Little Fresh Cafe & Bar (已結業)

同個好耐無見既朋友約左係油麻地聚下，特登搵間樓上CAFÉ 坐得舒服D。恆威商業中心的正門係巷仔入，我地都搵左一陣先搵到。餐廳係落地玻璃，下午時間好光猛，景觀都幾開揚，可以睇到下面人來人往。每張枱上都有一個座枱燈，燈光柔和好舒服。南瓜煙肉意大利飯Lunch set 有湯有蒜蓉包有飲品，南瓜汁好香好甜，燴意大利飯唔會太硬又唔會太軟剛剛好，好抵食。芝士煙肉薯泥熱鍋一層厚度適中既芝士煙肉覆蓋在薯泥上，比例剛剛好，芝士煙肉好香，用熱鍋上仲可以維持個熱度。自家製蘋果金寶好有驚喜，唔會太甜，食到停唔到口。餐廳的咖啡都好香好飲。

今日朋友帶左我去樓上cafe食法式西餐，Lunch set有4個款，大約兩個星期轉一次，星期一至五12:00-5:00提供。另外，埋單時店員提醒我哋可以like 社交平台，即時有每人頭減十蚊優惠，好抵食。我哋分別叫左2個餐，湯同沙律可以share。是日餐湯：法式洋蔥湯，餐廳用左紫洋蔥，令湯特別香甜，加上脆卜卜既蒜蓉飽，完美配搭。田園沙律：沙律菜新鮮爽口，配上黑醋醬汁，係一道開胃既前菜。白汁煙肉燴意大利扁麵：扁意粉入口特別煙韌，每條意粉都掛滿香濃既白汁，加左大量煙肉同菇，整體感覺好有奶香。檸檬香草汁三文魚扒配蒜香意粉：三文魚外皮煎得好香和脆口，肉質肥美肉厚，配菜有車厘茄、椰菜仔、紅蘿蔔，感覺很健康。總結，餐廳用心製作，食物有質素又好味，地點便利，係朋友聚腳既好地方。

陪朋友送貨到家樂坊後,佢帶我嚟咗呢間樓上cafe食晏！小店細細哋,播放著音樂,感覺舒服！除set lunch外,menu仲有小食、沙律、意大利飯、意粉、甜品、飲品等多種選擇！我哋各人點咗個午餐,set lunch 有是日餐湯或田園沙律、主食同飲品！蕃茄羅宋湯好有真實感,有新鮮蕃茄嘅酸甜味道,並非罐頭牌。再配埋香脆多士,好味！香煎三文魚扒配檸檬香草汁呢個餐可配薯條或白飯或意粉,朋友揀咗意粉。佢話意粉煙韌有口感,配菜顏色鮮亮又健康。三文魚煎到金香,配上檸檬香草汁,清新美味！白汁煙肉燴意大利麵白汁做到濃厚掛麵,煙肉吾肥,再加上雜菌同羽衣甘藍(好似係😂),提升意大利麵味道！吃飽飽,慢慢地飲啖熱檸水,清一清味蕾,望一望街景,非常寫意！

叫左兩杯特飲，一個係水果茶，一個係青檸簿荷簿荷個杯超級醒神，用料好足沙律上面有橄欖油同蕃茄粒，食完好健康火魔醉蜆：好吸睛+打卡✅真係會有酒味，同埋份量都幾多，鹹甜鹹甜咁，好正店員會專門放左上枱先再點火，善解人意。仲會有個夾仔比你，我地食曬成點都唔洗落手拿破倫大蝦意粉都好好食。首先佢個蝦有頭，但冇殼！！！好貼心同埋我以為只係有蝦，但佢嘅醬係有魷魚粒，唔好以為d 醬冇野就冇食🤣🤣 醬的濃度好適中，掛到意粉，好味！pork rib 都好唔錯大份，肉唔乾又唔柴，好嫩，易咬，老人家同細路仔食都唔怕冇牙口。但味道上會有少少辣，愈食愈過隱。如果想冇咁辣可以撥走上面嘅醬，但肉本身都入面。底部仲有creamy 磨菇，薯蓉，煎過嘅蕃茄，好正

