Lilium

營業中

休息中

Lilium喺太古坊附近有一間小店，主打台灣菜，而且可以GULU 拎位，唔洗擔心無位 🤗台灣魯肉飯冬天將至可以點暖立立的魯肉飯，而且可以簡少/多飯同多汁，合適唔同食家的口味。魯肉肥瘦適中，份量十足，魯汁入味，CP值高🤗。 如果大家有興趣都可試埋台灣麵，暖立立口感偏淋，不妨一試。

今日係鰂魚涌附近行行下見到呢一間隱世嘅台式餐廳🤣裝修風格都幾清新，餐廳格局都好闊落～於是就入去試吓👍餐廳係用手機落單，亦都好貼心可以揀多麵/少麵、多汁/少汁，配合唔同食客需要💛我哋叫咗兩樣主食紅燒牛肉牛丸麵 + 凍檸茶$81份量都足料，紅燒牛肉好冧亦都冇筋，最令人驚喜係個牛丸！識落好彈牙亦都好Juicy，同出邊啲牛丸完全冇得比🤣唔鍾意食牛丸嘅我都食晒！推介！鹽酥雞滷肉飯 + 凍檸樂$79滷肉飯同鹽酥雞正正常常，覺得餐廳好貼心係旁邊會擺咗啲配菜(涼拌芽菜)，可以中和滷肉飯嘅油膩感～👍總括嚟講餐廳性價比都唔錯，環境開揚坐得都幾舒服😌

星期日天陰有毛毛雨有點清涼好想飲碗熱湯十一點左右係太古坊行咗兩個圈係便利店同Mr & Mrs Fox 中間小巷發現轉角有燈原來有間台式餐廳姐姐好有禮貌用QR code點餐原先想飲湯之後睇目錄點咗個飯餐主食可以轉粉麵我揀米粉以為係撈米之類點知係湯米都好餐廳係小巷外圍環境算清潔餐廳入面好乾淨餐具有啲骨子台式 鹽酥 雞好出色不過啲鹽酥粉好似唔係好均勻所以有啲雞係好淡冇乜味道一啲都唔油食到最後隻碟都係好乾爽湯粉麵嘅肉燥味道適中唔鹹個湯好熱齋啡係熱嘅亦都濃不過我就唔係好飲到有啲苦啦對我嚟講咁我都係飲咗兩啖就冇飲晒不過姐姐就有留意到話叫我下次叫師傅輕手啲食完熱辣辣嘅嘢個心情又好返

餐廳位於鰂魚涌太古坊附近要轉入後巷位置先會見到⁡餐廳係自助下單形式 自己掃QR code落單有飯/湯麵/小食等選擇1·牛四寶麵2·鹽酥雞滷肉飯3·迷你生煎包(3件）4·益力多爆珠綠茶(涷)⁡牛四寶麵足料夠濃味一碗有齊牛筋/牛腱/牛肚/牛丸每樣餸都有兩件 一個人夠晒飽肚牛筋大件煮得好夠淋身易咬口好有骨膠原牛腱比較有質感 牛肚口感唔錯牛丸最彈牙好食唔會有筋痴牙⁡鹽酥雞滷肉飯好夠味又地道特別係啲滷肉碎非常入味 撈飯一流仲有半隻流心蛋及配菜(芽菜等)拌碟鹽酥雞可以細舊返啲再落重味少少就更好⁡生煎包真係迷你的 一啖食得晒皮薄好夠脆卜卜 一咬會有肉汁爆出嚟內脆內嫩 可以一試😌⁡益力多爆珠綠茶偏淡味 可以再涷啲第一次試爆珠入面有益力多 口感幾突出有少少咬口⁡環境其實幾chill有普通座位又有窗邊位仲會播返以台灣歌手為主嘅音樂⁡

