LIFETASTIC BISTRO (PopCorn 1)

營業中

休息中

呢間餐廳嘅蛋糕出名就係人都知，不過唔試唔知，呢度嘅晚餐都非常不錯🤗生酮忌廉金目鱸魚是日餐湯係南瓜忌廉湯，飲落好creamy，充滿南瓜香味爐魚🈶兩大塊，肉質好滑溜，點埋個汁食就更滋味，個薯蓉都整得好好味炭燒澳洲穀飼黑安格斯封門柳呢度嘅炭燒封門柳比我想像中嘅好味😋牛味濃郁之餘，口感仲好香滑，side dish 都係配薯菜，美味可口荔枝烏龍茶蛋糕蛋糕含麩質，呢個cake真係好好味👍🏻必試，食落有清甜嘅荔枝果肉，同個烏龍茶蛋糕好match ，so yummy 日本白桃伯爵茶蛋糕呢個係季節限定嘅含麩質蛋糕，賣相好可愛，頂層係白桃肉嘅啫喱，配埋我最愛嘅伯爵茶蛋糕一齊食，感覺好清新巨峰乳酸檸檬梳打飲落有清香嘅巨峰提子味，味道唔會太甜，剛剛好招牌草莓西瓜梳打聞落好香玫瑰🌹同草莓嘅味道，飲落係香甜嘅西瓜🍉 梳打

呢間鋪頭嘅蛋糕好出名，估唔到除咗蛋糕之外原來都有正餐食，於是就約埋朋友一齊去試下～*炭燒澳洲穀飼黑安格斯封門柳 $198外層有炭燒嘅風味，有淡淡焦香，而內裡依然係鮮嫩嘅粉紅色，肉質柔軟🐮佢嘅薯蓉都值得一讚，奶香味濃郁，好creamy🤤*明太子軟殼蟹意大利粉 $158意粉煮得啱啱好，有彈性～明太子味香濃濃郁，拌意粉好惹味😽而且軟殼蟹炸得好香脆可口👍🏻*招牌草莓西瓜蛋糕 $39 （跟餐半價）蛋糕柔軟濕潤，面層係玫瑰花同草莓嘅果凍，所以食落會有馥郁嘅玫瑰香氣～而且佢每一層嘅設計都好有心思㗎，佢係蛋糕+忌廉+原塊西瓜嘅配搭，口感好豐富😍*日本白桃伯爵茶蛋糕 $39（跟餐半價）見到係期間限定，咁就不得不試💓蛋糕顏色好粉嫩，好有夏天嘅感覺🫶🏻結構同草莓西瓜蛋糕差唔多，佢係蛋糕+忌廉+伯爵茶凍嘅配搭～伯爵茶當中仲有白桃粒，白桃同伯爵茶嘅碰撞令蛋糕更清新😋*芒果熱情果梳打 $26 （跟餐半價）感覺成分好天然，梳打唔會有死甜嘅感覺，食得出芒果嘅原汁原味🤩

人氣高的蛋糕西餐廳🌸鹹蛋雞肉雜菌扁意粉🌟🌟🌟🌟夠香鹹蛋味，有『沙沙』既感覺，每一條扁意粉都沾滿鹹蛋醬，滿滿雜菌及雞肉，口感非常豐富。🌸巴馬火腿薄餅（10吋）🌟🌟🌟🌟薄餅邊勁脆，滿滿芝士鋪平，每一件都有大大塊鹹度適中既巴馬火腿。🌸金黃蕃薯條配黑松露醬🌟🌟🌟🌟🌟超香脆金黃蕃，味道有正常黃蕃薯甜味，再點濃郁黑松露沙律醬，估唔到咁夾。🌸榴槤芝士蛋糕🌟🌟🌟🌟🌟鐘意食榴槤就必吃，未食已經勁香榴槤味，面頭有無花果乾、超多椰子片，鬆軟蛋糕夾著充滿榴槤肉既芝士蛋糕，有一絲絲感覺，小編超鐘意呀！🌸檸檬咖啡🌟🌟🌟🌟有淡淡檸檬味，咖啡味突出，當咖啡拌湯力就會有泡沫出現。🌸伯爵茶朱古力🌟🌟🌟🌟🌟超香伯爵茶味，完成沒有遮蓋朱古力味道。======詳情======LIFETASTIC BISTRO (PopCorn 1) (將軍澳)將軍澳唐賢街9號PopCorn 1地下G19號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #將軍澳美食 #將軍澳好去處 #香港美食探店 #香港探店 #我是吃貨

