Lady Nara

營業中

休息中

提早一日慶祝父親節，選了口味重的泰國菜，提早預定尖沙咀Lady Nara避開繁忙時間所以當日可以直入， 來到先知裝修好靚，仲有幸坐窗口位天黑前可以睇海景。下次要來試下午茶歎靚景。個人最鍾意花膠海鮮冬陰功湯 & 明爐黃梨肉碎蒸烏頭。 冬陰功湯入邊整鍋海鮮，大大隻蝦再加上滑身花膠，湯頭濃厚，除咗冬陰公的香味，入口即知是用海鮮熬過的湯底，飲來即刻開胃！肉碎蒸烏頭， 去開泰國餐廳我都要食魚。 呢度最特別的系個湯汁唔會好濃的香茅味，還可以吃到烏頭魚的鮮味。妹妹唔食魚，但係將湯全部飲晒啦！

<Lady Nara> 📍尖沙咀🔹過江龍🐉 跌個左「質素」落江🔹Overrated 😶‍🌫️ 無下次朋友分享係泰國食NARA真係好抵食！果邊食又平又好味 🥹 搞到我都心思思想試下，就去左香港NARA嘅姊妹餐廳止止癮。黃咖喱軟殼蟹 ($228) — 軟殼蟹其實好難整得難食。🤬🤬🤬 個咖喱食落一陣糖漿味（似M記早餐果粒糖漿），黃咖喱醬襯埋塊Naan($40)，不 得 了！！！成個熱香餅餐出左黎 🍯🥞 哈～ 我仲叫多左個飯，變 左 做 糖 漿 拌 飯！！！🍯🍚 正！幻想到有幾美味無？ 🙂鹹魚炒芥蘭($88) — 有幾粒鹹魚鋪面，總體好淡鹹魚味 🙃香脆蝦餅 ($68) — 幾彈牙，不過無蝦味 🫠餐廳環境走少女風，Pink pink ！粉紅粉紅！ 💕💕💕 食物都偏甜。個人偏好有辣味咖哩 🫠 不過人一世物一世，糖漿味嘅咖哩撈飯都試過 🤭 我真係不枉此生。成餐飯最好食係送果盤蝦片 🥰 又脆又辣，好開胃。（更正：原來唔係免費送，睇番單收左我$15。學姜B話齋：算啦！算啦！）埋單一共$557，算啦！算啦！

剛剛從曼谷回來，開始想念泰國菜，來到泰國品牌 Nara Thai 的 姊妹店Lady Nara 滿足一下環境優美，粉色為主，Lady打卡之選，而且有海景相伴，看日落更是美極了，與店內的顏色感覺一致店內自動機械送餐也是從泰國訂回來的，準確快捷🦐每一台都會有泰國直送來的蝦片$10/份， 我們已吃了兩份🍍菠蘿肉鬆海鮮炒飯$158特別之處就是每一份都用半個新鮮菠蘿做器皿，絕對不是重用的，吃完飯之後可以整個菠蘿吃碟；黃薑炒飯加香茅味道濃郁，泰國風味很重，兩隻大蝦新鮮，肉鬆還脆口的，用料講究🥦黃咖喱雜菜$128蔬菜豐富，新鮮椰汁伴制，咖喱味道濃郁，送飯 / 薄餅之選；這個是全素菜式，餐廳有全素系列，因為泰國人由於宗教原因，每年都有齋戒的日子🦐香脆蝦餅（6pcs) $118蝦餅炸得香脆大大件，肉質比較結實而彈身，蝦味濃🥥椰香奶流心黃湯圓$78湯圓有流心效果，椰汁香濃，伴隨粉色小粉圓，與店內顏色相襯

有日同朋友係尖沙咀想食🇹🇭泰國菜，就見到海港城原來開左間Nara Thai Cuisine 嘅姊妹品牌「Lady Nara」，Nara Thai Cuisine 連續十年被選為最佳泰國食府，名聲甚大，可想而知「Lady Nara」應該都有返咁上下質素。😏每枱都會有碟蝦餅（$15）作餐前小食。⭐️推薦❗香脆蝦餅（$68/3件）蝦餅即叫即炸，熱辣辣，香口爽彈，蘸上酸辣醬勁惹味，必試！⭐️推薦❗泰式豬肉炒河粉（$118）寬河粉薄而煙韌，炒得又夠鑊氣，豬肉唔嚡，正！😎加啲糖、辣椒粉撈埋一齊食，味道夠正宗！⭐️推薦❗泰式鴛鴦豬手（$238）一豬手兩味，滷水和脆炸，秘製滷豬手滷得入味，炆得軟腍嫩滑，配上泰式香蒜辣汁，感覺一啲都唔油膩！燒豬手外皮燒得香脆可口，肉質保持嫩滑多汁，蘸上泰式酸子醬，微辣惹味！泰式鹹魚炒芥蘭（$88）芥蘭比較老，不過味道還可。

平日晚上行完尖沙咀，就腳係海港城食個飯。朋友一早有預備，提早預約左有海景邊既位置。餐廳內有打卡場景，閨蜜或情侶約會之選。小食：蝦片幾好食香脆蝦餅 $98我哋兩個人叫左大份6件，有蝦味，即叫即炸，口感脆口。椰子雪糕伴8式配料 $58椰子汁伴8種泰式風味既配料，蘆薈、紅豆、芒果、粟米、班蘭糕等等既味道，喚醒了泰國旅行既記憶。烤杏仁泰式奶茶 $42泰式奶茶味道，正常發揮。大蝦柚子沙律 $108驚喜既口味，食到有椰絲味，搭配甜甜地既汁，蝦新鮮，柚子清新。泰式牛肉船麵 $138大大碗又足料既船麵，有5種牛配料，牛栢葉、牛丸、牛腩、牛筋，仲有肥牛。份量可以俾兩個女仔食都夠。好食又抵食。