之前都幫襯開, 不過時間就唔到就有一排過唔到去冇幫襯鰂魚涌區lunch時間都係人逼逼, 正所謂寸金尺土, 一個人的話, 通常啲座位都坐得好迫下..而且間餐廳焗住啲人聲, 好鬼嘈🙉🙉今日可能天氣涼咗, 餐廳開咗啲大窗, 即時好好多, 我一個人坐向住街外嘅自閉位, 高櫈, ok喎侍應EE服務都幾親切order咗鹵肉飯加熱咖啡（基本上次次都係食呢樣）, 今日有驚喜！啲滷肉（餸）多到遮住曬啲飯, 好勁喎🤩🤩好鍾意食佢啲飯, 唔識形容但係就同食開嗰啲泰國咪唔同, 但係又唔係日本米, 總之好有咬口👍👍👍食完呢餐係愉快嘅🥳, 當然食得鹵肉飯就要唔怕肥啦😅😅

太古坊裡面既一條巷仔，估唔到幾好食既早餐。難得佢開得早！本來以為都係食果啲既既早餐，但有驚喜。因為+$2既生煎包係幾用心，外脆內面係重有好多汁，值得。當然重有櫻花蝦肉碎通粉，絕對係好完美既早餐配搭。櫻花蝦肉碎通心粉+$2既生煎包包羅萬有既早晨之選

今次黎到鰂魚涌覓食係小巷中發現呢間台灣餐廳Tiffany blue窗框令成間餐廳個feel有relax感今次叫左兩個麵同一個小食五香牛肉麵 $60 4/5⭐️鹽酥雞滷肉飯轉台灣麵 $73 4.5/5⭐️炸花枝丸配炸雙色地瓜條 $38 4.5/5⭐️- 兩個台灣麵都有手工面feel👍🏽- 牛肉麵既牛係牛展，60蚊黎講份量算係較多- 鹽酥雞滷肉飯可以轉台灣麵或者米粉，岩曬好似小編咁lunch唔想食得太飽🤣🤣-碗麵入面既蛋係溏心蛋有小小意外，通常台灣菜入面既蛋係滷水蛋，不過老實講小編中意食溏心蛋多過滷水蛋😙😙-滷肉都要讚下好唔好夠大粒同好入味，就算跟麵都唔會浸到淡曬-整體而言野食都大份量同價錢親民

鰂魚涌附近返工嘅朋友仔通常都會去海光街食嘢😻 今次我哋試嘅呢一間位於海光街嘅後面少少嘅舖位😆 係一間台灣料理 座位都好闊落 食物質素整體都唔錯😍-紅燒牛肉牛丸麵-鹽酥雞滷肉飯-鯛魚滷肉飯今次我哋食咗三款主菜 😝其中佢哋覺得滷肉飯做得較為出色☺️佢哋嘅牛肉麵質地比較淋 🥺滷肉飯非常之入味🥳值得一提嘅係佢哋嘅鯛魚滷肉飯 鯛魚有少少似日本嘅魚仔 有少少甜甜地嘅味道 呢一個比較推薦大家去試吓🥰📍Lilium (鰂魚涌)鰂魚涌海光街13-15號海光苑地下3-4號舖

上次食過呢間台灣嘢幾好食，今次試吓佢嘅滷肉飯！🍴 鹽酥雞滷肉飯 $73 (7.7/10)超級足料，仲有得揀多飯少飯多汁！飯用咗珍珠米粒粒飽滿！鹽酥雞同埋滷肉份量都幾多，鹽酥雞炸得比較乾身香脆，肉質比較鞋口同埋今次炸太乾，但係鹽酥嘅味道好香濃，扣咗少少分！個滷肉係肥瘦相間，切成肉粒，有油香又有瘦肉，肥而不膩，正宗台灣甜甜香香嘅滷肉味！糖心蛋都好香蛋味，有用滷水滷過，蔬菜係芽菜蘿蔔絲都好爽口，除咗鹽酥雞扣咗啲分之外，其他都好好食！

Lilium係鰂魚涌近期較新的台式小店，雖然位置有啲隱蔽，但住開個頭/做野嘅人就容易啲搵到～Mr&Mrs Fox隔離有間7-11，旁邊就有一條小橫街，向住個旁街直入就會見到佢地，繁忙時間係多人啲，但等位嘅時間都唔算特別耐👍🏻💁🏻‍♀️今次叫咗1️⃣個全日套餐🥘台式滷肉飯💰62滷肉飯原用台式腩肉滷製而成，每舊都散發出嘅滷香味，底下嘅白飯滲透出陣陣滷汁香味，每一淡都充滿滷肉同醬汁口感😋飯嘅份量都比想像中多，細食嘅你地建議可以揀少飯🍚溫馨提示✨所有全日套餐都包杯熱口

