Little Fresh Cafe & Bar (已結業)

每樣野都好味，沙冰好好飲。而且都好細心唔會新時間上菜，唔使等到啲嘢凍哂。我最鍾意佢哋好有創意例如芒果菠蘿沙冰佢用咗燒Rosemary放落去味道真係唔同晒。另外我哋個個都有嗌到火锅蜆，佢每樣食物都加咗一啲特別嘅香料喺出邊食唔到嘅，洋蔥湯同埋蒜蓉包都係熱辣辣好鬆軟。我最鍾意嘅係西班牙炒飯，啲海鮮整得好新鮮啲蝦仲有膏。不過有一樣嘢會有少少唔好，係樓下嗰條巷仔好污糟，對面係好似係芬蘭浴，全個地下都係煙頭感覺真係爭少少。

旺角都算多樓上cafe，但好多都只係飲下野，汀食就唔係好得嘅。但呢間竟然2樣都好好食wor!!!cafe就比較細，坐得唔多人。有dinner set，另外都有散叫小食果D。檯就細左少少，但D凳係坐得舒服嘅。叫左2個set，先上左湯同麵包。菜湯係有少少牛肉碎同埋微辣，蒜蓉包香脆，形狀係幼條都比較易咬。點左熱朱古力，意外地竟然有公仔拉花。同埋朱古力好濃好滑。另叫了一個火魔醉蜆HK$88加了辣椒，香蒜，牛油去炒，再淋上酒，非常香又惹味。南美風味醬配美國PRIME封門柳燴意大利扁麵 HK$198封門柳牛味香濃又唔會太油膩。扁麵硬度岩岩好，個醬非常茄香，一路食一路讚點解咁好食48小時法式慢煮Pork Belly配甜酒蘋果蓉 HK$238賣相都已經非常有心機了。個豬腩肉入口即溶呀瘦肉位置質感同肥肉果層好接近。皮上面就有蘋果蓉可以減淡油膩感。連個炒雜蘑同薯蓉故好出色!!總括唔介意地方細小小，呢度絕對可以再encore!!!而且服務員非常有禮貌又細心~或者佢地係值得更大更好嘅餐廳~

Little Fresh Cafe and Bar 💛放工之後約咗媽咪嚟呢間餐廳食西式嘢☺️ 地理位置好 超級就腳 油麻地A1出口行3分鐘就到😍 不過大廈入口比較隱蔽 鐵火堂前轉左就會見到～👍🏻 先講餐廳環境☺️ 餐廳燈飾好柔和，令人覺得好舒服，幾適合情侶嚟拍拖或者約朋友嚟相聚一下☺️ 每張櫈下面都有個籃俾大家擺低袋🧺 好貼心～ 店入面有好多唔同裝飾💛 大家可以細心欣賞💛 坐低聽完店長介紹決定試set dinner👍🏻前菜：意式雜菜湯🍅/田園沙律🥗+蒜蓉包🥖🧄田園沙律🥗有啲餐廳嘅沙律係細細份，但呢到份量都幾多🥰 食落去酸酸甜甜好開胃😝意式雜菜湯🍅啖湯好清甜☺️ 仲食到有少少牛肉～蒜蓉包🥖🧄好脆好香蒜蓉包味😋 如果份量再多啲就好🥹小食：火魔燒蜆🔥$88睇menu 嘅時候見到呢個火魔燒蜆🔥 即刻嗌嚟試試😍 一上枱熱辣辣已經勁香～ （見唔見到啲煙😍）店長會幫手點火 一瞬間火光熊熊🔥 真係冇改錯名🤣個蜆有好多香草同蒜片 好惹味☺️ 食落啲蜆肉好厚實 唔會細細隻 薄噫噫☺️ 仲好香酒味 又多汁👍🏻 只係$88 推介🔥🔥 跟住就到主菜：南非風味醬配美國Prime 封門柳燴意大利麵 $19848小時法式慢