好耐之前食過一次士多啤梨西瓜蛋糕之後，我耐唔耐就好掛住，好想食多次！唔覺唔覺原來開咗2間分店係可以食主食嘅，一間係將軍澳而另一間係銅鑼灣😍有lifetastic嘅經典藍金色，我都係第一次入去食正餐🤣之前都淨係食cake!不過原來晚餐都幾抵，特別係叫完正餐半價就有蛋糕食啦！柚子檸檬汁菠蘿沙律 $98好colourful!!見到個人都好開心，好開胃!有羽衣甘藍，沙律菜，茄仔，菠蘿粒，同煙三文魚！好豐富‼️個汁好refreshing👍🏼偏酸，但係又有柚子甜味，好令人深刻！炭燒安格斯封門柳 $198有大約5塊封門柳，啱啱好5成熟😆入面好粉嫩，好鬆軟！再撘店家自己調配嘅汁，再突顯個牛味配菜亦都好多，又有薯蓉，夠哂！略略覺得定價偏高，如果多舊封門柳就好🤤卡邦尼意粉 $108定價正常，意粉軟硬適中，個醬食到尾都唔會好heavy🤭有幾粒煙肉，都幾肥美！中規中矩😆到今晚最期待嘅蛋糕士多啤梨西瓜蛋糕( +$39)勁抵食😍本身要接近$80!!食落去我最鍾意係佢啲cream，係有玫瑰味cream🤤再配上杏仁餅底，有粒粒口感，成個感覺真係好幸福🥹香甜中有淡淡玫瑰花香，好特別!!黑芝麻麻糬蛋糕 (+ $29)Thi

Lifetastic💙 Fantastic night🍽🍰🍹💫..今日做完野返將軍澳食飯🍽，想起這家出名精緻蛋糕店的西瓜蛋糕🍉🍰，想去吃吃就順便來吃個晚餐吧！估唔到食物有驚喜、店員亦超級有禮好好服務😍，還給我小驚喜❤️，是平凡生活中的小確幸，繼續有愛生活吧🥰！以藍色為主調，裝修顏色鮮明💙，有個人風格而且整個設計讓人舒服，定價算合理有水準，套餐仲可以半價加配各款精緻蛋糕🍰，確是吸引喔。🔸酥炸魷魚圈 Fried Calamari $68先來餐前小食，🦑 過過口癮。🔸鹹蛋黃雞肉雜菌扁意粉 $138🔸黑松露雜菌意大利粉 $982款主食同樣不錯，麵條彈牙且吸盡醬汁很惹味。鹹蛋黃雞肉滿有咸香而雞肉嫩滑；黑松露雜菌滿惹味呢，都可一試。🔸招牌草莓西瓜蛋糕(無麵質) $78一款杏仁蛋糕，招牌西瓜😍 每次吃都很清新。🔸榴槤芝士蛋糕 (含麩質) $68一款海綿蛋糕💛 香濃榴槤蛋糕又綿密 讚！😋..×××××ש將軍澳唐賢街9號PopCorn商場地下G19號舖..

🍽🍡🍳🍰🍧🌮🥯🥩🥗🥫🫕🥧一直行過櫥窗，都好想佢哋嘅招牌草莓西瓜蛋糕🍰 今晚專程去一嚐晚餐😊先講蛋糕！佢哋分別叫咗🍓🍉草莓西瓜蛋糕，同埋🥭🍉芒果西瓜蛋糕，叫主食嘅時候可以以半價order👍🏻 對lifetasic 甜點真係讚不絕口！1. 有無麩質蛋糕，以杏仁代替麵粉，照顧到現代社會腸胃過敏嘅人士😊2. 蛋糕口感好清新😋 每次食完好滿足但都不會有「濟」嘅感覺以前係澳洲曾經試過當地好出名嘅西瓜蛋糕 🇦🇺 ，lifetastic 嘅蛋糕口感真係可以媲美當地勝物😂 回憶感滿滿😙主食方面點了兩個意粉🍝 鹹蛋黃雞肉雜菌扁意粉超有驚喜！🍳鹹蛋黃醬汁好濃郁，加上creamy 雜菌🫕，鹹蛋黃同菌味互相補合，一道意粉食出兩個層次，而且仲保持到雞肉嫩滑！意粉本身煮得彈牙，掛汁出色，同醬汁充分融合😜而明太子軟殼蟹意大利粉🦀亦都好出色。明太子嘅醬汁濃郁而又帶有微妙嘅煙燻味道。軟殼蟹炸得好鮮甜脆口，非常鮮味，唔會有腥味，食材處理得非常好。整體來講，Lifetastic 真係滿足到我嘅期待，環境優美，elegant ambience 👍🏻👍🏻 食完好寫意，非常滿足😊