Lilium地址：鰂魚涌海光街13-15號海光苑地下3-4號舖誤打誤撞入比人拉再入一間餐廳非常低調餐廳食野🤭～紅燒牛肉牛丸麵 🥩🍜$78 牛肉札實都算入味，味道濃郁。雖然湯底都算飲得出有牛酥香，但係味道較為淡咗少少，失望呀😔。#nicefoodie鰂魚涌----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious  #lunch #hk #香港 #香港美食 #美食 #鰂魚涌美食 #打卡  #鰂魚涌 #香港口味 #隱世美食 #隱世小店 #半價優惠 #人氣餐廳 #人氣美食  #牛肉麵 #台灣麵 

鰂魚涌小店🤭好岩上班人士放飯去食！環境舒適 食物又大份 又平🤭呢間既位置好隱蔽，開頭都搵左一段時間，但原來喺商場行到尾就見到了😆今次兩個人 我就叫左兩個set 同小食🤭五香牛肉麵set 多芫荽 小食就叫左:1.麻辣皮蛋2.滷水大腸3.生煎包（3隻）咖啡• 凍 •少甜咁多野都係$113 好抵🤭另外，仲叫左個鹽酥雞滷肉飯set $58多飯 •多汁飲品就叫左檸檬水•熱Liium（鰂魚涌）地址:鰂魚涌海光街 13-15號海光苑地下3-4號舖

嚟到鰂魚涌搵食，見到OpenRice話呢間台灣嘢都幾好食佢喺個商場入邊嘅位置都幾隱蔽，唔係好容易搵，食落都有驚喜算幾好食喎！🍴 牛四寶麵（牛腩/牛腱/牛肚/牛丸) $88 (8/10)超級足料，個麵非常大個！湯底比較偏鹹味，冇台灣紅燒牛肉麵嗰啲香味啊甜味，個人覺得有少少似滷水汁？個面係扁麵，煮到非常之淋，太淋冇乜口感😂每樣材料都分別有兩件，牛腩大大嚿煮到非常之淋，好易咬開又有牛味，牛腱都係好淋身，比較多骨膠原少少，牛肚就比較有口感，呢三樣嘢都滷到好入味，牛丸係好濃牛肉味道，又夠彈牙多汁，好好食！真心除咗個麵同湯底還好之外個配料係真係好好食！鍾意食牛嘅人一定要試吓呢個牛肉麵！🍴 滷水豬耳 +$19 (8/10)滷到非常入味，豬耳嘅皮係軟身嘅，軟骨都好爽口，好好食！🍴滷水大腸 +$19 (9/10)大腸都係滷到好入味，非常淋身，唔肥又冇異味，超級好食😋推薦指數: 8/10真心呢間台灣嘅價錢又唔貴，食物真係有質素，唔怪得lunch time咁多人呀！朋友食嘅滷肉飯鹽酥雞都好好食！下次都會再試吓個lunch，美中不足嘅係竟然冇台式奶茶飲🥹🥹我推薦俾大家！

好耐冇試過食熱辣辣嘅西多士😋😋做到即叫即做…….厚度均勻，當中夾的紫薯🍠不太甜，比舊式的花生🥜醬更好味，鋪上面的牛油🧈，雖然比較多，但也不覺油林林😄✌🏻

Today, I went to Quarry Bay to get a Taiwanese food. From the façade, the restaurant is mainly decorated in dark green, and there are outdoor bar seats, which makes me think that Lilium is a western restaurant, but when I look at the menu, I know it is a Taiwanese restaurant. Taiwanese Braised Beef with Beef Balls Noodle Soup & Taiwanese Braised Beef with Danzai and Meat ball Noodle SoupThe beef balls are refreshing and chewy, the beef meat is soft, and each piece is thickly cut. The noodles are