位置：📍Little Fresh Cafe & Bar (旺角)旺角登打士街36號恆威商業中心18樓📍係登打士街個邊有個入口仔，行過唔好意為係後巷呀，商業中心就係個度。見OpenRice呢一間餐廳咁多好評，睇相同埋食物都覺得唔錯上到18樓一出門就係餐廳。食後感：餐廳唔算好大，但裝飾新穎，見到係由4位年青人合力打理，好有活力💪🏻 支持✌🏻。坐低之後，有位好好服務同禮貌嘅侍應嚟解釋吓今晚嘅餐牌內容。主要有4款set dinner, 而我同老公就叫咗香煎鱸魚同埋蟹肉意大利飯，另外再加多個火焰燒蜆。味道：首先上嘅係餐湯同埋好香脆嘅蒜蓉包，餐湯係意式雜菜湯：雜菜湯好多湯料，有少少肉碎，紅蘿蔔，同埋好多香草。餐湯夠熱夠多料，唔會太油，味濃 新鮮，似羅宋湯，唔會抗拒，配合埋香脆嘅蒜蓉包一齊食，係唔錯嘅配搭。火焰燒蜆：侍應隨後淋上一杯我估係著火嘅酒 之後成個畫面都好震撼好靚🤩蜆肉有好多隻，份量一啲都唔小，非常之有誠意，性價比非常之高。味道方面，配上少少蒜片香蔥及香料，味道非常唔錯，亦都唔會太濃，又畫面有味道 100分👍🏻蟹肉意大利飯：入口非常creamy 有好多蟹肉 意大利飯配上蟹膏混和埋一齊 非常之

上次食左little fresh既晚餐之後，一直都好想再試多次。咁岩今日lunch就到時間，就決定試下午餐。今次就叫左秘製芥辣醬西班牙豬豚肉配飯。豬豚肉煮得唔錯，幾嫩口，加埋佢既芥辣醬，食落都唔會好油膩👍🏻👍🏻。配菜都抵讚，唔會配三色豆。反而係椰菜花仔同紅蘿蔔🥕。另外，我都叫左法式托斯納卡雞肉燴意大利麵。意大利麵煙靭，配埋濃郁鮮甜既蕃茄醬非常開胃，雞肉又唔會煮到好老。食完都十分滿足！而lunch set 亦包左沙律/湯同熱飲。今次餐湯係紅湯，湯味濃郁。最最最重要係有蒜蓉包，用黎點湯一流！埋單時仲有神秘優惠，每個餐都可以各扣$10，亦唔收加一。所以littlefresh絕對係油尖旺抵食西餐餐廳！

岀黎油麻地地上堂，都要食飽飽先，孤獨食除左拉麵，我都喜歡搵間cafe，搵左呢間樓上cafe試下。好，坐低睇下有咩好食先。洋蔥湯，用左牛肉去煮個湯，湯底清澈半透但就好有洋蔥清甜同牛肉香味。仲有跟香脆蒜蓉包。西班牙豬豚肉配秘製芥辣醬，跟蒜香意粉，豬豚肉8,9成熟，切既時候已經感覺肉質好軟腍，一切就開，，食落肉絲唔會黏牙，個芥辣醬味帶微酸，唔是辣的，同豬仔肉好夾。意粉就軟硬度適中，拌醬汁都唔錯。餐飲唔使加錢可以叫橙汁，正呀喂！

今日同朋友黎到旺角既樓上cafe，估唔到又靚又好食！呢間Little Fresh Cafe主打法式西餐，價錢唔會好貴，仲要係18樓，可以望到成個旺角景色，夜晚黎都幾正Set Dinner包餐湯或沙律，今日係洋蔥湯，好足料入面好多洋蔥煲到勁淋，食落勁甜，配埋個勁脆蒜蓉包一流火魔煮蜆，真係好睇又好食店員會真係係上面點火比我地打卡，好靚！啲蜆食落好鮮甜，有少少白酒味，唔錯蟹籽忌廉汁蟹肉意大利飯，好入味勁creamy，忌廉味超重，食到停唔到口，賣相亦一流法式香煎盲鰽魚，魚皮煎到卜卜脆，魚肉一啲都唔腥，配埋底下忌廉汁食好正見到個景咁靚，緊係要叫多杯啤酒同朋友chill下，呢到竟然有藍妹fresh，第一次飲，同普通藍妹比無咁重酒精味，好易入口！

今日book咗一間樓上Cafe同朋友兩個撐枱腳，位於旺角一間既Little Fresh 。我哋order兩份套餐意大利雜菜湯，濃郁，湯裡面有唔同嘅蔬菜，例如番茄、洋蔥、蘿蔔，味道鮮美，湯嘅口感好綿密。隨湯附送蒜蓉包都好好味，外脆內軟，蒜香味夾住湯嘅味道，非常開胃。田園沙律，色彩繽紛，有好多新鮮嘅蔬菜同埋綠色葉菜。沙律醬清新爽口，同蔬菜嘅甜味好搭，食落爽口。香煎西班牙豬扒配芥末醬，真係不錯。豬扒煎得啱啱好，肉質鮮嫩多汁，口感豐富。芥末醬濃郁，同豬扒嘅味道好結合，令人回味無窮。炸薯條又係好經典嘅配菜，炸得金黃酥脆，口感好好，味道鮮美。美式咖啡，味道好濃郁，香氣十足。咖啡味帶返少少啡豆嘅苦澀，但係唔會太刺激，飲落好順口。竹炭咖啡，呢杯咖啡係用竹炭烘焙嘅，味道好特別。有啲木質味，令人覺得味道好清新。咖啡本身唔會太苦，加上竹炭味，飲落好容易入口。以咁嘅價錢來講有咁嘅食物質素同埋服務簡直係超值，回頭指數100分😊

