NAM NAM VIETNAMESE CUISINE

營業中

休息中

這裡服務員態度很好，但可能訓練及經驗不足。 例如我們不小心倒瀉水，他們會幫忙抹抬，但不懂把 濕嘅布由枱邊拎走，而係把濕布由食物上方拎走，由得啲濕布水滴返喺食物上面。。。我們三人訂了枱，但可以比兩張唔同高度的細枱拼埋一齊畀我哋， 其中張摺枱勁輕 ，搞到我哋 一係跌筷子，一係倒瀉水， 最後連個碗都跌埋落地下。。。食物質素方面，以咁嘅接近大連鎖店價錢， 唔算合格。 以肉碎生菜包為例， 無論口感同味道，都唔似一個食過越南菜嘅人煑出來的，比較似茶餐廳味道。法包就係淋嘅，又係好似由一個從未食過越南法包的厨師做出來的。但係我見到呢間餐廳係非常之受有寵物嘅客人歡迎的。 永遠有主人同寵物喺度排隊， 走嘅時候聽到門口嗌:「兩個人，三隻寵物」入座。 相信有寵物嘅客人，如果可以同寵物一齊開心食飯，對食物要求唔會好似我哋咁高吧。

連落幾日大雨，今日想係九龍城行街食飯！上次同friend聚餐去過Airside，值得行下，就係附近，一於同老公探一探！行到肚仔餓要搵食，天氣悶加上鍾意東南亞菜，睇咗資訊牌有間NAM NAM越南菜，（呢度好多好多選擇但都偏貴又唔想食茶餐廳），睇餐牌價位合理，就呢間啦！老公叫咗㗎喱牛肋條配法飽，係大眾接受嘅味道，我略嫌唔夠香料香味，肉冇底味，法飽唔够鬆脆！另外，變蒜蓉法飽會吸引好多！我叫咗香茅豬扒撈檬，豬扒，完全冇香茅味，塊豬扒好薄下但又唔算乾，配菜花生都足够，（調味魚露唔夠醒胃，無蒜香同青檸味）要講吓帶位男侍應（估係店長），我個位好大風，同佢講完好有禮貌轉卡位俾我！值得讚，食完晒又係呢位哥哥執枱，仲叫我哋慢慢坐唔使急！但一開始將我哋枱上嘅越式調味料攞走，話唔好阻住我哋，但我哋食嘢要用啊！同另外嘅女士應講，叫我哋喺隔籬攞😂。不過呢個價位係呢個場，值得一食啦！

為咗照顧生酮飲食嘅屋企人，當然要搵一間大魚大肉嘅餐廳！NAMNAM 長期都爆曬人，星期日下晝3:00過到嚟都仲係要等位，真係勁癲！不過啲嘢食真係好食嘅，見到好多人話佢哋服務麻麻，呢個位真係想平反下🥲其實佢哋已經好好㗎啦，忙到癲咗但係都好有禮貌咁出餸，盡量照顧晒咁多個客人，希望睇到呢度嘅餐廳可以請多啲人幫輕吓佢哋啦！！我哋成日都過嚟幫襯，雖然有時等菜會耐少少，但係真係從來都唔漏單～叫到佢哋一定會幫！香葉肉碎蠔仔煎蛋角煎蛋角香氣與肉碎的鮮味完美結合，口感層次豐富香葉肉碎生菜包生菜包清新，豬肉碎鮮嫩，搭配香葉，既有香氣又不油膩，調味惹味軟殼蟹青木瓜沙律軟殼蟹酥脆，搭配青木瓜的清爽，酸辣的醬汁更是提味，十分開胃。燒豬頸肉豬頸肉質地滑嫩，燒烤適中，外皮香脆，肉汁豐富，味道濃郁香茅豬扒  香茅的香氣渗透入豬扒，肉質鮮美，整道菜充滿東南亞風味牛油果雞絲米子卷米子卷清新健康，牛油果的滑順搭配雞絲的鮮嫩，口感非常棒，適合作為輕食或開胃菜。

昨晚過來啟德探家人.和家人行AIRSIDE.在häagen-dazs旁有間越南餐廳.咁啱好耐未食過越南菜.環境又幾特別.門口幅画好靚.同屋企人在門口影咗幾張靚相.入去點了串燒雞肉蛋飯.小食拼盤.豬肉撈檬.店員還送了我們三碗糖水.畀我想像當中意外好食.店員又幾nice.這間餐廳門口有設小動物位置.我旁邊有兩隻狗狗好得意.經主人同意.逗牠玩了一陣.有得食又有得玩狗狗.下次再來啟德試下他家其他東西先.

