Mini Friday (The Wave)

營業中

休息中

想觀塘找間可以開心的聚餐餐廳， 依間的確係好選擇，餐廳地方夠大，座位多，美食選擇不少，而且質素唔錯，價錢合理。入座後店員先遞上芝士脆片，塊塊都卜卜脆，一啲都唔hea。喇沙帆立貝意粉 $198份量不少，二人分享好滿足，帆立貝三大粒都幾有誠意，喇沙汁香濃食落又唔會太咸好口渴。韓式辣醬炸雞 $98全部無骨炸雞食落好方便，外皮脆脆內唔算乾爭爭，韓式辣醬屬甜辣，少少辣好過癮，質素可媲美韓國炸雞專門店。日式芥末沙拉蝦 $118大量沙律菜新鮮爽脆，配以日式芥末醬開胃美味，大蝦六隻彈牙厚肉，食落新鮮爽口 。艾丁格黑麥啤酒 （跟餐+$58）意粉包$30內飲品，心思思加錢轉配黑麥啤酒，飲落好順喉，無一般啤酒果隻刺喉感，仲帶點麥香。

觀塘美食多，梗係要四圍覓食啦😊。同事推介食Mini Friday， 說呢間西餐廳款式多，現重推出左新餐單，啱晒我喜歡嘗新嘅心態☺️。雖然位於工業區內，但餐廳地方寬敞，坐位很多，唔會有悶焗感覺😘。鋪坐下後店員會送上小食，薄脆配芝士醬，可食住慢慢點餐☺️。點了2個意粉同一個小食，一齊分享美食。威靈頓春卷，有成6件配搭沙律，外皮香脆，牛肉咬落都軟淋的，確係唔錯。🍝喇沙帆立貝意粉，帆立貝鮮味彈牙，喇沙嘅醬汁，足夠拌勻意粉，熱辣辣啖啖都滋味。🍝泡菜卡邦尼意粉，加上泡菜的味道，上枱時聞到好香，麵質爽彈的，入口味道濃郁。另飲品點了至愛的凍檸茶☺️。

一直都無試過mini Friday嘅lunch.估唔到佢嘅lunch set係半自助🥰而且選擇都頗多。觀塘依個地點lunch time 嚟講唔算多人亦唔需要排隊同人哋逼，可以安靜舒服咁食個lunch👍自助沙律吧 ＋香煎盲鰽柳 配 薄荷青檸燒汁💰158 （配飲品）魚柳煮得啱啱好唔會太熟配搭青檸燒汁味道好fresh 而且仲有淡淡嘅香草味😻。薯泥有好香厚嘅黑松露味😋依個價位有一個set餐 且包半自助吧，湯至甜品均有齊。真係好低食👍例如 有洋蔥湯、糖水、咖哩角、炸燒賣、高湯白菜、咖喱蘿蔔魚蛋、沙律、水果、甜品。高湯白菜好清甜，咖喱蘿蔔魚蛋咖喱味好濃厚而且唔會辣😋，沙律🥗一共有三種醬汁可供選擇👍。甜品屬於Minni size唔洗驚太漏，可以有quota 試下其它甜品。

地點非常易搵，觀塘廣場方向出口直行，直行幾個街位轉左，到左wave會個水牌，直行就是lift記住3樓出lift ，向左走Mini Friday， 向右走米走雞，要答lift，扶手電梯fake人，上唔到3樓的。一坐低，就送左一盤nachos俾我地免費的，有誠意！飲酒的話仲有靚女serve，推介。餐廳環境寬敞，坐得舒服，幾丁友可以坐卡位，一大班人都可以有長枱坐，唔錯既選擇。晚餐有set或者A La Carte，set會配沙律+餐湯+餐茶都唔錯，不過諗住試唔同野所以都係嗌menu🤣韓式芝士炸雞 $98滿滿既流質芝士舖上面，每一件雞都可以被芝士包裹住，要趁熱食！估佢唔到$98都勁多件雞，2個人都食唔晒。黑松露薯條 $68鐵桶上既薯條，係足一桶，食到最㡳都見到舖滿既薯條，加埋啤酒就正！加拿大豬鞍扒 $168豬鞍扒濃濃肉味又juic，而且超嫰超淋，個汁我都好鐘意，仲有蕃茄仔同新鮮蘆筍，配埋小小薯蓉，好味!迷你蝦多士$108真材實料，真係有成隻蝦係入面，多士加上薄薄炸粉，脆得黎唔油。朋友聚餐fusion菜首選，黎觀塘要試下👍

