Lilium

營業中

休息中

係太古做完運動 到左下午茶時間 雖然周圍都有好多野食但見呢間台灣野都幾抵食 所以就試下了下午茶比全日套餐平$20到 都幾抵食叫左鹽酥雞滷肉飯同一般滷肉飯有少少唔同佢除左有半隻溏心蛋仲有好多配菜伴碟 鹽酥雞幾好 唔會炸到死咸 滷肉飯都係 配飯好惹味貴妃卷配炸雙色地瓜條貴妃卷外皮有d 似豬腸 包住雞肉 外面酥脆 裡面嫩口 地瓜條就係紫薯 配紅薯 外面有層薄粉漿 加埋少少鹽去炸仲有沙律菜做配菜 補充下纖維另外都叫左一個午餐 台灣貢丸擔擔豬骨湯麵 轉冬粉 個擔擔有d 似 乾身既肉燥 貢丸勁彈牙 冬粉好滑 加左麻辣皮蛋 麻辣唔算好辣 肉燥伴A菜 台灣既A菜即係油麥菜配肉燥同肉汁食落會更滑口雖然佢係商場入面既小店 但都有唔少食客捧場 行開太古個邊都可以試下呀

牛四寶麵，呢碗牛四寶麵最好食就係牛丸呀，牛丸裏面係有肉汁嘅，而且咬落去粒肉丸係彈牙㗎，牛丸係呢度嘅必食推介，牛丸裏面啲肉汁好有牛嘅香味呀。湯底係用咗牛腩汁呀，呢碗麵嘅口感呢都唔錯㗎呢碗係貴妃雞卷豬骨湯麵呢間餐廳係新裝修嘅，啲枱枱櫈櫈都比較乾淨嘅，呢間餐廳會播一啲歌，呢啲歌係流行音樂嚟嘅，都幾啱聽㗎，入到去都幾輕鬆個餐會包埋一杯嘢飲，咁我叫咗一杯鴛鴦，都沖得唔錯嘅，咖啡味都幾香濃。間餐廳用手機apps落單呀，方便快捷

位於鰂魚涌既Lilium 係一間台式餐廳，裝修格調好Chill，環境好舒服。下午茶非常抵食，非常滿足！😋1.五香牛肉麵 $60我揀左新竹米粉，米粉分量十足，麵質軟硬適中。五香牛肉有咬口。2. 貴妃卷配炸雙色地瓜條 $38貴妃卷外皮脆口，雞肉嫩滑。雙色地瓜條，必吃！粗身，外脆，內充滿雙色蕃薯，而且香甜！😋😋加配小食:3.生煎包 $19外脆，入面有不少肉汁😋4.麻辣皮蛋 $12必吃！非常惹味！😋😋5. 滷水蛋$10原來係溏心蛋！☺️6.跟餐送熱飲，要左熱鴛鴦同熱檸水😬

鰂魚涌多商業大廈 寫字樓喺地鐵站附近有間台灣嘢同朋友去食 個位置有少少入 隱世感覺環境裝修幾好 🤓叫咗個台灣貢丸擔擔豬骨湯新竹米粉鹽酥雞豬骨湯新竹米粉QR code落單 清晰 。方便。快捷全日餐牌All Day Menu上午11點去到夜晚10點所有Tommy都可以自由選擇台灣麵/新竹米粉/冬粉仲有小食可以加滷水雞翼 滷水大腸 生煎包等等———————————————————-Lilium 鰂魚涌海光街13-15號海光苑地下3-4號舖

After working overtime, I had late lunch at Lilium, a small restaurant specialised in Taiwanese dishes at Hoi Kwong Street in the vicinity of Taikoo Place. Various value for money meal sets and afternoon tea sets were available for your choice.The restaurant was cosy. Service was efficient and customer-friendly. It was a good place to take a break and recharge.You could order by scanning the bar code on the table. I took a bowl of braised beef noodles with beef balls ($78). It was satisfying

睇個餐廳名可能會以為係西餐廳，但其實佢係台式餐廳嚟🤣喺餐廳出面睇個環境都幾Decent～➼ 五香牛肉麵一碗麵有4大舊牛肉，唔係薄薄地Hea你嗰種，都算幾腍幾入味👍🏻不過就唔係話好Impressive。扣分嘅位係個麵底，麵質係比較薄同扁身嗰種，都算係有咬口嘅，亦唔算係好淋👍🏻不過真係要趁熱食，因為啲麵一開始凍咗就變到黐埋一舊，會冇晒胃口。下次有機會都係試吓其他嘢先～聽講鹽酥雞同米粉都唔錯😙

