Le 188° 餐廳及酒廊

營業中

休息中

先講讚的：酒店黎講價錢正常，景靚既（但夜晚反晒光基本上影唔到），真係要影應該早上或中午好d（有日光時間）缺點：食物很差。先講前菜）1:牛菌湯….比較淡同冇味，唔合格。2:鵝肝…. 煎得唔夠香，舊鵝肝唔差既係煮得差。Main）1: 咩豬柳雲吞，見佢menu 寫拎過獎就試啦，點知得兩舊仔，如果味道好都冇野既，但勁鞋+冇味….兩粒雲吞極度難食，形容唔到咁難食，出生以來食過最難食既雲吞（仲寫拎獎-.-？）2:羊架落鹽重手左d，勉強合格3:雪魚+蝦：um… 好普通冇野好講服務： 成日叫人都睇唔到，酒店黎講第一次咁樣…跟住9點鐘成場都係客就set第二日朝早既自助餐枱，我坐正隔離，感覺極差（似大排檔趕收工）總結：dinner唔洗試，影景日頭去飲杯野影完走就得了

日落及夜景絕佳 食物美味上次試過Le 188 的午餐 今次一共四位享用晚餐晚餐食物配搭精緻 一共有四道菜 有頭盤2款可以選擇 湯是意大利雜菜湯 大盤也有四個選擇 甜品是Tiramisu 頭盤有1. 煎八爪魚沙律紫薯溶配亞枝竹醬汁 2.生牛肉薄片配巴馬臣芝士 豐富蔬菜的意大利雜菜湯（熱驣驣）大盤1.有鱈魚配大蝦搭配車厘茄羅勒醬汁 2. 牛肋骨配黑松露燒汁 3. 燒羊架配羊燒汁 4. 紅菜頭意粉配芝士忌廉汁甜品是Tiramisu 配雪糕另外可以配合無酒精餐前特飲晚餐四道菜包咖啡或茶價錢超值 有六五折優惠

兩年前黎依間Le188餐廳。。位於41樓。一望無際的海景及維多利亞港景色依然令人感到震撼。。每位家人黎到都話”依到真係好靚“今次同家人試試佢既午餐四道菜的午市套餐（（大家有興趣可以上他們的官網購買..不定時有優惠））我今次有65折。價錢非常抵食。 。望住咁嘅海景食飯。。已經值回票價！！食物方面賣相十分精緻。味道也一流！！本人推薦封門柳,肉質夠淋,味道配搭恰當！服務方面依然保持到水準！！值得一讚！！因為我覺得自從放寬之後,可能服務人員的工作壓力比較大同工作量增加！！很多地方的服務質素,都不如以往。！這裏的服務依舊親切有禮很體貼，他們都很主動幫我們拍照訂坐時告知家人生日，他們已安排在甜品上寫上Happy Birthday，為家人帶來驚喜

超值套餐 廚師用心製作 餐廳景觀一流 待應態度良好食物有米芝連餐廳水準 色 香味俱全 景觀可以望到大部份維港 氣氛一流餐廳坐位舒適枱與枱之間空間十足午餐有頭盤小食 頭盤 湯 主菜和甜品頭盤小食新鮮生蠔好清新的湯配芝士麵包條主菜食物美味 魚及肉類烹調得剛剛好 配搭的醬汁很有心思 賣相有如米芝連餐廳麵包也是酒店自家焗製 有牛油 欖油及basil 醬配合非常美味 甜品也是一個驚喜 套餐有茶及咖啡可以選擇價格物超所值 三位午餐套餐合共約$9xx

今個星期日 同朋友黎左一試究竟。🤭打電話黎訂枱個時，職員好好禁同我哋講左有個官網eshop，4個人折實左$1200 左右，唔算好貴，人均$300。始終酒店，景觀又好！呢到全部落地大玻璃，香港九龍睇晒，不過3點幾5點 中環景個邊撞正西鈄，如果一心黎到想望中環景 就要諗諗先。不過對於我地想搵個地方坐下傾下計，已經好夠。講返野食，今期主題做緊”「蠔」氣鮑魚” ，基本上咸點都有蠔，鮑魚就佔兩三款。食物黎講 不過不失，如果熱食方面 再熱多少少就好。（例如個鮑魚酥皮）總括黎講，我哋都幾中意呢到，貪佢靜靜地 可以一邊食 一邊嘆個靚景，坐下傾下計。

