NeNe Chicken (形點 I) (已結業)

放左工近近地在Yoho mall食，見Nene Chicken轉左新Menu，三百幾蚊個餐又好多野食咁，幾抵喎不如就試下佢。八點幾黎到，餐廳半滿座，無左之前食年糕放題咁混亂，感覺好左。餐具都換左新喎，靚左乾淨左一坐低店員就送上前菜，有忌廉粟米，泡菜，同酸蘿蔔，味道不過不失，主菜未到有啲前菜食下都好吖，好肚餓呀～甜辣味無骨炸雞炸雞有四款口味可選，原味，芝士粉，大辣同甜辣，個人較喜歡後者，甜甜辣辣味道不會寡。雞是新鮮炸起的，超級香脆，雞肉嫩滑，無骨的食落啖啖肉，外層的炸粉剛好，醬汁亦沒有太多，整體而言是好食的，四件雞大大件，一人食兩件都已經飽了，哈蘑菇烤牛肉鍋（$358）有三款鍋物可選，見個餐已經好多雞，咁就叫個牛肉鍋吧，要了中size都十分大盆兩個人點食呀…個鍋入面有八成是牛肉，其餘是粉絲同冬菇，牛肉粉絲都好入味，甜甜地又幾正喎，加埋啲汁好好下飯呀～蔘雞湯仲有湯，叫蔘雞湯以為係人蔘雞湯，飲落又無乜蔘味喎，唔苦唔甘好易入口，味道有啲似屋企滾湯咁，哈哈。雞有成隻係入面，用氣鍋滾的，所以雞已十分軟腍，肉同骨一踫已經分離，不廢氣力已經食到隻雞。雞內包著米飯，份量一啲都唔少，連湯食好正，雞湯飯好味

今日同男朋友黎元朗行街睇戲，睇10點咁行行下，就要搵ｄ野食。男朋友話想食韓國野，係openrice到搵到Ne Ne Chicken，之前係網上都見過Ｄ宣傳已經好想試，咁岩黎到形點有分店就試下啦！！我地２個揀左個韓式家常菜套餐，叫左芝士鐵板雞加蔘雞湯，無骨炸雞加泡菜加米飯。套餐包埋份小食，有蘿蔔，泡菜，栗米首先芝士鐵板雞，Ｄ芝士好濃郁，Ｄ雞好脆口，Ｄ汁有小小酸甜，有小小辣，加埋個感覺一流。個蔘雞湯，佢個雞好滑，加上個湯裹面係有Ｄ糯米，糯米加人蔘雞湯，個配合令個糯米好好食，但係個湯個味道比較淡。之後到個無骨炸雞，佢有好多唔同種類既炸雞揀，我地就叫左韓式甜辣炸雞，對於我而Ｄ唔太食得辣既人黎講真係頂唔順，真係好辣，但佢Ｄ雞係好食的。最後重叫左杯青蘋果梳打，甜甜地，重有個燈係枝飲管到扛卡一流！

每次經過YOHO MALL呢間店最初以為淨係食炸雞和部隊火鍋原來都有好多唔同韓式食品選擇最驚喜原來係有午餐同下午茶架🤣原本想食下午茶不過時間未到今次試咗set lunch先價錢都好合理Set lunch 包前菜，湯、主菜、飲品☝🏻☝🏻☝🏻前菜（泡菜、粟米、蘿蔔）三樣都好新鮮不過我覺得泡菜辣左少少😵☝🏻☝🏻☝🏻凍紅醋茶侍應介紹話係餐廳特色飲品酸味味，其實好啱食韓國菜有消滯效果☝🏻☝🏻☝🏻芝士蛋泡菜炒飯估唔到實在很大碟，我覺得係二人份量🤣芝士蛋很厚身，亦有芝士味最啱鍾意食蛋嘅人👍🏻👍🏻👍🏻泡菜飯恰到好處，夠晒熱辣辣！總括：好多食物選擇、食物質素滿意、地方也舒服、服務員很有禮貌及有笑容，值得一讚！