朋友喺鰂魚涌返工，我今日有day Off，所以就陪佢食個早餐。佢話呢頭好多餐廳，呢間係佢其中一間最鍾意嘅雖然佢係台式餐廳，但係提供港式嘅早餐，價錢一啲都唔貴，我叫咗一個五香肉丁出前一丁，配太陽蛋奶多，凍奶茶。朋友就叫咗個農場雞扒米粉，配餐蛋牛油麵包，熱奶茶。咁大份量加埋都唔洗100蚊！我非常滿意呢碗熱辣辣嘅五香肉丁麵，佢仲加咗少少蒜片非常之香口！肉丁同麵嘅份量都唔少，非常抵食。味道唔會話太咸，調味啱啱好。凍奶茶似返台式奶茶嘅味道！ 我鍾意佢夠大杯！天氣咁熱飲好爽朋友個農場雞扒米粉都唔錯㗎！雞扒超級大塊，米粉仲要好多，食完早餐唔洗食午餐啦啲嘢食咁大份，價錢真係好抵！搞到我都想得閒就過嚟食個早餐！

大家去食呢間鋪頭既時候, 記得睇清楚營業時間, 如果唔係就會好似我第一次咁換門釘！呢間鋪頭係o係後巷到, 裝修都幾雅緻架。我今日食外賣, 叫左碗牛肉面, 拎到番屋企d牛肉仲係好林甜。另外就食左炸雞飯, 我焗番熱佢黎食, 都好味呀, 真開心!

Lilium 鰂魚涌海光街13-15號海光苑地下3-4號舖——————————————————————呢間有少少難搵見到鐵絲網有用綠化佈置咁你應該就到有少少隱世feel喺鰂魚涌近太古嗰邊嘅寫字樓贏得一班打工仔歡心我見網上比較多人推薦呢幾款食物。台式滷肉飯$62。鯛魚滷肉飯$75。回貴妃雞卷滷肉飯$75。滷肉貢丸豬骨湯麵$68。鯛魚鹽酥雞飯$75我因為今日比較肚餓 早餐午餐都食咗😝早餐正正常常 肉丁熟蛋多士新竹米粉 午餐鯛魚鹽酥雞飯 魚油撈埋飯食好花味鹽酥雞炸得香脆 油份ok 唔會食到啖啖油

📍［鰂魚涌｜Lilium］鰂魚涌海光街附近都好多餐廳，早上行開過黎呢邊，搵到間靚早餐食下。早餐款色都幾多選擇，價錢都正常，早餐要食得豐富啲。叫左個classic 沙嗲牛肉出前一丁，沙嗲牛係正常好味個隻，湯底係有味，唔係淡開水，牛肉都多份量又唔會好un。奶醬多睇到都流口水，勁多醬，又夠脆，好食。雞扒通粉，大大塊juicy雞扒，通粉又係好多，湯底都好味，鍾意食辣可以加辣椒油。仲叫左個all day breakfast，有哂炒蛋、煙肉、茄汁豆、沙律同埋西多士。所有嘢都好好，份量就正常，雞扒又係勁大塊，炒蛋又好滑，煙肉唔係話好肥，茄汁豆就係茄汁豆，沙律菜個醬汁好味。餐廳嘅環境都好闊落，坐得都舒服。同埋員工都好Nice 同helpful，上菜速度都好快，朝早想食個靚早餐又多個選擇。🍜沙嗲牛肉出前一丁+腿蛋 $38🐓農場雞扒通粉+ 煎雙蛋 $42🍞奶醬多 $25🍳西式早餐 $45

今日經朋友介紹黎鰂魚涌呢間餐廳試下佢位於鰂魚涌海光苑地下餐廳係小巷入面 唔算太顯眼 裝修有文青Cafe既感覺唔睇menu都唔知係食台灣野🤣餐廳主打台式料理除左台灣著名既鹽酥雞同滷肉飯之外仲有幾款台灣湯麵可以選擇鹽酥雞飯望落脆卜卜 又大大粒既鹽酥雞鋪係滷肉飯上配以芽菜紅蘿蔔絲 同溏心蛋鹽酥雞咬落啖啖肉 香脆之餘又不失肉汁 調味都好惹味滷肉飯中既豬肉肥瘦均勻 配菜味道有小小似泡菜 好開胃貴妃雞卷豬骨湯麵湯麵採用台灣白麵 口感幼滑雞卷外有一層薄薄的雞皮唔肥膩 不邪惡😜同滷肉飯一樣都有半隻溏心蛋溏心蛋半流心 甜甜地 幾好食套餐可以$19加配小食我地加左滷水豬耳豬耳爽脆又入味整體而言所有食物份量都好足夠價錢亦親民 味道都不錯真係超級推介鹽酥雞😊

