LAB10 (已結業)

用左OpenRice咁多年第一次寫食評竟然係因為呢間野服務態度太差 。一入去嘅時候已經問定你要邊個套餐，連餐牌都未比就要人決定。最後冇食佢啲套餐決定要散叫，結果兩個女仔唔係太肚餓都叫咗一份二人份量嘅肉同埋一份薄餅。 啲員工間唔中對住我哋手指指，服務嘅時候態度都非常惡劣。甚至叫我的朋友做「大姐」。就算好食都唔會再去，更何況冇乜特別好食。

前一日約左fd食呢間但見冇得book位就早啲嚟walk in，一嚟到見入面一個人都冇就問接待果個員工係咪唔使等位就入得，然後個員工就話「唔使等？我比張飛你慢慢等啦」咁諗住一早拎定咁多人就早啲開始等啦，點知過左15分鐘就叫人入，然後同佢講未齊人話可以讓比其他人入先，可以將自己張飛同其他人交換，然後個員工又話唔得，一定要重新拎過。好啦咁我地4個人終於到齊就入去啦，一入到去話完食放題每人268+1食90分鐘嘅，有唔同肉，每兩個人一碟仔芝士同薯條，同埋個fd就like左fb post送二人份量海鮮一碟。先唔講野食質素如何，一入到去個網已經係黑色嘅，個爐係細到仲窄過部iPhone ，然後左右邊火力完全唔同，基本上每一次燒好少野個爐就full哂，好似迫住你冇得食第二round咁（事實上真係冇encore過野咁濟）到員工態度問題，當嚟野食嘅時候啲員工淨係識係同一邊上菜，係咁叫我拎比對面枱果兩個fd。我心諗你識唔識行過對面？仲要我地係坐最側邊而唔係啲中間位，行多兩步都唔識？請問而家我係度做定你係度做？到食到真係頂唔順覺得有炭味就叫佢換網諗住會冇左啲黑色野，佢一嚟到就話碟牛頂住換唔到，冇講到其他野。大佬

諗住開開心心食放題 first round佢會自動波攞d肉比你 食完可以繼續落order 呢間舖頭真係好野 催左3次都比唔到碟牛舌比我 仲催人走 真心大伏 想食牛舌唔好嚟 好少見d放題質素咁差 要碗飯都冇 等位等大半粒鐘 有位又唔放人入 大家決定去食之前諗一諗 見openrice咁多人like 點知伏到咁樣 真係唔知我唔好彩定點 黃還黃 都唔係咁嘅質素啊大佬 講返d肉 豬牛雞都冇味 個人覺得只有雞扒叫做好少少 其他都可以唔洗嗌 不過算啦 你嗌d店員都唔會上菜 放題喎🤪笑大人個口

優點: 肉質鮮嫩，特別係雞肉冇雪藏味，正！有少少可惜係醬料款式相對單一，食得多有d膩，建議醬料款式可提供返多少少缺點:1）服務態度惡劣事源於當日個朋友左叫咗個套餐，入邊包左個飯，班朋友問員工原本個飯可唔可以轉其他餐單上嘅飯，某個員工話都可以，朋友就叫咗其他餐單上嘅去取代原本嗰個飯，俾錢嘅時候發現個飯係要計錢。到經理嚟處理時，第一時間否認員工出錯。而朋友嘗試解釋事情嘅發生經過，但經理態度輕視，語氣唔尊重咁阻止朋友解釋，一嚟就話‘’咪住先！我哋重新講吓發生咩事先，如果唔係，我哋嘅員工要自己蝕錢買左個飯！‘’其後經理搵員工嚟同朋友對質，而該名員工一嚟一口否認自身錯誤，推卸責任，話佢冇講過該番說話。由於經理嘅態度強硬，朋友唔想搞大件事，就話算啦，仍然照樣原單付款。缺點:2）員工之間溝通有問題事件發生後，經理見我哋態度冷漠，氣氛僵硬先提出解決方法：取消朋友之後叫嘅水冷麵（已經食完），當送俾朋友食。（意思係取消原本張單入面嘅水冷麵，唔需要俾錢）但後來另一位員工送多份水冷麵嚟，話兩份水冷麵送一份。（咁呢度嘅意思係要朋友仍然俾一份水冷麵嘅錢，但係送多一份黎？！令人不禁懷疑佢哋如此做法係仍然想賺返份水冷

