影片
更多
2023-01-10
34 瀏覽
Little Fresh Cafe and Bar 💛放工之後約咗媽咪嚟呢間餐廳食西式嘢☺️ 地理位置好 超級就腳 油麻地A1出口行3分鐘就到😍 不過大廈入口比較隱蔽 鐵火堂前轉左就會見到～👍🏻 先講餐廳環境☺️ 餐廳燈飾好柔和，令人覺得好舒服，幾適合情侶嚟拍拖或者約朋友嚟相聚一下☺️ 每張櫈下面都有個籃俾大家擺低袋🧺 好貼心～ 店入面有好多唔同裝飾💛 大家可以細心欣賞💛 坐低聽完店長介紹決定試set dinner👍🏻前菜：意式雜菜湯🍅/田園沙律🥗+蒜蓉包🥖🧄田園沙律🥗有啲餐廳嘅沙律係細細份，但呢到份量都幾多🥰 食落去酸酸甜甜好開胃😝意式雜菜湯🍅啖湯好清甜☺️ 仲食到有少少牛肉～蒜蓉包🥖🧄好脆好香蒜蓉包味😋 如果份量再多啲就好🥹小食：火魔燒蜆🔥$88睇menu 嘅時候見到呢個火魔燒蜆🔥 即刻嗌嚟試試😍 一上枱熱辣辣已經勁香～ （見唔見到啲煙😍）店長會幫手點火 一瞬間火光熊熊🔥 真係冇改錯名🤣個蜆有好多香草同蒜片 好惹味☺️ 食落啲蜆肉好厚實 唔會細細隻 薄噫噫☺️ 仲好香酒味 又多汁👍🏻 只係$88 推介🔥🔥 跟住就到主菜：南非風味醬配美國Prime 封門柳燴意大利麵 $19848小時法式慢
放工之後約咗媽咪嚟呢間餐廳食西式嘢☺️ 地理位置好 超級就腳 油麻地A1出口行3分鐘就到😍 不過大廈入口比較隱蔽 鐵火堂前轉左就會見到～👍🏻
先講餐廳環境☺️
餐廳燈飾好柔和，令人覺得好舒服，幾適合情侶嚟拍拖或者約朋友嚟相聚一下☺️ 每張櫈下面都有個籃俾大家擺低袋🧺 好貼心～ 店入面有好多唔同裝飾💛 大家可以細心欣賞💛
坐低聽完店長介紹決定試set dinner👍🏻
前菜：意式雜菜湯🍅/田園沙律🥗+蒜蓉包🥖🧄
田園沙律🥗
有啲餐廳嘅沙律係細細份，但呢到份量都幾多🥰 食落去酸酸甜甜好開胃😝

意式雜菜湯🍅
啖湯好清甜☺️ 仲食到有少少牛肉～

蒜蓉包🥖🧄
好脆好香蒜蓉包味😋 如果份量再多啲就好🥹
小食：火魔燒蜆🔥$88
睇menu 嘅時候見到呢個火魔燒蜆🔥 即刻嗌嚟試試😍 
一上枱熱辣辣已經勁香～ （見唔見到啲煙😍）店長會幫手點火 一瞬間火光熊熊🔥 真係冇改錯名🤣
個蜆有好多香草同蒜片 好惹味☺️ 食落啲蜆肉好厚實 唔會細細隻 薄噫噫☺️ 仲好香酒味 又多汁👍🏻 只係$88 推介🔥🔥
火魔燒蜆
$88
2 瀏覽
0 讚好
0 留言
跟住就到主菜：
南非風味醬配美國Prime 封門柳燴意大利麵 $198
48小時法式慢煮pork belly 配甜酒蘋果蓉 $238
1️⃣南非風味醬配美國Prime 封門柳燴意大利麵
一上嚟見到牛肉份量好多🤩 牛肉煎到好香😋 真係好有牛味😝 之前未食過南非風味醬 店長就話有少少辣 所以都有少少好奇會係咩味🤨 食落發覺唔太辣，另外好香蕃茄味！意粉亦都好彈牙☺️ 好味！
2️⃣ 48小時法式慢煮pork belly 配甜酒蘋果蓉
一上菜見到佢將豬腩肉煎到好脆☺️ 勁期待～ 輕輕一切已經輕鬆將舊肉分開😋 啲肉煎到好甘香～ 不過脂肪嘅部份比想像中多 但正正因為咁加埋酸酸甜甜嘅蘋果蓉一齊食啱啱好🤩 中和咗脂肪個種heavy嘅感覺！而伴碟嘅蘑菇好有驚喜🥹
$238
2 瀏覽
0 讚好
0 留言
飲品：
1️⃣迷迭香芒果菠蘿沙冰+$38
2️⃣凍檸茶走甜+$4
媽咪唔特別想飲甜嘢所以揀咗凍檸茶 而我就揀咗迷迭香芒果菠蘿沙冰。飲品份量嚟講 佢都幾大杯！
杯沙品一上到嚟 店長會用火燒一燒啲迷迭香☺️ 勁推薦呢杯沙冰🥹 媽咪唔想飲甜嘢 但飲咗一啖之後就成杯攞咗去飲🤣 杯沙冰好滑 而且唔似出面啲沙冰咁會有無啦啦一舊大冰喺度🤣 而且芒果加菠蘿呢個組合真係好fresh !!!! 推薦🥹🫶🏻 沙冰單嗌要$58 跟餐抵啲！🫶🏻
最後不得不提係服務態度🥹
一坐低店長已經好有禮貌問我哋洗唔洗吱手液消毒雙手～又好細心同埋好詳盡咁介紹menu～到打卡火魔燒蜆嘅時候 店長仲細心提醒我因為會比較猛火唔好擺咁近個電話～ 120分服務態度！！！💛💛
張貼