遇上白色情人節，去食個炸雞先發覺元朗真的多了很多野食，宜家仲有好大型商場，真係咩都有，可以唔使出市區都得。 同事介紹呢度炸雞不錯。 店員推介佢地新推韓國家常菜餐，睇完好似都幾豐富，見到旁邊人都有叫這個，好像都幾大份，因為怕兩個人食唔晒，同埋想食不同味道嘅炸雞所以最後都係選擇左散叫。呢度酸蘿蔔好好味，食完好開胃，唔會搶喉，仲可以refill 潻，不錯不錯我地叫左兩款味道炸雞，蒜香醬油炸雞同韓式甜辣炸雞，仲選擇左無骨潻，超方便食，好香醬油味，夠入味，岩重口味嘅朋友，甜辣，又不會太辣，帶小小酸，醬汁幾開胃，兩個人都食唔晒另外仲叫左個濟洲海鮮炒粉絲，好大份，比想像中又好味喎，超夠味，海鮮都算豐富，粉絲甜甜的，好夠飽

睇戲前食個tea, 叫左兩個餐，連野飲，3:20 落單，等到搭8都未有個牛肉飯，催極都無咩用，我地講返搭10 要睇戲，到搭9 個staff話廚房岩岩先煮緊，不如轉外賣....... 戲院食牛肉飯係咩玩法呢？ 甘我地取消啦～ 不過因為黎左飲品，焗比廿蚊飲左罐汽水.....

想去食NeNe Chicken很耐了，但每次都被排在朗豪坊店門的人龍嚇怕而打退堂鼓，今日行元朗形點商場，喜見開了ㄧ分店且不知是否新開不久竟然新奇地無人排隊。大好的機會豈能錯過，即刻携友入位。看菜譜發覺主打的炸鷄原來有成7款口味，仲有跟飯的，除左炸鷄仲有吉列豬排、炸蝦、蛋包飯、炒年糕、炒粉絲、香辣海鮮湯麵…嘩選擇真的多。午間套餐的價錢好相宜，$58有6款，$68有5款，$78都有4款仲包熱飲，凍飲只加2元，加15元仲可飲到原價48元的soda特飲。仲買三送一，奈何今朝我二人都食左個勁量早餐，不太肚餓，今次旨在食鷄故有齊7款鷄的炸鷄達人餐加杯超高性價比的提子梳打。主菜未到，擺位時見到用煎pan當碟咁得意，用餐的心情更佳，再上埋碟三式前菜(粟米、醃蘿蔔、泡菜)，胃囗大開。鷄未到特飲同鷄湯先上，朋友說鷄湯別看清幽幽但味清甜又不油，而我的梳打，單是燈泡加燈仔，玩味十足，味道也合我心意。跟住主菜出場，炸鷄到，果然如宣傳說以真空炸不見油跡，咬落熱辣辣，皮脆啵啵內有肉汁流出，一不留神，唇就熨着。有大䓤在上面的䓤香同鷄很夾，有甜辣味，蒜香醬油，有韓式辣拌醬的想必是大韓廚師炸鷄，有cream在上的白郡主炸

元朗近依幾年開咗好多唔同種類嘅食肆，轉變好大，新舊食肆共融。咁岩經過元朗YOHO MALL，勁多嘢食，花多眼亂。揀咗一間由劉在錫做代言人嘅炸雞店試下。店內座位並不是很多。坐低左一陣就已經爆滿左。前菜有泡菜、蘿蔔同埋粟米粒，無限添食。見人人都叫炸雞，咁我都跟住點左一個。雙重滋味炸雞：無骨雞件$183揀咗蒜香醬油炸雞、韓式甜辣炸雞。食落啖啖肉，唔使吐骨，非常方便，炸漿都好薄，味道唔會太濃，個人比較鍾意韓式甜酸炸雞，因為酸酸甜甜好開胃。炸雞份量好多，四個人share都綽綽有餘。之後再點多一杯柚子梳打：$48我杯好得意係一個燈泡形狀嘅膠杯。仲有盞燈會閃。創意十足。

