Mini Friday (The Wave)

營業中

休息中

想觀塘找間可以開心的聚餐餐廳， 依間的確係好選擇，餐廳地方夠大，座位多，美食選擇不少，而且質素唔錯，價錢合理。入座後店員先遞上芝士脆片，塊塊都卜卜脆，一啲都唔hea。喇沙帆立貝意粉 $198份量不少，二人分享好滿足，帆立貝三大粒都幾有誠意，喇沙汁香濃食落又唔會太咸好口渴。韓式辣醬炸雞 $98全部無骨炸雞食落好方便，外皮脆脆內唔算乾爭爭，韓式辣醬屬甜辣，少少辣好過癮，質素可媲美韓國炸雞專門店。日式芥末沙拉蝦 $118大量沙律菜新鮮爽脆，配以日式芥末醬開胃美味，大蝦六隻彈牙厚肉，食落新鮮爽口 。艾丁格黑麥啤酒 （跟餐+$58）意粉包$30內飲品，心思思加錢轉配黑麥啤酒，飲落好順喉，無一般啤酒果隻刺喉感，仲帶點麥香。