NeNe Chicken (形點 I) (已結業)

放工去Yoho搵野食，路過見到呢間嘢無乜人唔洗等即管試下。點咗炸蝦紫菜飯卷同雙重滋味炸雞(即係2種味各一半)，點咗郡主炸雞(即係酸忌廉洋蔥汁)同甜辣炸雞，個酸忌廉有驚喜。食物質素唔差，但炸雞等咗好耐。前菜可以refill一次，個泡菜我覺得幾好食(因為唔酸)。但如果一好似韓國咁無限refill就仲好。但係好奇怪嘅係，成間舖唔計廚房有3個員工，全部鞋口鞋面，無里精神，講嘢全部一個tone無起伏，好似啱啱比人減人工咁。影響心情嘅餐廳真係會唔想再去。