NAM NAM VIETNAMESE CUISINE

營業中

休息中

今日同朋友行Airside 1F見到有間越南菜NAMNAM 假期爆满人，好多人等位，一於試下 無霖到一食回味無窮 ，侍應帶位入座非常有禮貌，然後掃QR code 落單 ，我有野唔明問滴靓女侍应，见到距地虽然好忙，回答问题都好有耐性，食物就真系赞不绝口，非常推荐 会介绍好多朋友嚟生牛肉湯河牛湯濃郁 生牛肉搭配河粉好完美越式雞絲炒檬粉 好夠鑊氣 搭配花生碎 豬頸肉撈檬 檬汁喺越南師傅調製 酸酸辣辣好開胃越式拼盤二人份量 每款各兩件 呢個搭配非常好每款小食都有得嘗試下

收工同朋友食飯，啓德集中地較方便，Airside入面都好多食肆，唸下睇下食乜，見到呢間食越南嘢，以前比較小食越南菜，但最近食過幾間越南菜都唔錯，之後就多食咗越南菜。今日亦不例外！軟殼蟹米紙卷——-軟殼蟹咬落有質感，米紙卷沙律🥗菜爽甜，米紙卷煙靭黏口感覺的配搭有口感⋯⋯沙嗲雞肉串燒———估唔到做得咁出色咁好食，雞肉又厚又多汁，沙嗲味道特出⋯👍👍👍👍😂😂😂😂冬甩蝦餅——蝦餅爽口彈牙，香口又夠熱辣辣咖喱牛腩——-咖喱香口惹味，牛腩够淋味道也不錯😊配原條法包，香脆，加上咖喱汁更加香脆好昧⋯⋯

呢間餐廳每逢食飯時間都好多人，我同朋友都抱好大期待黎食。我地兩個人叫左一碗生牛肉金邊粉$78同一個安南雞清湯粉$108。.賣相黎到勁hea, 三塊牛肉加一舊蘿蔔同一啲蔥，粉就多。先飲一啖湯，係味精湯，完全冇味，隔離枱個呀嬸都問侍應拎胡椒粉，表示個湯淡。牛肉明明係岩岩淥熟，但肉質勁孩，大塊有咩用？食完有渣都係要lur出來。另外比嘅青檸/辣椒/芽菜係撈亂晒比你，我唔想食辣但揀左出來啲芽菜都係辣嘅，一啲誠意都冇。.我朋友揀嘅雞清湯粉都食到勁嬲，雞肉勁孩，大佬旺角$6x 海南雞都滑過佢，仲要未切好，啲肉鬆散，痴埋一舊，完全唔知點食，薑蓉冇乜味，其他醬正常。$108 嘅話個雞嘅份量係勁少，個湯都係味精湯底，湯粉真係得雞同粉，冇乜其他料。完全唔明點解咁多人食。.埋單計埋加一$205，絕對係唔值。除左服務殷勤之外，黎呢間餐廳食嘢絕對係浪費金錢。大家睇路。

由於夜晚有慶祝，所以下午茶搵間價錢相宜啲嘅食住先。。Qr code落單點咗兩個下午茶餐，一份係豬扒金邊粉🐷一份係雞扒+柚子沙律🥗🐔上餐嚟咗一份豬扒，等到第二份又係上豬扒。。我同一位中年男侍應講我有一份係雞扒，佢即刻話check單睇下會唔會撳錯，雖然我都肯定交單前double check 係啱，不過我都睇多次自己落嘅order…果然我冇撳錯，但男侍應拎住張單嚟比我睇話：我撳錯豬扒，不過照換俾我。。我真係O咗嘴，我同佢講我另一份係雞喎，佢仍然重覆佢嗰句。。佢叫廚房換過份雞扒俾我，但都拎多次張單嚟同我講話：你點咗豬扒我話係雞扒，佢仲繼續駁我，我真係著咗🔥我指住個「雞」字話呢個係「雞」字，你有冇睇清楚？佢拎番張單睇話「下，唔係呀嘛！」之後就走咗。。有咁嘅奇皅員工我真係祝你長做長有😆BTW ，食物份量以下午茶嚟講都唔算細份，價錢都可接受，不過服務態度就真係😏只能說呢間嘢可一不可再。。

平時都唔會留言，今日真係頂唔住第一次要200個字都要留一個差評俾你間餐廳。一行四人食午餐， 出菜非堂慢， 第一份到最後一份時間相差超過25分鐘。其中豬扒好乾，湯河個湯底好咸，令人非常失望完全唔知點解上面食評話好正宗既越菜？見到隔離枱果碗湯檬粉出賽嗰陣時啲檬粉黐住響個碗邊，出菜前可唔可以廚房睇一睇？另外一張枱有有一唔知係廚房睇錯單定點有啲嘢重複出咗個侍應就拎咗去俾隔籬張枱幾次要過客解釋幾次。仲有隔籬枱有其中一味菜勁耐都未出到話取消嗰陣時又死都唔俾人取消啲服務真係爭啲。