擁有180度無敵維港海景嘅餐廳，之前日間嚟過，因為戴帽，感覺一般，今次朋友仔請食生日飯，特地揀夜晚睇夜景，感覺不得了，可以呆坐一個晚上都唔厭。佢哋嘅頭盤，常常都好出色，尤其擺碟，非常雅致。而佢哋嘅麵包，有各款選擇，溫度暖暖的，剛剛好。今次的南瓜湯，比上次的大涌湯好味。煮食係牛柳片，略嫌硬，不過汁濃郁。佢嘅魚有啲似擦子膠，感覺一般。反而佢哋嘅甜品比較出色，靚到唔捨得食，也不會太甜，不錯！雖然地方大，但很少服務員，不過感覺即叫即到，也不錯！

由傍晚坐到日落，細看天漸黑的景色，高樓層的餐廳，倍感舒適地亨用晚餐。可能是早兩日才打電話訂位，所以位置不算是太好的，但有一邊的座位都可以看到高空景色和高樓層的設計，另一邊座位從側面都可以我到海岸，入夜，都會見到車水馬龍的車燈點綴沿着海的高速公路！Set dinner 有一前菜，一個main course ，再來一個甜品，加錢可飲白酒、紅酒或者香檳🍾️ ，每次上菜，侍應都會介紹食物，喜歡這個安排，之前都要去到米芝蓮的高級餐廳才有這種款待！值得再去的餐廳！

今日係酒店Eshop ,見有7折，訂咗個tasting menu 試吓，覺得真係扺食，7:00pm己到達188餐廳，上到41樓，風景真係好靚，嘩一聲，接住，職員帶我們入座，望下個menu先😋,頭盤有個整得好靚嘅沙律撻食，之後第二來個西班牙紅蝦他他，又係整到好靚真係超班水準，接住到湯，白露筍忌廉湯，真係好鮮甜，好cream,好好味呀，之後有個清新青檸雪巴，感覺好清新，接着有個龍蝦配魚子醬，龍蝦好新鮮彈牙，好味，之後來咗Dover sole fish 　，都係整到好好味，最後再嚟和牛封門柳，真係好林好軟，好好味，最後來個千層拿破輪，感覺好甜，但係好鬆脆，今日晚餐算係好滿足，下次有機會再一定幫襯😋，對住咁靚嘅海景，同埋好美味的晚餐，非常之滿足，同埋好滿意。

首先員工服務態度很好，其次景色相當優美，至於食物方面，種類繁多，中午時間去食自助餐，可以一邊享受景色，一邊享受美食，價錢相當合理，適合一家大細情侶去打卡，一定會在去。

平時好少 Fine Dinning. 因為朋友仔有酒店禮券，有聽聞這酒店嘅餐廳景色一流，所以星期日中午試吓佢哋嘅 Set Lunch. 可能因為星期日，冇乜人，非常安靜，也可能因為當天非常大霧，本來維港的怡人景色都被蒙上一片白濛濛，所以唔係好多客人。雖然有濃濃的霧，但係180度的維港景色，仍然 stunning, 相信夜景更不得了。先講頭盤，先嚟每人三隻生蠔，非常新鮮，以我這個不外生蠔的人都讚不絕口。麵包軟素，仲會提供三種不同的醬，任君選擇。正式前菜，有三文魚糕，素菜卷，賣相有美感，味道也不錯。另外有洋蔥湯，不過不太習慣太重重的味道，而Tang又比較稀薄。主菜係海鮮意粉，味道較濃，沒有太大的特色，而另一碟牛腱，反而有驚喜，加上醬汁，味道一流！最後以雪糕，carrot cake 作結，carrot cake 嘅味道及擺設充滿驚喜，靚到唔捨得食。總括而言，主菜不及前菜，甜品！

感謝另一半的心思，早早預備好聖誕節目和安排聖誕大餐，在酒店內舒舒服服玩兩日，好放鬆。我們訂的房間包含黃昏雞尾酒時段，餐廳歡迎我們攜帶Lounge的酒水入內，望著270度無敵維港景摸著酒杯底聊天，好不浪漫。香煎法國鴨肝配無花果醬、黑松露、紅酒汁鴨肝油潤，為美好的一頓揭開序幕。阿根廷紅蝦剌身薄片卷水牛芝士配青蘋果、迷你大蒜汁及精選魚子醬紅蝦剌身鮮甜，蝦肉彈牙又有少少黏性，配上清淡的水牛芝士，非常好食。耶路撒冷雅枝竹忌廉湯配波士頓龍蝦、蘭度豆、開心果及松露酸忌廉湯在席前倒出，飲落creamy順滑，雅枝竹味比想像中淡，中間已去殻的龍蝦啖啖肉，鮮甜。北極紅鱒魚及北海道帶子配煙燻斯卡莫札芝士藍莓意大利飯平日對水果入饌的菜式並無好感，但深紫色的意大利飯煮得恰到好處，芝士味濃又不膩，配上煎得剛熟的海鮮，頗為驚喜。伏特加檸檬雪葩吃主菜前先清一清味蕾，雪葩酒味極輕，檸檬酸酸甜甜。澳洲M9和牛西冷配薯蓉、芹菜頭蓉、甘筍及松露蘑菇汁其實吃至此已有飽足感，牛肉食落不算牛味濃，油香也不足，反而伴上的千層薯批忌廉味突出，有少少喧賓奪主。加拿大龍蝦配淡辣醬及蔬菜西式做法的原隻焗龍蝦一般不是我所愛，點上其中一部份是為了

