LAB10 (已結業)

朗豪坊有韓式燒烤放題，90分鐘仼食，$278/1位。我最怕食嘅時候煙霧彌漫，呢個係無煙燒肉，第一次食燒烤覺得環境清新！食物種類繁多，有7大類別:牛、豬、雞、海鮮、熟食、蔬菜和飲品。以下係我精選咗最高質、不能錯過的食物：牛:安格斯牛脊-夠薄又有牛味！牛肩肉、牛板腱都不錯~豬:豬五花、柚子豬頸肉，兩款都醃過，甜甜地，好開胃！海鮮就全部都推介！新鮮又可以食返回本~熟食方面有好多韓、西式食品，紫菜醬油飯、肉醬意粉、蝦多士、炸薯條🍟等，食完已經飽左一半！飲品以梳打、汽水為主，甜品雖然冇雪糕雪條但有棉花糖同布朗尼都不錯👍🏻👍🏻👍🏻

#星星之食評🧪 🧪 🔬同大家介紹個地點方便又價廉物美的超值韓燒放題！！就係Lab 10 啦！！！佢係「無煙韓燒」，即係在場唔會好大煙嘅韓燒～ （我都係第一次聽🤣）入面嘅食物好多元化，有秘制豬肋骨、燒汁牛扒、牛五花、甜辣雞翼、豬五花、豬肩、雞扒～ 味道醃製得剛剛好～配埋燒汁食～正！75分鐘已經食到我飽飽啦😋而我最中意呢就係牛五花～肉片夠薄切易燒，配搭埋梨汁，酸酸甜甜，我食一塊接一塊，Encore左一碟！另外，豆腐湯都要試試！有韓風感覺，辣辣地好過癮～ 同埋！我中意韓式甜辣雞翼～醃製得剛剛好，燒出嚟更加惹味～🧪 🧬 🌡HK$99 午市時段放題：24款美食（75分鐘）HK$138 午市時段放題：26款美食（75分鐘）HK$278 午市時段放題：54款美食（90分鐘）仲有晚市外賣燒肉套餐HK$298～🤩 🤩 🤩而家消費滿HK$300即獲夾公仔機會，贏得潮流品牌 Kaws、村上隆、Supreme、Ayes等禮品！🥳 🥳 🥳快啲約埋同事朋友lunch 過黎食韓燒啦！！！📍 📍 📍Lab 10 @lab10hk旺角朗豪坊10樓26號舖午餐時段放題：星期一至五12:00-16:00時段，每人75分鐘

呢間韓國菜我一直都好想試，今次就趁朋友生日去食個燒烤放題。餐廳裝修係以實驗室做主題，非常新穎有趣，環境好乾淨同企理，雖然主打燒烤但餐廳內唔會好大油煙味，果然係無煙燒烤呀🔥-佢地嘅午餐放題非常抵食，餐廳好快已經坐滿曬人。今次我地就叫咗90分鐘無煙放題，放題食物包括咗豬、牛、雞、海鮮、蔬菜、熟食、炸物同甜品等，種類非常豐富。-燒肉本身已經醃製過，所以燒完出來已經好惹味，唔需要再落其他調味。我特別欣賞佢哋嘅安格斯牛板腱、牛肩肉同牛脊肉，肉質唔錯肉味濃郁，燒肉配埋紫菜醬油飯一齊食真係perfect match🥩🍚 另外海鮮都好新鮮高質，燒蝦爽口彈牙，而燒蜆大隻好juicy🦐-炸物同熟食都有好多選擇，例如蝦多士、炸薯條、炸雞等等，特別係蝦多士建議大家試試味道唔錯👍🏻 其實放題本身仲可以揀甜品，但係因為我哋食燒肉已經好飽，所以今次就冇叫喇～ 整體而言放題食物質素都好高質，下次帶埋朋友聚會一流呀😋