而度食韓國野都幾好！個set傳統野又有！新派野食又有！幾正！有一個主菜加人蔘雞加炸雞同飯！三個人黎食都夠啊！主菜係韓式辣雞粉絲鍋！勁大份！係熱辣辣既鐵板上菜！正啊喂！係超濃味！好食！件件雞都有好濃好香既醬油味！但咸之餘仲有個辣味！小小辣但又好夾！係中間既粉絲真係好食到痴線！條條粉絲吸曬味！好正！仲係又滑又彈！人蔘雞都好高質素！有成隻雞！雞肉超滑超嫩！用一用筷子就可以起哂骨！仲有雞入面既糯米超級香！而且個湯都好好飲！隻蔘味係香！唔係重到入唔到個種！炸雞！有四件原味既炸雞！勁脆！唔油！入面既雞肉仲好嫩滑！飲品勁得意！係燈膽型既百香果蔬打！

因為很想吃韓式年糕，但礙於一個人又吃得不多，便只好上網找找，結果找到 Nene chicken, 而且可以外賣又有一人輕食份量，於是我便點了想吃的辣芝士年糕及一人份的炸雞 （甜辣醬味），合共 $80。芝士年糕只需 $38，份量十足，除了年糕，還有椰菜，魚糕及雞蛋，非常韓式風味。年糕夠稔而不失咬口，辣味剛好也不會太膩，菜非常甜，魚糕魚旦也很好吃，很少吃到的。外賣一人份很夠飽。另外炸雞也不錯，即叫即做，夠脆，甜辣醬味道很吸引，雞肉夠大冇骨，亦不會有雪藏味。因為即叫即做，外賣要等上 20分鐘呀。

Yoho Mall內的餐廳，閒日中午時段經過，好多都太意淡薄，這間NeNe Chicken平日更是小貓3, 4隻，不過假日經過又不同講法. 雖然我對炸雞沒有特別偏愛，但於旁邊戲院看過早場後，就來到對面這間韓國餐廳試試~ 假日黃金時間午後1點半，差不多全場客滿，要搭枱是常識吧! (超討厭搭枱的的我，可惜店內大部份是8人長枱，甚少4人枱). 全店只有2位店員，見到他們忙過不停，要找人下單也有困難!! 午市套餐有十多款，定價由$58-$88，選擇甚多~ 前菜只有2款，就是醃蘿蔔& 粟米粒，可當作開胃菜. 韓式牛肉飯 ($58) 賣相幾吸引，更有一隻心形煎蛋，可惜牛肉不夠熱亦韌，這款可以不吃. 蒜香醬油炸雞拌飯 ($58) 炸雞香脆熱辣，而且肉質幾嫩滑，炸雞店的炸雞是有一定水準的. 不過個人不太喜歡吃帶甜的醬油汁，我想走汁更合我胃口~ 芝味吉列豬扒 ($58) 吉列豬扒炸得過火，比較乾硬，加上芝士，更覺飽膩，且有點甜甜的醬汁，個人覺得相當難吃. 熱柚子蜜 淡淡的柚子蜜，有助解膩.除了炸雞外，另外2款午餐個人都覺得不吃沒損失. 元朗元龍街9號形點一期1樓1026號舖358319

放工去Yoho搵野食，路過見到呢間嘢無乜人唔洗等即管試下。點咗炸蝦紫菜飯卷同雙重滋味炸雞(即係2種味各一半)，點咗郡主炸雞(即係酸忌廉洋蔥汁)同甜辣炸雞，個酸忌廉有驚喜。食物質素唔差，但炸雞等咗好耐。前菜可以refill一次，個泡菜我覺得幾好食(因為唔酸)。但如果一好似韓國咁無限refill就仲好。但係好奇怪嘅係，成間舖唔計廚房有3個員工，全部鞋口鞋面，無里精神，講嘢全部一個tone無起伏，好似啱啱比人減人工咁。影響心情嘅餐廳真係會唔想再去。

