Le Monde

營業中

休息中

是日同男朋友拍拖加遊觀塘，喺工廈嘅studio做完小手作後，夜晚去咗鴻圖中心嘅一間法式餐廳食晚飯，意想不到工廈入邊都有一間咁精緻嘅法式餐廳💕⏩ 17個月熟成嘅西班牙塞拉諾風乾火腿油香滿溢，火腿帶自然嘅鹹香味，放喺脆多士上面食就係簡單嘅好滋味～⏩白酒煮智利青口好入味，青口香腍柔軟，口感同味道都係上乘之作～⏩白鱈魚配忌廉大蔥汁質感滑亂，魚肉煎香後仍然充滿水份，忌廉大蔥汁好濃厚，大蔥嘅味道同白雪魚好夾～⏩法式焗波士頓龍蝦好鮮甜同新鮮，蝦頭仲有唔少膏，配上芝士、洋蔥粒、香草等配料烤焗，絕對升華晒成碟龍蝦嘅味道～餐廳嘅用料新鮮講究，烹調方法亦都非常用心，我同男朋友都好欣賞呢間法式餐廳💞

平日返工食晏趕頭趕命，終於可以趁weekend優哉游哉食個午餐，暫時逃離煩囂嘅工作同生活😌餐廳環境優美，歐陸式餐枱同櫈俾人一種雅典嘅氣氛，配合返呢度提供嘅菜式同飲品✨🍷Cosmopolitan Vodka Cranberry juice加入咗蔓越莓汁、橙皮酒同vodka調配，酸甜度十分平衡，色澤迷人令人心動💜🥂香蒜白酒煮紐西蘭鑽石硯 $168鑽石硯乾淨無沙，硯肉肥美飽滿，蒜蓉同白酒成功昇華蜆肉嘅味道，係令人上癮嘅滋味🫢🍄北海道帶子配野菌意大利飯 $120帶子表面輕輕煎過，內裏仍然保持彈性，柔軟甘甜，襯意大利飯係絕對唔會出錯嘅組合😋係依度食飯可以感受到廚師烹調每樣食物時嘅心機同心意，如果你都想舒舒服服食個weekend lunch，就一定要嚟依度了❤️

好閨密約我girl talk，咁就一定要搵間坐得舒服嘅餐廳，飲住嘢傾吓偈👩🏻‍❤️‍💋‍👩🏻我哋去咗觀塘嘅Le monde ，之前已經食過幾次，今日再帶閨蜜嚟食飯飲嘢☺️必食之一❣️開心果玫瑰法式多士 $78❣️每次嚟都一定會嗌法式多士，麵包浸滿蛋漿再半煎炸，灑上糖粉同開心果真係好好食，係人見到呢個甜品都會心心眼😍必食之二❣️西班牙Iberico 豬扒配忌廉菠菜苗 $178❣️食完甜嘢食返份咸食，呢塊連骨豬扒烤得剛剛好，夾埋忌廉菠菜苗食好香🫢嚟呢度食飯一定要嗌佢哋嘅Cocktail，我叫咗杯❣️Cosmopolitan Vodka Cranberry juice❣️女仔一定鍾意飲呢杯酒，因為佢唔算係好強烈嘅酒，飲落有莓果同檸檬嘅果香味，好易入口🍷閨蜜叫咗杯🌈Rainbow 🌈佢嘅顏色漸變得好靚，一上枱立即要幫佢打卡📸因為用咗唔同果汁沖配，所以甜甜的好好飲，飲完都成個人都充滿力量😊

星期六返工真係好累，所以一放工就嗱嗱臨去嘆返個lunch，慰勞一下自已🌸餐廳隱身係工廈入面，係觀塘返工嘅朋友就會好熟悉。餐廳嘅環境優雅，富現代感，星期六日吸引咗唔少區外人嚟午餐，質素有保證👍🏻唔算太肚餓，所以食件多士就夠，不過唔好睇少依件🌹開心果玫瑰法式多士🌹多士好厚同軟熟，淋上糖漿啱哂想食甜食嘅我，食哂成份好飽肚💖叫咗杯Virgin mojito，薄荷葉同青檸味道好清新，凍冰冰飲完暑氣全消❄️梳乎地嘆咗一個完美嘅lunch，簡直係至高無上嘅享受，見佢個menu仲有意粉、肉類、沙律好多嘢食，下個星期六放工後又可以嚟食啦🤪