平日忙忙碌碌，假日當然想舒舒服服嘆下下午茶，悠悠閒閒地望住個無敵大海景，靜靜地同三五知己或至親品嘗食輕鬆下。我相信位於北角的Le188是一個不錯的選擇。餐廳位置為41樓，周圍都有落地玻璃，客人可望住一望無際的維港美景。今次的主題為「莓」力海鮮嘉年華下午茶，當中精選小食包括法國鵝肝配松露士多啤梨芥末醬多士、加拿大海膽及龍蝦配西班牙辣肉腸汁、藍莓啫喱及魚子醬、松露蔓越羊乳清芝士核桃牛油多士、澳洲韃靼牛肉配松露及紅棗子珍珠撻。至於甜品有蔓越莓鬆餅、燕窩雜莓白酒啫喱、紅棗子馬卡龍、黑草莓果撻、藍莓芝士蛋糕、士多啤梨慕絲蛋糕🍰我另外更散叫了有份迷你漢堡包呢其實食物味道就一般啦，不過環境同服務都真係非常好

此雲端不同電腦的雲端，是名副其實的雲端 ，⛅️餐廳位於41樓 ，是名副其實的雲端， 居高臨下， 俯覽整個維多利亞海港， 世界著名風景點。今日仲要天朗氣清， 視野山高海遠， 令人心曠神怡。 一日之計在於早餐， 豐富的早餐令成日都體力充沛，精神爽利。 今日一坐低 ，首先想飲杯咖啡， 但係可惜咖啡機壞咗， 只可以飲沖好嘅現成嘅咖啡 ，當然冇咁好飲啦 ，只係聊勝於無。🙄 食物嘅質素就係超水準 ，首先有好多種新鮮嘅水果， 最鍾意嘅係菠蘿， 藍莓， 士多啤梨 ，芒果 ，其次係西瓜， 蜜瓜， 仲可以加啲cream一齊食， 仲有苞子椰菜。 食完水果 ，就到蛋白質， 最鍾意就係煙肉， 煎香嘅煙肉， 鹹鹹地，依依韌韌， 越嚼越香。 雞蛋當然少不了， 食一隻煎荷包蛋， 加一啲黑松露炒蛋， 咁就有足夠嘅蛋白質啦。 跟住再食少少碳水啦 ，烘一塊果仁麥包， 不過個麵包機， 烘極啲麵包都唔燶， 激死， 唯有靚麵包搭夠。🤗 食完麵包再食啲 caesar salad ，清清爽爽， 健健康康， 再飲一杯清新嘅綠茶， 欣賞下窗外嘅美景， 一餐超美超正嘅早餐就完成了。🥳🥳

有外國朋友住在該酒店，房間裡的海景已經非常吸引，當日中午來到頂樓的餐廳相聚，簡簡單單沒人點個套餐吧，免得選擇困難症。現開生蠔，質素正正常常，不算肥，如果是對生蠔有要求的顧客未必能滿意，但配白酒吃吃也不錯了，煙三文魚不錯，很香，很滑，口感一流。主菜牛柳軟爛入味，香氣十足，慢煮到位。湯啊，麵包啊，都算很不錯了，畢竟一人套餐5xx元，不算太貴其實。主要是吃個環境，360度大海景，非常震撼，再加上外面還有一個大大的露台，可以抽雪茄，非常難得的好地方

Le 188評分：🌕🌕🌕🌕🌑公司聚餐，喺炮台山酒店 41 樓舉行，🏢餐廳環抱188 度海景，空間闊落，十分舒適 💯酒店Set lunch有番咁上下質素，前菜雖然簡單如cream cheese 車厘茄沙律，但擺盤精美，配上環境及裝飾加分不少👍👍· 牛小髀🍗慢煮牛小髀肉質幼嫩，配上薯蓉、芥末醬，紅酒醬、入口即化，唔錯唔錯🥰· Tiramisu✨甜品為Tiramisu 層次豐富，咖啡味濃郁，仲有金箔點綴！