Little Fresh Cafe & Bar (已結業)

🫶🏻呢間餐廳喺妹妹朋友介紹的，一間位於旺角登打士街小巷子中嘅隱世小店。小編同妹妹於晚市到訪，餐廳燈光偏暗，感覺節奏可以放慢，舒緩上班緊張情緒。🍴套餐包括前菜，主食，以及餐飲。前菜可選擇田園沙律或餐湯。我地當晚嘅餐湯係意式雜菜湯，配上香脆蒜茸包。蒜蓉包一口分量過口癮，但勝在蒜香十足～🥩法式甜酒西班牙杜洛克豬肉眼扒配南瓜醬（$198）：「優質嘅食材只需要簡單嘅調味」真係金句。肉眼扒以蒜片及香料作簡味煎煮，放置於薯菜上。薯容充分吸收肉汁，每啖都帶有香濃肉香。肉扒可輕鬆咀嚼嘅同時，又保持到質感彈牙。🦐芝士玫瑰汁海蝦燴意大利飯（$168）：賣相出色！溶化嘅芝士，與充分被暖黃色醬汁包裹嘅意大利飯交融。芝士海鮮醬汁入口綿滑濃厚，飯粒有咬口。玫瑰花瓣碎嘅點綴更顯精緻。🍡食完正餐，當然唔少得小食及飯後甜品啦～🔥火魔醉蜆（$88）：店員於食客面前燃點火焰，瞬間高溫將蜆肉緊緻，同時讓食客有得睇又有得食～蜆肉顆顆包滿，鮮甜有輕微酒香。小編幾鐘意～🍎自家製蘋果金寶（$88）：同坊間嘅蘋果金寶好唔一樣！唔係一般對金寶嘅認知，上層有啲類似木糠嘅餅碎，下層係蘋果肉及果蓉，好甜。上層嘅梅醬則偏酸，搭配下剛好平衡。即叫即