無得去旅行周圍食嘢好苦悶，好彩俾我發掘到一間觀塘區工廈多國菜餐廳，廚師去過外國鑽研廚藝，煮出嚟嘅食物特別地道，今晚一於用味覺環遊世界啦✈️🇪🇸西班牙八爪魚菠菜苗沙律配陳年黑醋欖油》八爪魚先煎香，厚薄切得合適所以好易咬開，黑醋汁酸酸甜甜，好醒神！🇪🇸烤西班牙八爪魚配焗薯》去西班牙旅行時成日都會食依道小食，今晚依碟焗薯嘅味道真係好貼近當地食到嘅，香口濃味😍🇫🇷香煎法國鴨胸配法式香橙燒汁》鴨胸煎得好靚，鴨皮嘅油脂甘香，鴨肉帶點煙熏味，香橙燒汁中和鴨皮嘅油膩，配搭得好好～🍗烤原隻黃油春雞》春雞醃得好入味，雞肉唔單止唔鞋，仲有濃濃嘅肉汁，好抵食🥰今晚食咗唔同國家嘅美食，令我諗翻起去旅行時嘅美好經歷，真係一個非常好嘅飲食體驗⭐️

放假梗係要搵好嘢食，就試試法國菜先☺️依間法國菜餐廳位於觀塘同牛頭角中間位置，搭地鐵喺牛頭角站行過嚟會近啲，大概5分鐘就到。飲杯Ice cappuccino降下溫先，用咗一個高身嘅杯裝好特別，奶泡仲特別豐厚添🥛焗波士頓龍蝦配鮮茄蟹肉意大利粉一睇就知好食，鮮茄蟹肉汁好稠杰，波士頓龍蝦爽彈，啖啖龍蝦肉同蟹肉口感超豐富🥰西班牙Iberico 豬扒配忌廉菠菜苗超有份量，豬扒嘅油花紋理清𥇦，肉質細緻鮮嫩，加埋脆卜卜炸薯條，好食！嚟呢度食午餐絕對係正確嘅選擇，一邊食飯時已經同朋友諗定下次嚟食咩，好為食嘅我哋🤣

朋友今晚約咗我嚟Le Monde食好嘢，一聽餐廳名就知道呢度係食法國菜，平日都少啲機會食法國菜，搞到我好期待添😛朋友點餐後，嘢食陸陸續續送到，首先上枱嘅係｛龍蝦湯｝，湯超級濃郁，每啖湯都係龍蝦嘅精華，正到爆🦞之後就係｛西班牙八爪魚菠菜苗沙律配陳年黑醋欖油｝，菠菜苗翠綠清新，八瓜魚有嚼勁，陳醋汁酸甜開胃🥗叫多咗個開胃小食｛烤西班牙八爪魚配焗薯｝，焗薯表面焗得金黃色，配埋特製醬汁份外惹味🥔主菜分別叫咗｛香煎法國鴨胸配法式香橙燒汁｝同｛烤原隻黃油春雞｝🦆🐓鴨胸肉呈現微微粉紅色，無煎到過熟；烤雞質地滑口，一切就好易將雞肉同骨頭分開，煮得好好👍🏻

This restaurant’s surroundings are quite nice, the bread was the most delicious dish throughout the whole meal I’ve had today. Sadly, the chicken’s skin was so crispy that I thought my tooth fell out. The sauce was certainly scrumptious. The drink was too sweet and I think I need to have a checkup at the dentist.The waiter was very impatient, he fake smiles so bad that his teeth almost gritted cheese. I think gritted cheese would be a great topping for our meal.

性價比低，價錢貴，但食物份量少，亦不算有質素，牛扒比較靭亦無牛味，$108一碟龍蝦湯，三匙飲晒。$200幾意大利飯兩匙食晒，啲薯條仲差過麥當勞薯條、又細條又幼又唔脆。地方空間算大，裝修易算OK，但侍應卻逼你同其他客坐埋一堆，方便佢哋自己做嘢，漠視客人感受，如果要坐到咁迫，我不如去大快活或吉野家，服務員態度不太友善，點餐時態度不耐煩，叫他幫忙影相，態度亦不耐煩，你都未準備好就好快影一張，即刻俾返部手機你，坐低催促你點餐，食完企係你張枱隔離望住你但係又唔斟水俾你，感覺催促你走，但係其實餐廳有七成枱都冇客，總括而言：冇下次。

法國既浪漫💕又優雅，今日同💏老公慶祝結婚8周年，嚟到呢間有法國菜式食嘅餐廳，柔和嘅燈光下感覺特別浪漫🥰1️⃣烤原隻黃油春雞，🐔黃油春雞脂肪含量較豐富，較有油香，烤焗後皮下脂肪及雞皮極薄微脆，而且香氣撲鼻，肉質鮮嫩又多汁🌟2️⃣香煎法國鴨胸配法式香橙燒汁，鴨胸保留着超重鴨香味，味道格外濃郁，軟嫰多汁且有焦脆感🤗喜歡有情調嘅人都好啱嚟呢間餐廳，😋餐廳環境服務食物質素都一流，👏🏻Le Monde會令人有一個難忘的法國餐享受😍

