Kotori_Lbird

營業中

休息中

中午在公司附近發現了一家日式外賣小店 由2位日本人經營 親自下廚跟製作食材 餐廳主打兩款食物 山芋炭燒鰻魚飯 及 十蔬雞肉特制烏冬 客人可以根據自己想吃的分量點餐 山芋炭燒鰻魚飯 (中)
飯以糯麥混合珍珠米 分量算多 口感軟身且帶少煙韌 製作過程超用心 廚師先在米飯淋上自製醬汁 再鋪上山芋蓉 最後再放上兩大塊鰻魚 鰻魚是每天早上用炭燒形式烤成 肉質肥美厚身 煙燻味濃 配上照燒汁跟山芋蓉的黏感吃 味道清爽 口感豐富 十蔬雞肉特制烏冬 (大)
烏冬選材健康 配料有10種蔬菜 包括里芋、蔥、蓮藕、大根、柚子、甘荀、菇、蒟蒻、牛蒡及 炸豆腐 烏冬也很特別地跟藜麥混合 口感比一般烏冬偏實在 除了蔬菜外 還有少量雞肉 飽足感十分

在荔枝角放飯總會有尋穩世食堂的動力，因為你知道用力找總會尋到寶，再次經同事介紹得知日本師傅藏工廈！還適合正要減肥影婚禮相的我！一貫日本師傅風格，專心專注做好食物，餐廳只有2款食物供應有烏冬及丼，但size組合層出不窮，2款食物有10個配搭，有點睇到眼花😂開放式廚房裝橫仿效車仔檔設計，食物即叫即製，等待期間可以欣賞師傅認真製作自己飯盒，不禁令人更期待及會心微笑，製作時間大約15分鐘便可自取了厚實的外賣盒，附上餐具，賣相亦沒有因外賣而遜息，感受到師傅心儀十蔬包括里芋、蓮藕、柚子、大根、甘荀、菇、蒟蒻、炸豆腐、蔥及牛蒡，清晰雞湯一點油份也沒有，清湯突出到每一款蔬菜原味道，保持到爽口不腍身，雞肉亦沒有太多調味，烏冬加入藜麥較平時烏冬彈牙。健康餐當然要小醬，鰻魚較平時的鰻魚少燒汁，所以燒後質感相對腍身，反而食到鰻魚本身魚味，無燒汁改用山芋溶代替，一來健康好多，二來黏溶適合送飯。

朋友介紹一間位於荔枝角工業大廈日式外賣，位置吾難去，因為係D2place對面，不過工廠大廈入面較隱蔽，唔講唔知😏山芋炭燒鰻魚飯🐟兩大塊😍以備長炭燒鰻魚飯馳名，無論係鰻魚、飯、醬油定係炭都相當講究，鰻魚相當肥美，燒到有微微炭香，真係無得輸，雖不及日本當地食，但都做得好好😋 山芋雖淡但跟鰻魚味道很夾👍🏻十蔬雞肉特制烏冬烏冬比較甜，雞肉嫩滑，還加入十種不同的蔬菜，可以一次過滿足食菜的慾望🤩外賣都有如此質數，非常不錯🤩

今日去咗荔枝角嘅時豐中心12樓，試咗Kotori_Lbird呢間日本外賣店，係有驚喜。見單張上寫Kotori_Lbird係由兩個日本人主理，佢哋嘅食物好有特色，而且主打兩樣主食，甚有日本匠人之風，而且味道幾好，值得一試。今次我叫咗佢哋嘅5號餐，有十蔬雞肉特製烏冬150克同山芋炭燒鰻魚飯300克。首先講烏冬，佢哋嘅十蔬雞肉特製烏冬本身都煮得啱啱好，加埋雞肉同埋十款唔同嘅蔬菜，配搭得宜，既健康又滿足。至於山芋炭燒鰻魚飯，用上糯米加珍珠飯煮嘅飯粒粒分明，而且升糖指數也會比白飯低，而鰻魚炭燒得香口，令到飯同鰻魚嘅味道完美融合，仲有啲微微甜嘅口感。另外，見到呢間店係用健康嘅食材煮，令到食嘢唔會太肥膩，非常適合注重健康飲食嘅我。總括而言，Kotori_Lbird嘅食物讓人有記憶點，啲配搭都好啱口味，而且用嘅食材健康。得閒試下有特色嘅日本外賣都係唔錯嘅選擇。

小店位於荔枝角，主打日本料理嘅外賣店，地方十分隱蔽，係喺商業大樓入面，都係聽附近返工嘅朋友仔介紹先知道呢個地方🤣 由兩位日本人主理嘅，價錢合理，性價比高，可以一試！十蔬雞肉特制烏冬包含10種蔬菜，有里芋、蔥、柚子、大根、菇、甘筍、蒟蒻、牛蒡、炸豆腐同蓮藕，五顏六色，賣相一流，食肉獸表示雖然全部都係蔬菜但presentation好吸引🤣 蔬菜細細件，方便入口，新鮮，鮮甜、另外有雞肉補充蛋白質，嫩滑多汁，啖啖肉，唔錯、湯底晴甜、烏冬Q彈，掛汁，惹味😋另外有山芋炭燒鰻魚飯，飯粒飽滿，混合咗糯麥同珍珠米，咬落軟糯，感覺健康，好有日本feel、鰻魚超級大條，以自家熬制醬汁調配，有炭烤風味，食落甜甜地，幾適合配飯，上班族有福了！

