NeNe Chicken (形點 I) (已結業)

解想韓國次苦上個月去完韓國快閃旅行，今個月都仲好掛住韓國，唯有食番轉韓國炸雞頂下癮先。😊劉在錫炸雞-NeNe Chicken ，相信冇人冇食過啦！今次去左元朗分店，地點超方便，地鐵站連住既商場，外面落雨落到幾大都唔怕啦🤨鋪頭門口好整齊，連牆上既佈置都好靚，當然唔少得大大個NeNe Chicken既燈牌。🤩入到裡面，坐得好闊落，唔會迫，同埋入面已經好多人食緊啦😻香噴噴既野食味講下食左咩先，由於本人十分懶惰，唔想啃骨，所以揀左無骨既NeNe雙重滋味炸雞-蒜香味同甜辣味（其實仲有好多味可以揀架），仲有個海鮮炒粉絲同埋柚子soda😋NeNe炸雞大大碟甘上枱，視覺效果十足，加埋雞外脆內嫩又夠juicy，唔會炸粉厚甸甸，加埋殺食既醬，無得彈👍🏼食完一件又一件海鮮炒粉絲，有蜆有大蝦有木耳有金菇，仲有他配料，份量十足，炒得夠清爽，唔會食落一Pat pat，重點係韓國既味道呀🤩柚子soda外型夠殺食，成日燈泡甘樣，味道酸酸甜甜，好開胃，真係想一啖拍晒。🤤食到悶悶地，可以食下送既前菜，有泡菜，醃蘿蔔，同粟米沙律。醃蘿蔔最好食👍🏼👍🏼當大家掛住韓國既時候，可以黎NeNe Chicken整番件炸雞啦

呢次係我第二次黎食，第一次係啱啱開張嘅時候。第一次諗住佢岩岩新開，可能好多嘢未上手先會唔好食。但眼見最近係網上多咗好多好評，以為會好食返（因為旺角嗰間真心好食)，咁咪再試多次囉。唉，我唔明自己點解仲咁傻再俾多次機會佢！真係食完會嬲㗎...我成餐飯就係到諗，點解可以整得咁難食？點解可以同旺角嗰間差咁遠？就連隔離嗰台都不停係到彈佢地order咗嘅嘢，話食kfc都無咁嬲！我真係好認同佢地！我地叫咗芝士泡菜炒飯（$98），啲窩邊蛋老到就好似柴皮咁，得少少芝士，嗰炒飯好乾，好似港式炒飯咁！不過其實呢個係最好嗰碟嚟！明太子雞蛋卷（$98），我係旺角nene試過一試難忘！但係喺yoho食，芝士無拉絲，明太子仲要得一邊有，另一邊無，好失望！唔可以話難食，不過唔好食囉！終於黎到食到火都上黎嗰碟炸雞！明明主打食炸雞嘅餐廳，點解啲炸雞可以難食到咁，同埋咁樣衰(特別係初雪)。真係好少會話啲食物樣衰，最多都係唔靚。我地叫在雙拼，一半酸甜一半初雪（$189），有十幾件，酸甜汁嗰個好少少，不過都係食咗一啖，就食唔落，因為好似放左好耐咁，唔熱嘅，嗰皮又係淋嘅。嗰個初雪就仲出事，嗰啲芝士粉好似包左層好厚嘅生粉咁，嗰炸皮

見朋友係Facebook食左 yoho mall nene chicken, 我同朋友都想食下炸雞呀！點左雜錦炸雞飯，有辣味，原味，芝士味！炸雞外面好脆口，入面d肉幾滑，我最鐘意辣味！仲有炸海鮮伴芝士通粉，店員話新出嘅summer推介！有炸海鲜好大碟，伴好多香濃芝士通粉！啱哂大食嘅香地，仲有一大碗芝士醬點海鮮！另外有黑松露芝士雞肉厚煎蛋！d蛋又香又滑！如果入面再多d雞肉就正啦！仲有兩杯夏日特飲！檸檬沙冰，草莓沙冰透心涼！賣相都幾靚！下次要再試下其他野食！

放假同媽咪睇完戲，決定周圍找好西食，由於天氣太熱關係，今日去左元朗yoho mall嘅nene chicken 食韓國炸雞，我地點左午餐什錦炸雞定食，有多款吾同口味炸雞，每種味一件，一次過試哂好滿足！仲有炸豬扒定食，d豬扒都幾大件又有沙律菜伴碟，減少左罪惡感！跟住仲有夏日特別推介嘅炸海鮮同芝士通粉，有炸蝦，蟹鉗同炸雞柳，見到好大堆頭嚇左一跳，覺得蟹鉗最好味又香脆！下面個芝士通粉好香濃！里餐飯都好滿足超飽！