呢日同朋友去左大刷一餐，喜歡食肉嘅我哋，今次就揀左到朗豪坊嘅Lab10食韓燒。呢度最平嘅任食午餐只需$99，想多啲選擇我地就揀咗$278個餐，可以食足90分鐘！肉類方面，豬、牛、雞每款都有好多選擇，而我哋最鍾意當然就係食牛，個梨汁牛五花好正，賣相已經好靚，梨汁甜甜地醃到啲牛好入味，而且牛肉油脂分布平均，口感鬆軟。海鮮都有唔少選擇，有虎蝦、廣島蠔🦪、蜆及燒魷魚，全部都好新鮮，食落好鮮甜。食咗咁多肉都要食返啲蔬菜中和下，店員好細心俾咗個錫紙兜裝住啲菇，裏面仲加咗牛油，咁就唔怕咁易煮燶同埋有超香牛油味！呢度仲有唔少熟食，我哋就試咗炸雞、炸蝦餅同薯條，熱辣辣好酥脆，雖然仲想試埋其他嘢不過真係實在太飽啦！再配埋杯菠蘿梳打，呢餐真係好滿足！

呢間餐廳開業無耐曾經幫襯過一次，當時為選擇咗散叫，當時對餐廳嘅梨汁牛五花同牛牛板評價都唔錯。見咁耐無食韓燒，決定搵日放工慢慢嘆吓都得，順便encore梨汁牛五花。放題中嘅肉類選擇雖然唔算非常多，但都包羅咗牛、豬同雞，當中仲有啲放題店少見啲嘅部位，今次重點試咗梨汁牛五花、和牛牛肋條、安格斯牛肝連、厚切牛舌、安格斯牛脊肉、嚴選一口牛、韓式甜辣雞翼同韓式醬燒雞腎等。經醃製嘅梨汁牛五花輕輕燒烤後其實唔使加任何調味都幾入味。厚切牛舌亦係大推之選，尺寸夠大之餘，厚度亦好足，入口有韌性同爽口。海鮮方面，主要試咗廣島蠔、魷魚、蜆同虎蝦，各款海鮮嘅表現都唔錯，特別係魷魚同虎蝦，口感爽彈。小食同前菜就試咗蝦多士、炸薯條同沙律，蝦多士幾有驚喜，炸得酥軟具油香。沙律份量都唔少，大家可以當開胃菜食吓。之前留意過食評，見唔少人都大讚紫菜醬油飯同牛油雜菇，我當然都唔執輸試吓。超級推薦大家試吓將蛋黃同醬油飯撈勻，放少量醬汁飯於紫菜之上，再加上剪細嘅韓牛同食，好有韓式風味。而牛油雜菇可以一次過食到金針菇、雞髀菇、杏鮑菇等，配上牛油香，特別惹味。甜品一共有兩款，包括棉花糖同布朗尼，食到尾梗係要一次過試晒。建議大家兩款都可

之前行過見到朗豪坊呢間燒肉店任食無煙燒肉90min每人$278(另加一)，價錢合理選擇又多，作為食肉獸既我梗係要黎試下😎。🔅牛🐮推薦牛五花，薄薄一片燒一燒就食得，油脂比較多所以特別香口🤤。其他部位偏厚切，有口感👍🏻。🔅豬🐷柚子豬頸肉好爽口，有少少柚子味無咁膩🥺。薄燒豬扒都唔錯，以為會好鞋，食落唔痴牙幾爽嫩😌。🔅雞🐔雞扒幾大塊，雞翼頗大隻，調味啱啱好唔會太重口味😌。🔅海鮮🦐整體都幾新鮮，特別一提蠔超大隻😚！。🔅熟食🍟本日MVP係蝦多士😂，好少見燒肉放題有蝦多士食。雖然就咁食都得，不過自己燒多陣燶啲啲就更香口，有驚喜👍🏻。🔅飲品🥤有幾款特色飲品，仲要超大杯！口味都幾fresh，食完油膩野啱啱好。🔅甜品🧁好少見有brownie同棉花糖燒😍！Staff有貼心提醒棉花糖唔好直接擺上網燒🤣，如果唔係好快燶，不過如果有埋竹籤燒就會方便啲，用筷子戳/夾就要小心掂到筷子辣口😳。💬食物款式幾特別，同食開既日式燒肉唔同，特別係熟食同甜品😎。不過落單要逐次叫店員，會跟人頭份量黎返，可以減少浪費食材🖖🏻。

