LE-TA-SU 一人一鍋

營業中

休息中

呢間一人火鍋店一開張就大受歡迎排長龍，等開咗個幾月再嚟食，都仲係咁多人，平日6點去到攞飛，等咗兩個幾鐘，8點幾先入得，真係冇諗過要等咁耐，店入面唔算大，座位唔多。主打一人一鍋，中間一排坐嘅枱面唔算大，有啲逼，放野食冇乜位。特選Letasu套餐 $178包括澳洲純種和牛牛板腱、北海道十勝豬五花腩、牛舌唔係好多個餐可以食到十勝豬，為咗十勝豬所以叫呢個啲肉都幾多，可能因為都比較碎，唔係好大塊，所以都好似有8 9塊左右。澳洲純種和牛牛板腱反而一般，有啲鞋，亦唔算好香牛味。牛舌正常，都彈牙。反而北海道十勝豬五花腩就好好食，嫩，唔鞋，又彈牙，仲好香。加配牛五花50g $18見平平地就加，都唔錯

哇!好食喎!冇期望下去試左壽喜燒牛肩胛套餐(250g)同LE-TA-SU套餐(200g)再追加黑毛和牛前胸肉(50g) 牛係薄身type 唔係港式邊爐重牛味嘅手切牛類型(my fav.🤭)牛舌同豬肉眼出奇地彈牙🫢 壽喜燒和牛+白飯=幸福☺️ 已經想encore試藥膳麻辣湯底💁🏻‍♀️reminder:記得記得去gulu app預早拎飛 weekday lunch平均都要得一個鐘up&dinner 兩個鐘up🥹

試咗最近沙田新開嘅一人一鍋日式邊爐，知道新開一定好多人排隊試，所以我地都預早咗去食諗住可以小啲人。當日5點45分左右去到都已經有人圍住門口等緊位，我地大約等咗4,5個字左右。我地揀咗一個特選LE-TA-SU套餐配極.和出汁同烏冬，另一個特選壽喜燒套餐配特選壽喜燒湯同烏冬，另外追加咗芝士竹輪同一款牛一款豬(餐加購，follow 社交平台)。成個set好快就上到枱，啲肉用機切，所以全部厚度好平均同完整，切到一個小山丘咁上碟。望落啲肉嘅顏色都好新鮮，脂肪同肉嘅比例平均，牛肩胛有靚靚嘅雪花。另外套餐包埋嘅菜都好多款式，另外有升級咗限定嘅盛盒，一啲都唔hea ，有晒介紹係新鮮本地農場嘅蔬菜，野菜盛盒再加埋有5碟肉，好夠食。食落牛味算濃，脂肪都唔會令到個口好油，同埋份量都算多。蔬菜同菇都好好食。湯底就正正常常冇乜大驚喜，主打都係肉好食。

呢間沙田新開既日式火鍋日日都好多人等，星期六17:30拎飛，20:30先入坐，真係好誇張😲呢到有得揀唔同份量，有豬有牛揀。揀左人氣no.1同no.2，湯底一個壽喜燒一個極和出汁（日式湯底），食牛都係食壽喜燒湯底比較出色😎😎每個餐都會有一盤蔬菜、一個飯（可加錢轉烏冬）、仲有一碟小前菜（涼拌芝麻菠菜）。牛肉同豬肉都唔錯，唔會太肥、薄薄一塊。另外叫左個明太子墨魚滑$25，都幾好食！整體黎講都唔錯，不過實在等太耐🫠🫠如果想食真係要拎定飛。

沙田新城市廣場開業美心集團旗下日式餐飲業務「LE-TA-SU 一人一鍋」，雖然是日本餐廳，但基本選用美國特選安格斯牛肉及豬肉！當然亦有提供和牛、海鮮、小食⋯⋯✨LE-TA-SU套餐200g（$ 120）（特選壽喜燒湯 +$9、LETASU野菜盛合、八穀米 +$6、涼拌芝麻菠菜）有美國特選安格斯牛肩胛肉、牛舌及美國豬肉眼，造型非常吸晴，將片片肉砌成山的樣貌，令人萬分期待😊牛肉味鮮味，輕輕涮熟，入口軟腍嫩口！壽喜燒湯偏咸，可以不沾醬，只要蘸上滿滿日本雞蛋汁，入口是滿足的感覺！🍚八穀米的口感偏硬身，建議點白飯就好了！✨壽喜燒肩胛肉套餐350g（$ 148）（特選壽喜燒、LETASU野菜盛合、白飯、涼拌芝麻菠菜）份額非常滿足，像是肩胛肉山登頂，食肉狂人的首選！

