影片
港鐵尖沙咀/尖東站 A1 出口, 港鐵尖沙咀/尖東站 L5 出口, 港鐵柯士甸站 F 出口
繼續閱讀
電話號碼
21533730
附加資料
最後落單時間: 21:00
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
*星期一至四最後落單時間: 21:00 星期五至日最後落單時間: 21:30
以上資料只供參考, 請與餐廳確認詳情
有關獎賞計劃
相關文章
如果想打卡嘅話可以試下呢間既因為真係環境唔錯 可以邊食邊對住個海景幾有feel👍🏻🤤不過食物就覺得一般 冇話好特別同好好食未叫嘢食之前會送一碟蝦片 好脆好食我叫咗個菠蘿炒飯 味道就一般不過勝在擺盤夠靚 面頭仲有隻大蝦 適合打卡而且份量都足夠另外叫咗碟通菜 呢個就覺得份量有啲少 味道普通 飲品方面就叫咗個芒果沙冰 好fresh好解渴可能我地叫嗰啲嘢食唔夠特別 所以就覺得味道就普通咗啲🤣 下次有機都想再試吓其他菜式😀
繼續閱讀
今日我同朋友係海港城搵野食Lunch繁忙時間見lady Nara唔使排隊就入去食我哋點咗兩個set lunch，一個係海南雞飯，另一個係泰式豬肉炒河。兩個set都有得揀一碗椰子雞湯定冬陰功湯，我哋都揀咗椰子雞，味道真係唔錯，椰子香味十足，飲落去好舒服幾好飲🥥海南雞飯嘅雞肉嫩滑，油飯就一般 。而泰式豬肉炒河，麵質係厚身個種，幾好，但食落無乜味，應該話唔係好入味，所以我覺得嘢食一般 。另外，我哋仲加咗一碟雞串燒，個沙嗲汁嘅好食雞肉就略嫌細咗啲 。唯一最好最值得讚就係呢度個環境，對住維港，當然lunch time係會有啲曬嘅，坐落嘅位置都舒服，寬敞，枱與枱之間都有距離 。而食物質素就有待改善 性價比一般
繼續閱讀
本來餐廳環境好好，坐得舒服，但是服務態度非常差， 由入座計1.5 小時， 就算餐廳有1/3 的吉枱，都照趕客走。 由未叫嘢食已經開始催叫我們落單， 第一碟食物放低已經給牙籤， 未夠鐘已經提醒你仲有30 分鐘， 15 分鐘後又俾單叫你埋單。 －間價錢唔平的餐廳，但就提供快餐店的服務，店員冇禮貌，經理態度亦差。 劣評。
繼續閱讀
Lady Nara (尖沙咀) 主打泰式融合菜式，環境裝潢走高雅路線，好啱女生gathering嚟打卡。今次試咗佢哋幾款人氣菜式，整體來講都幾有驚喜！🥥 泰式椰子雞湯（$128）湯或有濃郁椰香，如果小辣會比較酸，食得辣嘅個味可能會平均啲，雞肉都算嫩滑，椰汁味道突出但又唔會過膩，作為第一個上枱嘅菜，好開胃。跟爐上枱，keep住暖笠笠，抵讚🔥！🍖 珍寶火山排骨（$238）一上枱視覺衝擊度好高，排骨堆成火山形狀，配上辣椒醬汁同香草，份量都算幾足。第一嚿食落肉質好冧，味道上帶酸辣，辣度中等，（同枱唔食得辣嘅朋友表示要飲水🤭）同樣係跟爐上，不過啲肉煮得愈耐會愈嚡！🍝 泰式炒金邊粉（$148）包裹住蛋絲賣相精緻，入面有成5、6隻蝦，而且都算幾大隻，旁邊仲有辣椒粉花生同埋糖，味道唔錯，不過份量對於幾個人share嚟講可能偏少。整體評價個人覺得泰式椰子雞湯最值得一試😋，火山排骨價錢偏貴，性價比無咁值，但肉質炆得好冧，幾個人share都係唔錯嘅選擇！炒金邊粉就味道中規中矩！呢度環境舒適，想同朋友閒聊或慶祝一下，呢度都算不錯選擇😌
繼續閱讀
食物正常，但態度超差。枱有限時亦屬正常。但我見有十幾張吉枱兼冇人排隊，亦唔係收場時間。就問吓可唔可以坐耐啲我想叫多個甜品，然後侍應生以及經理態度超級差話佢出邊有人等緊枱。。。。雖然我一個都見唔到，但都背脊骨落即走。以後都唔會再嚟。
繼續閱讀