貓貓又食韓國野啦。話說呢間餐廳係劉在石開既。貓貓梗係要食啦，一定要check in。貓貓愛上呢個好舒服既韓國餐廳，影相勁靚。貓貓要食燉辣雞粉絲鍋。呢個鍋原來真係好大。好多雞。貓貓見到啲雞已經流曬口水。食左一啖，雞肉好軟滑，而且入味。夠濃，仲有少少辣。下邊既粉絲吸曬啲汁，口感彈牙同濃味，貓貓越食越多，勁好食喎。貓貓既參雞湯熱辣辣好滾咁出場。好香人參味！雞肉真係煮得好軟，入曬味。雞骨都煮到好軟。糯米又吸曬雞湯，真係好正。貓貓覺得自己去左韓國咁，參雞湯真係好味。落左紅棗，蔥，仲有好多材料。味道好夠。仲有炸雞，係無骨架！貓貓唔洗起骨。全部都係雞肉最滑既部份，雞上腿！炸雞啱啱炸出黎，一咬落口，雞汁爆出黎，勁有水份。呢度既炸雞真係唔係講笑，好好味。貓貓食埋個飯同泡菜。各位觀眾，珍珠米。好香呀，貓貓濕左個嘴。泡菜越食越開胃，辣辣地鬼死咁刺激。貓貓既青提子蘇打好靚呀。燈膽既杯加埋個燈飾。唔單止好睇，果汁都好好飲。飲完感覺好滋潤，好fresh。貓貓開心到醉啦！

非常失望。食物味道參次，雪花炸雞還不錯，但芝士火鍋非常一般。整個芝士火鍋只有炒牛柳粒可以，原味炸雞一般，其他配菜也不好吃，最重點的芝士充滿顆粒感，不順滑也無法粘上食物。點的西柚梳打上成柚子梳打也不是大問題，也就忍了。最無法接受的是員工態度非常差，其中一位短髮戴眼鏡的阿姨態度惡劣，招手下單視而不見，全程黑口黑面。下單的女生全程嘴渺渺，路過上菜往桌邊一放就走，空盤子也不收拾。灰衣服的經理態度比較好，但拉我們桌的凳子的時候撞到我朋友的腳了。

黎開形點行街每次經過一田百貨嗰頭都會有陣炸雞嘅飄香今次我忍唔住食你間炸雞店係外邊睇到入嚟坐都有種喺叢林一邊享用美食嘅感覺有種座無虛席嘅感覺見到人哋食得咁開心我一個人都唔想執輸由於一個人食嘅關係我就點左職員推薦嘅雙重滋味炸雞味道可以自選於是我就點左韓式甜辣炸雞同埋蒜香蜜糖炸雞由於炸雞係即叫即整嘅關係係大家無聊等待嘅時候佢哋就會很貼心地上開胃嘅前菜俾大家食有牛油粟米泡菜等過咗20分鐘之後美味嘅炸雞終於來了於是我每種炸雞都有慢慢去品嘗韓式甜辣炸雞秉承左大韓民國對於甜味和辣味醬汁的配搭而且醬汁並不只是鋪係炸雞上面而係通過炸嘅技巧將部份醬汁味道放入炸雞入面十分不錯令我更驚喜就係算蒜香蜜糖炸雞蒜香炸雞本來就好香而最巧是蜜糖的配搭並不減去本身炸雞的香脆度令飽到120%既我一直吃不停最後離開嘅時候職員好貼心地問我地公司有什麼改善的地方我就話可惜嘅係武大我媽咪黎食 哈哈

I can only describe this restaurant as distinctly average. We ordered 2 flavours if Korean fried chicken, both ended up tasting very similar. they fry the chicken and coat it in the wet sauce, however flavours seem to be quite similar. the quality of the chicken is also not the best. 10% service charge is added to your bill, we asked for water 3 times, they responded with "yes OK", the 3rd time, the waitress responded with "its over there, get it yourself" To summarise, terrible service, average