一段時間無上過黎開餐啦，估唔到今次黎多咗咁多新菜式，由西餐廳變成多國菜餐廳日韓星馬菜式都有，客人多咗好多新選擇西餐指定動作………….食沙律。就咁凱撒沙律 ($58)好似有D單調，可另加煙三文魚 ($18)，砌成朵玫瑰花咁，綠中一點橙，靚晒。柔軟咸香煙三文魚與爽口沙律菜做對好拍檔。小食類多咗好多新選擇，就好似呢客蜜糖蒜片炸鷄 ($98)入口熱辣辣又香，蜜糖醬汁包圍住整舊炸鷄，皮脆肉嫩; 仲有D炸蒜片，單獨食好似食緊薯片咁卜卜脆，好味呀。呢客白咖喱豬扒便當定食 ($180) 就係今晚友人嘅主菜，除咗白咖喱豬扒外，仲有汁煮蘿蔔及炒雜菜白咖喱豬扒比較薄切，若果諗住用白咖喱醬汁黎撈飯應該會有少少失望; 豬扒入口係鬆軟而帶香茅味。天氣涼涼地，叫個鍋鍋都係好主意，呢個韓式部隊鍋 ($140)又點睇呀?!成個鍋嘅份量唔野少，多種食材舖滿面，見到嘅有腸仔，午餐肉，芝士，鷄蛋豆腐及泡菜再夾落D就見到有年糕，豬肉片，魚串，大豆芽及椰菜，超多料呀。個湯汁唔會太酸辣，一路滾住滾住都幾過癮，以拉麵代替公仔麵，都唔錯喎。餐包埋杯$30嘅飲品，當然要嘆杯鮮奶咖啡，心型拉花，入口香滑，飲完暖在心。

二訪呢間位於THE WAVE觀塘分店高質西餐廳🤭位置方便易搵，環境闊落舒適，到埗一刻時間尚早，不過到咗7:30已經有八成滿座，平日夜晚都咁多人，可見食物質素有返咁上下，先至咁受歡迎😎🌟大蝦配香草牛柳（5成）$218大蝦已經剝左殼，方便易食, 大🦐有5隻，食落爽口鮮甜👍 主角牛柳5成熟啱啱好，易切冇筋冇血水，多肉汁勁juicy🥰 仲有薯蓉同蘆筍都好出色👍🌟喇沙帆立貝意粉$158喇沙醬汁好特別，濃度啱啱好，每一條意粉都掛晒汁😍 呢個配搭好正，三隻帆立貝超大粒，鮮甜美味，應該冇人會唔鍾意食🤭🌟日式芥末沙拉蝦$98墊底嘅沙律菜爽脆新鮮，配搭日式芥末醬夠創新好開胃，越食越想食😎 大蝦用薄粉略炸，外脆內爽口新鮮👍🌟紅莓汁$6跟餐🌟蘋果汁$6跟餐今晚繼續走健康路線🤭 我揀咗紅莓汁， 朋友都唔執輸揀咗蘋果汁鬥健康，味道唔太甜飲得出新鮮嘅味，唔錯👍

觀塘工廈真係好多好野食， 今日就試左 The Wave 既MiniFriday，西餐廳野食都幾多元化。環境燈光柔和，係度食野傾計都好舒服。一坐底店員就放低脆片小食，又幾好食，點埋千島醬好快就比我地食哂🤣。呢度用QR code 落單，都幾細心，甜品可以揀即上定叫先上。今日我地試哂豬🐷牛🐂雞🐔既菜式。🤣蜜糖蒜片炸雞🐔，炸雞超脆，滿滿既密糖加炸蒜連炸雞一齊食，超正。加拿大豬鞍扒🐖，個醬有啲花香味，好特別。聽講呢度威靈頓牛柳🐂都幾出名，我地叫左威靈頓春卷，牛味香濃，肉色粉嫩，係幾好味。心太軟配雪糕，一上枱就好香朱古力味，有唔同顏色既生果做點啜，賣相幾靚，切開有少少流心。呢餐都幾抵食。

星期五晚放工想輕鬆一下食好野，就去左位於Wave既「Mini Friday」✨，餐廳地方寬敞舒適，而且近排轉左餐牌，有好多新款美食，有沙律🥗、pizza、burger🍔、意粉等等，每樣都有質素，性價比十分高。凱撒沙律🥗$58首先點凱撒沙律作為前菜，沙律菜清新爽口，配搭脆麵包粒、芝士、煙用粒，簡單又好味。芝士沙爹牛肉炒蛋🍳漢堡配薯條🍟$148賣相已經非常吸引既漢堡🍔，嫩滑既炒蛋加沙爹牛肉，綜合左港式元素✨，好味有特色。和風煙三文魚薄餅🍕$138值得推介既pizza，薄餅底夠薄又夠脆，加埋煙三文魚、木魚碎等等，惹味又抵食。泡菜卡邦尼意粉🍝$108最後卡邦尼配上泡菜，另一創新fusion 菜，微微既泡菜帶點微辣🌶，配搭上卡邦尼汁又十分夾，絕對要一試。👍🏻

