Mecca (已結業)

由於尼間餐廳只做外賣又夾住係街市檔平時行過真係會錯過唔試唔知咁出色 菜式又夠特色由埃及廚師製作 好有風味意粉控表示蕃茄炒意粉味道非常濃郁蕃茄味突出 有真蕃茄 唔係全茄汁絕對唔hea 即叫即做 仲可以whatsapp 落定單如果想環保d 仲可以自備食物盒架另外，餐廳設有午餐 附一包紙包飲品價錢非常親民 岩晒我尼d 打工仔特別推介香脆魚柳 估你唔到有2 大塊 香脆可口 食到停唔到口 唔係講笑 平時都唔食熱氣野嘅我 都忍唔到口服務：態度親切有禮貌 感覺良好

新年無限大食會又到, 離不開幾款食物, 壽司, 炸雞, pizza今次就想講下呢間埃及餐廳, 只係外賣的, 由於1月1日關係好多人落單，我地係4點幾落7點幾先有得拎，不過都係我地合適既時間老闆娘話個沙律整得特別滿比我地, 感覺好有人情味！🤗幾樣田野食加埋$225沙律 ： 材料好新鮮, 而炭火燒的烤雞十分香口, 醬汁味係偏淡意粉： 蕃茄意粉：一般，冇話特別好食BBQ Beef Roll : 牛肉肉汁味都仲好重👍🏾不過個外皮就有的厚Chicken Pizza : 細細件咁, 芝士味重, 但正因細細件食落唔會好heavy😄

今日去水邊圍附近探朋友 朋友推介呢一間pizza 見佢係清真寺嘅背景都好感興趣 因為知道清真寺 餐廳 整嘅羊肉特別好食 結果不出我所料 羊肉pizza 非常美味 唔會太騷 配搭埋三色椒 賣相好吸引 而且佢個皮整得好薄 一啲都唔重麵粉味 另外我哋仲叫咗一個海鮮味pizza 朋友第一次叫過話好好味 本來 我都冇乜期望 但係食落口 就好驚喜 因為竟然有原粒墨魚 仲有其他海鮮 而且兩個大批嘅價錢亦相當 抵食 送過嚟嘅時候亦相當熱 整體感覺非常好!!!!!

已經係第二次幫襯今次試同上次唔一樣嘅野叫左個烤雞pizza 海鮮pizza 烤羊卷終於試到厚批🍕🍕🍕厚有厚好味😋薄都有薄嘅好味😋厚就要等一小時以上但可以whatsapp落單就冇問題啦👌🏽👌🏽羊卷 有好多配菜 感覺好健康海鮮pizza好多芝士 好香海鮮味烤雞pizza 都有好多紅椒 黃椒 青椒 好好味😋Pizza盒都好靚

星期日想搵啲特別野食吓發現到屋企附近竟然有間埃及店發現得太遲估唔到睇落細細間店原來有咁多野食揀每一樣睇落都好吸引有飯有意粉 竟然仲有烤肉卷同pizza 真係抗拒唔到樣樣都想試揀咗好耐最後先揀到等係要啲時間好彩我提早喺Whatsapp落單問佢拎Menu夠鐘再過去拎叫咗烤雞卷 勁好食 😋料好足誠意之作口感好豐富入面有好多菜 感覺好健康啲肉整得勁好食夾埋啲醬真係好高嘅味覺享受感覺存在就係一件美好嘅事叫咗兩個9吋嘅薄批Pizza烤羊肉真係香到不得了有驚喜啱晒鍾意食羊肉嘅我佢個醬真係十分好味WhatsApp嘅職員十分有耐性有禮貌👍🏽一定會再光顧

我食個個鷹嘴豆卷 味道十分好 元朗亦有依類食品亦很少 但係我問前台收銀話有無外賣 佢答我app 但係我去app查既時候係寫已關門。 沒有做到係頁面到 如果佢可以連番上外賣就非常好了

三文魚Pizza 羊肉salad 同個牛肉捲餅好好食🙌🏻 炒飯又好好食 唔油膩味道適中 所有野都大份量又足料 價錢又唔貴 好似發現新大陸一樣 未試過埃及菜既可以試試 老闆娘好nice好好人 正宗埃及人餐廳 支持小店！

