Nonsense

見網上好多人大讚佢個軟心巴斯克蛋糕，專程搭車過黎食，結果極度失望。叫左開心果味同蘭姆葡萄味，中間完全冇軟心，似係一舊普通雪硬嘅芝士蛋糕，重要芝士味唔香濃🥲 唔知係我唔好彩定佢真係差啦，但唔會再叫第二次。燉蛋亦冇乜香甜味，雪糕就正常。意粉味道中規中矩，但份量比較少，帶子炒意粉冇乜味道，唔建議叫。後來先聽聞佢嘅煲仔飯都係比人大讚好食，可惜我就冇試到喇🥲平日去到都坐爆，唔少人叫煲仔飯，我諗呢樣應該好食既😂

好香，有飯焦，脆卜卜豬肉口感軟腍腍聞落好香海鮮味，但食落比較淡蝦肉爽口服務好週到，會不停提你小心熱煲仔飯會連埋隔熱夾夾送到枱上冇茶餐廳煲飯等咁耐，又乾淨呢個非傳統煲仔飯幾特別，又夾到

隱世的fusion菜，餐廳裝修格調簡約舒服，兩邊牆身有塗鴉同霓虹燈裝飾。餐廳本身係主打日西式料理，當中最特別是日式煲仔飯和芝士咖哩鍋。大蝦蟹肉蝦油日式煲仔飯必試主打fusion煲仔飯已經十分有創意！味道都有驚喜！首先一上枱，蝦香味溢美，可能是加了蝦油的原因。一開始先試了原味，之後再加豉油調味。足料的煲仔飯原味，拌勻後入口是滿滿的蟹肉和蝦肉的香味，再加上微微的飯焦，大蝦彈牙，十分香口鮮味。加上日式甜豉油加持，更貼近港式風味，特別是超熱煲仔保溫之餘，還可以製造超香脆飯焦（需要耐心等候）。最後加上蛋黃更是剛剛好！炸軟殼蟹•海鮮•芝士咖哩鍋 •烤油餅這是另一款招牌菜，一樣超足料！完隻炸軟殼蟹，再加上蝦、魷魚、青口等等！軟殼蟹炸得酥脆加上惹味印式咖喱和滿滿香而不濃的芝士，除了拉絲芝士邪惡的視角享受，更為咖哩增添了多一層嘅口感。烤油餅熱辣辣，外層脆，裡面還是軟軟的，配試上海鮮、咖哩和芝士，絕對是大滿足！開心果巴斯克軟心芝士蛋糕一共有15款不貼同口味的巴斯克軟心芝士蛋糕，有選擇困難的朋友要小心！這一款招牌甜品可以配搭雪榚或者法式焦糖燉蛋。巴斯克軟心芝士蛋糕的特徵是有著深棕色的焦糖外表，表面略為起皺、

平日都有唔少人聚餐/慶生，雖然位置唔方便，主食方面價錢略貴，但服務好好，又冇限時。次次都見到人推薦佢嘅特色煲仔飯，但我覺得佢嘅巴斯克更加抵食高質！*松葉蟹甲羅盛•海鮮•日式煲仔飯 $198先將蛋黃同蟹膏蟹肉撈勻，再倒入煲仔飯，將所有海鮮撈埋一齊，按自己喜好加入豉油。整體味道好淡，一定要倒豉油，鮮味微乎其微，完全食唔出蟹膏味，而且冇煲仔飯嘅焦香味。炸軟殼蟹椰香喇沙扁意粉 $168意粉煮得啱啱好，偏硬啱我口味，喇沙汁微辣又夠濃厚。炸軟殼蟹脆卜卜，炸衣略厚，份量偏小。海苔炸單骨雞翼 $68雞翼調味偏淡，紫菜味微乎其微，海苔屬於點綴性質，唔推薦。焙茶巴斯克配NONSENSE自家制Creme Brulee $58巴斯克外焦內軟，焙茶味濃而唔澀，隱約有芝士奶香，高質之選！焦糖略厚，燉蛋有蛋香但偏甜，質地有啲嚡口，揀雪糕會比較好。開心果巴斯克 （7吋） $2984點左右打去預留拎走，第二日慶生切蛋糕。雖然外表平平無奇，但係佢做咗巴斯克蛋糕嘅要求：外層焦黑、內層軟心，芝士味同開心果味啱啱好互相平衡到，果仁味唔係特別濃郁，但食得出開心果味，真心好抵食。