今日難得收早，就同朋友去啟德airside嗰邊試吓新嘢，知道有間越南餐廳食評幾好就去試吓，地理位置十分方便地鐵站一出行5分鐘就到，我哋嗌咗豬頸肉，生牛肉河，炸軟殼蟹沙律，蒜蓉包同埋nam nam 炒飯，飲品方便我哋嗌咗芒果沙冰同埋青檸梳打，生牛肉河的肉質鮮嫩，搭配滑順的河粉，帶來絕妙口感。炸軟殼蟹沙律則外脆內嫩，鮮香四溢，清新的沙律醬更添風味。蒜蓉包香氣撲鼻，外脆內軟，與蒜蓉的濃郁完美結合，令人一口接一口，回味無窮。簡直一流，炒飯方面有幾種配料一齊炒，加上蝦片脆脆，豬頸肉粒同埋太陽蛋同炒飯撈埋一齊食，簡直係錦上添花，飲品方面沙冰唔會太甜非常解渴，下次可以同朋友再嚟食。

今日airside逛街想找輕食的食店，看到這間餐廳裝修小清新，乾淨俐落。我地點了越南牛肉牛丸河。這碗湯河的湯底清澈而香濃，牛肉的鮮味融合了香料的獨特風味。牛丸彈牙，口感極佳，每一口都令人滿足。搭配新鮮的香草和檸檬，整道菜的味道更加清新。河粉吸收了湯汁的精華，滑順的口感，十分過癮。軟殼蟹青木瓜沙律，這道菜的色彩鮮豔，酸酸甜甜，令人食欲大開。軟殼蟹外酥內嫩，搭配清爽的青木瓜絲，口感對比鮮明。沙律的調味酸甜適中，清爽又開胃，讓人感受到越南料理的文化。燒豬頸肉則是另一道令人食過返尋味的菜式。豬頸肉經過精心醃製，外層微焦，內裡卻保持著多汁的口感。搭配特製的醬汁，味道濃郁。我們點了Nam Nam炒飯，這道飯是公司的王牌，配料豐富，有蝦仁，豬頸肉粒，雞絲，另外再踏上豬肉蝦片，一啖飯雞蛋，色香味俱全。

來到九龍城AIRSIDE，都唔知食咩好，行經1樓時，就被門外那壁畫深深吸引，所以就查看了餐牌，發現價錢經濟，而店內裝潢亦讓人仿佛置身越南街頭的小餐廳之中，所以就入內一嚐。椰汁珍多冰一款清爽飲品，口感滑順，椰汁的香濃與珍多的爽滑清甜互相配合，啖啖清涼。香芒蝦仁米紙卷米紙卷包裹著新鮮的蝦仁和香甜的芒果，外層是薄薄的米紙，輕盈而不油膩，口感非常豐富。街頭沙嗲串燒（4串）串燒香烤後，做到外焦內嫩，肉質彈牙有咬口，輕沾沙嗲醬汁，令味道更香濃。燒豬頸肉（半份）燒豬頸肉肉質鮮嫩多汁，外層微微焦香，肉汁鮮美。馬拉盞炒通菜以馬拉盞炒通菜，帶來濃郁的海鮮風味，味道添加上香辣口感，非常惹味。叁併牛Combo河粉（牛丸、牛展、生牛肉）Combo 河粉可自行加上各款牛配料，這次我便選了牛丸、牛展和生牛肉，他們的湯底清甜，肉質鮮嫩順口，而每一口河粉都吸附了湯汁，口感一流。

朋友介紹話呢間越南嘢好抵食，過開airside就嚟試吓！街頭沙嗲串燒 4串 ($88)揀咗牛肉同雞肉各兩串，雞肉軟嫩多汁，牛肉肉味濃郁，加埋沙嗲醬香口惹味。香芒蝦仁米紙卷 ($78)煙韌嘅米紙包住酸甜芒果、爽脆生菜、清爽青瓜、檬粉同蝦仁，口感豐富，清新又開胃。
燒豬頸肉(半份) ($48)雖然半份但份量都好多，豬頸肉厚度適中，食落焦香爽彈，點埋酸辣醬就更惹味醒胃。
越南湯粉叁併($98)揀咗牛丸、牛𦟌、生牛肉同河粉。湯底濃郁不油膩，牛丸彈牙，肉味濃厚，牛𦟌腍得嚟有咬口，生牛肉軟滑，略帶油脂。