去橋底攞野於是去OpenRice望下有咩餐廳點知比我發現咗喱間餐廳～睇下餐牌覺得都唔錯於是去買啦我開頭都唔抱太大期望，因為我叫嘅都係普通意粉一碟，但當我番屋企食完之後我覺得好有驚喜！雖然佢係一碟普通嘅意粉，但落足料之餘佢嘅蕃茄醬係我食過最入味最好味嘅！重點係佢成碟意粉係唔辣但都可以食到蕃茄醬同啲雞炒埋出嚟嘅香味！成碟意粉直接昇華到另一個境界店舖都有好多食物選擇，下次我會再幫襯一下其他食品，水準一流繼續保持呀

The food is really delicious and I'm glad that have the Halal Certificate from the Halal food authority Hong Kong. I really recommend people to go and have something from there. I'm sure people who have been to this restaurant must have some positive reviews

發現呢間野唔夠兩星期，八日食左四餐。星期六：特厚牛肉芝士漢堡配薯條炸雞扒薯餅芝士漢堡配沙律牛肉係特製，加左香料，好特別，薯條成盒上，老闆真係好大方，配埋特製醬汁，外脆內軟，好味到暈。星期三：碳燒雞薄餅（薄批）唔知厚批要等咁耐，所以要左個薄批，辣辣地幾野味，好味😋。星期六：烤羊肉薄餅（厚批）終於食到厚批，個底夠厚，批邊有水份，一d都唔乾，好食過某大牌子好多，羊肉雖有少少臊味，但唔濃烈，咁先似食緊羊😆，夠多芝士。星期日：烤羊肉薄餅（厚批）昨天的烤羊肉薄餅實在太好食，屋企人話要encore，所以又買左，加埋d特製醬真係冇得彈，呢個價錢真係好抵食。

上次食過牛肉pizza、羊肉pizza,覺得性價比好高！今次就買左兩個細、薄批：大蝦&海鮮。各$60,跟有微辣千島醬另上。大蝦pizza，約有十隻蝦，三色椒、洋蔥、橄欖粒、小蕃茄。芝士好足。海鮮pizza,有魷魚圈，其他材料同大蝦一樣，好好食！$60有一個細薄批，夜晚加餸，其實抵食下次再試埋其他。

夜晚叫左兩個pizza,一個大既蒜香牛肉pizza$85(微辣）同一個細既羊肉pizza$60(聞所未聞，就一定要試下）~配有三盒醬同好多茄汁，食落似千島醬同沙律醬，都係微辣既，其中一個醬沾過有淡淡青瓜味好fresh清新開胃。重口味既人嫌原本唔夠濃既話，點醬就岩岩好！呢個$85大既牛肉，食落有d辣，好多牛肉，芝士味都重。真係要再講多次，比預期中物超所值~$60細既羊肉都好足料，同樣配有洋蔥，番茄，橄欖，調味恰好，夠味唔會太鹹，兩個都叫左薄批舖滿肉，肉食獸既朋友實滿足！今次試左牛肉、羊肉覺得好食，啖啖都係滿滿既肉！下次試下大蝦海鮮pizza~呢個價錢，無論大批細批，厚或薄，都好抵。比起連鎖pizza店，係有過之而無不及絕對值得試！由於係即整既關係，我叫完外賣要等一個鐘自取，其實可以打電話提早叫定......不過唔緊要，味道先係最緊要。另外除左pizza,仲有漢堡，粉麵，小食。價錢相宜，都係個選擇。真係試得過~外賣返到屋企仲熱，趁熱食係無得彈！

其實都食過好多次， 之前都係食包多，配過薯條，薯條係粗身果種，襯熱食都脆 。今日唔太餓，所以今次想試下食呢個埃及芝士沙律，全素。 第一次食埃及芝士，原來係比較硬身同咸，就咁食真係幾濃味，但如果配埋沙律都可以既。 沙律份量都唔細，大約大既外賣飯盒，入面有青瓜，紅菜頭絲， 番茄仔 ，生菜 ，紫洋蔥， 蘿蔔絲咁， 會另外比醬(微辣)。 但沙律入面落太多鹽 ，食完要飲返多啲水， 畢竟埃及野都係重香料。重點50蚊一個 抵唔抵食見人見智了。

果日經過見到岩岩新開張，買咗個$60既9吋埃及香蒜牛肉pizza試下，另有12吋可選擇！Pizza足料🍕有特色風味，香料味唔會太濃，適合香港人口味，另配特色醬一盒，食落有少少微辣，少少蒜香味🧄非一般沙律醬，原來這特色醬係店主自家製，真好味🤩即叫即做，熱辣辣有脆口感😋值得一試👍🏻由於係即做即焗，制作時間等左大約25分鐘，職員建議下次可以打電話☎️落左order先再到店付款取餐，非常之好👍🏻職員亦態度有善！整體感覺良好，會下次再幫襯😚