LAB10 (已結業)

今日黎試下任食肉，早到左就要等一等，因為店面睇落比較細，但坐位又好似好多咁，個位都幾窄，再肥d就好好迫，張枱都比較細，睇落唔係可以放到好多野食，我地食任食肉，有一盤海鮮送，幾樣海鮮唔多食完就冇，有飯，薯條，同菜，菜一次上得太小，一上野就食晒，肉叫試完一盤之後就主攻好食易燒既肉上，其他就唔叫，但每次都唔可以叫多，比較麻煩，飲品就有d失望，冇咩特色，飲落去冇咩果汁味，偏淡，同埋地方細，服務員好似唔夠，有d失望，但甜品就好好食，雖然限時但都食到好飽，整體都OK。

見網上好多好評, 所以去試下。一行6人,  但只有一個細爐, 而且好細!!!!!!個爐同2人枱一樣size!!!坐底後無耐就有薯條,芝士同沙律上, 沙律唔新鮮, 不過唔係主角無所謂。等左10分鐘黎左2盆肉, 有幾款肉, 但無邊款係特別出色只有有梨汁果款五花肉比較好食少少, 但其他真係麻麻  海鮮都好一般, 唔知點解有咁多好評。用餐時間係90分鐘, 但店員去到半個鐘既時候提左幾次仲有幾耐時間 (30分鐘提一次, 15分鐘再提一次, 6分鐘仲提多次!!!), 搞到我地食得好無癮, 好似係咁俾人催走咁。最大問題係個爐根本太細, 我地6個人用一個爐 放得好少野, 食得好唔夠喉, 都燒唔到D咩, 無人覺得滿足, 好L失望。

超抵食嘅肉類拼盤，仲有芝士醬薯條，同埋海鮮拼盤裏面有蝦鮑魚蜆魷魚， 但係就見到啲侍應忙到一頭煙，又要忙住傳遞食物，又要忙住收銀，真係獅子山精神，以任食嚟講佢啲牛板肩同牛後復都真係幾高質下，唔會好韌亦都好有肉汁， 而豬頸肉有好爽口，啲海鮮都幾新鮮下上到枱啲鮑魚仲識喐，至於佢個芝士薯條芝士味好重啲薯條仲好大碟，真係飽到嘔電， 雖然見到啲線咁忙我哋都係咁叫佢加牛肉，認真真心好食，以咁嘅價錢又可以喺無煙嘅環境食到高質嘅牛。

之前行過幫襯過佢一間嘢飲，無意中見到一間無煙燒肉，見到裝修都好靚嘅，而且做緊個放題，我見到價錢都OK，所以決定試一試。首先就講到等位方面嘅安排啦，因為其實餐廳感覺上佢遇到好大部份嘅位置都係預訂嘅，其實驟眼都係少部份座位係比walk-in客人，雖然預訂係好啊，可以比到啲客人預到啲時間，但係其實咁咪俾啲冇訂位嘅客人唔公平囉，好好彩我今次都有訂位嘅，但係見到一啲臨時嚟拎飛嘅人其實我覺得不如可以放多少少位置係比一啲wall-in客啦，因為話晒我見到佢哋出邊等左好耐，個人感覺上座位安排可以做得好啲。而且政府嘅要求需要提供酒精搓手液，雖然佢有做到，而且都做多一步嘅，就係幫客人去噴一噴衣物去消毒，我覺得呢一點係做得好嘅，但係你做多一步，但係我覺得好似做得唔係好足，就係你只係噴到佢身上面少少位置，你唔係佢身上面全部嘅位置都覆蓋到，好似我同我朋友咁樣，我哋係一人身上面剩係得一噴，眼見其實有啲有四個嘅，佢哋兩個只可以得一噴，咁嘅話其實呢個動作係咪變咗冇用呢，所以我都好質疑其實係咪究竟真係唔需要呢一步架，定還是可以做好少少，或者你做少一步，可以等帶位嘅姐姐都做得輕鬆啲。跟住上面寫讚好佢個社交平台page，咁

