖啡味好香，配上堅果奶別有一番風味，因為坊間既咖啡店都比較少飲到配堅果奶既咖啡，而甜度就岩岩好！下次可以試下堅果奶配其他飲品，見menu上都有唔少既選擇！應該都好難可以試哂🤣

身為珍珠奶茶fans嘅我，又係飲珍奶嘅一日！聽講Nuttea有全香港最好飲嘅奶蓋，所以我今日就決定試一試今日同友人去就order左兩杯，一杯係芒果奶蓋，另一杯係咖啡奶蓋兩杯都十分之出色，不愧係比人封為最好飲嘅手搖先講佢地嘅奶蓋，真係有好豐富嘅奶味同帶有少少杏仁，而且飲完完全唔覺得濟其次佢地飲品方面，不論係芒果同咖啡，都做得好出色，芒果嗰杯食到有果肉同每一啖都有芒果味，咖啡嗰杯就完全唔輸出面貴價咖啡店嘅咖啡，比得上佢地嘅奶蓋一個字，正！

今日熱到爆炸 成30度 想搵啲健康啲冇咁肥既野飲下 行行下發現呢間NUTTEA 之前有係其他分店飲過都唔錯 就一於買佢啦 佢呢到個舖位唔太顯眼 係條巷入面 咁岩行過見到個招牌燈仔 今次叫左季節限定既飲品消暑 粉紅莓好堅果奶蓋茶 $47 👍🏻👍🏻👍🏻👍🏻呢杯飲落超清新既感覺 唔太甜 而且係好真既士多啤梨味，唔係個種士多啤梨syrup 味 鐘意食士多啤梨既朋友一定要試！葡萄堅果奶蓋茶 $42 👍🏻👍🏻👍🏻👍🏻👍🏻小編比較鐘意呢杯 因為甜啲🤣 提子既香味十足 而且混合埋奶蓋一齊飲 會有少少creamy 又係另一種口感👍🏻

中午食得唔係好夠，本身想搵杯珍珠奶茶飲下，但諗起老公有lactose intolerance 就打消左個諗頭，廢事俾佢話我無佢心突然間老公話不如飲NUTTEA先醒起中上環有間分店紫米堅果奶(熱) $42有選擇困難症嘅我一入到舖頭見到有個人氣排行榜，中女如我最近想養下身就揀左熱飲人氣number 1 紫米堅果奶一飲落去勁足料勁多紫米，好香，啱晒平時鍾意食紫米露嘅我伯爵朱古力堅果奶蓋茶（凍） $48一飲落去茶底非常Refreshing 伯爵茶好香好清新，仲有淡淡的堅果香，微糖啱啱好唔會太甜又唔會苦澀，好啱夏天飲朱古力堅果奶蓋超級濃厚同綿滑，估唔到朱古力奶蓋原來咁好味我自己覺得分開一啖奶蓋一啖茶多過mix 埋一齊，因為可以好似一羹羹咁好似食雪糕咁好過癮翻兜指數:4/5📍NUTTEA (兆英商業大廈) (中環)中環皇后大道中151-155號兆英商業大廈地下C2號舖

一向都好鍾意飲手搖，不過飲一杯等於一餐飯的卡路里🤦🏼‍♀️朋友話我知 Nuttea 的堅果奶蓋茶又健康又好飲，今次試左佢地既人氣排行榜的皇牌👍🏻🌟伯爵朱古力堅果奶蓋茶 $48 🍫~ 呢杯係Top 1，每日限量100杯乍，必試啦😍奶蓋好綿密又滑，充滿堅果味，面頭仲有啲朱古力粉，texture 好creamy好rich😋朱古力、堅果、伯爵茶三種口味完美配搭伯爵茶底好香，奶蓋唔會蓋過伯爵茶嘅清香，無論分開食奶蓋定係同伯爵茶一齊飲都係個好享受，真係好飲得嚟又健康呀🤩🌟粉紅莓好堅果奶蓋茶 $47 🍓～ 店員推介我飲呢杯期間限定款！佢上面係士多啤梨味奶蓋，十分厚身又綿滑，份量十足，有點鹹香又有堅果味道，好正！叫咗微糖，可以飲到新鮮嘅士多啤梨味同埋茶香味🤤奶蓋用堅果調製，表面灑上杏仁碎，加上用上新鮮既草莓打成沙冰，酸酸甜甜，最初仲驚士多啤梨味似藥水味，出奇地覺得好好飲，好清新，果然無介紹錯👏🏻📍NUTTEA (兆英商業大廈) (中環)中環皇后大道中151-155號兆英商業大廈地下C2號舖

今日好特然落大雨，搞到成日都唔知食咩好。 同事介紹不如去試下呢間Nuttea茶飲店。 佢話呢間唔單止係一段既奶茶，仲有出名係堅果茶。 好飲之餘又健康又飽肚。所以今日就試下先。放工時段同同事行過黎，都好易搵。 果然好多堅果茶。 我就簡左3星推介既黑芝芝堅果茶，同事就係烏龍堅果茶。 熱飲半糖。 飲落好暖胃，都有幾飽肚，細食既話真係可以當一餐。同事話佢既烏龍茶好香，夾住堅果竟然唔失色。 而我既黑芝芝即係黑芝麻堅果好香芝麻味，有啲似食健康代餐既感覺。 仲要佢既堅果磨得好細，好易入口。 果然係同一般既茶飲店好唔同。茶膽好香，除左一般既茶，奶茶，果堅果茶都係一個好好既選擇，而且佢仲有咖啡添。 真係有多好多野可以試。 同埋熱飲都好大杯，下次可以再試多啲款。