收工想旺角搵個企企理理既地方舒舒服服食下肉 起朗豪坊竟然有間燒肉放題 咁既天氣有時收咗工時間尚早仲係好焗 地鐵站都唔洗出 直接上到商場係依加嚟講好好既選擇放題除咗燒肉 仲有幾款海鮮蔬菜炸物沙律 飲品有水果梳打同沙冰 叫咗杯西柚梳打係真係有西柚肉 飲落無死甜 配搭食燒肉飲都幾唔錯 選擇唔算非常多 放題得嚟唔會太難選擇 價錢方面都好正路 朗豪坊裡面收入加一後先300頭 無論燒牛 有安格斯牛 部分有脂肪比例較小原味無調味過既牛板腱牛肩肉牛脊肉 而想香甜啲 又可以選擇加咗梨汁多啲脂肪既牛五花同韓式燒汁牛扒 雖然放題收費唔係高價位 但望落啲肉上嚟睇落都擺得好好睇睇 肉色澤均勻都靚靚仔仔 燒落唔洗話太多燒肉汁都幾好味 另外亦都有一口牛 牛仔骨 牛舌可以選擇 唔好牛 呢度豬定蔬菜都有五款以上既部分可以揀 另外仲有海鮮 都新鮮 蝦同蜆都幾好 食落唔會話收得平平地就俾到好劣你 食落都爽彈 收工好肚餓既叫咗熟食 炸物炸得好靚 炸薯條炸帶子炸蝦多士全部都新鮮脆起脆卜卜 而且呢度店員都好nice 唔想企起條街熱到飛起咁等位食燒肉 嚟呢度都係一個唔錯既選擇

在旺角地標建築朗豪坊10樓的Lab10，開有家韓式燒肉餐廳，以無煙韓燒吸引一眾燒肉迷，非常環保。放題食材非常之多，牛肉就有十多款可選擇。有安格斯牛板健、牛肩肉、牛脊肉、一口牛、和牛牛肋骨、牛仔骨、牛舌等等。店員先為客人配一份食物開爐，然後客人可以按自己口味再隨意下單。我最愛的是梨汁牛五花，擺盤非常漂亮，薄切刀功了得，醃製的特別好味，肥瘦相夾，肉質軟腍，齒夾留香。蔬菜沙律新鮮可口。喜歡吃海鮮的有蝦、魷魚、蜆和廣島蠔等，質素都不錯㗎。午餐的價格是晚餐的一半，性價比超高！

食燒肉最怕就係食到成身味呢間韓燒店，抽氣系統真係做得好好個爐火力勁，但一d味都無～真正做到無煙燒烤，抵讚👍🏻一個價錢任點，平日$278/位，食90分鐘第一轉，先送上部分精選小食、肉類～泡菜、醃青瓜薯條、炸雞件，仲有蝦多士脹卜卜好酥脆大部分肉都無醃，食返原汁原味安格斯牛質素幾好牛板腱大大片，油花均勻牛肩肉肉質嫩滑厚切牛舌juicy 爽彈和牛牛肋肉都唔錯～ 我就中意沙律菜加埋肉一齊食，減油膩感～ 海鮮有虎蝦、蜆，睇住佢打開好治癒，勁鮮甜又無沙廣島蠔肉質滑嫩鮮美魷魚都好新鮮唔韌梨汁牛五花，一片片舖得幾靚，上面加左梨汁，薄燒好好味😋韓式豆腐湯，中意食辣既就啱哂～ 蔬菜選擇都幾多：翠肉瓜、牛油什菇、冬菇、茄子、南瓜、粟米飲品都係任點，我就飲左熱情果梳打，酸酸地開胃又fresh! 另外菠蘿🍍梳打都好飲～最後點左brownie, 朱古力好香濃，yummy!