勞動節前夕19:00到訪 $248加一任食食物同飲品上得好快👍🏻圓形盤碟豬肉最好食 但冇得再追加 飲品方面一般 試左士多啤梨梳打同波蘿梳打 都冇咩味 冇士多啤梨味冇波蘿味 係冇味😂Like 社交平台page 送海鮮盤 有3隻鮑魚仔 蝦有6隻到 有d蜆 桶蠔 都ok geh 普通 樣樣都好普通 加上個盤係好細！芝士薯條 薯條係岩岩炸起 d芝士熱左好新鮮 但冇芝士味 有追加牛舌 幾好 好厚身👍🏻係所有野都好一般 依個價錢可以有更好選擇係d碟靚 有成隻牛既盤 岩打卡 可以一試 但唔會再黎

喺朗豪坊見到夜間無煙燒烤任食喎，咁就去試吓啦，成餐飯都非常滿足❤️❤️❤️食材好新鮮，坐又坐得好舒服👍🏼👍🏼👍🏼呢一個係Lap 10一周年優惠，任食無煙燒肉$248一位❤️❤️❤️呢個價錢10分抵食！入面可以叫牛脷、雞肉、豬仔骨、牛板腱、豬頸肉、牛後腹一口牛❤️❤️❤️❤️所有肉類都好好食，最緊要你係食到係新鮮嘅！而唔係雪到硬骨骨，你會食到牛肉係好Juicy，好正👍🏼👍🏼👍🏼普通芝士醬就可以免費一客，用嚟配埋薯條就非常好食呀❤️❤️❤️❤️有時點埋買肉類都幾夾㗎喎❤️❤️❤️仲可以叫埋lab10飯、有一隻鵪鶉蛋打係喺上邊，配埋啲燒肉有幾好食喎❤️❤️👍🏼👍🏼最重要係梳打類飲品及汽水都可以任飲啊❤️❤️❤️我哋就試咗熱情果梳打 同埋西柚梳打👍🏼👍🏼👍🏼我同朋友見到餐廳有個優惠，Share 社交平台page原價$258海鮮拼盤，啲海鮮好新鮮，唔係求其俾你嘅👍🏼👍🏼👍🏼

💛 #黃色經濟圈 之前已經同男朋友食過覺得幾好食啲肉都幾高質😋今次經過朗豪坊見到 #lab10 好耐冇食過燒肉所以就去左食🤤🍴牛牛板($198)餐廳有兩款牛牛板今次叫左個平啲嘅試吓~🤣總共有七款肉每款大概3-4塊~我個人最鍾意食特級牛小排同黑牛牛板腱😋牛味比較重好香❤️我之前食過貴啲嗰一款如果比我再揀可能會揀返貴嗰款😋🍴豬雞大聯盟($268)顧名思義係有曬雞同豬~都係每款3-4件~豬大腸都幾辣幾惹味😋西班牙豬架、三色豬五花同埋青檸黑椒雞扒我都幾推薦~豬肉方面油脂分佈幾平均燒得好香👍🏻雞肉好嫩滑入味😋🍴香蔥薄切牛舌($88)另外叫咗一碟薄切牛舌表面鋪滿左蔥粒~但係因為切得太薄嘅關係好難鋪平燒~我哋就試吓將蔥卷係入面燒🤣結果出嚟又幾好食幾香👍🏻🍴韓式鐵鍋飯($78)叫左個韓式拌飯開頭見佢冇乜色水仲驚唔夠味~咁原來本來已經落咗啲醬汁食落都幾香唔洗再額外加醬😋🍴Captain Lab($98/Jar)餐廳嘅飲品名都好得意~我地今次叫呢款其實係熱情果、奇異果、香橙同蜜糖嘅果汁~飲落酸酸甜甜都幾解膩❤️📍 Lab 10 (旺角)旺角亞皆老街8號朗豪坊10樓26號舖

