NENE CHICKEN (青衣城2)

營業中

休息中

-芝海炸雞四重奏🧀🧀 💰$248中間係濃郁既芝士，底下有個爐熱住啲芝士，好似火鍋咁！😍😍外邊則圍住4種唔同口味既炸雞，分別係原味 芝士 蒜香醬油 同甜辣味~🍗🐥炸雞個皮脆卜卜，肉裏肉質鮮嫩多汁，一咬落去啲油脂湧晒出黎🤤再點埋個芝士醬簡直係冇得頂！我個人最中意蒜香醬油同甜辣味！☺️- Detox Blue Lemon Tea💙 💰$38成杯粉藍色 好靚！😍係好fresh 既檸檬味🍋- 西柚柚子茶 💰$38西柚味唔太出，同埋太甜🤥食完個芝士炸雞喎已經飽晒，太滯了🤣

出街周不是都見到佢既分店今次去左青衣 見唔洗點等位就入去試下間韓式連鎖炸雞掂唔掂先😆叫左一隻有骨雞 揀兩個口味(有猶疑究竟揀有骨定無骨,,但我自己認為有骨起碼真係雞件 成本貴啲抵食啲,,無骨驚佢係雞扒斬件😂)揀左甜辣同白郡主(忌廉洋葱)甜辣有啲漏 不過不失忌廉洋葱係酸酸甜甜 我唔係幾中意隻味所以我主力食哂甜辣味😆另外加左一份薯條 要captain chill我想講 我平時都算食得辣🌶️但我估唔到佢真係會辣到噴火🥵係惹味，但真係太辣 食唔到🥵🥵總括而言 如果想食韓式炸雞會試試其他舖頭先🙂

The people who work here don’t care about the customers at all. Terrible service (if they even bother to talk to you at all) and overall a really bad experience. I will never go here again after my previous experience. Tried many times to ask someone a simple question only to be ignored.

食過咁多間nene chicken 唯獨是呢間做錯發脾氣冇耐性唔理人 叫佢幫我走洋蔥就好似發晒脾氣咁樣態度10分差 之後上到啲洋蔥全部喺晒度 我叫佢再整多一份 我對洋蔥敏感 而唔係小姐脾氣 之後佢即刻勁大聲揼咗落廚房 不過都唔怪得啲員工嘅 呢間嘢個經理啲態度更加差 所以啲員工咪有樣學樣囉 啲分區總經理都唔識管理下啲店舖經理 未試過食餐飯都要咁唔開心 要受返佢哋啲員工脾氣 以後真係唔會再幫襯 用錢買難受！！！ 奉勸大家真係唔好幫襯！！！

唔記得影相🫣 我對韓國炸雞做得好唔好食好有保留😂 今次黐家姐食，佢係app到叫炸雞，顛覆咗我只對outdark嘅忠愛😂因為outdark係無初雪炸雞‼️姐係類似落芝士粉嘅炸雞🍗🫣 真係一試難忘😳

呢間炸雞都係好多商場都見到佢既蹤影，但一直都無試到，韓國野係睇韓劇個時特別想食😂🇰🇷咁岩最近又煲韓劇就入去試下😋一入去裝修都好光猛同乾淨，都好舒服一坐底同一般韓國店一樣放底啲前菜，再慢慢揀主食我係lunchtime 時間去，佢都有啲set lunch ，今次叫咗兩樣野初雪炸雞🍗無骨都好大碟，初雪就係幾隻芝士既粉，隻味好似細個食既紫色包裝芝士圈咁，簡直係一樣好味，雞肉又多汁另外，叫咗個辣炒年糕🥘有年糕、雞蛋、魚糕，但都係可以想像既味道，唔太特別，中規中矩

每次黎依間餐廳都係食炸雞為主，今次試吓佢嘅泡菜海鮮湯，調味略嫌淡咗少少，食落有種似辣醬撈咗水嘅感覺⋯不過佢都算相當足料，海鮮、泡菜、雞蛋、大蔥都足夠二人分享，辣辣地過吓口癮都唔錯～炸雞方便唔知係因為依間分店嘅問題定因為我哋臨近收鋪之前先去食，覺得炸皮比平時食到喺第啲分店食到嘅嘅硬身好多，不過味道都依然係有質素保證～價錢亦都唔貴，如果喺附近又突然之間想食韓式菜或者炸雞嘅話都係一個可以一試嘅選擇，不過如果話要特登黎食就可能會有少少失望～

眾所周知NeNe Chicken主打韓式炸雞，LUNCH經過見佢有LUNCH SET~~~心血來潮想試下😂😂😂食炸雞就食得多啦，所以諗住試吓佢啲主食啦~~~ 韓式海鮮湯麵 （午餐精選）問咗佢海鮮麵辣唔辣😟，佢話「唔辣」，但我食落去其實都覺得幾辣😟佢個麵似係真拉麵定唔知薯仔拉麵嗰隻🤔如果用公仔麵嚟比嘅話，佢多咗海鮮嘅鮮甜味，令成個感覺好線好惹味😆同自己喺屋企煮嘅真係好唔同😆但要注意啦！！啲海鮮嘅殼碎咗留咗喺啲面度，食嘅時候要小心碎咗嘅殼可能會整親啲牙齒😓 所以食嘅時候真係要小心！魚糕串清湯魚糕湯都算有韓國嘅味道，魚糕有淡淡嘅魚味，算係接近韓國嘅味道...湯底偏淡，但勝在多料，有福袋腐皮等等滿滿嘅食材～～整體來講青衣嘅舖位都比較細，但環境比起某啲分店都算唔錯～～～LUNCH SET就正常發揮啦，去NENE都係食炸雞算😂😂😂