首次嚟啟德airside，經過呢間越南菜館，正當猶豫間，一位熱情店員向我介紹他們的菜式，反正未有心水試試無妨，最終算有驚喜，食物唔錯外，飲品亦有誠意，我試了柸桔仔話梅水，友人就試了柸斑斕薏米水，對於我哋呢啲唔飲奶茶咖啡嘅人，真係有驚喜😋飯後交談先知熱情店員係呢間舖嘅店長，人靚招呼又友善，真值得俾個讚👍

今天和朋友去啓德行街街．聽朋友說有一個間越南菜很不錯，可以去試吓，抱著嘗新嘅心情去一試。餐廳環境及衛生都不錯、裝修很有越南風味，待應介紹師傅是正宗的越南師傅，點了碗生牛肉河粉及濱海，－試果然好味，因為去過越北旅行，是真有越北風味香港已很少有真正的正宗的越南菜，而且這間店舖價錢也合理，店員服務態度也非常nice，朋友介紹得不錯，下次會再次介紹朋友去

星期日夜晚去Airside 食飯三大差勁表現，絕對強烈唔推薦！1、漏單唔肯void單漏咗一碟花甲嚟到原來唔係花甲，係蜆嚟，都算員工聲稱清咗機廚房會煮再三要求佢取消都唔肯錯嘅係佢地 但死都唔肯取消張單2、味道完全不是越南口味生菜包啲肉碎完全係茶記口味不如改一改個餐廳名做南南茶記會食得人開心啲3、員工講嘢好大聲完全破壞用餐氣氛食1個鐘飯餐廳員工高聲談天噪音大到影響用餐體驗完全唔推薦如果餐廳老闆見到的話強烈要求改善下PS）隔離枱食芒果糯米飯啲糯米有沙但員工完全冇道歉

平時都唔會點劣評一間餐廳一間開喺都算係高級既商場入面諗住餐廳既質素都唔會差得去邊第一次食呢間越南野叫個香茅豬扒湯金邊粉湯好普通 豬扒完全係overcooked 乾柴既再叫左個咖喱牛肋骨配法包一上枱已心知不妙個樣完全係茶餐廳溝芡汁既杰撻撻咖喱超難食🤢入面啲薯仔係爽既完全唔淋仲要價錢又唔係抵食尤其係個杰撻撻既芡汁咖喱要$118可以講係衰過茶餐廳質素都唔明點解可以咁多人食雖然服務態度OK 但真係可一不可再囉

第一次試呢間位於Airside嘅越南餐廳，舖頭店面雖小，座位都幾多，位置之間嘅走廊比較窄，目測有寵物嘅客人都會被安排近門口嘅位置我地嗌左兩碗湯粉加一個小食拼盤，味道好好，份量都好足夠，埋單三百蚊左右值得一讚嘅係店面嘅侍應服務好好，執枱或回應客人嘅要求都好迅速，尤其係一位紅色長頭髮紥辮嘅侍應，全程對所有客人都好caring，有問必答，臉上帶住笑容，做野又好爽手，完全感受到佢嘅熱誠！感謝帶俾我開心又滿意嘅一個午餐！

在Airside內的越菜館，地方比較狹窄，但食物質素很好，所以長期都要等位。其中最喜愛的是海南雞，非常嫩滑，有雞味，是我的最愛。另外三寶河，牛肉很淋，入口即溶，牛腩片很入味，牛丸彈牙，河粉很滑。

小編第一次到Airside商場行街，去到該店門口看到人頭湧湧，小食、主菜的外貌亦不錯（不過湯麵類看似很普通），因此光顧了小店。香芒蝦仁米紙卷$78芒果極香甜多汁🤤，幫助米紙卷增添水份👍🏻不需點醬已夠濕潤💦旁邊配有花生沙嗲醬🥜，超級濃郁嘅花生味，但該鹹味與香芒的甜味有點兒衝突…小編與同行朋友都不太喜歡這樣的配搭。相反，用該花生沙嗲醬配其他主食，例如雞，會更加合襯，甚至比原有的醬(薑蓉、酸甜醬及甜豉油）更加合襯😋😋😋會安雞配芋茸椰香飯$98會安雞十分嫩滑，生熟度剛好，近骨位仍保持一點粉嫩🐥。椰香飯粒粒分明、乾身，相對普通白飯更幼身，但由於加了椰漿去煮，所以口感很煙靭🥰🥰🥰。縱使不像珍珠米般飽滿，但仍很有咬口。令小編對越南米另眼相看🫡！飯混有一粒粒切塊的芋頭，增添口感傳統蟹膏肉碎粉絲焗蛋配白飯 $138(加$18升級扎肉雞絲炒金邊粉)🦀蟹膏肉碎粉絲焗蛋世一❤️❤️❤️蟹膏焗蛋偏向淋身，加添粉絲則可加添口感。蟹膏有鮮香味，配白飯一流🥰🥰🥰金邊粉的配料（扎肉、雞絲）頗多☺️，炒得有鑊氣🔥，可惜金邊粉偏油，特別食到底會有少少油浸金邊粉的感覺，幸好底下有生菜隔油😅。(此菜的五星好評是給蟹膏焗蛋的🤭)結論小店

