Mojo Bistro

營業中

休息中

中環石板街西餐廳，地點旺中帶靜，裝潢有種美式復古風情，有室內室外座位，坐得舒適而且氛圍都頗有情調，幾啱慶祝生日或紀念日。提供多款經典西式菜餚，味道唔錯幾高質😋每日都會有一款菜式半價，星期二就係加拿大豬鞍配蘋果醬～加拿大豬鞍配蘋果醬 （$144） 原價（$288）好有驚喜，估唔到係咁Juicy，咬落好軟腍，配蘋果醬真係冇得頂。蘋果醬非常好食，令豬扒味道更上一層次😋法式鴨肝二重奏: （$188）香煎鴨肝配蘋果醬及鴨肝焦糖燉蛋配多士 呢道菜整體味道相當出色，鴨肝幼滑質感，讓人難以忘懷。鴨肝燉蛋上面加上一層焦糖，帶出陣陣鮮香～火焰雪山 （$168）切開後裏面滿滿都是雪糕，蛋糕就在最底層～餐廳每日指定菜式半價優惠或生日當月慶生訂座可獲贈招牌火焰雪山一份啊！

好朋友生日揀間靚餐廳同佢慶祝呢間餐廳一直收藏咗好耐，終於可以嚟啦入面裝修好有格調，有啲復古風裝修仲有好多唔同款嘅菜式，啱晒今次慶祝生日最開心係生日當月慶祝生日時訂座可以有招牌火焰雪山一份🤎牛油果大蝦厚多士配雞尾酒醬多士真係好厚，仲有四隻大蝦添每隻蝦都有牛油果隔住再配埋佢個雞尾酒醬非常夾🤎煙三文魚西班牙酸豆凱撒沙律凱撒沙律好大碗，入面嘅菜好新鮮煙三文魚仲好好味，麵包糠又好脆🤎美式香辣烤春雞（半隻）烤春雞嚟到熱辣辣，個皮燒得好脆入面啲肉仲好Juicy，隔離又有啲辣粉點埋黎食就好香口🤎招牌火焰雪山而家冇咩地方有火焰雪山一見到就要叫呢個同朋友慶祝生日火焰雪山燒咗好耐，happy birthday個字仲好清晰入面有雪糕同蛋糕

Mojo Bistro融合了美式復古與現代風格，時尚酒吧區和半露天座位，夜晚對着街景氛圍超好，非常適合約會或慶祝特別日子 ♥現正享有指定食品半價優惠，晚市$1xx就能品嚐各種扒類，超值之選 ٩(◕‿◕)۶這晚點了：⟡‧₊ 法式鴨肝二重奏($188)⟡‧₊ 美國豬鞍扒($288, 半價後$144)⟡‧₊龍蝦忌廉汁虎蝦扁意粉($208)⟡‧₊ Mojo Lemonade ($88)整體菜式中上水平，最印象深刻的是鴨肝兩食！鴨肝煎得外脆內嫩，搭配酸甜蘋果醬和脆多士，化解油膩感！鴨肝焦糖燉蛋浸透了鴨肝味，配薄焦糖片，鹹甜交融！$14x享受厚實豬鞍扒，真是物超所值！沾了清甜的蘋果醬口感清新，但豬扒略熟了一點🐽意粉中的兩隻虎蝦已半去殼，相當貼心。扁意粉彈牙，口感不錯！當晚到訪時食客不多，真心希望更多人知道這間餐廳，整體體驗很不錯o(◕␣~)o

