Mecca (已結業)

其實都食過好多次， 之前都係食包多，配過薯條，薯條係粗身果種，襯熱食都脆 。今日唔太餓，所以今次想試下食呢個埃及芝士沙律，全素。 第一次食埃及芝士，原來係比較硬身同咸，就咁食真係幾濃味，但如果配埋沙律都可以既。 沙律份量都唔細，大約大既外賣飯盒，入面有青瓜，紅菜頭絲， 番茄仔 ，生菜 ，紫洋蔥， 蘿蔔絲咁， 會另外比醬(微辣)。 但沙律入面落太多鹽 ，食完要飲返多啲水， 畢竟埃及野都係重香料。重點50蚊一個 抵唔抵食見人見智了。