Mini Friday 位於觀塘 the Wave, 出地鐵行2個街口， 都方便易揾。 最重要係地方大， 唔使同人迫，又唔使等位。食飯心情都靚d晚餐有set dinner, main course 加一杯飲品價錢都好實惠套餐更有多國菜式揀，有韓式， 喇沙， 和風，西式…..絕對滿足到多心的朋友 （有選擇困難症既朋友就….） 一坐低，待應就先奉上呢個免費既薄脆。 雖然免費， 但極正， 夠脆又唔油。 個醬汁係加左十倍分。 醒目tips: 我留番黎食牛， 超夾超好味呀 是夜晚餐 ： 大蝦配香草牛柳蝦已去殼， 唔使剝，超方便我呢d懶人牛扒落單時可揀幾成熟。 成塊牛柳切片上， 感覺餐廳既食物處理都幾貼心牛扒既熟成都做到我落order 既7成，唔會韌不過伴碟既蔬菜無烤過， 略扣左少少分。威靈頓春卷聽個名都覺得好吸引， 即刻要點。 佢係一個春卷皮包住牛柳，仲有一d菇菇蓉成個菜式非常新鮮有創意上枱時春卷非常熱辣辣，正😄不過有少少熨口，大家食個時要小心呀跟碟上的蛋黃醬我覺得味道偏淡， 反而點薄脆既醬仲惹味甜品來個心太軟加雪糕 $68蚊造型好似火山咁心太軟既朱古力漿唔太膨湃，做唔到一湧而出的感覺， 不過個

自助沙律吧+炭烤紐西蘭頂級牛扒配黑松露燒汁 $198 配飲品，牛扒肉質嫩滑多汁，牛味重，超級厚身，啖啖肉，完全無筋位！牛味亦相當突出，黑松露燒汁好惹味，口感豐富。配菜有薯蓉，唔驚唔夠飽。呢間樓上半自助西餐環境寬敞，大部份都係梳化位，裝潢亦好時尚，自助任添餐湯、冷盤、炸物、小食、沙律、甜品，每人唔使$200就可以食到咁多高質野，超值！❣️Mini Friday (The Wave) (觀塘)觀塘興業街4號The Wave 3樓

呢間原來朋友上月都有嚟過，Menu已經轉咗，因pizza份量幾大份下，所以我哋2個女孩子嗌咗其他嘢。特別中意佢餐廳地方好闊落，傾密偈都唔怕應聲，同一家大細，或者兄弟幫/閨蜜gathering都好啱。每枱會送一客千島醬脆脆，味道似厚少少嘅春卷皮，等主菜嘅同時過吓口癮。大蝦配香草牛柳、龍蝦蝦肉包配薯條，兩款都係人氣之選，當然唔少得甜品，侍應就推介楊枝甘露梳乎厘。飲品叫咗一壺茉莉玫瑰。大蝦配香草牛柳大蝦好彈牙，朋友嘅favorite, 牛柳7成熟，肉質幼嫩兼juicy, 以為只有肉，原來壓底係黑松露薯蓉，好好味，仲有蘆筍、圓波波小椰菜、蕃茄仔，眨吓眼俾我哋清咗碟。龍蝦蝦肉包配薯條龍蝦肉幾乎爆饀，龍蝦味道突出，仲有啲火箭菜同魚籽沙律，薯條好食，粗脆鹹香、內裏軟綿，就算冇沾茄汁同千島醬都食得過。茉莉玫瑰（壺）玫瑰味道更明顯，養生安神，斟咗幾轉熱水都維持住應有的服務態度。楊枝甘露梳乎厘窩夫偏甜，但梳乎厘好值得試，口感有層次，冧得嚟有實感，柚子肉鋪滿表面，淋上椰汁暖笠笠，配紅肉白肉火龍果，至於雲呢拿雪糕正常發揮。

同層一分二，一邊雞煲一邊西餐有live band氣氛會更好～一坐低就送上薄脆～係免費嘅Dip and Crispy~ 柚子雞翼（5隻）$68雞肉嫩滑無過火，柚子醬亦不會太甜～剛好包裹外層～喇沙帆立貝意粉 $138將喇沙湯變成creamy醬汁，入口淡淡椰香～凡立貝數量唔小，無overcook～加拿大豬鞍 $168略嫌唔夠肥多啲油香會更開心～～仲有大塊蝦片、幼滑薯蓉、露荀、泰國椰菜，豐富又均衡！原味梳乎厘 $88size細細，最適多心又怕肥嘅美女質地鬆軟～配上香芋雪糕，perfect!#minifriday #happyfriday#酒吧餐廳#西餐#觀塘#thewave#tgif #朋友#拍拖#浪漫