好特別嘅體驗✨ 去咗實驗室食韓式燒肉🥓呢間餐廳以實驗室為店內主題，周圍都放滿Test Tube🧪，好似返左以前中學既Lab到咁🤣好特別！✨任食無煙燒肉套餐✨無論係燒肉定係熟食，我絕對覺得呢到既食物質素相當高！🤩 鐘意食牛既必食 #梨汁牛五花 🥓牛五花油脂分佈均勻，梨汁醃到非常香濃入味，每塊都切得夠薄，咬落去牛味豐富，肉質嫩滑🤤 另外亦好推薦 #一口牛 同埋 #安格斯牛肩肉，超級正👍🏼👍🏼👍🏼 除左燒肉，海鮮都好有驚喜✨私心推介廣島蠔🦪同埋蜆😋😋 蜆肉粒粒都好肥美鮮甜！睇住佢地燒到卜卜開蜆，感覺好治癒😚胃口大開🤤熟食方面，必食推薦 #蝦多士 🍤熱辣辣炸好既蝦多士，脆卜卜而且舊蝦都係真才實料😋😋 最後仲可以order 綿花糖燒到微脆好好食🤩呢間餐廳食物好出色，仲主打無煙燒烤，食完唔會成身油煙味，唔錯唔錯😉

放假係朗豪坊睇完戲搵野食，見呢間係朗豪坊10樓既餐廳幾多人食，我地等左一陣就入座，$278 任食無煙燒肉90分鐘。價錢幾抵食咁。.食物種類都幾多款，一坐低就會安排左一Set食物先，大概係每樣比啲咁，等你食完覺得邊樣好食，就可以有加點。幾鍾意佢個無煙設計，食完燒肉都唔會成身燒肉味咁🤣.野食方面比較出色既一定要介紹海鮮！因為海鮮都係任食，特別係蠔、魷魚同蜆，因為個爐嘅火力好夠，所以燒海鮮好快就熟😍同埋海鮮夠新鮮，就算狂加單都無俾人黑面🤣.肉類方面必點安格斯牛，牛香味濃有肉汁，豬肉方面既豬頸肉同豬肋骨都正👍🏼熟食方便仲有炸物同埋有個鵪鶉蛋紫菜醬油飯👍🏼👍🏼食燒肉配飯真係好正。蔬菜類有雜菇都正，爐夠熱燒得好惹味。.以呢個價錢有咁多種類既韓燒任食，表示好滿意😍🙏🏻👍🏼👍🏼抵食又多野食，食夠90分鐘，但因為都成9點幾，所以都無趕我地走，幾人性化😘

Lab 10 旺角亞皆老街8號朗豪坊10樓26號舖🍴日式燒肉就食得多，韓燒就真係好耐都未試過！今日同朋友貪方便試咗朗豪坊呢一間韓燒任食，環境闊落之餘又冇油煙味，一嚟到店員會先比每款食物我哋，之後就可以自己任叫🍖🥩🥓肉類豬牛雞選擇都好多，最推介係梨汁牛五花同厚切牛舌！本身我哋都係好驚食肥膏嘅人，但係牛五花醃好之後再燒到半焦，食落去非常香口唔油膩！厚切牛舌就彈牙又多汁，食唔停口🦐🐙🦑海鮮有海蝦、廣島蠔、蜆同燒魷魚，我最鍾意就係廣島蠔，佢加埋檸檬汁落去燒，食落清新～蜆仔都大大粒又多汁，擺埋一邊等佢慢慢熟就啱晒🥟🍤🍛熟食大推紫菜醬油飯！雖然睇落好似好飽好滯咁，但係食落完全係另一回事！紫菜撈埋蛋黃同埋醬油係非常開胃，一個人好快都清咗半碗，另外蝦多士都好好味😋蝦膠打得彈牙，食落脆卜卜唔油🍹🍮🍰另外都仲有幾款梳打特飲同埋甜品選擇，呢度嘢食叫完都好快會嚟到，朗豪坊餐廳來講都有機會再試！

