Little Fresh Cafe & Bar (已結業)

今日朋友帶左我去樓上cafe食法式西餐，Lunch set有4個款，大約兩個星期轉一次，星期一至五12:00-5:00提供。另外，埋單時店員提醒我哋可以like 社交平台，即時有每人頭減十蚊優惠，好抵食。我哋分別叫左2個餐，湯同沙律可以share。是日餐湯：法式洋蔥湯，餐廳用左紫洋蔥，令湯特別香甜，加上脆卜卜既蒜蓉飽，完美配搭。田園沙律：沙律菜新鮮爽口，配上黑醋醬汁，係一道開胃既前菜。白汁煙肉燴意大利扁麵：扁意粉入口特別煙韌，每條意粉都掛滿香濃既白汁，加左大量煙肉同菇，整體感覺好有奶香。檸檬香草汁三文魚扒配蒜香意粉：三文魚外皮煎得好香和脆口，肉質肥美肉厚，配菜有車厘茄、椰菜仔、紅蘿蔔，感覺很健康。總結，餐廳用心製作，食物有質素又好味，地點便利，係朋友聚腳既好地方。