冬天終於嚟啦❄️氣溫突然急降🥶🥶又係食煲仔飯嘅時候😍食得多傳統煲仔飯，原來日式fusion煲仔飯都好正🤤🤤 🥘 黑毛豬肋肉日式煲仔飯 ($188)上枱時好熱辣辣🤩炒鬆啲飯時真係要小心燙親🫣一路炒一路已經聞到爆香嘅豬油香🤭煲底仲要充滿飯焦😍 正！見啲豬肉咁厚最初仲怕好靭😅點知係勁嫩，肉味好濃😋再加埋雜菇同蛋汁，唔加鼓油都已經勁夠味勁好味🤤🤤🤤🍳 Nonsense全日早餐 ($168)與其叫呢個做ABD，不如叫做豐盛海鮮早餐😆有香煎大蝦，仲有三文魚扒😍芝士豬肉腸唔會勁咸，多士係丹麥吐司😋全部都勁高質👍🏻👍🏻🍰 原味巴斯克軟心芝士蛋糕 ($58)巴斯克蛋糕都係係餐廳招牌菜😋佢哋一大賣點😎可以揀配雪糕或者焦糖燉蛋，但點揀都會被芝士蛋糕比下去😂😂蛋糕充滿芝士味，唔會太甜，做到軟心得嚟又唔覺膩😙☺️☺️一人叫一份就啱啱好😎😎☕️ 沖繩黑糖Latte ($40)黑糖味勁濃😌但有啲過甜，略為蓋過咖啡味😝📌Nonsense 土瓜灣北帝街143-155號順輝大廈地下4號舖

凍凍地, 想食煲仔飯, 同朋友上網搵下, 發現呢間都算就腳(及近友人屋企), 而且未試過, 就約埋一齊去試, 當晚一行3人。初先係網上見相片, 以為個飯好大, 點知誤會左另外叫左黑松露炒雜菌, 但掛住食, 唔記得影相, 呢個好味甜品都唔錯,叫左日式卷蛋,  但都係無影相, 原先想試特濃伯爵茶, 但賣哂, 所以就虐左蝶豆花樹莓, 味道唔錯, 酸酸甜甜, 無咁漏, 另加錢試埋法式焦糖燉蛋, OK, 無特別。飲品: Home Made Lemonade (只可以話老闆出手闊綽, 俾好多檸檬Smoky Rose Lemonade (呢個特別, 可以一試)Perfume Fruit Onlong Tea (呢個好得意)

揀左依間Nonsense同閨蜜慶生👯‍♀️小編一早就打左去book位叫餐廳職員畫碟～揀左個好耐再打去mark內褲兔opanchu usagi 想要彩色字🤣店員問話未聽過依個公仔🥹我叫佢上網搵搵希望畫到我fd好鐘意🥲最後佢地真係畫到仲超靚呀💯💯💯❤️1️⃣煙鵪鶉髀黑毛豬辣肉腸日式煲仔飯 $218煲仔飯整好即上～日本米煲仔飯食落帶點焦香加埋蛋漿同日式甜醬油，味道甜甜地唔會鹹～黑毛豬辣肉腸幾多，食落肉味濃唔會好乾，鵪鶉髀肉質嫩滑幾特別😆可以一試！2️⃣帶子白松露油蒜香炒扁意粉 $148炒意粉上枱幾香蒜味～意粉軟硬度剛好份量都幾多～整體感覺幾健康唔會油～帶子煎到金黃色食落彈牙juicy！推薦3️⃣斑斕榴槤日式卷蛋 $58推薦依款斑斕榴槤卷蛋～外層淡淡斑斕香味鬆軟蛋糕包住超多榴槤肉食落好滿足～榴槤控必點😌4️⃣開心果焙茶日式卷蛋 $58開心果焙茶卷蛋食落味道都唔錯，焙茶同開心果味道都好濃郁～一齊share唔會漏🥰5️⃣Rose latte | Rose Chocolate $40兩款都有拉花份量都okay～rose latte飲落都幾重玫瑰味，奶味唔算太出，rose chocolate 不過不失，朱古力味較濃😆

和朋友訂了下午六時的座位，當不算很多人，但之後發現也是一間人氣餐廳，客人很多～特別是有很多來叫蛋糕的～點了一個煲仔飯，飯量也很多，也做到飯焦的效果，感覺不是傳統的煲仔飯有點有趣。一上來可能是因為飯焦未形成，感覺是一個很好的飯而已。黃金單骨雞翼有很重的咸蛋黃味，挺好吃。海鹽焦糖咖啡就真的普普通通沒有特別，海鹽焦糖的味道也不太突出。至於巴斯克蛋糕58蚊一塊加燉蛋或者雪糕是挺化算的，味道不錯，培茶味的味道很濃，但是甜酒就不太突出酒味，有點偏甜，中心不夠流心。特別的是擺盤感覺用了很多心思，值得一讚。

偏貴但好食！黑毛豬煲仔飯🌟就係比佢吸引左🤩豬肉厚切好彈牙（近乎豬頸肉質地）飯都係粒粒分明有少少飯焦調味偏淡但佢有另上豉油可以自己加成個飯加埋好好味😋隔離嘅all day breakfast 都好吸引黑松露炒蛋好香🤩另外買左2件basque cheesecake 試好多味道選擇，我揀左玄米茶同鹹蛋黄玄米茶味比較淡，芝士多啲鹹蛋黄味夠重，但我食到蛋殻🫣質地就可以再滑啲🙈🙈