𝗖𝗲𝗹𝗲𝗯𝗿𝗮𝘁𝗲 🎂 𝘄𝗶𝘁𝗵 𝗠𝗢𝗝𝗢 𝗕𝗜𝗦𝗧𝗥𝗢✨去咗間鄰近蘭桂坊的復古風餐廳，氛圍感滿滿，好適合打卡今次坐sofa卡位位置，夠哂私隱度。下次想同朋友試吓室外露天的位置，浪漫又有特色。食物方面由前菜到主菜及甜品都好有心思，精緻又好味重點⭐️⭐️ 餐廳每日會有不同頭盤或主菜半價😍⭐️法式鴨肝二重奏：香煎鴨肝配蘋果醬及鴨肝焦糖燉蛋配多士絕對有驚喜的一道菜色！傳統煎鴨肝固然香口，但第二種食法就係多士搭鴨肝焦糖燉蛋一齊食，個燉蛋充滿鴨肝味超濃郁惹味👍🏻👍🏻⭐️白酒忌廉汁藍青口配薯條藍青口鮮甜肥美，自家特調嘅汁超惹味份量大性價比超高，配上薯條及蛋黃醬，未食主菜已感到飽肚👍🏻👍🏻⭐️加拿大豬鞍扒配蘋果醬豬鞍扒厚肉又juicy 配上蘋果醬清甜又好味👍🏻👍🏻⭐️招牌火焰雪山 baked Alaska又驚喜又靚又好食嘅dessert 🎂賣相打卡一流外，甜品火焰完之後散出淡淡嘅酒香，配上雪糕同蛋糕非常滿足👍🏻👍🏻重點係宜家經openrice訂座可享慶祝生日當月免費獲贈一份😍 大推給想要慶祝生日/週年紀念嘅朋友❤️Mojo Bistro📍中環砵甸乍街45號The Steps• H Code 2樓@mojobist

每日都有一款半價菜式今日星期六嘅半價菜式係 🐥 美式香辣烤春雞（半隻）烤得剛剛好，雞烤得唔乾，肉質軟滑～辣味不明顯，作為提升味道嘅配料，突顯雞肉嘅鮮味🪿 法式鴨肝二重奏香煎鴨肝配蘋果醬及鴨肝焦糖燉蛋配多士鵝肝香煎過，每口都充滿回甘味，仲保留當中嘅濕潤度，軟身～酸酸甜甜嘅蘋果果醬，作為前菜好開胃鴨肝焦糖燉蛋同toast一齊絕配🍝 黑松露野菌意大利粉配帕瑪森芝士脆片意粉軟硬度好合我心意黑松露野菌好香，滲入每條意粉，再加埋芝士脆片，口感層次感好豐富🥔經典薯蓉外形睇落已經好creamy食落有啲奶香味，軟綿綿

在中環吃個有質素的晚飯可能動輒都要過千，想要環境、情調、食物質素、價錢都好，其實也有好選擇！這次就是因為看到網絡上一間集齊以上元素於一身的小酒館燒到，就跟友人結伴前往，果然有驚喜 法式鴨肝二重奏：香煎鴨肝配蘋果醬及鴨肝焦糖燉蛋配多士 $188絕對有驚喜的一道菜色！二食鴨肝是比較少見，傳統食法都是把鴨肝煎得外脆內軟再搭配果蓉、陳醋跟多士；店家的做法相約，用來襯托的果蓉是酸甜的蘋果蓉，鴨肝煎得外脆內軟，肝油甘香，與其他食材搭起來就是好吃！至於第二種食法就是多士搭鴨肝焦糖燉蛋一併起，燉蛋賣相看起來就跟某品牌最有名的法式焦糖燉蛋一模一樣，表面也做到好像糖粉燒焦的感覺，但其實那是佈滿陳醋爆珠且滿有蛋香的鴨肝醬！非常濃郁幼滑的肝醬跟多士很搭很惹味！完全沒有半點膩感，變成爆珠的陳醋作為點綴令味道變得更清爽和更有層次感，單吃肝醬也是很好吃，大推！藍青口配薯條 $104（原價 $208，星期二到訪專享半價優惠）店家每天都會有指定餐點半價優惠，前菜主菜也有啊！剛才那個鴨肝二重奏也有半價的，不過這次到訪（星期二）的半價優惠就是藍青口配薯條，份量好多啊，性價平超高啦不得不點！藍青口鮮甜肥美，至於薯條方面是屬於