同朋友搵食見呢間外表不錯便決定試吓 點了一個雙牛金邊粉 味道雖然未致於一吃難忘 但牛肉嫩口 湯底好味 另外亦叫了小食拼盤 都有5至6樣小食 二人分量剛剛好 特別一值蔗蝦 𧎚肉彈牙 覺得炸野都頗出色 最後叫了木爪蝦沙律 味道偏辣 但混了西柚肉亦中和了辣味 若在附近想吃越南菜可以一試的餐廳

第一次去 Airside同男友玩冒險樂園玩到好夜好多餐廳開始收冇幾多餐廳可以揀見少數開梗既當時都冇乜特別想食最後揀左依間覺得比較食得落所以本身無抱任何期待入嚟安排左坐最入面果排2人枱覺得有啲迫想轉去出面四人枱店員態度都好好即刻比我轉(*首先越南餐廳叫野食我一定要叫全走茜先)《牛油果沙冰》$42因為平時都好中意牛油果🥑見到佢有牛油果沙冰就點嚟試試但都冇特別期待因為真係唔係好多地方既牛油果沙冰好飲點知一嚟到我飲左啖 簡直係驚豔！可以話係我飲過最好飲既牛油果沙冰！！！首先最重要既牛油果味濃郁唔會覺得佢溝稀左或加左好多糖漿就係原汁原味既牛油果味最出色既係佢既沙冰超級soft and smooth！！完全唔似出面啲沙冰會食到碎冰塊總之就係完美 絕對會因為依個沙冰特登嚟多次希望佢可以keep住水準唔好變😭我重介紹左同事去飲佢帶埋家人小孩去個個都點左依個牛油點沙冰個個都話真係好好飲～《叁拼牛Combo粉麵》$98※生牛肉、牛助條、牛丸，河粉越南河粉又係唔係到到既湯底都出色一飲啖湯 正！完全係我中意既濃郁越南牛湯又唔會死咸或淡因為我一定要食一啖要一口湯咁食所以麵未食完啲湯就就嚟飲完因為餐廳都就收店 抱

Airside雖然不太好逛😳，但餐廳的選擇多，隨意進入的一間越南菜味道非常不錯，有點意外差評比例很高😦（非打手），個人認為份量很足，Cp值很高，沒有大家口中這麼worse!!香煎蠔角 $88大推這個蠔餅，意外地很有鑊氣，有一絲絲大排檔的影子，蛋邊煎得焦香香脆，每一口都能吃到滿滿的蠔肉，灑上香蔥再沾魚露再吃鮮香無比…個人認為的必點菜式ʕ•ᴥ•ʔ，會為了這個蠔餅再來！越南牛肉清湯粉 $78拼了生牛肉和牛丸，牛丸咬開充滿肉汁，這點要讚；但湯底本身只能說不過不失ˁ˙͡˟˙ˀ。沙嗲串燒 $88 雖然最重要的pho有點失色，但餐廳的肉類做得相當不錯，串燒啖啖肉，沙嗲醬充滿花生香，令人欲罷不能♡。燒豬頸肉 $48一樣是令人印象深刻的豬頸肉，外酥內軟，肉質頗有嚼勁，食肉獸絕對能滿足ฅʕ•̫͡•ʔฅ（想吃高質pho的不建議來這間🤫

Airside商場主打pet friendly，所以帶埋狗狗一齊嚟食晏晝。今日嗌咗：1. 咖喱牛肋條（配法包）2. 越南特色拼盤3. 馬拉盞炒芥蘭4. 沙嗲串燒配扎肉雞絲蝦頭油炒飯三個人嚟講，份量有啲多，但所有嘢都好好食。尤其個蝦頭油炒飯，同埋咖喱牛肋條，真係值得再嚟食！雖然我哋成兩點先嚟到Airside，但因為有狗仔，所以都要排隊等枱，等咗大概10-15分鐘左右。如果冇寵物嘅話，應該直入有位。價錢都算合理，服務偏慢，好耐都無人幫手斟水，但因為假日多人，都可以理解嘅。Overall唔錯，下次會再嚟食🫶