話說🐖有成班朋友都係食肉獸👾，無肉不歡，但任食嘅燒肉🥩🥓🍗🍖黃店就真係唔算多。本身想食牛角，但要等到2046，所以都係食番哩間之前食過又覺得ok嘅店😛。任食套餐$248，當中包括嘅肉有 : 牛脷丶雞肉丶豬仔骨丶牛板腱丶豬頸肉丶牛後腹丶一口牛(牛拼盤中由左至右丶上至下)同一大盤醃過嘅牛五花，仲有沙律🥗丶薯條🍟同梳打汽水🥤任飲。肉🥩好新鮮而且食得出唔低質👍🏼，但唔知係我哋唔識燒定燒得太耐定點，🐖總覺得啲牛有啲啲嚡同韌☹️，🐖就中意食牛脷幾有口感幾好食😋👍🏼，佢嘅豬仔骨事先醃好咗食落好惹味好好食👏🏼，豬頸肉就好爽口，牛五花薄薄一片好好味充滿油香，但其實所有肉都係水平以上。沙律🥗會玻璃樽🧂裝食落都好新鮮，中和番食咁多肉嘅油膩感。薯條🍟炸得香脆唔錯，附送芝士🧀醬一客，要燒熔個醬先用來點薯條，燒到半熔嘅芝士醬仲可以做到拉絲效果好正好邪惡😈，但佢芝士底下應該係忌廉醬，燒到熔曬溝埋一齊🐖就覺得有點兒奇怪。至於飲品就汽水或者水果梳打就不過不失啦！佢標榜‼️係無煙燒肉，燒嘅時候真係冇煙，食完個身唔會一大陣燒肉味引誘自己哩點非常好😆，不過價錢略貴，$248加埋1成$280，但其實計佢嘢食嘅質素🐖就覺得值回票價，

同埋兩個朋友一齊去食燒肉揀咗呢一間係朗豪坊上面嘅燒肉店女仔朋友非常滿意因為食完都唔會有味首先介紹吓佢嘅餐牌可以揀返放題或者a la carts 都OK因為我哋幾個女仔食得唔多所以我哋揀咗逐樣叫首先叫咗一個重量級牛牛板呢度包括左成隻牛咁多嘅部份另外再加$58就有埋韓式梨花汁牛五花另外我哋仲加咗個豬雞大聯盟呢個盆裏面有豬肉同埋雞肉都有好多唔同嘅部份佢呢度啲肉類冇用過好多調味醃製所以食落都非常鮮味 而且原汁原味仲有一個韓式牛他他鮮味多汁嘅牛肉配上鵪鶉蛋黃同埋牛油果真係香滑又好味 令人食到停唔到口呀

今日係mk食呢間lunch75分鐘既韓燒，見佢係無煙唔想帶著個煙味一日可以黎呢度試下🥩🥩😳食完衣物頭髮冇煙味👍同朋友揀佐中間既價位$108一位，每台會俾一罐沙律（冇打開食到tim😳）同埋薯條。個人好中意個薯條係岩岩炸出黎，仲會俾兩兜芝士擺係爐邊俾你沾薯條食👍到肉類，我覺得梨汁五牛花會食到甜味，其他肉類較難食到醃製過既味道😳不過有燒肉醬唔使驚啲肉會冇咩味，個人仲中意燒完啲肉點啲芝士😂幾好味～另外一人一杯野飲嗌佐熱情果soda同西檸soda，但一啖會覺得冇味🤔係因為未撈勻！記得要撈下，同埋都幾大杯，成餐落黎都夠飲～

好耐冇出街食飯，今晚朋友話想食燒肉，想起位於朗豪坊這間無煙燒肉，食飽後都唔會成身燒烤味。餐廳防疫措施亦唔錯，入坐前先消毒雙手、衣服後再探熱 ; 坐位亦好寬敞。$248套餐包括有牛脷，雞肉，豬仔骨，牛板腱，豬頸肉，牛後腹同一口牛，餐廳用料尚盛，食物質素高、肉質juicy , 由其是有我至愛的牛板腱，牛脷同牛後腹，牛味香濃、入口即溶感覺、真係忍唔住再order多幾次。依家like餐廳社交平台就送一盤海鮮拼盤，有鮑魚，生蠔，海蝦，鮮魷同蜆，海鮮新鮮爽口彈牙，真係唔好蝕，一定要like佢哋。再有一碟牛五花，肉質鮮嫩。另一盤脆卜卜的薯條加二杯仔芝士，極道邪惡、好在有一瓶雜菜沙律中和吓！免費飲品方面有很多選擇;整體來講真係超值。