見到平時呢間嘢排隊都好多人，今次打算比平時提早一個鐘五點入去食飯，已經就嚟坐滿晒，睇嚟香港人真係好鍾意打邊爐。呢間嘢嘅特色就係所有座位，你見到佢係想你一個人入嚟食飯多個一班朋友，今次叫咗一份最普通嘅五花肥牛套餐，入面有一個壽喜燒湯底同埋蔬菜，菜嘅種類竟然有好多，全部食落去都好新鮮唔會有怪味，今次嘅火鍋配菜蔬菜絕對係比到驚喜我。而牛肉就比較失望感覺上就喺超市買嘅肥牛差唔多質素，可能我揀咗最平嗰一隻肉，不過要輪呢間餐廳嘅評價，當然係性價比非常之高，＄68可以食到咁多嘢我就唔講究太多啦。

沙田新城市廣場新開一人一鍋個模式同燒肉like 好似，只係轉左邊爐😍因為新開所以排隊好誇張，weekend 一定一定要係商場apps,拎飛， 一般真係4:30~5:00 拎飛，around 6:45-7:30 應該就有得食架啦先揀湯底：1/ 極和岀汁～湯底比昆布湯濃郁2/昆布岀汁～比較清淡3/胡麻擔擔湯～唔算好辣，有dd 花生芝麻香4/藥膳麻辣湯 (未試）5/特選壽喜燒湯～附生雞蛋一隻正正常常， 以呢個價錢都ok 滿足套餐有9個set 選擇視乎肉既質素， 份量決定價錢最少既set 你壽喜燒肩胛肉套餐/牛五花套餐150g但如果想多d 唔同野食下就一定係Le Ta Su 套餐，有牛肉，豚肉同牛舌200g套餐仲包1set 蔬菜野飲另計如果想輕輕鬆鬆打下邊爐都係一個好選擇

聽講日本人氣火鍋店LE-TA-SU開咗嚟香港 「Tabelog」高達3.5評分咁勁 我咪嚟試下Lunch都幾多人 排咗好耐佢就係電話落單嘅 我就揀咗個和牛set 見到佢有個本地菜揀 我同行嘅朋友就揀咗點知加錢揀嘅呢個本地菜唔係佢上面講嘅菜都有只係會提供一部份 我自己覺得你list 晒上嚟 我以為提供到俾我先會嘗試 有啲被騙嘅feel講返個牛啦 質素唔錯嘅 g數都明碼實價寫咗出嚟 值唔值見仁見智對我嚟講分量真係好少好少 加錢轉咗個鳥冬 得拳頭咁大 菜得一兜仔 佢連🥕蘿蔔都係刨一片俾你 就嚟薄過張紙呢個價我唔expect食唔飽lol如果你食得飽 咁只可以話 小鳥胃之選👍🏻

之前新城市廣場嗰間shabu shabu結咗業，最近見到呢間新嘅shabu shabu,上個星期日晚本來想嚟試吓，點知六點四十五分嚟到餐廳，見到門口堆滿人，佢話已經滿晒，冇得訂位，只收walkin, 仲要等兩個鐘先至有位。今日去新城市廣場買完嘢已經五點半，食下午茶又太晏，食晚飯又好似有喲早🤔，行過呢間餐廳見到入面已經有好多人，不過仲有位，所以入咗去試吓，坐低冇耐已經見到門口堆滿人。😅我叫咗個LA-TE-SU 套餐 200g，入面有美國特選安格斯牛肩胛肉、美國豬肉眼同埋牛舌。我加咗$9轉胡麻擔擔湯，跟餐有LETASU野菜盛合、白飯同涼芝麻菠菜，初初見好似唔係好多嘢食、食落原來真係好夠食。連加一服務費要$126，唔算好平，不過都唔係好貴，但係質素就好okay。我手機點餐嗰陣，見到佢哋有平啲嘅餐，$8x 都已經有兩種肉。食完之後問問佢哋邊度有分店，店員話全港暫時只此一間😯，加埋今日呢餐嘅體驗，終於明白點解成日門口都咁多人等位啦。要提一提嘅係：用餐時間只有75分鐘，😀