今日黎到呢間樓上cafe係係巷仔到出入口，男朋友話之前呢棟好多唔同既cafe好興旺，而家好多都倒閉左，留低既都係真實力一黎到門口，裝修得好靚仔，仲係良心小店，對佢多左d好感門口d 畫好靚！入面既裝修都好清新夜晚有set dinner.有湯/salad 加野飲，其他散叫選擇都好多(同埋值得一提呢到既staff 同平時d 樓上cafe 差好多，一到就俾潔手液我地，又提我地下面有籃可以放袋，又會好細心介紹menu,真係好加分！！）1516左陣最後order 左兩個set dinner 同一個小食沙律菜好清新今晚係洋蔥湯，配湯既包哄熱左，好加分！野飲我地兩個見天氣涷都order 左熱既fruit tea首先上既係火魔醉蜆相機ready!!好正呀d 火燒得好靚，勁岩情侶黎打卡而且燒完既蜆有小小酒味，同埋熱lak lak. 色香味都提升晒第一個上既set dinner 係封門柳扁意粉男朋友一路食一路讚個汁好好味，我都非常認同，係食材同cooking skill都十足既good main dish另外呢個係48小時慢煮pork belly, 原諒我未能影到佢真實所有既油光pork belly表面香脆

老公唔知喺邊度聽人介紹過呢間樓上Cafe大除夕我哋就嚟試吓佢入口係喺啲行仔入面唔多覺眼鋪面都幾細好似全部二人枱拍埋咁如果坐滿應該好迫我哋叫咗一個set法式香煎紐西蘭草飼鹿架配烤肉汁賣相已經好靚可惜佢一件熟啲一件生啲生啲比較好食（仲係好好食）另一件就比較老我哋仲order咗個芝士煙肉薯泥熱煱我覺得幾好食老細話加咗牛油同牛奶食落好似好油咁（但好食嘅）少食多滋味甜品當然唔少得熱煱朱古力布朗尼配雪糕蕉糖布甸食落我諗起中式燉蛋嘅味道比較結身埋單like&share ig人頭減$10行到門口老細突然問覺得啲食物點？教我哋下次可以ig book 枱我最鐘意扮食家比意見（其實係偷吓師）呢個價錢 呢個廚房 呢個服務我覺得對得住啲客

餐廳燈光昏暗，環境氣氛好好，窗邊望到鬧市街景📸 是約會的不錯選擇🥂 老闆同店員服務態度很好，值得一讚☺️👍🏻 價錢中等，食物質素不錯，份量正常，值得一試店舖空間較細，晚市人流多，請提前預約💖═ ═ ═ ═ ═ ═ ═ ═💖💖💖食評💖💖💖🍲意式雜菜湯 配蒜蓉包 (set $free)✨ 味道香濃，好好味🤤 蒜蓉包香脆可口☺️🔥火魔醉蜆 ($88)✨超搶眼火焰，打卡必點！😍 用酒燒完 非常惹味🤤 以蒜片及洋蔥粒調味，蜆肉新鮮肥美又入味👍🏻火燒效果只有十幾秒，要拎定手機錄片呀📸 48小時法式慢煮pork belly配甜酒蘋果蓉 ($238)✨特別菜式，兩大件豬腩肉，好肥美，肉質十分軟腍，整體很不錯👍🏻 配搭蘋果蓉減輕油膩感☺️ 附上的薯蓉味道亦不錯 混有粟米粒🍝封門柳燴意大利扁麵 ($198)✨封門柳肉質嫩滑，牛肉味香濃😋 醬汁好creamy，味道微辣，好惹味😋 扁意粉軟硬適中，每一啖都有滿滿的醬汁 口感豐富，好飽肚蜜桃荔枝沙冰 (set +$38)✨嗜甜人士必點！大大杯，味道清新，好好飲，不會死甜檸檬蜜桃水果茶 (set +$32)✨入口清甜，健康之選，很大杯😍😍

