NENE CHICKEN (青衣城2)

營業中

休息中

星期六晚九點幾去到青衣城二期，諗住試吓呢間勁出名嘅炸雞店，點知堂食已經停止服務，只有外賣。咁就叫咗個炸雞雙拼外賣係門口等。因為已經停止堂食，d員工就開始清潔。係鋪門口右邊有個外賣三文治嘅廚房，外面係有隻大窗，望入去我見到入面d員工响度清潔緊廚房同埋有個女員工响度到用手將地下三張勁污糟嘅地壇攞起（係無帶手套）然後用手遂一拍打嗰三張地壇當清潔。咁啱我叫嘅外賣係廚房送出嚟，嗰個係收銀機點緊數嘅經理就叫拍打緊地壇嘅員工去包好d外賣。而嗰個女員工居然手都唔洗就直接走去包d外賣，因為我係出面外賣廚房隻大窗見到咁嘅情況，我立即行入去同嗰個女員工同埋經理講：你個員工用手拍打完嗰三張污糟嘅地壇冇洗手就直接走去包我d外賣喎，你地有冇衛生常識㗎？個經理居然毫無表示，一點歉意也沒有，好似覺得我係到少提大造咁。我當然唔要嗰份外賣要佢地做過一份比我，我重要牛咁眼望住佢地重新整個份炸雞比我，費事佢哋話我攪事係我d炸雞到加料，點知跟住又比我見到廚房個廚師佢將個口罩拉咗落下巴度處理食物。真係見到都怕怕，d衛生常識咁差嘅餐廳，個經理又咁冇衞生意識，更好食都唔會有下次啦！