.📍NeNe Chicken📍#饅頭去青衣 #饅頭食韓國菜------------------------------1️⃣火辣炒年糕炸雞 ($128)喺出面韓式炸雞真心唔平💵，但偏偏又咁好食。呢份炸雞已經算相對較抵食，有8件無骨雞件同年糕條。味道上都唔差，每件炸雞件size大概1/3至半個拳頭size咁大，炸皮皮薄酥脆，不過口感偏乾(特別係冇沾到醬汁嘅部分) ，部分雞件有啲地方剩係得炸粉；不過雞肉比相像中嫩滑😲👌🏻，明顯針到肉汁，而且冇雪藏味，配上煙煙韌韌嘅年糕條同韓式甜辣醬，都算得上係內容較豐富嘅菜式，甜辣醬調味唔會過酸過甜，叫做正常發揮。Btw，我覺得佢哋最好食嘅反而係一開始就送嘅泡菜同醃蘿蔔，超開胃，有冇人都係咁覺得？🙈------------------------------🔸整體評分：7.3/10🔸小編回頭率：6.5/10

平時都係叫開外賣，見青衣城新開，就去試下。一入到去，被安排坐二人枱。雖然有膠板隔住，但同隔離枱都好近，又逼。我哋見窗邊有四人枱無人坐，我哋就問職員可唔可以調位。職員話唔可以，因為有人book咗，但係當時門口無任何人排隊😅，不過唔得就算啦。過咗5分鐘，有個高級職員埋黎，話訂咗位嘅客人未到，如果我哋可以準時交枱，都可以幫我哋調位。於是，我哋就即刻調去四人枱。落單嘅時候，餐廳話未有酒牌，所有酒精飲品都冇😅 最後我哋只係嗌左一碟炸雞。食炸雞冇酒飲，真係爭啲⋯⋯味道正常，不過唔係熱辣辣⋯⋯我諗去其他分店，會做得更好。

當時有勁多位佢都唔肯張四人枱我地，係都要同其他人迫埋一齊，然後食食下飯，啲侍應唔知做乜係咁望住我地食飯，都算，我地冇嗌嘢飲，自己有水係身，想飲啖水都唔俾，真係有問題，總之呢間垃圾唔會再去！！！

平日lunch見唔係好多人，就入去試下。12:47分落單，5分鐘後杯嘢飲送到嚟。等到13:07，個主菜未上，我就請侍應跟一跟，侍應拎起我張單睇一睇，話炸雞係會耐啲。但我根本冇叫炸雞，我叫嘅係烤牛肉漢堡扒配飯。咁我再等，等到13:17，嘢食仲未嚟，我再叫同一位侍應跟跟，佢話:「我追咗兩次啦！整緊㗎啦！」但佢根本冇行過去追過！到13:23，個烤牛肉漢堡扒終於嚟，係鐵板上。切開一細塊漢堡扒，上面啲芝士係凍嘅，塊漢堡扒最多只係暖，究竟係廚房整得差，定係其實一早整好咗但侍應冇拎出嚟？？我唔敢食晒成個餐，最後只係食咗半塊扒同碗飯就算！點知返到公司即刻肚痛肚屙！我唔評論係咪關塊扒事！但成個服務態度同上菜速度奇差！冇下次！

和家人晚飯 ， 來到了青衣城，已經晚上19：30 周圍都排哂大隊，唯有呢間有位 ，小朋友又話肚餓，見有位就入去 。我們一行5人，點了 玫瑰醬寬粉炒年糕，白郡主炸雞。先說玫瑰醬寬粉炒年糕， 叫價108， 來到就只有8條短短的寛粉和10粒年糕，味道可以接受， 但份量少得可憐。而炸雞以專賣炸雞來說是水準之下 ， 雞本身冇乜味，粉厚，炸得太硬。

Food was fine, but service was extremely disappointing. Firstly, almost half the items on the menu were unavailable. And we only find out when we want to order those items. Why show the menu items if so many of them are unavailable? Makes no sense. 2nd, When trying to give my order to the waiter (big guy), maybe he didn’t hear cos of my mask, and he shouted loudly “SORRY I CAN’T HEAR YOU” in a very rude way.Lastly, we were told by another waiter that usually customers only stay for 90 mins and p

Disappointed that this branch didn't have a lot of items available on the menu which we only found out upon ordering, it would have been better if they were crossed off the menu as it wasn't just a few. The staff were quite rude and unaccommodating, they were rushing to clean our table while we were dining as there is a usual 90-minute time limit which we were not informed of from the beginning. Much better experience in other branches.