母親👵🏻大人就快生日🎂，趁住今日假期，就帶媽咪再嚟多次呢間高級西餐廳預祝生日🎊-［煎盲曹魚配露筍及忌廉汁］-盲曹魚啖啖肉，魚質非常滑，魚皮煎得很香唔會好鹹恰到好處，擺碟好有心思配上露筍及Creamy的忌廉汁，有層次口感🌟-［法國煙燻鰻魚多士］-粉嫩的魚身，鮮嫰的魚肉感及魚油融化在口腔內，散發的魚油香🌟正-［開心果玫瑰法式多士］-多士皮外面好脆，，整得外脆內軟，加上開心果及玫瑰花香口之餘又有淡淡花香感覺很清新🌟之前來呢間餐廳都覺得環境舒適，裝修高貴華麗，今次嘅食物保持到水準，擺盤如畫般美，俾人一種👀視覺上的享受，見到心情都愉快👩‍👧

到咗週末梗係要同屋企人食好啲，呢間餐廳已經想試咗好耐，因為知道佢評價一直都好高🔷龍蝦湯🔹龍蝦湯味道濃郁鮮甜無比，啱啱好唔會太鹹同太杰🔶白酒煮智利青口🔸青口味道非常鮮，肉質嫩滑有海水味鮮甜飽滿🍶🔷烤西班牙八爪魚配焗薯🔹烤香嘅🐙八爪魚好軟淋唔會韌，配埋香噴噴🥔焗薯好好食🔶香煎法國鴨胸配法式香橙燒汁🔸鴨胸🦆外皮煎得香脆的而且肉質頗為軟嫰，加上香橙燒汁幾特別鹹中帶點甜香🔷法式焗波士頓龍蝦🔹大大隻🦞龍蝦好有氣勢，龍蝦肉爽口彈牙，焗得好香而且夠濃郁口感極佳😋試過之後覺得性價比超高，食物質素有水準而且💰價錢合理，屋企人都👍讚不絕口難怪成為最近人氣之選😻

好友👱🏻‍♀️就是相聚🍽食飯打卡影靚相📸，要講打卡真的不能不提這間位於觀塘的Le Monde ，餐廳用心佈置座位寬敞給人感覺舒適❤️❤️香蒜白酒煮紐西蘭鑽石硯，鮮甜的鑽石硯份量十足，而且飽滿厚肉，蒜香🍶酒香二合為一滋味十足❤️❤️西班牙Iberico 豬扒配忌廉菠菜苗 ，🐷豬扒肉汁鬆軟味香濃，並且油花豐富，脂肪部份是爽的，完全沒有油膩的感覺，忌廉汁好creamy加上🥬菠菜苗口感細膩柔滑❤️❤️Cosmopolitan Vodka Cranberry juicy，像喝果汁一樣容易入口，而又有清醇的Vodka酒味寧靜優雅的環境，仲可以靜靜地👯‍♀️促膝詳談，餐廳位置好方便就腳，嘢食酒店級質素，地方舒適係同朋友聚會的好地方👍👍

今次再嚟觀塘Le Monde，佢地點都幾就腳，環境非常舒服，係同人傾偈食飯的好地方，同👭朋友可以靜靜地傾偈敘舊😚香蒜白酒煮紐西蘭鑽石硯 ，大大粒鑽石蜆非常Juicy，陣陣蒜香惹味且酒香撲鼻👃🏻，滋味十足焗波士頓龍蝦配鮮茄蟹肉意大利粉，🦞龍蝦肉質彈牙，一絲絲🦀蟹肉分量都十足，意粉唔會太淋而且有咬口🍝，高質之選Ice cappuccino，好濃厚的foam加上咖啡味夠濃，口感好順滑好香😋雖然我唔係第一次嚟Le Monde，👍但係佢保持到一貫嘅水準，而且環境舒靜，感覺好relax，所以都係我去觀塘經常選擇的一間西餐廳

星期六放咗工之後又係時候去搵食，今次去試一間位於鬧市區觀塘的樓上西餐廳，呢度環境好好氣氛好開陽♦️《煙三文魚忌廉芝士牛角包》，煙三文魚份量很多，好肥美又唔會好鹹，濃郁嘅🧀忌廉芝士配上🥙新鮮的沙律菜減低膩感，口味更清新，而🥐牛角包夠香又脆♦️《開心果玫瑰法式多士》，開心果味香脆加埋🌹玫瑰花好有層次感，感覺冇咁易膩，多士四邊香脆，裏面濕軟🥛牛奶同🥚蛋香相輔相成總括而言，分量十足而且材料豐富，真係好抵食，座位寬敞有空間感，大眾化價錢可以享受高質的午餐，下次冇理由唔再encore💃