今次發掘到呢間餐廳係HCode大廈內，晚市時段指定菜式更做緊半價優惠，性價比高。餐廳有浪漫嘅情調，適合情侶約會、慶祝生日及週年紀念💕Crab Cake w/ Mango Relish & Lemon Aioli蟹餅內滿滿的蟹肉絲，醬汁令我好開胃，除咗有芒果粒，仲有椒、香葱、檸檬蒔蘿的香氣，味道鮮香。Fries w/ Black Truffle薯條配茄汁就太單調，黑松露醬汁就更上一層樓，帶有温潤綿長的松露香氣。Cajun Spring Chicken (Half)星期六半價菜式，春雞即叫即焗，熱辣辣上桌，肉汁豐富，肉質嫩滑，雞皮香脆，淡淡的香草味，想濃味啲，就可以倒入燒汁，咸香味會更突出。Baked Alaska輕盈的蛋白霜包住雪糕，入口即化，酒香四溢。侍應即時在酒面上點火淋在白色的雪山上，火焰慢慢燃起，場面壯觀，令人驚喜又開心🥳

餐廳走美式復古風🤎暗黃的燈光好有情調～啱曬慶生同約會🥂🎂🍝𝗪𝗜𝗟𝗗 𝗠𝗨𝗦𝗛𝗥𝗢𝗢𝗠 𝗥𝗔𝗚𝗢𝗨𝗧 & 𝗕𝗟𝗔𝗖𝗞 𝗧𝗥𝗨𝗙𝗙𝗟𝗘 𝗦𝗣𝗔𝗚𝗛𝗘𝗧𝗧𝗜 𝗪𝗜𝗧𝗛 𝗖𝗥𝗜𝗦𝗣𝗬 𝗣𝗔𝗥𝗠𝗘𝗦𝗔𝗡 & 𝗥𝗢𝗖𝗞𝗘𝗧 $158 —> $79 (50% off)半價真係好抵食🥹意大利粉口感煙韌 沾滿了濃郁的黑松露醬 配埋配帕瑪森芝士脆片令到味道更有層次鹹香鹹香的 超滿足～🦆𝗗𝗨𝗖𝗞 𝗟𝗘𝗚 𝗖𝗢𝗡𝗙𝗜𝗧 𝗪𝗜𝗧𝗛 𝗕𝗟𝗔𝗖𝗞 𝗧𝗥𝗨𝗙𝗙𝗟𝗘 𝗠𝗔𝗦𝗛𝗘𝗗 𝗣𝗢𝗧𝗔𝗧𝗢𝗘𝗦 $228有大大隻鴨腿 煎得外脆內軟 肉質好淋 好嫩滑 仲有輕微嘅油香旁邊有黑松露薯蓉同埋酸菜個人覺得黑松露薯蓉好有驚喜 食落有好濃郁的黑松露香味 而薯蓉嘅質地好滑酸菜可以配埋鴨肉一齊食 就唔使驚膩啦～🍟𝗙𝗥𝗘𝗡𝗖𝗛 𝗙𝗥𝗜𝗘𝗦 𝗪𝗜𝗧𝗛 𝗕𝗟𝗔𝗖𝗞 𝗧𝗥𝗨𝗙𝗙𝗟𝗘 𝗠𝗔𝗬𝗢𝗡𝗡𝗔𝗜𝗦𝗘 $68薯條炸得好香脆 咬落索索聲配埋黑松露醬真係好正🗻𝗕𝗔𝗞𝗘𝗗 𝗔𝗟𝗔𝗦𝗞𝗔 $168蛋白打得好creamy 帶點甜酒嘅香味外層的忌廉唔會太膩裏面係士多啤梨雪糕同蛋糕外型好壯觀好打卡able兩個人share啱啱好！

今晚同朋友嚟位於中環蘇豪區H Code 2樓嘅Mojo Bistro食飯，餐廳正正喺石板街旁邊，附近非常多酒吧同食肆氣氛非常好。餐廳係走美式復古feel嘅酒吧,有摩登靚吧枱區，亦都有半露天座位，非常有情調，真係拍拖或慶生嘅好去處。我同朋友叫咗:⭐法式鴨肝二重奏 香煎鴨肝配蘋果醬及鴨肝焦糖燉蛋配多士$188- 呢個二重奏真係好特別，鴨肝肉質肥厚美味，多士非常脆口，配上鴨肝焦糖燉蛋一齊食，滋味無窮⭐加拿大豬鞍扒配蘋果醬$288- 因為餐廳每日都會推出"當日半價食品"，而呢個豬鞍扒正正就係今日嘅半價系列;豬鞍扒好厚肉配蘋果醬好清甜，配合埋一齊食，真係清新又好味。而且仲係半價，超抵啊🤩⭐龍蝦忌廉汁虎蝦扁意粉$208- 呢個虎蝦扁意粉份量啱啱好，忌廉醬汁夠濃郁，虎蝦又夠爽口🥧火焰雪山$168- 見到個火焰雪山，已經好開心，除咗賣相打卡一流📸之後，甜品火焰完之後散出淡淡嘅酒香，再加上好味嘅雪糕同蛋糕，食完正餐再嚟呢個美味甜品真係夠曬滿足!