知道 Lifetastic 出左白桃味蛋糕，即刻想去試下， 以前佢只係有甜品🍰， 而家開咗幾間餐廳，仲可以食埋精緻西餐添。🍽🐟生酮忌廉金目鱸魚🥕 ($168)- 兩件爐魚一啲都唔細， 而且煎得金黃脆邊， 特別香口， 鱸魚肉質嫩滑，一啲雪味都冇， 個底配咗紅蘿蔔忌廉汁，亦都有啲蔬菜托底， 啱曬keep fit嘅朋友仔，係高蛋白質之選。🦀明太子軟殼蟹意大利粉🍝（$158）- 軟殼蟹唔算好大件，但係炸得通透而且脆口，蟹肉唔會覺得柴，意粉配咗菇同洋蔥一齊煮，仲可以同明太子撈埋一齊， 充滿口感同埋一啲都唔油膩，意粉份量都唔少㗎～🥣是日餐湯+$15- 係南瓜忌廉湯，好creamy，仲有少少蔥粒調味，nice!🍇巨峰提子檸檬梳打🍹- 巨峰提子好香，但係唔會覺得好甜，不錯！任何飲品半價（沙冰除外）任何件裝蛋糕半價🍑日本白桃伯爵茶蛋糕（原價$78）（無麩質）- 日本白桃係新口味，上面最頂層係有白桃肉嘅啫喱，之後夾咗層淡忌廉同兩層粉紅色既海綿蛋糕，海綿蛋糕中間就係伯爵茶忌廉，伯爵茶有淡淡嘅茶香，仲夾雜咗一啲白桃肉，令你有唔同嘅口感， 整體來講清清地少少甜，好少女㗎！🥭班蘭芒果紫米蛋糕（原價$68）（含麩質

之前嚟過 , 今次再嚟係為季節限定嘅日本白桃伯爵茶蛋糕 🧐🧐 食店轉左餐牌 , 選擇更富彈性 , 揀咗心水主菜 , 隨意以優惠或者半價加選餐湯 , 飲品同蛋糕 ! 😌😌炭燒澳洲穀飼黑安格斯封門柳 ($198)有 5 件肉肉 , 牛肉味極濃郁 , 質感鬆軟 , 唔韌 😋😋 配菜底下嘅薯蓉好好食 , 又滑又有少少薯仔粒 , 多 d 口感 !黑松露雜菌意大利粉 ($108)意粉口感啱啱好 , 黑松露味唔會太濃 😀😀雖然材料簡單 , 但呢個配搭從來冇得輸 ~荔枝白茶 (跟餐+$22)白茶茶味偏淡 , 帶有淡淡的荔枝香味 ~ 日本白桃伯爵茶蛋糕 (跟餐+$39)蛋糕大大件 , 層次分明 , 顏色都幾吸引 👍 蛋糕由日本白桃 + 桃味 jelly, 原味海綿蛋糕同伯爵茶忌廉 + 白桃做出唔同層次 ~ 酸酸地 , 食到一粒粒白桃 ~ 成件 cake 唔會太甜 ~ 整體黎講 , 雖然佢係一間蛋糕專門店 , 估唔到西餐製作絕對可以同坊間的西餐廳睇齊 , 而且半價可以加購蛋糕勁吸引 !! 黎食嘢再加埋蛋糕簡直係超值之選 !! 😆👍