之前喺朗豪坊試過炸雞，今次黎到元朗就試其他野，點知無樣好既。首先d職員講野把聲好似只係講比自己聽咁，送野食黎果時個咀係郁緊，但唔知係米講緊野。薯條未落鹽，應該係蝶豆花味但只係得顏色水，除左辣之外無其他味既冷麵，太令人失望喇🙄

天氣熱到一個點, 胃口都麻麻, 粥粉麵飯真的有點吃不消, 還是選些香口惹味的食物更適合. 在Yoho行完街, 找吃時行過Nene Chicken, 突然很想吃炸雞, 二話不說入座.​這是第二次來這間分店了, 之前冬天時吃炸雞+火鍋, 飽到捧住肚走; 但夏天真的吃不到太多, 剛好看見有夏日限定套餐 ($348), 有層層叠併盤伴芝士龍蝦意粉, 黑松露磨菇雞蛋卷和兩杯特飲, 都幾吸引, 反正胃口不大, 芝士又岩晒老公和囡囡兩個芝士怪魔, 一於試試.​兩杯特飲分別是: 石榴檸檬沙冰 & 草莓荔枝沙冰 石榴檸檬沙冰清新而酸甜, 有很搶的石榴味, 冰粒並沒有打得幼細, 喝下有粒粒碎冰的口感, 冰凍消暑, 十分解喝.​草莓荔枝沙冰相對地香甜, 味道稍濃一點, 同樣清新.​黑松露磨菇雞蛋卷厚厚的千層煎蛋卷, 分成六份, 每份也點綴黑松露提味, 伴以新鮮沙律菜, 杏仁片, 原粒草莓, 整體清新健怡, 很適合夏天.​雞蛋卷可見內層的紋理和摺叠位, 蛋煎得剛熟, 仍保持濕潤和Q彈, 有清香蛋味, 內層夾着芝士, 令味道更有層次感. 伴以同樣香氣迫人的黑松露, 更是香濃細滑, 卻搶不去蛋味, 相當出色.​層

Nene Chicken 好耐之前已經聽過，好幾個地方都見到佢嘅連鎖店。今日終於心血來潮想食韓國嘢，就終於試咗呢間餐廳。由於已經去到平日下午茶嘅時間，所以商場同埋餐廳冇乜人流。原來五點前都仲係午市。餐牌在此:每枱都會有個前菜，分別係泡菜，粟米沙律同蘿蔔粒。我地叫咗個芝士蛋伴泡菜炒飯($68)，炒飯入面有青椒、紅椒、泡菜粒，蛋漿同芝士都夠cover哂成個炒飯，食落好濃芝士味同好creamy，辣度適中。而且店員仲好貼心提我地小心個手柄熱。韓式烤牛番茄忌廉意大利粉($78)，略嫌太多忌廉，食完會有少少飽濟嘅感覺。唔算太多配料，主要都係靠汁嘅味道。整體來講，連埋飲品尚算價錢合理嘅一個午餐，都唔使點排隊，又可以坐得耐。

星期日夜晚，捻住食吓韓式炸雞，但真係食得吾太開心！基本上，炸雞都算ok，但上菜時間吾知點解要咁耐，6個人叫7樣野，平均每樣上菜相隔要成10分鐘，足足食左個幾鐘頭！個白飯超經典，三夾低都俾上得枱比人食，辣雞粉絲煲就正啦！所有配料都好生，啲薯仔紅蘿蔔好硬吓！好在味度買可，唯有煲野吾食佢啲配菜啦！人蔘雞湯個湯更加係經典中既經典！一丁點蔘味都無，唉，但最欣賞佢雞湯上左枱，比碗我地飲湯用，但六個人比得四隻碗，佢係咪覺得有兩位客人一定吾飲既呢！

今日係YOHO Mall 睇完戲，正正係對面就有呢間韓國餐廳，有雞食又有Lunch Set，見唔錯就入去食。店面文青風格 ，入去入邊更韓風，透光玻璃加草既裝飾，仲有餐廳名既燈，都好有特色。另外有前菜，有三款：白蘿蔔，粟米沙律，大白菜泡菜，食完仲可以再添。叫左兩個Lunch Set $68 芝士蛋伴泡菜炒飯，烤牛肉蛋包炒飯，加了 $8  2件炸雞，但另一個餐就不能加。餐飲加$15 NeNe Soda 有三種口味選擇，青提，西柚，柚子。揀左青提同柚子，杯野好似電燈泡咁, 叫左青提，柚子飲落都唔會好甜，唔似其它街外soda糖漿，藥水味。加上見到果肉粒粒，仲要有種好fresh既感覺。炸雞好脆好肉質唔錯，同連鎖快餐食開果D唔同。烤牛肉蛋包炒飯，醬汁好特別，蛋厚薄適中，入面就見到牛肉炒飯，醬汁同成個飯好夾。整體份量多。芝士蛋伴泡菜炒飯，好多紫菜係面，撈埋食，口感好豐富。泡菜炒飯唔會話好辣。