今日去咗中環砵典乍街一間叫「Mojo Bistro」嘅西式扒房食晚餐，餐廳嘅裝修充滿復古風味，有一個好靚嘅酒吧吧枱，而且燈光昏暗有情調，適合情侶閨蜜去慶祝。餐牌有多款經典西式菜餚，而且星期二至六做緊特別優惠，每一日嘅夜晚5點半至10點可以用半價買一份指定餐點，今日星期二可以嗌加拿大豬苛鞍扒配蘋果醬，而且係OpenRice訂座仲可以享有全單八折優惠，真係幾抵食！🍊Mojo House Mussels with Fries & Mayo 呢碟藍青口嘅份量唔算多，不過每一粒青口嘅味道都幾鮮甜，而且上菜時有蠟燭喺青口下面保溫，配上餐廳自家調製嘅白酒忌廉汁，混合洋蔥、蒜頭、白酒同奶油嘅香味，同青口一齊食好夾，配菜有香脆嘅炸薯條同沙律蛋黃醬🍊Grilled Tiger Prawn Linguine兩隻虎蝦都好大隻，煎香後嘅口感仍然爽口彈牙，蝦肉味道鮮甜，配上味道濃郁嘅龍蝦忌廉汁，提升咗虎蝦嘅鮮味，底下嘅扁意粉亦都吸收晒龍蝦忌廉汁🍊Canadian Pork Rack加拿大嘅豬鞍扒面積同厚度都好大，表面煎到好靚，切落去豬肉非常嫩滑，仍然保持豐富嘅肉汁，同時保持到豬鞍扒嘅口感，醬汁可以配酸甜開胃嘅蘋果

Openrice book 中環石板街Mojo可享全單 8 折優惠，見裝修復古裝修，今晚同朋友食飯去慶祝下餐廳高雅舒適，設有露天茶座打開餐牌每晚有1款菜式半價優惠，今晚半價菜式 —— 藍青口配薯條，真係好抵食🥗煙三文魚凱撒沙律沙律菜新鮮，加上煙三文魚，沙律份量剛好好開胃前菜
🐚藍青口配薯條
青口新鮮，每隻都幾大粒而且厚肉，入口嫩滑，配上忌廉汁非常鮮味！旁邊香脆薯條，再沾蕃茄汁或忌廉汁，非常可口🦞龍蝦忌廉汁虎蝦扁意粉虎蝦肉質彈牙爽口，意粉軟硬適中，每麵條都掛滿濃郁龍蝦汁，水準之作甜品：火焰雪山待應淋上著火威才忌，火焰淋上蛋白糖霜燃燒，燒到表面有點焦就可以食。雪山切開後，裡面是滿滿士多啤梨同雲呢拿雪糕，入口奇妙的滋味，令人驚喜的甜點

今日約咗舊同事發現一間復古風情裝潢好多人慶祝生日，慶祝必去嘅西餐廳✨入到去仲見到有露台位，就算傾偈都好chill⭐️佢哋有好多款經典西式菜餚仲要每日都有一款半價菜式超抵食。而家用Openrice 訂座仲有全單 8 折優惠😎💫Foie Gars Two-Ways兩種方法食鵝肝，有鵝肝醬配多士同埋煎鵝肝配蘋果粒。兩款我都鍾意夠晒油香。🍝Wild Mushroom & Black Truffle Spaghetti好多雜菌，每一條意粉都有濃郁嘅雜菌醬汁，夠晒惹味。🍗Cajun Spring Chicken呢個係星期六嘅半價菜式，有半隻燒雞同埋薯菜，雞肉一啲都唔嚡口，個皮仲燒得好香脆。🍟Fries w/ Black Truffle Mayo粗薯條配黑松露醬食唔停口。

