NENE CHICKEN (青衣城2)

營業中

休息中

今天既晚餐食得非常唔愉快，對佢間餐廳非常失望。總括而言，服務態度極差，員工面色非常難看，尤其係年紀較大短頭髮既一位女員工。首先，基於我哋既人數關係我地提出想換枱，但店員指「佢地唔可以喺另一張枱落單」，但明明佢哋係寫手寫單，事實上並唔阻礙落單流程。另外落單既時候店員對餐牌非常陌生，擾攘了幾分鐘才明白落單內容，而且很多菜式也未能提供。最後，入座時店員指9：15要last order 9:30要走。但係到九點已經開始要求埋單執枱，更甚的是比面色我哋睇。今日既體驗實在非常不滿。僅此希望公司及餐廳能作出改善，讓顧客享受翻應有既服務態度。

之前去過葵芳同埋旺角嗰間都覺得唔錯，因為約咗朋友喺青衣城食飯，咁就帶佢去一齊食啦！叫咗炸雞同麵，仲有兩杯飲品！炸雞可以五分鐘內就到我都覺得係有問題，但都諗住試一試先，點知因為見到有條頭髮，就叫咗侍應更換！佢哋都好有禮貌，即刻話同我換過一碟！等咗一陣佢攞一碟新嘅黎，話係啱啱重新整過，但係個炸雞都係完全唔熱，只係個心係暖暖哋，出面個汁仲要係凍嘅！我心諗唔通我食緊冰鎮咕嚕肉！我叫嘅係甜辣炸雞，但一點辣味都無，個醬勁似泰式炸雞醬，我究竟食緊d乜野！另外兩杯飲品，都係無乜味，因為糖水成份好小！柚子梳打，無乜柚子味，但講緊38蚊一杯！下次唔會再來青衣城分店！

我覺得佢哋既服務態度超差，另外食物也一般例如芝士年糕唔入味，5點幾去叫左個湯 問佢拎4個碗，竟然話沒洗好要等… 成班好似十問九唔應咁，比錢問有冇意見書就叫我上佢地網度寫金… 唔會再幫襯

金髮嗰個女人態度勁差，店員冇比外賣單號嘅飛，咁咪問佢拎翻，點知佢否認((都唔緊要。重點係態度極差覺得自己真係俾咗張單我。但係事實係我成身都冇佢張單佢根本就冇俾我！！！如果真係我整唔見嘅話都冇問題，但係個問題係佢真係的而且確冇比到我仲要用咁嘅態度講嘢，好影響心情。去到取餐嗰一刻，淨係擺喺枱面攞手指指住個雞叫我哋拎走。勁唔尊重客人一打開open rice 評論，知咩料…..原來態度有問題唔係第一日既事咁都未炒，成間公司都有問題😉

星期六晚九點幾去到青衣城二期，諗住試吓呢間勁出名嘅炸雞店，點知堂食已經停止服務，只有外賣。咁就叫咗個炸雞雙拼外賣係門口等。因為已經停止堂食，d員工就開始清潔。係鋪門口右邊有個外賣三文治嘅廚房，外面係有隻大窗，望入去我見到入面d員工响度清潔緊廚房同埋有個女員工响度到用手將地下三張勁污糟嘅地壇攞起（係無帶手套）然後用手遂一拍打嗰三張地壇當清潔。咁啱我叫嘅外賣係廚房送出嚟，嗰個係收銀機點緊數嘅經理就叫拍打緊地壇嘅員工去包好d外賣。而嗰個女員工居然手都唔洗就直接走去包d外賣，因為我係出面外賣廚房隻大窗見到咁嘅情況，我立即行入去同嗰個女員工同埋經理講：你個員工用手拍打完嗰三張污糟嘅地壇冇洗手就直接走去包我d外賣喎，你地有冇衛生常識㗎？個經理居然毫無表示，一點歉意也沒有，好似覺得我係到少提大造咁。我當然唔要嗰份外賣要佢地做過一份比我，我重要牛咁眼望住佢地重新整個份炸雞比我，費事佢哋話我攪事係我d炸雞到加料，點知跟住又比我見到廚房個廚師佢將個口罩拉咗落下巴度處理食物。真係見到都怕怕，d衛生常識咁差嘅餐廳，個經理又咁冇衞生意識，更好食都唔會有下次啦！

見到新開張,打算試試誰知道一土氣😤已經不是晚餐時候去, 明明有很多位,店員還是要安排我們坐近門口的位置, 因為走道比較窄,根本每一個人走過的時候也會碰到張枱, 我們要求坐比較裡面的二人枱, 店員（語氣不佳)居然跟我們說裡面跟外面都一樣, 都有人走來走去(明明裡面比較闊, 至少D人行過屁股不會碰到枱)加上D店員本身自己都吾瘦好的, 不跟他argue, 我地繼續order, 但我地想叫的都沒有, 問佢D味有乜分別又答吾出為免尷尬都照叫了这時旁边(差不多貼住我張枱)客人的東西到齊，張枱咁細根本放吾哂, 那枱客要求換枱, 店員居然要打電話問经理🙄但最後還是不換給他們!到我們最精彩的部分！那個店員居然走來跟我們說他「收到風」(咩叫收到風？尼間咩餐廳？), 我們想叫的東西沒了. 哈哈, 基本上我们想吃的都沒有, 我地仲留下來為乜🥲最後只好取消order 說bye bye

