影片
更多
2020-05-07
225 瀏覽
之前行過幫襯過佢一間嘢飲，無意中見到一間無煙燒肉，見到裝修都好靚嘅，而且做緊個放題，我見到價錢都OK，所以決定試一試。首先就講到等位方面嘅安排啦，因為其實餐廳感覺上佢遇到好大部份嘅位置都係預訂嘅，其實驟眼都係少部份座位係比walk-in客人，雖然預訂係好啊，可以比到啲客人預到啲時間，但係其實咁咪俾啲冇訂位嘅客人唔公平囉，好好彩我今次都有訂位嘅，但係見到一啲臨時嚟拎飛嘅人其實我覺得不如可以放多少少位置係比一啲wall-in客啦，因為話晒我見到佢哋出邊等左好耐，個人感覺上座位安排可以做得好啲。而且政府嘅要求需要提供酒精搓手液，雖然佢有做到，而且都做多一步嘅，就係幫客人去噴一噴衣物去消毒，我覺得呢一點係做得好嘅，但係你做多一步，但係我覺得好似做得唔係好足，就係你只係噴到佢身上面少少位置，你唔係佢身上面全部嘅位置都覆蓋到，好似我同我朋友咁樣，我哋係一人身上面剩係得一噴，眼見其實有啲有四個嘅，佢哋兩個只可以得一噴，咁嘅話其實呢個動作係咪變咗冇用呢，所以我都好質疑其實係咪究竟真係唔需要呢一步架，定還是可以做好少少，或者你做少一步，可以等帶位嘅姐姐都做得輕鬆啲。跟住上面寫讚好佢個社交平台page，咁
首先就講到等位方面嘅安排啦，因為其實餐廳感覺上佢遇到好大部份嘅位置都係預訂嘅，其實驟眼都係少部份座位係比walk-in客人，雖然預訂係好啊，可以比到啲客人預到啲時間，但係其實咁咪俾啲冇訂位嘅客人唔公平囉，好好彩我今次都有訂位嘅，但係見到一啲臨時嚟拎飛嘅人其實我覺得不如可以放多少少位置係比一啲wall-in客啦，因為話晒我見到佢哋出邊等左好耐，個人感覺上座位安排可以做得好啲。
而且政府嘅要求需要提供酒精搓手液，雖然佢有做到，而且都做多一步嘅，就係幫客人去噴一噴衣物去消毒，我覺得呢一點係做得好嘅，但係你做多一步，但係我覺得好似做得唔係好足，就係你只係噴到佢身上面少少位置，你唔係佢身上面全部嘅位置都覆蓋到，好似我同我朋友咁樣，我哋係一人身上面剩係得一噴，眼見其實有啲有四個嘅，佢哋兩個只可以得一噴，咁嘅話其實呢個動作係咪變咗冇用呢，所以我都好質疑其實係咪究竟真係唔需要呢一步架，定還是可以做好少少，或者你做少一步，可以等帶位嘅姐姐都做得輕鬆啲。
跟住上面寫讚好佢個社交平台page，咁就可以免費得到佢個海鮮拼盤，我覺得好抵呀，所以我都決定一次過讚好，我覺得其實佢呢一個動作係可以增加佢餐廳嘅知名度嘅，但係我覺得好似有啲麻煩，因為佢餐牌上面寫其實係讚好，但係佢又冇話要分享佢個post，而且佢都冇話係要分享邊一個post，所以我話我贊好咗啦，咁佢就話要share埋佢個post，但係我又唔知係邊個post喎，跟住佢就話係晚餐嗰個，咁我就第一眼見到一個好似晚餐嘅post，咁我就即刻share左出去，之後佢同我講話呢個唔係嘅，咁我就唔知發生咩事啦，佢就話呢個係午餐，咁我而家先至發現到，其實佢兩個post真係好相似，只係爭一個字，啲設計全部都係一樣嘅，所以其實都係有啲麻煩，要專登走入去佢個相片個位置入邊去搵返個晚餐post出嚟，咁之後再share先至可以拎到，其實餐廳想增加佢個知名度，用海鮮拼盤你都吸引啲人去到分享佢個page，其實我覺得都OK嘅，但係其實我覺得係咪都要代入客人個角度去諗，唔好搞到啲程序太過複雜。所以我覺得佢呢啲細節位做得唔係好好，希望餐廳可以改善一下。