Lilium 嘅台灣麵同小食都非常地道~黃金蝦棒炸得脆卜卜，外脆內軟，入面熱辣辣嘅蝦肉十分鮮味，打得好有咬口，大大條食得好過癮~小編再嗌左一碗招牌四寶牛肉麵，有牛肚、牛腩、牛丸同埋牛𦟌。牛腩好香牛肉味，炆得好夠火候，入味得來又唔會韌，而且份量都好多，食到捧住個肚走！金錢肚整得最出色，食材用料上乘，有一啲牛肚會太林又無味，但係呢度完全冇呢個問題~另外牛丸同埋牛𦟌性價比都好高，牛肉控真係要試一試呢度嘅台灣牛肉麵~店內環境寬敞，既有四人枱，又有望街嘅bar 枱，一個人去坐一人座就唔使同人搭枱~而且呢度喺港島嘅中央，地鐵站行過去都好方便。總括而言，無論大人細路，自己一個人定係同朋友一齊都不妨試一試呢度嘅地道台灣美食😋

今日係去左鰂魚涌搵好野食,咁岩太古坊就睇下有咩食😄行左冇耐俾我搵到一間帶有文青風既台式餐廳👍🏻☺️而且仲有好多座位，不過lunch time都好熱鬧 人來人往 咁岩我去到店門口好大雨 好在有簷蓬俾我避下雨😁店舖裝修好新穎，環境仲好舒服，座位都好寬躺，而且仲有吧位，俾客人面對住岀面環境食野，真係好chill 😍我就點左好幾樣野食😛因為太耐冇去台灣 搞到樣樣野都想食呀 我就叫左碗台式滷肉飯 ($62)，大大碗份量好多料，好多滷肉😝仲有半隻溏心蛋 真係抵食！我仲加左二個小食🤪包括有滷水豬耳($19)同滷水大腸 ($19)，真係好爽口，好正🤪 滷水汁好濃，醃得好入味最後仲加左杯益力多爆珠綠茶（$15）,杯飲品唔會太甜之餘，仲有好多粒爆爆珠，好有咬口🤪又可以解渴🌿🌿🌿🌿🌿🌿🌿🌿🌿🌿🌿店舖名稱：Lilium地址: 鰂魚涌海光街13-15號海光苑地下3-4號舖🌿🌿🌿🌿🌿🌿🌿🌿🌿🌿🌿

星期六約左一樣係係鰂魚涌住既朋友去食個下午茶，去左佢屋企附近既Lilium食。餐廳位置比較隱蔽，唔係住附近都幾難發現到，位置都幾多，最正係餐廳唔收加一。兩點開始有下午茶，下午茶餐牌都幾多選擇，我地揀左兩個下午茶餐，再散叫貴妃雞卷。生煎包及滷肉米粉生煎包有兩個，我地一人一個岩岩好，煎得幾香口，包住豬肉同菜，唔係一半空心既偷空減料包，都足料既。滷肉米粉有半隻溏心蛋，下午茶黎講米粉份量都好足夠，滷肉軟腍。紅燒牛肉牛丸麵牛肉係牛𦟌，唔鞋唔韌，牛丸大大粒，麵質軟滑，好味。貴妃雞卷雞卷調味好香口，食落惹味，雞肉亦都好嫩滑，份量都好多，值得一食。下午茶餐包餐飲，我加左$3叫左凍美碌，朋友叫左熱檸茶，估唔到熱飲都幾大杯。

我以為自己食過位於海光街嘅所有餐廳，但今日俾我喺海光苑附近搵到間隱世餐廳，餐廳門口喺小巷入面。從門面嚟睇，餐廳裝潢以墨綠色為主，而且設有戶外吧枱座位，令我以為Lilium係西餐廳，一望餐牌先知道係台灣餐廳🤣- 紅燒牛肉牛丸麵份量幾多，牛丸爽口彈牙，牛肉肉質軟稔，每一件都厚切。麵條口感滑溜，湯頭味道濃郁但唔會好油膩。- 生煎包生煎包非常迷你，外皮煎得幾乾身，一咬肉汁即流出嚟😋- 蜂蜜柚子綠茶味道唔會太甜，出面夏日熱辣辣，飲完呢杯蜂蜜柚子綠茶之後成個人非常清爽。總結而言，價錢以台灣菜嚟講唔算平，不過牛肉麵同生煎包都好食，環境亦幾舒適。