之前買過Lifetastic既西瓜蛋糕，覺得幾好食，但一直未黎過bistro食飯，今次可以食完正餐再食蛋糕啦😍▫️烤日本豚肉菠蘿串(2串） ($78)菠蘿好厚切，炙燒過後質感實在啲，味道好清甜，菠蘿味濃郁。豚肉亦肥瘦均勻，好似東坡肉既口感，有炙燒香，肉質好軟嫩，味道咸咸地配上甜菠蘿多重滋味。▫️牛油果大蝦芝士焗大啡菇（2件）($78)將牛油果、蝦、芝士釀係大啡菇入面焗，好豐富，切開有啲juicy，聞到芝士香，大蝦亦彈牙，亦食到啖啖牛油果，整個口感係軟糯一點，仲有沙律菜伴碟。▫️卡邦尼意大利粉 ($108)意粉煮得軟硬適中，忌廉汁濃稠亦creamy，粒粒煙肉碎，有煎香過，仲有幾塊芝士片，撈勻食仲惹味，而且味道唔會好咸。+$15 有餐湯，係南瓜湯，夠濃郁！▫️日本白桃伯爵茶蛋糕 ($78)底層係白桃同伯爵茶蛋糕，入面亦有白桃粒，上層係白桃啫哩，好Q彈，每啖都食到好重白桃味，因為有伯爵茶蛋糕底，茶香中和返白桃既甜，整個蛋糕食落一啲都唔會好甜，會愈食愈想食添。

Lifetastic引入嘅澳洲名物草莓西瓜蛋糕大家都可能食過。其實佢哋仲有其他好味嘅選擇。宜家佢哋已經有自己嘅Bistro，唔洗下下都買返屋企先食到。仲可以即場食埋飯再揀下唔同口味嘅蛋糕。就個主菜加$15就有餐湯，仲可以用半價叫埋飲品同件裝蛋糕添。計落都抵啲。試咗Carbonara 同埋冬陰功意粉，個質素都幾唔錯。Summer special 有個日本白桃伯爵茶蛋糕，桃味十足，有大量果肉，伯爵茶味勁濃。另外又食咗個荔枝西瓜蛋糕，比起草莓味更加清新。

同另一半撐枱腳想鋸扒食意粉又唔想專登開爐煮🍽️，一於嚟LIFETASTIC BISTRO！「炭燒澳洲穀飼黑安格斯封門柳」身為牛魔王緊係要食得刁鑽啲，黑安格斯牛以其卓越口感、優雅味道同豐富營養而聞名；而封門柳部位刁鑽又稀少，可以係話一「柳」難求😋由於牛呢個部位甚少活動，所以出名肉質柔嫩，肉味比起其他部份更濃更特別，更顯質素講究💪LIFETASTIC 全新菜式「炭燒澳洲穀飼黑安格斯封門柳」絕對滿足到鐘意肉味濃者口腹之欲！封門柳外層燒至焦香，中間係深紅色，表面淋上醬汁✨另外有蘆筍、薯蓉、番茄等炭燒配菜，擺盤好靚呢～一切開黑安格斯封門柳，果然唔係浪得虛名！肉質非常柔軟，但一刀切落去又唔會好易散開。深沉嘅肉色背後更蘊藏極大滋味😙因為佢本身嘅肉味真係好濃，配搭任何醬汁，牛味都可以突顯返出嚟，而店鋪嘅自家調配醬汁係帶有甜味嘅燒汁，豐富肉汁加上香濃風味，連配菜都炭燒得好香，達到我呢個牛魔皇對於食牛嘅要求。「明太子軟殼蟹意大利粉」又就快到秋天喇，又係食蟹嘅季節，作為一個好鍾意食蟹但又唔鍾意自己剝蟹殼嘅人，食軟殼蟹簡直係最佳選擇😉特別係炸軟殼蟹，繼承咗傳統天婦羅嘅酥脆外皮，兩者嘅結合呈現咗炸軟殼蟹獨特嘅風味