一向食燒肉都鍾意原汁原味 太重調味嗰啲我都唔鍾意 Lab10做咗放題 見咁抵食就試吓😗💥$248+1 拼盤有七款 牛舌 雞扒 豬頸肉 將醬排骨 牛肩胛 牛後腹 牛柳粒 食完可以再添加🍗🍖特別喜歡啲牛肉🥩🥩🥩三款牛都好味 牛肉味好濃 油花均勻 牛肩胛比較薄 每邊少半分鐘到就食得 牛後腹有咬口 好快食晒再添多一盤 質素一樣咁好💯大部份肉類都冇醃 有提供燒汁 個人覺得配豬頸肉同雞扒好味 配牛肉就反而會蓋過牛尾 如果有啲鹽同黑胡椒調味就更好 讚好同分享社交平台仲有得送海鮮拼盤 鮑魚細細粒都洗得幾乾淨 反而海蝦唔新鮮 蝦肉吾離殼仲有芝士薯條 食到停唔到口🍟

無煙韓燒 可選單點 或 任食任食$248 1 位入坐前，會先清潔雙手及衣服 都幾體貼1+2+3 任食1 : 有7 款肉牛脷、豬仔骨、雞肉、 牛板腱、一口牛、 牛後腹同豬頸肉肉質新鮮，雞肉都幾夠滑一口牛就要比啲心機燒，比較厚😄2.薯條配芝士、沙律菜薯條做得不錯，放耐咗都好夠脆，芝士放在爐上面配芝士可以做出拉絲嘅口感😄好好食沙律菜好新鮮，好開胃3.梳打飲品及飲品飲品幾多選擇而且夠大杯夠凍，邊燒邊飲其實一坐低，上嘅食物已經夠多夠飽😄以任食呃質素算唔錯！仲要無煙韓燒，食完個身唔會好勁味！在share 社交平台仲有好新鮮嘅海鮮😄

：【黃店推介 - 旺角無煙韓燒 - Lab 10🍖】🐷🐷🐷🐷💭大家好！禁聚令生效前一晚, 豬仔家族全體就去左旺角朗豪坊食韓燒!! 因為之後我哋就要同細佬妹分台坐啦!🥺 呢間黃店做緊$248 任食任飲韓燒放題, 而且係無煙! 咁就唔怕細菌周圍飛, 而且店員仲會幫你探熱, 比酒精搓手液洗手, 同埋用消毒噴噴噴衣服! 感覺真係好似店名...入左LAB 咁!! 而入面啲枱仲有隔板隔開的！既然做左咁多功夫, 豬仔🐷都本著大無畏精神!! 繼續食黃店支持下啦!!🐷🐷🐷🐷💬1⃣ 2小時任飲任食韓燒放題 ($248)任食韓燒分別有1.牛脷 2.雞肉 3. 珠仔骨 4.牛板腱 5.珠頸肉 6. 牛後腹 7. 一口牛 8. 梨汁肥牛, 全部肉任叫!! 另外隨餐仲有芝士醬薯條, 味素飯同埋沙律提供! 而任飲方面唔單止有汽水, 連梳打果汁都係任飲, 同小店外賣飲品部嘅餐牌一樣! 抵唔抵食就睇大家大唔大食啦🤪 肉類我地最喜歡嘅係梨汁肥牛, 比較薄身易燒, 而且梨汁調味酸酸地好過癮! 值得一提嘅係以上肉類唔似得出面韓燒連鎖店咁,將D肉醃得好咸或者好濃味，搞到食咩款式嘅肉都一樣味, 相反小店醃得比較清，更能