油麻地隱世餐廳📍little fresh cafe & Bar真係唔係朋友介紹都唔會識去係一間好有心，好食既餐廳麻雀雖小 五臟俱全好溫馨好有氣氛依個係today special 非常之咁有驚喜拿破崙雞肉扁意粉$168⭐️⭐️⭐️⭐️⭐️個意粉份量好多2個人share岩岩好個拿破崙好好食另外啲配菜甜椒都好甜好新鮮整體嚟講好值得一試48小時法式慢煮pork belly配甜酒蘋果蓉$238⭐️⭐️⭐️⭐️⭐️個pork belly好脆好軟有一種入口就化化地既感覺另外個蘋果蓉好甜好香配pork belly成件事好襯另外因為我哋係叫set dinner,有得揀要餐湯或者沙律菜，個沙律菜食落覺得好fresh個餐湯係蕃茄雜菜湯配蒜蓉包個湯好好飲好濃蕃茄味個蒜蓉包好趣好香火魔醉蜆$88⭐️⭐️⭐️⭐️⭐️唔係講笑，我見將張枱都會叫火魔醉蜆簡直係好睇又好食最值得一讚嘅係店員好貼心叫我地要退遠小小檸檬蜜糖水果茶$28好fresh,入面啲水果好甜朱古力曲奇沙冰$38個沙冰好好飲呀，係特濃朱古力沙冰正

Little Fresh Cafe and Bar旺角有好多樓上cafe ，但睇落好似間間都差唔多；今次朋友介紹呢間樓上cafe 位於登打士街，一上到去已經坐滿曬人，都好似幾多捧場客~蟹籽忌廉汁蟹肉燴意大利飯 HK$178 呢個意大利飯比想像中好食，蟹肉蟹籽嘅份量超多，食落啖啖蟹肉；而且呢個意大利飯勁creamy，配埋粒粒分明嘅意大利飯，係cafe 搵到呢個質素算唔錯~推薦~黑松露卡邦尼根通粉 HK$118呢個對比起意大利飯就冇咁吸引，黑松露嘅份量唔算多，反而芝士粉嘅份量仲多，算係一個味道唔錯嘅卡邦尼通粉慢煮紅酒牛肋條配法式蒜蓉麪包 (4件) HK$68本身係炸魚薯條同牛肋條揀，店員就suggest 我地揀牛肋條食，點知呢個都幾有驚喜；牛肋條口感好腍，紅酒味又唔會太搶，配埋佢啲脆卜卜蒜蓉包一齊食，好味~整體感覺食質素以cafe 黎講算高質，而且仲要係好有良心嘅cafe；本身以為dinner 嘅性價比已經好高，點知朋友話佢嘅lunch set 仲抵食~ 有機會嘅話都希望試到佢lunch set~

旺角呢幢大廈以前有好多Cafe，都好耐冇黎，但係今次嚟食到一間高質小店，真係值得推介👍🏻我哋每人叫咗一個set dinner。配是日餐湯/田園沙律及美式咖啡/檸檬茶/檸檬水/橙汁 /汽水。＋$28-轉其他飲品/指定啤酒/ ＋$38 -轉沙冰飲品/紅白酒🍸🍷湯係蕃茄雜菜湯味道香濃，而且有好多雜菜，有兩件蒜蓉包。新鮮焗起，香脆又夠蒜蓉味。另外沙律菜夠多又新鮮！我哋想叫咗呢度好出名嘅火魔醉蜆，呢個火力旺盛嘅醉蜆打卡一流，蜆多而且味道唔錯！主菜：Today special 係油封鴨髀，呢個賣相整得幾靚，而且油封鴨髀好香，肉質又夠嫩滑。配菜都相當豐富，有薯蓉、菠菜、菇。封門柳燴意大利扁麵封門柳肉質嫩滑，而且充滿牛香。意粉煮得剛剛好，味道有少少辣、好惹味😋餐飲我哋一個叫咗橙汁。另外一個加$28轉熱嘅蜜桃茶。

🫶🏻呢間餐廳喺妹妹朋友介紹的，一間位於旺角登打士街小巷子中嘅隱世小店。小編同妹妹於晚市到訪，餐廳燈光偏暗，感覺節奏可以放慢，舒緩上班緊張情緒。🍴套餐包括前菜，主食，以及餐飲。前菜可選擇田園沙律或餐湯。我地當晚嘅餐湯係意式雜菜湯，配上香脆蒜茸包。蒜蓉包一口分量過口癮，但勝在蒜香十足～🥩法式甜酒西班牙杜洛克豬肉眼扒配南瓜醬（$198）：「優質嘅食材只需要簡單嘅調味」真係金句。肉眼扒以蒜片及香料作簡味煎煮，放置於薯菜上。薯容充分吸收肉汁，每啖都帶有香濃肉香。肉扒可輕鬆咀嚼嘅同時，又保持到質感彈牙。🦐芝士玫瑰汁海蝦燴意大利飯（$168）：賣相出色！溶化嘅芝士，與充分被暖黃色醬汁包裹嘅意大利飯交融。芝士海鮮醬汁入口綿滑濃厚，飯粒有咬口。玫瑰花瓣碎嘅點綴更顯精緻。🍡食完正餐，當然唔少得小食及飯後甜品啦～🔥火魔醉蜆（$88）：店員於食客面前燃點火焰，瞬間高溫將蜆肉緊緻，同時讓食客有得睇又有得食～蜆肉顆顆包滿，鮮甜有輕微酒香。小編幾鐘意～🍎自家製蘋果金寶（$88）：同坊間嘅蘋果金寶好唔一樣！唔係一般對金寶嘅認知，上層有啲類似木糠嘅餅碎，下層係蘋果肉及果蓉，好甜。上層嘅梅醬則偏酸，搭配下剛好平衡。即叫即