青木瓜柚子蝦沙律：見旁邊有叫覺得好吸引。味道酸酸地，食落鮮甜，醒胃，青木瓜夠新鮮，同朋友仔食得津津有味。香葉肉碎生菜包：味道唔算好越南，似係港式菜，但好好味。肉碎帶點咬口，肥瘦均勻，生菜可以添加，搭配食降低油膩感。咖哩牛肋條配法包：可以轉白飯但法包絕對值得一試。淡淡麵包香氣，一定要點醬汁。咖喱惹味，微微辣度小朋友都接受。牛肉嫩滑，吸滿醬汁，整體搭配好好，性價比高。銀芽豆卜雲耳炒金邊粉：份量比想像中少，但勝在炒得夠入味而且感覺得到有鑊氣。食完都唔會覺得好油，唔錯。燒豬頸肉撈檬：夏天食最適合，冰冰涼涼十分開胃。上面有唔少肉，嫩滑可口。撈檬軟硬程度適中，搭配自家製酸甜醬汁，正。

餐廳位於AIRSIDE，顧名思義主打多款正宗越南菜式，由前菜、小食、主食到飲品一應俱全。店內廚師全部來自越南，聽聞連門外副畫都係請學生登門拜訪一筆一畫畫出嚟！前菜有青木瓜柚子蝦沙律，菜品新鮮，冰冰涼涼，醬汁調味適中，酸酸may may，開胃又健康。私心推介香葉肉碎生菜包，可以按個人喜好選擇辣度、鹹度同油度，肉碎入味，包埋生菜超級夾，可大大降低整體油膩感。咖哩牛肋條配法包同樣出色，肉質嫩滑，仲有薯仔，法包散發著淡淡麵包香氣，點埋咖喱好出色。燒豬頸肉撈檬份量適中，豬頸肉滑嘟嘟，麵條掛汁、銀芽豆卜雲耳炒金邊粉都唔錯，炒至乾身且唔油，整體性價比高。

食物一般，叫了一個豬扒清湯麵，豬頸肉清湯，蒜蓉雞翼，啲湯好似我喺屋企用雞粉開嘅，都唔緊要，最緊要係佢哋啲服務太差仲要收10%服務費，以後都不會幫襯，未食完即刻係咁收碟，食一餐飯都未食完碗面已經要話收咗我兩次，我枱面嗰陣時仲有四隻雞翼四件豬扒三件豬頸肉都未食，碗麵都仲有半碗，只係比湯遮住佢已經係咁要收，第一次收我已經話我未食完到第二次佢又話要收，我嬲起上嚟問佢係咪唔夠碟用啊，跟住佢就走咗去，咁算咩態度呀，我知客多都唔係咁樣㗎，我都有俾錢㗎嘛，已經坐喺中間走廊位已經唔係好舒服㗎啦，左右啲侍應行嚟行去，你仲咁嘅態度唔怪之得香港啲食肆咁差啦又唔係平喎。

嚟到九龍城唔一定係食泰國菜嘅，呢間越南餐廳嘅裝飾好有特色，入口嗰幅畫真係好吸引，令人一睇就覺得想入去試吓。越式拼盤就係我今日嘅主菜，真係好豐富，入面有豬肉蝦片、炸雞翼、春卷、蔗蝦同埋粉皮，樣樣都好好味！每一樣食物都有佢自己獨特嘅味道，特別係炸雞翼，外脆內嫩，口感一流。春卷又香又脆，令人越食越想食，完全唔會膩。整個拼盤真係好適合同朋友分享，大家可以一齊享受唔同口味，實在係一個好選擇！另一樣推介菜式係Nam Nam 特色炒飯。材料包括豬肉蝦片，蝦肉、雞肉、雞蛋及冬菇等，味道亦都係非常惹味👅

到Airside 1樓看到有越南菜，心想越南菜不會有中伏的情況，落單叫了牛肉撈檬和越南特色拼盤（小），牛肉檬粉據我認知應該是有燒牛肉放在檬粉旁邊，加上碎花生等，實際上枱的牛肉是日本牛肉丼牛肉和檬粉一起，食落也是牛丼味道，感覺非常奇怪和不好吃．之於越南特色拼盤，有豬肉蝦片：又是牛丼味道不過用了豬肉蝦片不脆中間遠外邊少少硬，香茅雞翼：中間醃未入味，堤岸蔗蝦：雖然有蝦的顏色，但是味道似獅子狗卷，其他只是正確不是好食，好在價錢不貴，但不會再幫襯

之前已經食過呢度嘅姊妹店Asian Lab，今日特登試吓越南嘢菜！叫左拼盤炒飯同呢個金邊粉，雖然拼盤炒飯都唔錯低特別推薦呢款越南大頭蝦配蝦頭油炒金邊粉，真係好好味！餐廳話呢個菜要多啲時間準備，但做出來嘅味道真係一流。大頭蝦大到足足有半隻手掌咁大，肉質鮮嫩，蝦膏十足，口感超級正。炒金邊粉用咗蝦頭油，好香，味道好入味，蝦同粉配搭得天衣無縫。呢個菜式有種避風塘蝦嘅感覺，咸香味濃，食完之後真係令人回味無窮。絕對冇令我失望，下次一定會返轉頭🥰🥰