朋友介紹咗一間好食又好坐嘅西餐廳，於是今日黎試吓，位於旺角恆威商業中心，地理位置相當就腳，坐位唔係好多，好快就爆滿，好彩有上網book定位🥳我哋一行二人叫左兩款set menu加火魔醉蜆😆⭐️餐湯及蒜蓉包：餐湯係海鮮忌廉湯，忌廉味濃但唔會好咸，配上蒜蓉法包🥖好夾😊⭐️火魔醉蜆：聽到個名都覺得唔嘢少，上枱前店員會進行點火儀式，相當吸睛，蜆肉厚實，用咗類似泰似既做法，加入左香草，蒜片等配料，非常惹味😋⭐️拿破崙鮮海蝦燴意大利扁麵：食落類似紅蕃茄醬汁煮成嘅扁麵，扁麵好掛汁，每一啖都食到蕃茄醬汁，而海鮮好新鮮，肉質鮮甜😁⭐️香草慢煮雞胸配迷迭香莎莎：第一次食慢煮肉，廚師控制時間得好好，😙雞肉嫩滑有肉汁，仲有薯蓉大滿足。⭐️飲品：熱雜果水果茶及迷迭香芒果菠蘿沙冰兩杯飲品都幾特色，🤩唔錯唔錯。睇Menu啲甜品都好吸引，可惜太飽，下次再食😍

唔講唔知，原來旺角有間主打法式菜嘅樓上餐廳😎，午餐Lunch Set 好食，性價比算高，裝潢又有情調，中午過嚟chill 一 chill ，逃離吓返工真係幾治癒🥰~Lunch Set 包餐飲一杯 💛蜆肉忌廉湯 配蒜蓉包忌廉湯幼滑順口，帶海鮮鮮味👍🏻。蒜蓉包就咬落有韌性，外皮不會過硬，蒜蓉鹹香味十足，搭配忌廉湯，令人滿足🤭。-💛自家製肉醬燴義大利扁麵 $78食咗第一啖，已經覺得好有驚喜🤩，自家製肉醬確實出色。醬汁調味酸甜比例適中，非常開胃😍，入面食到切碎嘅蕃茄、洋蔥、甘荀、啡菇等，煮得好入味🤭。義大利麵係扁意粉，表面光滑超掛汁😋，而肉碎就冇被過份攪爛，一粒粒的有咬口有油香，令人讚不絕口🤤。個人真係好欣賞依道肉醬意粉，越係望落簡單嘅料理，越要用心做，依間餐廳做到依一點😳。-💛法式甜酒雞扒配甜酒汁 跟薯條 $88甜酒汁清新微甜，有香草和薄荷的感覺，非常特別🤩。雞扒厚身嫩滑，雞皮煎出油香，個人覺得同醬汁幾夾😋。至於配菜薯條非常好食，炸得金黃香脆，內裏非常鬆軟，鹹味亦剛剛好😍。-回頭推介度：5/5  食物質素：5/5餐廳環境：5/5

Little Fresh Cafe & Bar前兩日係旺角試左一間超高質嘅西餐廳，一定要分享俾大家！火魔醉蜆$88餐廳嘅招牌菜，上檯嘅時候店員會加酒落去點埋火，賣相超吸引好震撼！蜆好大隻，漲卜卜，份量好多，食落好惹味🤩🤩必食！！當晚order左2嘅set，包前菜（沙律/餐湯）同飲品，飲品可加錢升級特飲。前菜方面推薦大家order餐湯，無論係湯本身定蒜蓉包都好高質，味道濃郁之餘口感拿捏得啱啱好，唔好太rich。Set 3 西班牙杜洛克豬肉眼扒配南瓜醬 $198豬肉眼扒肉質鮮嫩，配南瓜醬意想唔到幾好食。但最令人驚喜嘅係薯蓉超好食，入口滑之餘仲保留左少量薯仔一粒粒嘅口感，薯仔味好吃，超好食！Set 5 芝士玫瑰汁海蝦繪意大利飯$198有三大隻海蝦，海蝦入口爽彈，蝦膏味十分濃郁，意大利飯煮得啱啱好，芝士玫瑰汁唔會膩，1啖接1啖咁食曬😋😋羅勒士多啤梨沙冰 +$38沙冰好大杯，冰打得比較細，甜度適中青檸薄荷蘇打 +$28又係好大杯🤣薄荷味好出