叫咗牛肩胛肉加牛五花套餐， 來是面靚入面全部係碎濕濕的肥脂肪膏，係切出黎嘅淨你肥膏， 更換後只嚟牛五花連肩胛肉都冇埋。 同櫃面講，佢話下次同經理講，下次會好D。「下次」，我不會再來

水又冇 ，外賣盒又冇，紙巾又冇。我都唔知佢做咩生意。去食個飯。想飲杯水，唔好意思唔提供。污糟左想擦下張抬，唔好意思又冇。Okay～ 咁食唔曬d 嘢想環保d 打包。就話冇做外賣生意所以冇，膠袋都冇。真係好嬲lol仲要比d 菜就好似上面食評咁講又係爛嘅，都算仲要有個客手機落錯單，之後想請職員幫手取消。佢就鬧個客話之後佢要寫報告，叫人小心d🥶🥶。總之成間嘢就係奇奇怪怪，雖然價錢都唔錯，但係要受氣又咩都咩鬼都冇嘅*餐廳*就真係要考慮下。

琴日去咗食晚餐，建議大家唔使加烏冬，因為份量極少價錢係+6。以一人火鍋嚟講份量唔係太夠，但係牛肉份量OK，味道可以一試，不過會去到某個Number會截飛，可以試一次。

I ordered the Le-Ta-Su 300g set, which I believe includes a few slices of beef tongue. The slices of beef tongue were very chewy and tasted nothing like the creamy and tender ones that you might have gotten at other Japanese shabu-shabu restaurants. The beef slices were also extremely lean, and pretty tasteless. It felt like I was chewing strands of flavourless fibre. The worst part of the dining experience was surprisingly not the food, but the servers’ attitude. They were rude and very impoli

這家據說來自東京日式火鍋店真的是人氣爆棚， 午餐時段店外滿滿的人。 套餐內容豐富的讓人眼花撩亂，牛肉豬肉海鮮任君選擇，總有一項適合你！🥩🦐🥬 湯底雖然每天只有5種， 但從經典醬油湯到麻辣鍋， 也總能找到合適的！🔥 肉類部分可以選擇200g或300g， 如果還嫌不夠，隨時可以追加！💪 套餐附送了日本的蔬菜拼盤❤️栗子南瓜嘗起來糯糯的， 一試就愛上了，完全是“栗子控”的快樂！😍 除了火鍋，這裡的日式小菜和甜品也不容錯過， 這次套餐送的是麻醬菠菜，份量剛剛好！ 總結來說，這家餐廳令你就算一個人吃飯也能品嚐多樣東西，讓人感覺特別豐富😋❤️❤️

半夜睡不着，是因为什么，是因为今晚的晚饭太好吃了！不枉我排大队这个新开业的店！宝位于沙田新城市广场b1我下班6:40左右到达「一人一锅」号都派完了，心情很难过，门口接应的服务生说8:30左右又可以再领，燃起希望，终于8:30过去了，果然人少了！这家店人均100吧，不错干净卫生有营养我非常推荐吃这家的昆布锅以及受洗锅味道特别的好，肉汁肉感也非常的筋道醇厚，牛肉看起来非常的新鲜，尝起来也非常得好，主要是他们的蔬菜非常的丰富！而且他们的所有果汁都非常的好喝，推荐富士苹果汁好喝到爆！点了昆布锅（牛五花）＋ 寿喜锅都非常好吃蘸料很好吃：惊现柚子醋！！！蔬菜很新鲜，适合一人食，有加一