將軍澳終於開Lifetastic啦！🎉好鐘意食佢哋啲蛋糕，真係好好味🤤🤤💥·炭燒澳洲穀飼黑安格斯封門柳～$198（封門柳出名好有牛肉味👍🏻連配菜都炭燒得好香）💥·柚子檸檬汁牛油果蟹肉沙律～$118（柚子檸檬汁好清新☘️）💥·餐湯（雜菜湯）～$15💥·芒果熱情果梳打（跟餐半價）～$26💥·招牌草莓西瓜沙冰～$58(西瓜同草莓，味道非常配合）💥·招牌草莓西瓜蛋糕～78(招牌草莓西瓜蛋糕夾層以完片西瓜及玫瑰味忌廉相互層疊，每一口都充滿馥郁的花果👍🏻)💥·日本白桃伯爵茶蛋糕（跟餐半價）～$39(香甜白桃加入溫醇柔和的伯爵茶，驚喜滿足你嘅味蕾）

生日，老公就訂左呢個cake 俾我突登加個牌"靚靚老婆 生日快樂"個牌啲字勁核突，仲要斜，完全好似小學生寫字咁啲職員個態度又差，喺klook 訂一早cap 左code 其實叫佢掃code 已經知邊個cake ,仲要睇返本身喺email 個張野睇完仲好似唔信有訂到咁個蛋糕真係好一般草莓同西瓜我本身好鍾意食但佢又要加埋啲玫瑰精油落去層忌廉到啲玫瑰味完全搶哂草莓同西瓜嘅味陣味好悶，令人好反感咁嘅價錢真係唔抵食，唔會再有下次玫瑰花放面懶靚咁但實際上去研發嗰個人有冇諗過玫瑰味係咪真係同西瓜草莓夾到呢？🤷‍♀️🤷‍♀️🤷‍♀️鍾意食玫瑰味嘅人可以一試，唔like 玫瑰陣悶味真係唔好試

以前有買過Lifetastic既蛋糕，又靚又好味。今次入埋餐廳食dinner，除左有主打既水果蛋糕外，並提供多款西餐供客人選擇。餐廳位於將軍澳Popcorn，半開放式，裝修以藍色為主調，高貴典雅，配合餐廳品牌形象。是日餐湯 (＋$15) 餐湯係甘筍湯，飲得到有微微甘荀味，口感幼滑。燒汁烤原隻春雞Roasted  Whole Sping Chicken  with Gravy $178春雞燒得好香，皮脆肉嫩，肉質仍保持濕潤，點埋燒汁更惹味。黑松露雜菌意大利粉Black Truffle & Mushroom Spaghetti$98黑松露微濃，有多款鮮什菌，意大利粉軟硬適中。芒果西瓜蛋糕Watermelon Mango Layer Cake (＋$39) 芒果西瓜好新鮮，蛋糕不太甜，食落好fresh，好有層次感。榴槤芝士蛋糕 Durian Layer Cheesecake (＋$34) 榴槤芝士蛋糕面頭仲有白色椰子片，每一啖都有清香的榴槤味。

一直想試呢間餐廳既西瓜蛋糕，於是就約咗朋友嚟到呢度食晚餐。餐廳環境充滿西式風情，都幾舒服。 食物款式方面，有多款前菜、沙律、主菜、意粉、蛋糕同飲品。🍴甘筍湯(跟餐加$15)甘筍嘅味都幾香甜🥕質感濃稠，飲落幾開胃😋🍴黑松露雜菌意大利粉($98)黑松露味幾濃郁，雜菌嘅份量都算多， 而且爽口👄意粉軟硬適中，口感煙韌👍🏻🍴明太子軟殼蟹意大利粉軟殼蟹外皮炸得香脆唔油膩，明太子意粉Creamy👅味道鹹香，辣辣地，幾惹味，配軟殼蟹都幾夾🙌🏻🍴招牌草莓西瓜蛋糕(跟餐半價$39)蛋糕有多種層次，頂層有玫瑰花瓣🌹士多啤梨凍🍓蛋糕同西瓜🍉每一層嘅口感都幾鮮明，一開始主要食到玫瑰花嘅香味，之後慢慢食到士多啤梨同埋西瓜嘅味道，味道都幾夾幾清新，甜而不膩😋🍴班蘭芒果紫米蛋糕(跟餐半價$34)斑蘭味都好出，蛋糕口感濕潤鬆軟，配上新鮮嘅芒果🥭煙韌嘅紫米、同埋香濃嘅椰絲，味道好香，充滿泰國嘅風情😍