影片
更多
2022-07-28
1823 瀏覽
呢間餐廳開業無耐曾經幫襯過一次，當時為選擇咗散叫，當時對餐廳嘅梨汁牛五花同牛牛板評價都唔錯。見咁耐無食韓燒，決定搵日放工慢慢嘆吓都得，順便encore梨汁牛五花。放題中嘅肉類選擇雖然唔算非常多，但都包羅咗牛、豬同雞，當中仲有啲放題店少見啲嘅部位，今次重點試咗梨汁牛五花、和牛牛肋條、安格斯牛肝連、厚切牛舌、安格斯牛脊肉、嚴選一口牛、韓式甜辣雞翼同韓式醬燒雞腎等。經醃製嘅梨汁牛五花輕輕燒烤後其實唔使加任何調味都幾入味。厚切牛舌亦係大推之選，尺寸夠大之餘，厚度亦好足，入口有韌性同爽口。海鮮方面，主要試咗廣島蠔、魷魚、蜆同虎蝦，各款海鮮嘅表現都唔錯，特別係魷魚同虎蝦，口感爽彈。小食同前菜就試咗蝦多士、炸薯條同沙律，蝦多士幾有驚喜，炸得酥軟具油香。沙律份量都唔少，大家可以當開胃菜食吓。之前留意過食評，見唔少人都大讚紫菜醬油飯同牛油雜菇，我當然都唔執輸試吓。超級推薦大家試吓將蛋黃同醬油飯撈勻，放少量醬汁飯於紫菜之上，再加上剪細嘅韓牛同食，好有韓式風味。而牛油雜菇可以一次過食到金針菇、雞髀菇、杏鮑菇等，配上牛油香，特別惹味。甜品一共有兩款，包括棉花糖同布朗尼，食到尾梗係要一次過試晒。建議大家兩款都可
放題中嘅肉類選擇雖然唔算非常多，但都包羅咗牛、豬同雞，當中仲有啲放題店少見啲嘅部位，今次重點試咗梨汁牛五花、和牛牛肋條、安格斯牛肝連、厚切牛舌、安格斯牛脊肉、嚴選一口牛、韓式甜辣雞翼同韓式醬燒雞腎等。經醃製嘅梨汁牛五花輕輕燒烤後其實唔使加任何調味都幾入味。
厚切牛舌亦係大推之選，尺寸夠大之餘，厚度亦好足，入口有韌性同爽口。
海鮮方面，主要試咗廣島蠔、魷魚、蜆同虎蝦，各款海鮮嘅表現都唔錯，特別係魷魚同虎蝦，口感爽彈。
小食同前菜就試咗蝦多士、炸薯條同沙律，蝦多士幾有驚喜，炸得酥軟具油香。
沙律份量都唔少，大家可以當開胃菜食吓。
之前留意過食評，見唔少人都大讚紫菜醬油飯同牛油雜菇，我當然都唔執輸試吓。超級推薦大家試吓將蛋黃同醬油飯撈勻，放少量醬汁飯於紫菜之上，再加上剪細嘅韓牛同食，好有韓式風味。
而牛油雜菇可以一次過食到金針菇、雞髀菇、杏鮑菇等，配上牛油香，特別惹味。
甜品一共有兩款，包括棉花糖同布朗尼，食到尾梗係要一次過試晒。建議大家兩款都可以輕輕燒一燒，食用個陣風味更佳，可惜布朗尼可能燒得唔夠耐，做唔到流心效果。
飲品就揀咗士多啤梨梳打同菠蘿梳打，兩款水果都夠突出，不過個人認為菠蘿梳打更勝一籌，好啱夏天解膩飲用。
張貼