係荔枝角區覓食咗一段時間，由於當晚有私人野要做，有排都未食到夜晚個餐，放lunch就特別想揀啲飽肚但健康嘅外賣，清清淡淡又一餐都幾好，上網搵搵吓就搵到呢間隱世日式外賣店。見食評話以往係專做日本廚師發辦嘅關東煮，不過最近好似轉咗menu。揀食物嘅時候，忍唔住多口問負責人，先知原來轉咗另一位廚師，特別對鄉間料理/燒鰻魚有研究，所以連menu都轉埋。十蔬雞肉特製烏冬 M + 山芋炭燒鰻魚飯 L $195．烏冬中size為120g，特別將藜麥混入烏冬，口感比平時食嘅烏冬偏實正．配料主打有10種蔬菜，包括：里芋、蔥、蓮藕、大根、柚子、甘荀、菇、蒟蒻、牛蒡同炸豆腐，另有少量脂肪量低嘅雞肉，有飽足感又夠均衡營養．鰻魚飯大size為300g，以糯麥混合珍珠米，口感帶有少少軟糯感，幾得意．米飯另外淋以自家製醬汁，有少少似平時食開嘅照燒汁，但相對無咁鹹膩．部分米飯鋪有山芋蓉，質感黏度似Gelato雪糕，味道幾清爽，帶有淡淡淮山甜香．值得大讚兩大塊鰻魚，肉質肥美厚身，啖啖肉但不覺油膩*除咗雙拼套餐，仲可以單點唔同份量嘅烏冬/鰻魚飯

之前食過佢哋關東煮，都幾年前，以為佢哋唔再開返，知道佢開返同轉左menu ,就黎支持下，叫左試食餐有齊烏冬加鰻魚飯。十蔬雞肉特制烏冬有唔同既蔬菜，仲有薑絲無咁寒涼，好似阿媽啲理論，個烏冬同其他地方都唔同，唔係純白色。鰻魚飯佢地話係炭燒，有啲淮山蓉好似健康左，個飯都唔係淨白米，溝左樣叫黎麥既野，未食過，初初聽到以為係麥皮啲friend,食落我覺得有啲似薏米？外食想食菜成日下下都食炒菜，或者灼菜心，依個算食到唔同蔬菜，仲有蒟蒻嗰啲。我放工拿回家成個鐘車程先食，都仲靚既，下次食lunch買，唔使拿咁遠，睇下個鰻魚會點。

一講到日本就會諗起關東煮，原汁原味嘅關東煮真係好味到連湯都想飲埋呢間關東煮係位於荔枝角既樓上店，位置唔算好方便，但係點外賣食真是一流，住附近的我當然成日嗌黎食我點左既係關東煮 蘿白 水煮蛋 蝦餅 炸雞柳，價錢唔算貴，但好味先係重中之重既！送到黎仲係熱辣辣的，全部都獨立pack好窩心呢度既汁先係重點，好有日式既感覺，蘿白又大又嫩！水煮蛋勁入味，連入面都有關東煮湯的味道炸雞柳係新鮮炸的，即點即炸，雞柳好嫩滑又香脆

黑色蝦湯關東煮懶人唔想選擇就叫咗一個咩都有嘅廚師發辦 $55嘅套餐包一份關東煮、炸雞柳 、同15榖米飯第一次食黑色關東煮⁉️ 上網見到介紹話係廚師自創的黑色蝦湯嚟 獨家架👨‍🍳！雖然望落好深色 ，其實食落都唔會濃味。 都係好似平時關東煮咁清清地 ，不過有啖啖蝦膏香味 🦐。另外個飯上面係蘿蔔絲 同魷魚絲 🦑加埋15穀米🌾 成個餐夠晒纖維 又有蛋白質 好均勻健康關東煮配料裡面 我最中意係福袋年糕🤍，裡面的年糕咬開會拉絲，口感煙毅除此之外，仲有雞蛋，蒟蒻，非常大舊蘿蔔，豆腐，同豆腐丸子，全部都好入味，而炸雞條都好好味。整體而言，依個餐配料豐富，👍CP值好高，而且湯底特別，廚師花費大量時間熬湯，心機之作，真係可以一試！