平時出街好鍾意買杯野飲，邊行邊飲。但飲得珍珠奶茶🧋多，成日凝住唔係咁健康。Nuttea主打用堅果🌰整嘅奶，比較健康🤣.伯爵朱古力堅果奶蓋茶 $48 🍫🌰🥤 作為朱克力fans，見到呢杯仲要係No.1，梗係叫啦。奶蓋幾寸厚，好creamy，口感綿滑仲有啲似食緊朱古力慕絲，食極仲有咁🤣食完奶蓋有啲飽，飲返啖清清地嘅伯爵茶🫖解下膩，正🤪.香蕉燕麥堅果奶 $40 🍌🌾🥤我覺得呢杯好啱做早餐，奶打得滑之餘仲保留少少燕麥口感。香蕉🍌味好出，但唔會cum晒其喺味，都會飲到燕麥味，成杯飲完有飽腹感，主食都唔使再食🥳.飲品嘅選擇仲有好多，無奶嘅堅果🌰汁都有，唔知係點樣，下次試埋其他飲品先🤩

差唔多成年前，試過中環主打以堅果奶為賣點嘅「NutTea」，當時小弟就試咗最人氣嘅「伯爵朱古力堅果奶蓋茶」，而買俾老婆試嘅喺「牛油果堅果奶」，兩者感覺都唔錯。今回食完晏經過開，貪口爽又買咗杯返公司嘆。小店環境唔多講，因為上次都有寫，總之裝潢無變，仍帶種小清新嘅感覺，最搶眼都喺一筒筒嘅原粒堅果。例牌，都照掃描張價目表俾大家做參考，睇番啲價錢，都喺比往年調高$1而已，算喺濕濕醉啦。牆上貼出咗一個人氣排行榜，「伯爵朱古力堅果奶蓋茶」依然喺第一位，上次嚟話期間限定，睇嚟都已經變成恆常出品。第二位喺「粉紅莓好堅果奶蓋茶」，呢個有興趣試喎，因為近日天氣熱番，睇佢張推薦介紹單張，睇嚟好爽咁，再者，標示為季節限定，真喺唔知之後仲有無。順帶一提，佢哋有張溫馨指引，教大家點樣用個小剷仔享用堅果奶蓋，當然，想點飲大家都可以隨心，不過，我就有跟喇。粉紅莓好堅果奶蓋茶 $47賣相一身艷紅，拎上手又好夠份量，果然「好堅」，面頭嘅堅果奶蓋真喺打得好綿密，口感細緻幼滑，有陣陣果仁香氣。話就話喺草莓果茶再加入大量堅果奶蓋，不過，裡面似似哋沙冰多過喺果茶，因為成杯打側超過45°都唔會瀉出嚟，淨飲下層嘅果茶酸香清爽，果香自

係呢個咁炎熱既夏天, 凍飲真係無可避免! 想飲得健康的可以選擇Nuttea🌰, 我鍾意佢嘅原因因為佢哋嘅奶係堅果製造, 堅果可以帶黎飽肚感！某程度上即係代替左一餐😆岩哂我啲減肥人士😂😅呢間分別係中環核心地段, 而我見Nuttea係香港選址都係旺區, 十分方便, 原來健康可以咁簡單👍🏾1/ 伯爵朱古力堅果奶蓋茶☕️ $48厚厚creamy既堅果奶蓋, 令人感覺好滿足, 茶底香濃, 配合一齊飲感覺唔會好溜, 但又好有飽肚感👍🏾2/ 黑芝芝堅果奶🥛 $42呢個款色冇奶蓋，但整杯就用堅果奶製，得一次直接飲堅果奶，香濃, nuts味重, 配上大量既黑芝麻有趙口同時亦增加飽肚感👍🏾其實佢仲有好多唔同既款，有個仲係全奶蓋，好想快的哂唔同既口味😍😍

已經買過好多次Nuttea（要多多支持💛），每次都唔會令人失望，尤其是係鍾意奶蓋texture但又唔飲得奶 / lactose intolerant嘅人就更加可以買黎過過口癮！今次叫咗繽紛火龍果奶蓋茶💓，顔色好鮮艷好靚，但其實會見到店員全部都係用新鮮紅肉火龍果打出黎，無加其他色素~ 杯奶蓋茶叫咗走甜，所以全部都係火龍果天然甜味，飲落都好清新好啱夏天！💦個奶蓋係就咁試一啖唔會話同普通奶蓋一模一樣味，但都真係超濃厚！但其實唔係好飲得出係邊種nuts整，所以驚好大陣果仁味嘅就唔駛驚另外叫咗宇治抹茶堅果奶蓋茶，抹茶唔澀🤩可以濃啲就仲開心啲，但溝埋啲奶蓋就好滿足