另外食物質素好高，今次我哋嗌左三轉啊，我哋好鍾意食佢個牛脷，而且豬仔骨都好好食，因為係第一轉區嘅豬仔骨比較細一啲，所以都好容易熟，而且我哋食都係好嫩滑嘅，另外兩款牛肉方面都係有個好鮮明嘅雪花，層次都好分明嘅，食得出係嗰啲好高級嘅牛肉，同埋啲牛肉都好有牛味呀，不過其中有一款就係比較細啲嘅，比較厚啲嗰隻，因為佢中間有舊肥膏啊，所以其實燒嗰陣時好容易會將兩part 分離咗，而且上面有牛柳粒，咁唔知係咪我自己唔係好識燒牛柳粒，所以我覺得牛柳粒食落去有啲韌，不過我唔會因為咁樣而扣分，純粹係我嗰啲煮嘢食技巧唔好姐，另外仲有個韓式梨味醃牛肉，呢個我建議大家唔需要點佢個燒肉汁，因為其實佢本身都好夠味㗎啦，我第一轉點佢個燒肉汁我覺得好鹹，但係之後我唔點嘅話就覺得佢好好食，好有韓國嘅味道啊。
佢入邊仲有個豬頸肉，豬頸肉本身都好食嘅，比起其他嘅牛肉方面你可能會有啲失色，但係比起出邊嘅餐廳佢依然都係高質嘅，而且佢啲雞都好滑，都好大塊，另外海鮮拼盤都好好食，佢啲蜆都係新鮮嘅，因為我整完之後佢都開咗口，即係代表佢未死啊，但係見到一嚿係爛咗殻，所以入邊全部都係嗰啲蜆嘅碎，最終朋友都冇食到，另外下鮑魚魷魚嗰啲食得出全部都好新鮮嘅，所以我覺得如果係免費嘅話都係真係好抵食不過睇返原價如果係二百幾蚊剩係得咁多份量嘅話我覺得好似有啲失色，除非佢二百幾係任食啦。
另外我哋仲叫咗佢個芝士薯條，仲有個沙律，沙律夠多油，好好食，而且佢個薯條係用粗薯條，見到上面啲薯仔皮，代表佢真係用薯仔一舊舊切出嚟嘅，食落去都好香口好脆啊。整體來講，有啲唔鍾意食沙律嘅人都可能會愛上咗佢個沙律，不過另外如果係話加多幾款菜，例如話係麵包脆脆或者係車厘茄嘅話就可以令到個沙律多啲顏色，咁佢就好睇啲，咁呢樣都係一個小小批評地方嚟嘅，另外就係我嫌佢個烤爐唔係好大，所以其實可以燒到嘅範圍真係唔多，可能因為佢嘅賣點係無煙燒肉，所以可能佢個烤爐真係細一啲。
另外重點講一講佢嘅嘢飲，佢啲嘢飲我哋嗌左一個菠蘿梳打，一個士多啤梨梳打，其實兩杯都唔係好好飲，感覺上就好似係出邊買返嚟嘅濃縮汁再加啲梳打水就咁整好一杯嘢飲，我建議下次大家過嚟淨係飲可樂就OK。
咁最後講講衛生同埋服務態度啦，衛生方面做得好嘅，見到佢嘅餐廳門面都好企理，而且佢嗰啲裝修都做得好好，好特別，完全係唔似餐廳。另外都講返服務態度方面呀，就係之前我用咗好多嘅文字去到講返佢個Facebook page嘅，感覺上店員唔係好有耐性咁樣同我講，所以想拎佢個海鮮拼盤都覺得有啲難，而且佢上菜嘅速度唔係好快，有時我想要多個沙律菜，或者係想換爐網都好，都好難搵到個侍應去幫我，所以可能服務態度方面就會失色一啲，不過餐廳可能暫時都未適應應付做放題咁多嘅客人，所以其實可能都會有啲服務態度會比較差啲嘅，咁呢個都係另一個扣分位嚟。
但係整體而言呢間餐廳食嘢嘅質素係高嘅，不過服務態度真係可以再改善一下如果唔係嘅話真係可以拎滿分了！
張貼