今日午餐去左試新野，地點係旺角登打士街Little Fresh Cafe & Bar。顧名思義，呢間係咖啡店兼酒吧，提供法國菜式。午餐餐牌有主菜5選1，包是日餐湯或者田園沙律，同埋咖啡/檸茶/檸水/橙汁/汽水，可以加錢升級飲品。價錢一百蚊樓下有找。無加一。呢個餐牌係平日星期一至五，12點到5點都有。星期六日公眾假期就無。意式雜菜湯配蒜蓉包是日餐湯係意式雜菜湯配蒜蓉包。意式雜菜湯入面有紅蘿蔔，番茄，粟米粒同牛肉粒，熱辣辣味道唔錯。兩片蒜蓉包又香又脆。田園沙律田園沙律係雜菜加番茄粒，配青醬，健康得黎夠味。碟邊仲有7味粉。呢碟沙律份量多，作為跟餐沙律好抵食。西班牙豬豚肉配秘製芥辣醬 $88西班牙豬豚肉配秘製芥辣醬擺盤不俗。一塊厚切西班牙豬豚肉，肉質好嫩又多汁，滿滿既秘製芥辣醬，又滑溜又酸酸甜甜，味道好好。下底有秘製芥辣醬連菇粒一齊煮，令菇粒更好味道。其他蔬菜有紅蘿蔔條，椰菜仔，好健康。可配薯條，白飯或者蒜香意粉，我揀咗薯條，薯條係連皮幼身，炸得非常香脆可口，仲配有少少茄汁比你。呢個主菜定價實在係太抵！法式托斯納卡雞肉燴意大利扁麵 $78法式托斯納卡雞肉燴意大利扁麵成座山，意大利扁麵撈有唔少唔

呢個地方..好神秘..最重要係唔好miss左後巷個門口 大廈入口就係果度!!🤣店面裝修舒適 環境唔錯 靠窗位置可以俯視旺角街景😍叫左兩個Set Dinner 可以揀餐湯/沙律 包主菜&飲品🫶是日餐湯係洋蔥湯 蒜蓉包加上洋蔥湯with碎肉粒 足料又美味👍仲可以揀慢慢上菜 定係1次過上曬 好貼心🤗火魔醉蜆 ($88)上檯+相機準備好之後 職員會即刻點火🔥D火都燒得幾高 要小心哦🤗打卡一流😍蜆份量都多 而且洗得好乾淨 完全冇沙 食海鮮最緊要係乾淨新鮮 食得好安心🫰食落充滿蒜香味+辣味 mix埋蜆本身既鮮味 好惹味同刺激😳如果唔食得辣/口味比較清淡 可以推走曬D蒜 會易入口好多😆法式甜酒西班牙杜洛克豬肉眼扒配南瓜醬 ($198)甜酒味道不太重 少少甜既南瓜醬 易入口🥸豬肉眼原先設計係7成熟 肉質比較嫩滑 呈淡淡既粉色🐷食得唔慣仲可以比番職員加熱 變番全熟 肉質會變得較乾較硬 視乎番個人喜好 重視顧客既想法🥳配埋軟滑既薯蓉 絕對夠飽飽😉青醬雞肉燴意大利麵 ($158)青醬內既橄欖油好香 意大利麵食落好濕潤 唔會乾身 配上切成一塊塊既雞肉 食得好滿足🤤☁️廁所都好出色..入面提供既野多到嚇你一跳 超