好多朋友仔同我講吾去食燒肉的原因🤔是因為怕衣服有一陣味道！😌等我介紹你地香港唯一一間真正無煙無味韓燒專門店la😍 仲可以食盡各個牛肉精選部位😝 ，肉類有牛肉、雞肉等，其牛扒較出色，牛扒的油脂頗香，燒約10分鐘已經全熟。肉質亦同時有嚼勁，最適合以生菜包裹享用。❤️❤️❤️另外，餐廳免費供應沙律、可無限添加的生菜籃、牛扒只需加少許鹽或烤肉汁伴吃足以令人 垂涎三尺！！ 無煙味,無油味,乾淨舒適，正！🍳

好耐好耐無食過韓燒啦!今日行朗豪坊，經過見到Lab 10，主打無煙燒肉放題，食完唔洗成身烤肉/油煙味，而家仲有一周年優惠，HK$248/位套餐好抵食!套餐包括以下項目任食：1. 七款肉食(牛脷、雞肉、豬仔骨、牛板腱、豬頸肉、牛後腹、一口牛)2. 飯、薯條、沙律3. 梳打類飲品及汽水先上肉食拼盤，有齊7款肉食，特別推介牛板腱細嫩多汁帶嚼勁，油花分佈多且均勻，口感極佳；豬頸肉爽滑帶韌性，肉味濃郁富油花，各款肉食再沾燒汁，提升味道層次!沙律用玻璃樽上，爽脆新鮮，酸酸甜甜好開胃仲有助解油膩~熬辣辣薯條另送一客芝士醬，燒至半溶狀態變成拉絲芝士薯條，芝士氣味香濃帶鹹，薯條香脆可口。韓式梨汁牛五花以梨汁醃製五花肉，切成薄片，擺盤精美。口感軟嫩帶嚼勁，油花較多肉質堅韌富彈性。飲品揀左士多啤梨同菠蘿梳打，味道清新仲有唔少果肉~店員話而家只要分享社交平台page就會另送原價HK$258既海鮮拼盤，但套餐份量豐富，同好友已經飽到食唔落..希望下次有機會再試~

平時行開朗豪坊見到呢間韓燒已經想試好耐 今日終於入去試下！😝衛生措施做得好足！👍🏻 入去前要係門口量度體温 仲要對衫褲噴消毒水 入面有塊板格住格黎枱客 咁就夠曬衛生又唔怕尷尬啦👍🏻我地點咗牛牛板 有得食足7大部位 有厚切牛舌 安格斯西冷 韓式牛肋條 特級牛後腹 黑牛牛板腱 特級牛小排 嚴選一口牛 牛舌食落爽脆彈牙 好有咬口😝牛板腱肉味濃厚 嚴選一口牛咬落好有口感好多肉汁好juicy😋連冬菇都可以燒埋黎食 冬菇味好香肉本身有少少味 唔夠味枱仲有醬汁可以自己加 醬汁味道都好特別😝另外我地仲嗌咗韓式牛肉炒粉絲，裏面有洋蔥令菜式更香 粉絲算乾身 唔會一pat pat 野咁 味道唔太鹹 啱啱好😆總體黎講都好好！

環境係舒服既，坐都好舒服，但個爐好細，火力又唔平均芝士薯條係好食既，個沙律就普通，哋肉類選擇好小，而且好多都係冰既，頭一次會俾野所有款式，之後仲可以添，但上肉既速度勁慢，服務員又唔會主動介紹優惠，態度非常麻麻

喺旺角買完野同朋友搵食 想食啲香口野 俾我哋搵到朗豪坊竟然有任食牛牛 只係$248 就包左燒肉 梳打飲品 最正係芝士🤤🤤同薯條 😍😍😍 啲芝士用嚟撈飯都好正 仲要俾我睇到細字 share去社交平台送海鮮拼盤😱😱😱 超級抵食 燒肉方面特別推介雞肉 豬仔骨 牛後腹 豬頸肉都唔錯 飲品方便 青檸梳打同百香果梳打👍🏻👍🏻👍🏻 酸酸甜甜 好開胃 特別欣賞店員係疫症期間每位都有探熱同埋消毒👍🏻👍🏻👍🏻感覺好衛生環境亦幾乾淨👍🏻