入元朗搵朋友買啲嘢 見到有想試好耐嘅nene chicken就即刻入去食返個lunch先～■ 炸蝦紫菜包飯 $68可以將紫菜包飯做到咁香口 好似食緊乜乜炸物 勁啊 好好味■ 芝士炒年糕伴拉麵 $68年糕煮得夠淋 好鍾意但啲芝士 完全唔拉絲 一pat嘢咁硬咗係表面 同埋個汁味道偏甜 膩到同男朋友share食都可以食淨一半 不了■ half size 韓式甜酸無骨炸雞 $85好失望 下次一定唔會食返哩個口味 大概係6-7舊雞左右 唔係好抵食 仲要味道麻麻 一味得個酸甜 啲汁太多啦 多都過曬火⋯⋯ 好想搵杯水嚟浸下啲雞 等佢冇咁多醬汁 後尾食到meet曬啲雞皮先食先好好多🤦🏽‍♀️

韓式炸雞放題 ($148)🍗韓式甜辣:醬汁黏口，酸酸甜甜，幾開胃初雪: 即係芝士炸雞，芝士算多，不過芝士味只係得雞皮面，met走塊皮，同普通炸雞一樣😂白郡主: cream cheese 味，但係真係食唔出，order左1次就冇喇大韓廚師: 依個係辣得超過癮，辣係慢慢慘出黎，但係又未至於辣到冇哂味道，鐘意辣既朋友必嗌🌶蒜香醬油: 醬油做得唔錯，又夠香，同炸雞好夾，GM認為最好食👍🏻大蔥: 淨係係炸雞上面加左蔥絲，完全係蔥還蔥，雞還雞，冇乜誠意呀招牌: 普通kfc炸雞GM總共叫左3次，24件雞，飽到癲左。不過普遍炸雞唔算好熱，炸粉正常，上雞速度少慢，服務態度亦都麻麻，真係要改善下！-好味指數: 5.5/10賣相: 6.5/10性價比: 7/10

好耐無食過呢間韓式炸雞，見佢地個Menu多咗好多新嘢食，又有套餐，又有步隊鍋，又有好多韓式小食，見佢而家d嘢飲都好特別，d價錢都幾抵，又去食下先😍呢間裝修不錯，坐位寬敞舒服👍👍一坐低就有韓式前菜品嚐，可以一食再添食😁待應們都十分樂意幫手添前菜👍今次叫咗初雪炸雞同甜酸炸雞🍗，份量夠晒大，兩個人食都食唔晒，初雪炸雞芝士味濃😋😍甜酸炸雞夠晒嫩滑開胃😍😍👍👍仲叫埋牛油果豆腐沙律，夠晒新鮮😍😍飲埋佢杯期間限定士多啤梨沙冰，估唔到又幾好味，士多啤梨好甜又大杯，好飲😋😋

本身想食無限嗌果個炸雞放題 但等位已經等左個幾鐘 入到去已經過左果個時段冇得嗌 但入左後我地都好快就落左單 點知佢漏單 仲要過左好耐先過黎問 然後先落翻 又要等多人個鐘 等到我食宵夜都未食到

近幾年韓風襲港，韓式餐廳於香港片地開花，小妹受到某套韓劇渲染後，自此十分鍾愛韓式炸雞（양념치킨）及啤酒這種韓式配搭，吃過脆卜卜的炸雞再喝一口清涼的啤酒，實在是一大享受呢🤩韓式炸雞的精粹在於它的皮和上面的沾汁，好的炸雞炸漿厚度適中，完美地包裹著雞肉，才能帶出炸雞脆而不黏口的口感。每間店家對炸雞醬汁都有不同的口味及配方，總括來說汁就像是雞肉的靈魂伴侶，兩者相搭使整道菜的味道再提昇一個層次。可惜在香港地較難找到兩樣俱備的炸雞，不是炸漿裹的太厚，就是店家為了做到脆炸效果而使雞肉炸的太熟太乾，或是醬汁味道不夠，和調味過濃而蓋過了雞肉的肉味⋯ 很慶幸在NeNe Chicken 吃到炸漿，雞肉及醬汁完美融合的炸雞。我們點的炸雞一咬下去，厚度適中的脆皮於口中爆開，雞油從中緩緩流出，脆脆的口感再加上甜辣度剛好的甜辣汁，我突然明白了周星馳吃到銷魂叉燒飯的感覺太正了！我們兩個人忍不住再叫多一盤炸雞⋯今天吃的卡路里一定超標了，不過為了難得的美味，是值得的！

I went for a late lunch with my mum, we ordered a dish of 8 Korean fried chickens (Original and Spicy & Sweet, boneless) and a kimchi fried rice with egg and cheese. They accidently served us 16 fried chickens instead of 8, the portion was very big, it was hard for two of us to finish it.In comparison to both flavours, I preferred the Spicy & Sweet on, the sauce adds a bit of flavour and make the dish less taste less greasy. In the other hand, the original flavour was very crispy, it was a very