如果你正在尋找一個有小店作為晚餐地點，位於旺角的恆威商業中心是一個不錯的選擇。雖然店舖不大，但是它的天花板像藍天白雲，燈光柔和，配上燈串，讓人感覺很舒適。必須點他們的signature頭盤 - 火魔醉蜆$88這道菜充滿視覺效果，店員會加上酒後，噴出火焰。記得未倒酒前，要立即拿出手機拍照及拍影片，以免錯失。燒過後的蜆配上蒜片、洋蔥、辣椒，有燒烤的感覺， 很惹味， 蜆然有肉汁，頗大隻。晚市套餐包括法國洋蔥湯配蒜蓉包、主菜和飲品。西班牙杜洛克豬肉眼扒配南瓜醬價格為$198豬肉眼扒肉質煮得剛剛好青醬雞肉燴意大利扁粉價格為$158元很喜歡那個小小帶甜的青醬，非常美味飲品熱雜果水果茶熱檸檬蜜桃水果各加$28這兩杯飲品都配上新鮮的薄荷葉，很fresh!

老婆話最近有同事好喜歡去登打士街的樓上cafe 店“Little Fresh Cafe & Bar”食lunch🤗，話食物質素好，價錢合理，環境及氣氛都令人感覺十分舒服😍。今晚我哋撐枱腳一齊去試下個晚餐🥰。店舖面積唔算大，但裝修簡約整潔，四周燈光柔和。加上每張枱上都放有一個座枱燈💡，令整個環境好有氣氛，再加上1️⃣8️⃣樓高空望向鬧市景色🌃，令人感到既放鬆又自在🥰。餐牌📔有Set Menu可以揀，當然亦可以散叫，我哋選了2️⃣個Set加一個招牌菜。火魔醉蜆 $88碟蜆上枱後，店員會在蜆上倒入酒然後點火🔥，一瞬間火光熊熊，紅色的火焰🔥既美麗又吸睛，絕對係一個打卡位📸。蜆肉新鮮帶酒香，又有陣陣嘅焦香味，十分好食😋。是日餐湯跟蒜蓉包意式蕃茄🍅蔬菜湯，酸甜度啱啱好番茄味🍅香濃，蒜蓉包🍞烤得香脆內軟，有陣陣蒜蓉香味😋。西班牙杜洛克豬肉眼扒配南瓜醬 $198落單時店員會建議肉眼扒煮7️⃣至8️⃣成熟，但如果客人唔習慣，依然可以要求全熟❤️。肉眼所選部位有筋、肉同油脂，所以口感同味道相對豐富🤗，配埋炒雜菌🍄、薯蓉🥔及甜甜哋嘅南瓜酱一齊食，味道更香甜😋。芝士玫瑰汁海蝦燴意大利飯 $168用玫瑰🌹花瓣作為點綴，賣相一流

今日約咗妯娌喺油麻地見面，佢帶我去間樓上餐廳，細細哋 ，生意好好， 中午時間差唔多坐滿人。我哋坐喺窗邊位 ， 雖然望住樓景， 但視野開闊 ，如果有陽光就更加好。 中午套餐有大份牛扒餐，鮮蝦意粉，配埋沙律同湯， 仲有餐飲。 有個靚仔哥哥招呼周到，友善親切， 小店就係有呢個長處，見佢同顧客之間有互動，好主動問食客對食物嘅意見， 非常之有誠意。我哋叫咗一個牛扒餐同埋一個鮮蝦意粉餐 share 嚟，牛扒非常之大份，配鮮炸嘅薯條，仲有bb紅蘿蔔， 車厘茄同埋椰菜仔，淨係見到個賣相就已經夠曬吸睛，👀 牛扒煎到七成熟，唔柴，多汁，都幾滋味，加啲芥辣， 提升食慾， 紅蘿蔔蕃茄同bb椰菜都好新鮮，鮮紅嫩綠，平衡葷素。 鮮蝦 意大利扁意粉， 有三隻好大隻嘅靚蝦， 用茄汁蘑菇煮嘅扁意粉， 依依韌韌， 好好食， 三隻大蝦非常鮮味， 真係超值。 食完兩份大餐，仲有一杯靚咖啡同埋一杯靚檸檬茶飲 ，性價比超高 ，唔怪得呢度咁多人幫襯， 下次嚟油麻地都要再試過，試下其他菜式。