同朋友一齊搵Cafe食嘢，朋友介紹呢度有間隱世Cafe，有高質素西餐水準，於是book枱試吓餐湯係好香濃嘅雜菜湯，處理非常有心思，牛肉油脂浮左上面，非常清甜，加上少少香草，味道甘香我哋叫咗一個慢煮紅酒牛肋條配法式蒜蓉麵包早前菜，冇諗過錢財都可以做得咁靚，牛肋條好淋， 明顯用咗好多時間處理，味道濃郁，好入味，放喺蒜蓉包上，一齊放入口，味道好夾，平衡返個濃度我哋叫咗法式甜酒西班牙到洛克豬肉眼扒配南瓜醬，肉眼扒八成熟，啱啱肉心夠熱，但又唔太韌，恰到好處，加上甜酒調味，同埋配菜香草，非常細心，想豐富啲亦都可以點南瓜醬， 更加有層次仲有青醬雞肉會意大利扁面，青醬非常濃郁，加上橄欖油嘅甘香，入口豐富，非常滿足，炒雜菇亦都新鮮，為意粉加添恰度水份，簡單嘅意粉都見到高質西餐嘅誠意飲品方面都好多選擇，我哋揀咗水果冰茶， 同埋薄荷青檸梳打，平衡返濃香嘅食物，成餐飯都非常滿足完整

座位唔算好迫所以都坐得舒服嘅，環境感覺都幾舒適，我哋就叫咗三個lunch set，價錢方面真係都幾抵，三個人夾埋食咗$205，已經包咗蒜蓉包餐湯餐飲同主菜，佢個蒜蓉包真係食得一讚我好鍾意食，蒜蓉味好出😋我哋叫咗德國辣肉腸蕃茄長通粉，佢呢個嘅感覺會有少少偏酸，我幾鍾意佢嘅辣肉腸😆第二款係白汁煙肉會意大利扁麵，我就覺得佢好似平時嘅carbonara ，忌廉濃郁，都幾好食😋不過主菜方面我最鍾意都係巴拿馬火腿南瓜燴意大利飯，我不嬲都係意大利飯嘅粉絲，佢個飯有南瓜嘅甜味，不過如果南瓜味再出啲就更加好，三款主菜來講我最鍾意係佢😋飲品方面我哋叫咗蜜桃荔枝沙冰，同埋士多啤梨水果茶，兩杯來講我鍾意沙冰多啲，好出蜜桃荔枝味，亦都唔會過甜，啱啱好！

第一次同朋友去呢間食晚餐，見網上評價不錯。雖然地方不算太大，座位不多，不過張枱夠闊都舒服！食物質素竟然比一般高價位餐廳更好食，每一道菜式，無論食物質素，擺盤同樣用心對待，朋友仲邊食邊讚🤭另外、店員親切有禮，會主動提供酒精搓手液,還不時替客人收拾碗碟。-Dinner set -🥗田園沙律上層有蕃茄粒，沙律菜新鮮爽脆，食落酸酸甜甜好fresh🫕是日餐湯｜雜菜湯湯用新鮮嘅蕃茄調製，內有大大舊嘅蕃茄肉，非常清新 🐖法式甜酒西班牙杜洛克豬肉眼扒$198餐廳特別將豬肉煎至7-8成熟，肉質鬆化，有層次感。配菜有翠玉瓜、雜菇、最特別薯蓉加粟米粒，口感豐富，而且伴碟也很精緻🍝青醬雞肉燴意大利扁麵 $158雞肉份量多，個醬汁整得好好食，麵有質感每一條麵都均勻佈滿上香草、青醬汁，食落唔油膩🔥火魔醉蜆 $88店員會拎支火熗，即場表演點火環節🔥蜆肉鮮甜大大隻，配上大塊蒜片洋蔥作調味微辣非常惹味！👍🏻最值得一讚👍🏻完全食唔到有沙餐飲｜凍檸茶🍋+$4以新鮮檸檬汁配搭香濃紅茶，清新開胃總括而言，服務態度認真，上枱時店員會介紹每道菜式，食物即叫即製，質素高，擺盤賣相精美。不過大廈入口比較隱蔽，喺條後巷入面，有啲難搵😂L