同閏密靜靜地食餐飯，呢間石板街嘅餐廳真係好岩☺️.法式鴨肝二重奏🦆星期一至日，每天都有特定item半價🤩當日係法式鴨肝二重奏🦆必點‼️真心超好食，有兩種食法，一係煎鴨肝擺上多士再襯埋蘋果醬🍎酸酸味味中和左鴨肝嘅油膩；另一種係整到creme brulee，初時好好奇點解有個甜品既？原來焦糖脆脆底下係鴨肝醬黎㗎😍😍😍好難忘，超濃郁☺️.龍蝦忌廉汁阿根廷紅蝦扁意粉🦐🍝兩隻阿根廷紅蝦大大件，好爽口彈牙🤭龍蝦忌廉汁好濃郁，沾滿晒成碟扁意粉，係非常juicy！.
蝦仁牛油果多士🥑🥪粒粒蝦仁配上千島醬，牛油果生熟度剛好，個多士烘到脆脆嘅，好開胃既前菜👍🏻.火焰雪山🏔️呢個甜品必點‼️兩個女仔食完超飽😂建議可以多啲人share，淋完火焰有陣好香嘅酒味🔥入面係士多啤梨雪糕🍓同埋吉士～.我今次喺Openrice訂座，仲有全單8折優惠，計埋好抵～

中環蘇豪區樓上呢間西餐開業一年左右，原來近月做緊星期一至五每晚精選一款菜式做半價優惠🤑‼️餐廳裝潢以美式復古做主調，吧枱又不失摩登時尚感，環境格局浪漫有情調，室外座位仲勁chill勁好feel，完全可以感受石板街嘅氣氛. ⭐️Mojo Lemonade 酸酸地清新開胃. ⭐️朱古力奶昔香濃可可味，奶香滑面層有厚厚忌廉、朱古力醬、仲有七彩繽紛糖粉. 好有童真. ⭐️法式鴨肝二重奏一個價錢兩種食法大滿足. 香煎鵝肝配蘋果醬同埋鴨肝焦糖燉蛋配多士. 鴨肝入口即溶油脂飽滿，配上甜甜地嘅醬汁更提升味道層次又減肥膩感. 配埋香口多士食更有風味. ⭐️藍青口配薯條半價勁抵食大概$100咋！新鮮藍青口肉質零舍鮮甜嫩口絕非雪藏可比，白酒忌廉汁creamy又帶有牛油香味同酒味. 新鮮即炸薯炸得金黃香脆. ⭐️黑松露野菌意大利粉松露味濃郁又散發橄欖油香氣，意粉彈牙，巴馬臣芝士脆片香脆有滿滿鹹香. 火箭菜清新中和味蕾. 想試吓嘅朋友仔記得留意每日嘅半價項目睇吓邊款啱自己口味啦. 呢度嘅巨型戰斧牛扒、牛骨髓同自家製tiramisu 都好出名，下次去再試下先.

最近去咗一間位於中環嘅高級西餐廳，真係好有情調，餐廳環境燈光柔和，裝修復古雅致，帶嚟高貴而溫馨嘅氛圍。餐廳一至五都做緊優惠，每日都有唔同嘅食物有五折，真係好抵，或者揀全單八折，我就揀咗我最想食嘅豬鞍有五折U.S PORK RACK with Apple Sauce & Roasted Vegetables美國豬鞍扒外皮烤得香脆，內裏肉質鮮嫩多汁，搭配蘋果醬嘅甜味，完美中和咗豬肉嘅豐滿口感。GRILLED TIGER PRAWN LINGUINE WITH LOBSTER CREAM SAUCE,龍蝦忌廉汁虎蝦扁意粉，大隻嘅虎蝦彈牙鮮甜，忌廉汁香濃幼滑，完美包裹住每一根意粉，口感豐富BAKED ALASKA,火焰雪山嘅視覺效果非常驚艷，內裏綿密嘅雪糕同輕盈嘅蛋白霜完美結合，外脆內柔，甜度適中，每一口都充滿驚喜。