#cassiegolaichikok-每次去日本旅行，我都一定會食日式關東煮！唔知大家知唔知其實關東煮嘅卡路里係好低，推介大家減肥嘅時候可以將佢納入日常飲食餐單。🖤-荔枝角就有間樓上小店專做關東煮，不設堂食只做外賣，由日本關東人打理。小店入到去會見到個廚房，好乾淨，食得放心！湯底望落去好黑，食落味道鮮甜，老闆話係用上較黑嘅醬油加上蝦頭熬製。生酮嘅朋友們可以安心吃（Keto Safe），湯底不加糖。🤩-今次就試咗「廚師發辦套餐」HK$55，包括有4款小食加十五穀飯，仲送2件炸雞柳，絕對夠飽。我個碗裏面有蘿蔔、水煮蛋、豆腐、蝦餅、年糕福袋、野菜丸等等，超級豐富。大部分材料都黎自日本，真係好岩俾我哋思鄉，好想快啲去日本旅行。全部都好好味，好鮮甜，推介！最鐘意係年糕福袋，腐皮吸盡啲湯汁，配上裡面煙煙韌韌嘅年糕，好正！😋-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ Kotori_Lbird (荔枝角)📍 荔枝角長順街20號時豐中心12樓1208-

今日來到荔枝角一所商業大廈隱世日本料理餐廳，一出電梯真的以為自己去錯地方，但仔細望清楚，真的有一間只做外賣的日本料理。餐廳主打自創黑色蝦湯關東煮，配十五穀飯。套餐可以選擇四款關東煮小食，再配兩隻炸雞柳先形容黑色關東煮，非常有特色，完全食唔出有味精讀有幾款關東煮很特別很好吃，雞軟骨丸：識落非常有口感，味道很濃郁，北海道黃色薯仔：薯仔細細粒，同平時街市食的非常不同。而且會炸雞路也非常出色，炸粉不會太厚，食得出雞肉的味道！總結，值得大家一試這間日本人主廚主理的外賣店。

所謂廚師發辦通常都係講緊食壽司，呢間關東煮都幾有創意。$5x 有一碗關東煮、一碗五榖飯同兩條雞柳，都幾抵食呀。關東煮雖然黑蚊蚊但唔算太咸，食材都入味，最特別係粒薯仔好甜。

今日去開荔枝角 順便去試下一間好多人推介嘅日式關東煮小店餐廳位於工廈 主要係做外賣店鋪提供大約15款關東煮食材可以按照自己喜好任意配搭而有選擇困難症嘅朋友就可以好似我咁選擇廚師發辦廚師發辦包左至少4款配料，十五穀飯仲有兩條炸雞柳 十分之抵食🍽關東煮呢個廚師發辦原來係每款配料都有少少非常推介蘿蔔 年糕福袋同豆腐蘿蔔煮到好入味 食落無渣 年糕福袋嘅腐皮索哂d湯汁 入面年糕又好煙韌 一齊食好正其餘嘅配料仲有黑魔芋 日本八爪魚 野菜丸 水煮蛋全部都唔錯 每樣一件其實加埋份量好多食完真係超飽🍽十五穀飯感覺健康 用上日本珍珠米仲加上蘿蔔絲同魷魚絲做配菜 口感非常好🍽炸雞柳已預先調味 炸完之後仲加左芝麻 增加口感雞柳食落唔鞋口唔乾身

這間在荔枝角，時豐中心，12樓的樓上外賣店。12樓行出，差多行到尾，就是LITTLE BIRD LIMITED.要按門鈴，等開門。真係識路才知道是賣關東煮。真是怕自己㩒了門鐘後，不是外賣店食廚師發辦，有十五殼飯，關東煮，炸雞柳條。$55.好食又抵食。可以先whatspp落單外賣包裝，好可愛十五殼飯，軟硬適中，有好多蘿白絲，好食。關東煮，一眼望落，黑漆漆的，好特別。咸淡適中，味道很好。有墨丸，雞蛋，薯仔，蘿白，山菜牛腸，年糕福袋等等。炸雞柳條，香腍好味。

之前過嚟荔枝角買嘢嘅時候見到好多人介紹呢一間日式關東煮店，事關都幾耐冇去旅行啦都好想試吓佢嘅關東煮就過嚟呢一度買個返去當lunch食。介紹翻呢間野先，佢呢一間舖都係屬於喺攻下裏面，個入口真係唔係太過容易搵，而且入口都係要經過停車場先入到去，所以都要花少少時間去搵搵㗎！當我上到去嘅時候睇吓佢嘅介紹，原來佢呢一度主打係廚師發板關東煮，價錢亦非常之驚喜只不過係$55就可以自選七至八件關東煮，配上15穀飯及炸雞兩件，性價比非常之高， 15穀飯本身配上加入花椒及辣椒煮過嘅蘿蔔絲及魷魚絲，非常之嘢未，在本想佢嘅關東煮汁去食呢一個飯，佢話非常之一流！我亦問過佢個汁有啲乜嘢特別，佢話因為呢一個汁係用咗大量炒香嘅甜蝦頭製作，鮮味十足，再加埋堅魚湯及其他配料則不斷以細火煮熱，並且重複隔走雜質，每日加入新鮮嘅湯入光中，令到個湯底越嚟越濃！而老闆亦因為疫情嘅緣故比較難選擇交Pro，所以就轉移一間攻下裏面做外賣生意，呢一個老闆名叫石川先生，已經喺香港住咗20年，本身係從事貿易生意，但因為疫情嘅打擊令生意大受影響，所以轉移過嚟佢最拿手嘅關東煮俾大家試一下日本嘅感覺！都講咗好多一下啦，都係時候介紹吓佢嘅食物啦！首先