先前有人推薦，便第一次去食。食物算不錯，但服務態度有點差。不知道是不是新開張，感覺員工都不太熟手。一開始攞位的時候，明明我先來，但卻給另外一對情侶先入（利申一下，當時店內超多空位置）。就當個店員忽然知道那情侶也是堂食，便叫我等一下，然後帶他們入店內安坐。隨後過了10分鐘才帶我入坐。到點餐前，那個前菜直接放在餐牌上。點餐後，又不收回餐牌。上餐時，見佢攞住碟雞走過來，便下意識講句唔該，誰知他居然「嘖」了一聲。實在太令人無語了🙄忽略服務態度，食物確實不錯的，是會再考慮的食店，不過應該不會再去青衣的分店。

黑雨的一天，早上頻撲，好不容易等到放工，心情很適合飲汔水食炸雞，便二人同行，和住青衣的同事放工食炸雞。青衣城這家炸雞雖然有好幾家連鎖，但原來我從來未食過！坐低立刻點了份炸雞，炸雞這個東西，會令人立刻想起韓國，現在不能出行，唯有用炸雞止下癮！人蔘雞湯熱辣辣先上枱，感覺到雞和糯米飯已經融為一體，雞肉一拆即分離，骨頭都散開！湯濃雞嫩，一口熱雞湯撫慰了下雨天那點寒意。點了雙重滋味炸雞，隊長辣炸雞點了無骨，蒜香醬油炸雞則點了有骨！想不到橙色一嚿的隊長辣炸雞，以為好辣，但原來好惹味！不算太辣，那辣度剛好用飲一啖凍飲可解！我和同事一人一杯特飲。我的荔枝藍蝶花荔枝味幾出，同事的Jeju island beach顏色好繽紛，清涼解辣！蒜香醬油蒜香味濃且帶少甜，雞件好嫩滑，又係我鍾意的口味！皮脆肉香，會追住食！最後的香蒜橄欖油蝦炒意粉味道有驚喜！意粉炒得乾身，年糕煙韌，蝦肉彈牙爽口，加上香辣的味道，我自己差唔多清了一碟。整體黎講，這裏的食物有韓國的味道，但價錢和韓國差不多，去唔到韓國，呢度的炸雞絕對可以止癮！

見新開第一次幫襯外賣自取選了三重滋味炸雞點餐時服務員態度極之惡劣以下對話內容：店員：要咩味？我：初雪店員：要冇骨定有骨我：冇骨，跟住要招牌店員：全部都係冇骨？我：唔係呢個要有骨店員以惡劣的態度問：咁你頭先又話全部冇骨？我（心諗我淨係話初雪要冇骨）：我要兩個有骨一個冇骨跟住我再點避風塘味店員：都話避風塘冇得揀其實佢一都冇講過隻味冇得揀，何來”都話”?我見頭先點得亂諗住重複返我點左既兩種味再加未點果款跟住個店員就以極惡劣既態度同我講果兩隻未你頭先咪叫左囉不停重複做咩原本諗住買埋個吐司同小食 個態度差成咁發誓以後都唔會再幫襯 未食已經一肚氣！

食開大埔果間nene chicken ,覺得味道唔錯，心血來潮係青衣城見到有nene chicken 即刻拎飛等位食🥳👏🏼等左10分鐘左右就可以入去，等待時間都合理，無太大問題。叫左杯士啤啤梨沙冰，Coke zero ，雙併炸雞，仲有一樣小食。落完單就係惡夢嘅開始🥲等左15分鐘先有杯沙冰飲下，結果另一半杯coke zero同野食等多十幾分鐘都仲未有，問左一下waitress ，但舉極手都無人理，明明店面人手足夠，多人行黎行去，但就永遠無人理。最後終於要企起身開口先有人黎理下，催左一次單，終於等左接近半個鐘先有杯可樂飲下見到隔離枱遲過我地入，遲過我地落單，叫嘅炸雞一模一樣都上左，但我地等左半個鐘都無，再問左一次waitress ，佢叫我耐心等待⌛️ 等左40分鐘，隔離枱都食完，我地雞皮都無件。最後雞都無食就走左。成餐飯好失望，杯沙冰同menu 嘅仲要唔同樣🥲 大埔果間好好多青衣呢間真係無下次，等左咁耐淨係叫個客等，無見佢入去睇下張單有無漏定點。

今日新開張，中午人不算太多。新開張有優惠，三重滋味炸雞據稱是3份的半份雞，任揀3隻味道，可揀2份有骨1份冇骨或3份都冇骨，原價248，優惠價188。明明話網上訂自取都是188，但未知是否因為新開，青衣不可選當日取，最快只可以第二日。今日有空食，惟有死死地氣去舖頭下單，用最傳統的宣傳單張內coupon才可優惠價188。再加左個芝士波。落單時問過職員大約等20分鐘，結果要30分鐘。算啦，新開，時間掌握係差少少架喇。外賣盒是方型紙盒，有手抽，再用膠袋裝住，幾好拎。除左雞，仲有1罐汽水、一小盒泡菜、一小盒酸蘿蔔，有驚超。有幾隻膠叉及手套，幾方便。泡菜及酸蘿蔔都幾好，與在韓國食到的差不多。雞叫左原味、韓式甜辣、大蔥三隻味，唔太夠熱，韓式甜辣、大蔥相對好食啲，原味就麻麻。芝士波軟軟的，微甜，整體都算唔錯，只是外賣盒內有些油。