好耐冇想寫食評既衝動6:00入到餐廳已有2-3枱客我同先生都係見到openrice多likes先黎入到去就問有冇booking, 我哋都係隨心去食, 剩返一張枱限時1.5hr係門口見佢餐牌個封門柳好正 所以入到去睇menu都係叫返呢個。我都明，圖片只供參考，不過我覺得似兩樣野多啲。佢入面餐牌係寫澳洲和牛封柳門配大啡菇…但圖二個個封柳門…….似小食多啲…..薄切…仲要係凍既…..個片大啡菇仲要墊底…. 扁曬….呢個價錢$168加一…… 我真係唔會再黎！另外個黑豚肉煲仔飯係好食既$148有飯焦底，不過始終唔係用砂鍋，冇中式煲仔飯既香仲叫左杯西柚soda $58埋單$411都好明白點解港人都北上消費另外想講少少阿姨既服務態度可以改善下講野態度都幾衰見到有客人推bb車入黎，bb訓左佢地原本安排個張枱可能唔係幾方便放車仔，一口就話「你要收車呀，呢到放唔到」見個客都好無奈諗住自己泊埋少少，之後阿姨就話一係你坐呢張啦……咁即係一開始就可以變通啦，而唔係用呢d咁掘既態度講野。唔明點解咁多like..

作品說話🩷🩷🩷生日畫碟超級靚 超有心思 好多details俾驚喜主人公 佢好滿意 好開心😁碟豆花蛋卷口味酸酸甜甜 蝴蝶結蛋白餅裝飾鬆脆 襯晒kuromi👍🏻個醬都好有心思 黃色係芒果 紅色係士多啤梨🍓佢哋喺食物係好高質素嘅！畫碟要求每人消費一個主食 奈何我哋一個減肥一個病咗 真係食唔到咁多 惟有叫多兩個沙律 但沙律都好食🥰Cocktail有驚喜 infused oolong有得玩放氣 易入口得嚟唔係甜到起痰嗰種 味道清新平衡最後我哋因為臨時要用電腦做嘢 關門後坐咗好耐好耐 但餐廳都冇趕人走😭😭😭😭好耐冇喺香港食到咁人情滿滿嘅餐廳🥲下次一定會帶大胃王返嚟支持！🩷🩷🩷呢間會成為我嘅愛店🩷

 星期六日想找間Café chill下, 上網見到呢間café 好多人推薦, 因為知道呢間好爆場的, 所以我地趁佢12點開門就過來食, 所以唔洗點等就順利入左去, 入到去已經見到有幾台客坐左係到lol 星期六午市都有lunch set 唔算特別平, 價由都係$13X以上, 不過食落見到佢份量都幾多, 所以都抵食我叫左個西班牙黑毛豬肋肉日式煲仔飯。店員好細心咁提醒我個煲仔好熱, 同埋講埋要點樣食, 服務加分! 煲仔飯份量十足, 我估應該最少都有2碗飯以上! 煲仔飯最緊要係飯焦, 呢個都做到有少少飯焦! 黑毛豬肋肉食落有豬味, 口感軟熟, 撈埋D豉油醬香四溢! 再撈埋隻日本蛋, 件事又多左蛋香味, 幾好食!!男朋友就叫左個炸軟殼蟹滑蛋芝士丹麥吐司, 入面可以自選醬料, +$12可以簡黑松露醬! 黎到份量好驚人, 軟殼蟹好大隻, 炸得少少酥脆, 食落都好多肉。滑蛋多到好似瀑布，多士又夠曬厚, 應該差不多2吋厚。丹麥吐司邊皮烘得酥脆, 中間軟熟, 成件事好夾。餐廳整體食物質素幾好, 份量都好滿足, 下次來想食下 下午茶

呢間嘅巴斯克蛋糕我一直都有留意，行過見到就走咗入去試。呢個巴斯克蛋糕係絕對嘅口感驚喜，一咬落去，啲層次感就即刻爆發。有啲蛋糕底層好濕潤，中間嘅cream好厚實。蛋糕嘅內裡都好軟滑綿密，每一口咬落去，都可以感受到啲蛋糕嘅濃郁奶香味。揀咗一個茶味同一個酒味，兩隻味都好出，絕對唔係hea你。佢哋嘅巴斯克蛋糕唔係好甜膩，啲甜味都係恰到好處，唔會過分，好適合唔鍾意太甜嘅人。你可以一次過食好幾塊，完全無壓力！

生日見餐廳可以寫碟就book咗，個姆明畫得超可愛！一開始以為會淨係畫姆明，點知店員有幫手畫埋其他角色💖有蠟燭吹，而且店員會幫手影相，好正🦦嘢食都幾好食夜晚比較多人，最好book咗臺先～

得知有生日畫碟服務，冒昧問店員可否改畫聖誕主題，店員回覆一人最少幫襯一個主菜便可以。然後本身要求畫一個公仔就得，店方最後畫多一個俾我仲話係俾個surprise我，好驚喜！值得支持