見佢午市有平價任食燒肉 特登去食 晏就1點幾去到唔洗等揀左$108套餐 有8塊肉 薯條同飯任食 包一杯梳打飲品飲品嗌左 熱情果梳打 味道正常 無特別 但幾大杯 唔需要特登加錢轉任飲而一開頭就會擺低一盤肉同薯條 沙律 仲有兩兜芝士比你配薯條薯條夠熱都脆 點少少芝士食唔錯咁多款肉入面 我覺得最好食就係牛五花醃得好入味 好好味 而其他肉類 例如牛舌 雞翼 實在係太普通 甚至係唔好食 所以我地都係淨係食牛五花價錢係抵 但肉既質素整體黎講好一般唔會推薦大家特登去試🤨

lab 10 有任食有散叫我地等到9點後先入到場所以只可散叫 不過本身都係諗住散叫哈第一眼留意到佢係用明火燒 開初以為係炭望真啲又唔係 我都唔知係咩哈啲碗筷好污糟 唔係一隻半隻...醬料得一款 又冇生蒜 首先一份勁既牛牛板$388牛腸似塑膠超難咬吞唔到牛舌偏厚身 但用明火燒完很不錯其他牛肉都幾juicy 但未去到嘩嘩聲既水平感覺唔夠食 加左$50一份牛五花呢個有pat蒜容係面 唔洗點醬 否則太咸再加一份豬腩 menu上見到啲新奇味道原來係醬肉分開上既 咁都好啲個3款醬汁確係幾特別既味道個人最較喜歡照片最右個隻大食既我地仲係唔夠食加左份牛肉炒粉絲同三重芝士薄餅個粉絲啲牛肉好銀 粉絲ok 係有啲hea薄餅上菜唔熱 薄餅同面頭啲野完全分離開火慶熱返啲芝士好味啲 但整體一般仲有店員唔知係存心欺騙定唔熟menu啤酒寫明買2送1 同埋落單時再confirm一次埋單見到收多左 第一個人話要買同一款先有因為佢有stella or hoegarden 第二個人話要同一個人飲先有(黑人問號)最後都搵返落單個大佬先解決咁小既問題最後埋單成千蚊 覺得不值

超伏90分鐘 $248晚餐任食超伏 七個重點，你哋一定要睇晒簡單講，一個字「伏」1）嗌咗青檸梳打 菠蘿梳打 蘋果梳打冇一樣好飲每杯飲完一啖我想倒咗佢所有梳打根本就冇梳打成份 全部溝水嘅（唔係得我一個係咁講隔離嗰台都係一樣咁投訴好明顯間野身有屎明知梳打冇梳打水俾人投訴就俾半杯梳打水個客自己加就唔想人地出聲）全場得罐裝可樂好味但如果任叫可樂都算係任飲我覺得成件事真係好伏囉2）冇一樣肉好食但係如果你鍾意食擦子膠嘅（冇味道又咬唔開）你應該會想嚟呢度食多一次3）社交平台share左之後送海鮮啲海鮮係臭嘅我直頭成盤叫侍應成盤收返添啊4）最好食係個薯條配有芝士醬不過如果要比$280/每人食薯條嘅話我就真係覺得唔值囉5）全部相都係假嘅 根本就係照騙我啲肉出晒血水都唔明白點解人哋嗰啲咁靚都唔知點解呢間餐廳咁多個like6）呢度啲侍應態度係超惡劣你要有心理準備先好黎由一開始點送就一輪嘴求其講完完全冇禮貌侍應直行直過舉手都唔理你嘢食嘢飲嚴重漏單，吹兩三次先俾你仲有30分鐘嘅時候就吹你就嚟完成餐飯已經食得唔開心仲要俾人吹你哋真係要有心理準備先好黎7）食完呢餐飯頂心頂肺仲肚屙完全係伏中之伏