相信不少人都最怕燒肉過後滿身油煙味，LAB 10除了供應各式各樣韓國料理之外，更設有90分鐘任食無煙燒肉，每位$278而星期五至日、公眾假期及其前夕則需另加$20。以此價格而言肉類質素當然無法與其他主打高級牛肉的放題相提並論，但勝在種類繁多而沒有油煙更加是其最大賣點。牛肉選擇最為豐富共有十一款之多，包括安格斯牛板腱、安格斯牛脊肉、安格斯牛肝連、韓式牛仔骨、厚切牛舌等；個人特別推薦梨汁牛五花，切成薄片加上梨汁肥而不膩，和牛牛肋肉肉味與油香俱備亦不遜色。豬肉及雞肉則以醃肉為主，柚子豬頸肉將肥美爽嫩的豬頸肉配以柚子汁更加清新，另外亦有韓式豬五花、秘製豬肋骨、韓式醬燒豬柳、蜜汁豬肋粒、香蔥豬肩、韓式甜辣雞翼等。虎蝦、廣島蠔、燒魷魚及蜆四款海鮮則不過不失。韓式豆腐湯、泡菜等韓國料理亦有供應，更有天婦羅魷魚、網紙蝦春卷、香酥雞肉棒、炸薯條及蝦多士，全都炸得酥脆可口，天婦羅魷魚灑上紫菜粉更加惹味，與蝦多士一樣深得我心。紫菜醬油飯及肉醬意粉兩款主食當中只點了前者，飯面加上生雞蛋及醬油並會附上數片韓式烤紫菜，除了可以拌勻配以燒肉同吃之外更可以自製成迷你韓式飯卷或飯球。值得一提的是綿花糖及布朗尼亦有供應，

行開朗豪坊都會見到的一間燒肉店💛今次終於趁lunch 平平地去試下😬佢地嘅肉有齊晒豬肉牛肉雞肉同蔬菜，仲有少量款式嘅熱食🐖 ！𓃟𓃟𓃟𓃟𓃟𓃟𓃟𓃟𓃟𓃟𓃟叫完個餐佢地會先上幾款肉～款式太多！所以我地寫下推薦嘅肉款🐖：🍏梨汁牛五花甜甜地嘅梨汁再加有點脂肪部分嘅薄牛肉，易熟又好味～🐮安格斯牛肩肉🐮安格斯牛脊肉其中一本身配有韓式汁，相對甜少少。比起牛五花更有厚度，兩款肉質肥瘦平均，更有肉味。👅厚切牛舌厚度適中，咬落去好juicy，好有牛味。蔬菜類：🍄雞髀菇燒完多汁重菇味，諗起台灣夜市嘅菇☺️！粟米🌽食落爽甜🤍有驚喜😎🧈牛油雜菇超重牛油味🧈連埋燒汁食一流🤓海鮮類🦞：正常冇腥味～🥤飲品類：主要係唔同口味嘅梳打，唔甜同都幾解渴～🍟炸物：款式都幾多，有蝦多士、薯條…

😍餐廳以fusion為主題，把西式元素混合韓燒，主打年輕路線，同場見到好多學生哥幫襯！🥳韓式無煙燒肉放題價錢$278/1位，如果平日食仲抵，午餐只$138/1位～食物款式選擇種類好多，可以一試～以下係詳細食評🥰.▫️無煙燒肉放題($278)🥸食物選擇真係好多，我地每樣都叫左D試下，分別有牛五花、厚切牛舌、板腱、牛肩及牛脊肉等等，當中最喜歡係梨汁牛五花肉，醬汁甜甜味又易入味，忍唔住係咁食，而且擺盤好靚，好吸引！如果鍾意食肥D既牛肉，呢一款相當好岩大家選擇！🤓😝另外，都有好多海鮮可以任叫，分別有虎蝦、廣島蠔、魷魚、大蜆,當中魷魚同大蜆最好！而熟食小食都好吸引，蝦多士都好正，忍唔到口係咁食！🥳