🍴話說之前想試呢間 不過咁啱疫情冇咗𝑏𝑢𝑓𝑓𝑒𝑡供應 今次終於可以試到啦 😆😎平時星期一至五嚟呢度食仲唔使+1服務費添 好適合喺觀塘返工嘅朋友 👍🏻呢度地方好闊落 坐得好舒服 尤其公司嘅𝑙𝑢𝑛𝑐ℎ 𝑔𝑎𝑡ℎ𝑒𝑟𝑖𝑛𝑔都好值得推介㗎 💕𝑆𝑒𝑚𝑖 𝐿𝑢𝑛𝑐ℎ 𝐵𝑢𝑓𝑓𝑒𝑡 🐟自助沙律吧 ＋香煎盲鰽柳 配 水瓜榴忌廉汁 •𝑆𝑎𝑙𝑎𝑑 𝐵𝑎𝑟 & 𝐺𝑟𝑖𝑙𝑙𝑒𝑑 𝐵𝑎𝑟𝑟𝑎𝑚𝑢𝑛𝑑𝑖 𝐹𝑖𝑙𝑙𝑒𝑡 𝑤𝑖𝑡ℎ 𝐶𝑎𝑝𝑒𝑟𝑠 𝐶𝑟𝑒𝑎𝑚 𝑆𝑎𝑢𝑐𝑒 $158 ➡️盲鰽柳都有手掌心咁大份 魚皮煎得頗香 魚肉白滑 唔會乾 配菜同車厘茄都有好多 🐑自助沙律吧 ＋炭烤澳洲羊架 配 紅酒汁 •𝑆𝑎𝑙𝑎𝑑 𝐵𝑎𝑟 & 𝐺𝑟𝑖𝑙𝑙𝑒𝑑 𝐴𝑢𝑠𝑡𝑟𝑎𝑙𝑖𝑎 𝐿𝑎𝑚𝑏 𝑅𝑎𝑐𝑘 𝑤𝑖𝑡ℎ 𝑅𝑒𝑑 𝑊𝑖𝑛𝑒 𝑆𝑎𝑢𝑐𝑒 $168 ➡️羊架烤得非常香口 夠惹味 𝑇𝑜𝑡𝑎𝑙有兩舊 羊肉唔會靭 紅酒汁酒味唔重 鍾意食羊嘅朋友不妨一試 🥗自助沙律吧 •𝑆𝑎𝑙𝑎𝑑 𝐵𝑎𝑟 & 𝐷𝑒𝑠𝑠𝑒𝑟𝑡 𝐵𝑎𝑟 $98 ➡️個胃太細食唔到主餐嘅朋友 都可以就咁食沙律吧 相信都可以夠晒你飽 ⬇️⬇️介紹一下自助食區先 ⬇️⬇️🍲是日餐湯 及 墨西哥脆片

之前係觀塘𝖳𝗁𝖾 𝖶𝖺𝗏𝖾食米走雞，見到隔離嘅𝗠𝗶𝗻𝗶 𝗙𝗿𝗶𝗱𝗮𝘆都好多人食，一直都想搵機會幫襯下。適逢朋友話想食西餐，我地就揀咗𝗠𝗶𝗻𝗶 𝗙𝗿𝗶𝗱𝗮𝘆，環境舒適，仲要啱啱轉咗新𝗆𝖾𝗇𝗎，推出多款𝖥𝗎𝗌𝗂𝗈𝗇菜式，一次過就食到多國風味🌏 𝗕𝘂𝗯𝘂推介🔥👍 香草燒雞 𝙍𝙤𝙖𝙨𝙩𝙚𝙙 𝘾𝙝𝙞𝙘𝙠𝙚𝙣經典西餐菜式，半隻燒春雞上枱🐓雞肉燒得好嫩唔油膩，而且肉量都唔少，淋上燒汁更惹味。配上薯蓉同蘆筍等配菜，令味道變得多元化又營養均衡。👍 和風煙三文魚薄餅 𝙎𝙢𝙤𝙠𝙚𝙙 𝙎𝙖𝙡𝙢𝙤𝙣 𝙋𝙞𝙯𝙯𝙖將和風融入pizza之中😍 大大個pizza上面舖滿煙三文魚、紫菜、木魚絲等，配上日式燒汁，充滿日式風味。Pizza選用薄脆批底，食多幾次都唔會滯🤩📍Mini Friday 觀塘興業街4號The Wave 3樓

原本一心諗住去試下beef wellington, 點知個餐牌轉晒，之前見果啲beef wellington, 豬手，DIY pasta 全部無晒。失望叫了大蝦牛柳，味道可以：豬扒肉質偏乾：威靈頓牛肉春卷，偏鹹：