本身我都唔係啲寫食平嘅人但今次食左呢間真係頂唔順先寫🤮餐廳$248+1呢個set係吸引我去嘅原因👏🏻裝修都靚所以去左同吖妺食生日飯🤭上左菜之後都ok嘅 牛肉質素唔差但啲雞肉就有啲厚同大舊🥵食下食下見到有個海鮮拼盤送啦，咁我就去試下😩點知一食就伏，啲嘢勁腥唉，嘢飲就有啲似藥水味（青蘋果)其他都ok咁講翻服務態度啦，其實好串下囉啲人🤯啲人都唔係好想理你咁😰例如：我叫左杯水啦，咁佢過到黎乜都唔講攝杯水係我朋友同朋友中間，咁我朋友唔知佢係到吖嘛，咁就整到佢，然後佢即刻黑面放底水走左。ps冇整親佢🤢最後埋單到係佢西住面，我地見到佢都冇乜心情食😪簡單黎講嘢食還好 服務就麻麻地😐最後勁好笑嘅就係隔離枱食下食下又曱甴😂 跟住佢哋同店員講，個店員行咗過嚟望咗兩望，然後攞住張紙巾搵啦，佢搵唔到就走左冇理嗰台客😂😂😂

好耐冇食韓燒, 見近排疫情平復左唔少, 大食妹一於同朋友仔去左旺角食韓燒放題-Lab 10雖然韓燒放題嘢食種類比起自助餐少, 價錢都比較貴, 但係考慮到衛生問題, 都係揀返食放題晚市無煙燒肉放題90分鐘每人$248, 價錢還可以接受<韓式梨汁牛五花>一入到Lab 10嘅時候, 店員會先上一盤韓式梨汁牛五花俾你牛五花係偏向肥膩嘅, 大家可以先燒牛五花油脂會滴落佢個燒盤度, 之後係上頭燒肉就無咁易痴底啦Lab 10肉類嘅款式唔多, 只得七款, 而且係豬、牛、雞基本款豬肉有豬頸肉同豬仔骨, 牛肉有牛脷、牛板腱同牛後腹, 雞肉更係得一款醬汁方面, 就只得燒汁一款, 款式唔夠多元化雖然肉類油脂雪花睇落好似唔錯, 但肉質其實過瘦, 唔適合燒肉, 基本上係盤盤痴底只有牛五花好少少Lab 10採用無煙燒肉, 呢樣係值得讚揚嘅, 大家食嘅時候就唔洗怕成頭燒肉味啦另外薯條同沙律都係無限任添, 食肉之餘又可以解油膩

約左個fd 兩個人去食lunch前一晚已經話想食燒肉放題見依間喺朗豪坊 都幾方便 仲做緊個午市75分鐘放題所以就決定嚟依間我地食中間價位 $108(加一後每人$119)有牛有豬有雞有飯有沙律有薯條侍應話會上哂啲所有肉先我唔想食雞肉，所以就同佢地講唔要上雞肉淨係要牛同豬要左一碗飯後來加點牛舌，牛五花同一份薯條嘢飲嗌左菠蘿梳打，一開始覺得無咩味，後來發現係自己未攪好好：入去之前有幫我地噴消毒液入去之前有量體温我地平日十二點幾去，唔算好多人坐得幾舒服主打無煙燒肉，身上真係唔會有味牛舌好食牛五花調味好食薯條放左陣都仲好脆，好食可能我地平日食，又食得早，無趕我地走，我坐多左陣先走服務都幾好，有主動收碟得一杯嘢飲，不過都好大杯，夠哂飲個汁甜甜地，幾好食唔好：個爐真心細個網好痴，燒第一下已經好痴比好多豬頸肉，味道又麻麻坐底先話無豬柳無豬肋骨，好彩我又無咩所謂得一款汁豬腩肉無調味整體：依個價錢，喺朗豪坊又坐得幾舒服嚟講，我收貨啦～如果個75分鐘放題keep住有可能下次都會再食

平時去朗豪坊，見到間都覺得好似好正咁，今日終於去左食，放題200幾1個，又貴又難食，啲肉超難食，啲海鮮腥到爆炸，最伏既係杯飲品，叫左2杯青蘋果梳打，士多啤梨梳打，仲有熱情果。熱情果都話ok，士多啤梨都冇乜問題，係甜左啲，但係青蘋果🤢勁似藥水，佢啲梳打又冇乜氣，唔講真係以為自己飲梗藥水。最離譜既係食下食下見到隻曱甴，本人係一個超驚曱甴既人，見住隻野從張枱上面爬落地下🤢本身覺得算啦，不竟餐廳有係好正常既事黎架啦，跟住叫個店員過黎，佢好淡定咁攞住張紙巾，跟住行過黎諗住捉走佢啦，點知捉唔到，就話遲啲先捉，聽到之後即刻走。以後都唔會再食