Kotori_Lbird

營業中

休息中

一直都有喺荔枝角工廈發掘下美食，但呢間真係一啲都冇聽過😂直至前幾日有個朋友同我講有一間隱世鰻魚飯三月中會結業，吸引咗我去試吓😀原來老闆之前係做串燒店嘅，五年前嚟咗香港🤔上網睇咗知道佢冇得堂食，所以就喺社交平台搵到佢哋嘅電話，WhatsApp問吓有冇得order定外賣👍🏻食物嘅種類唔多，主要係鰻魚飯同埋一個雞肉特製烏冬。我就叫咗一個細鰻魚飯同細烏冬，對女仔嚟講都夠晒飽。首先講咗烏冬先，佢唔係我哋食開嘅烏冬，比較有啲似刀削麵嘅質地，我個人覺得一般，夾唔到個湯，唔知係唔係因為凍咗。不過湯底同配料都好食🤤到重頭戲嘅鰻魚飯，佢唔係關東好肥嗰啲，似名古屋嗰款，係我中意既偏瘦👍🏻個飯珍珠米撈咗少少薏米，醬汁唔會太鹹，好容易食食吓就食完🤣🤣🤣唯一要挑剔嘅係佢都幾多刺。其實喺香港都幾難搵到比較好食嘅鰻魚飯，喺佢結業之前我應該會食多次🫶🏻

鰻魚飯、烏冬用open rice 叫外賣，準時有得攞，原來鰻魚好重纖維，好似媽咪煎紅衫魚咁，唔係「𠽌」一聲跣入口嗰啲鱔，我like，冇乜汁，可能正宗日本鰻魚係咁，個烏冬有啲唔知乜嘢名嘅蔬菜、蒟蒻

日本職人一生人只專心做好一種工作，而「石川屋 小鳥」這店就是專職烏冬和鰻魚飯（雖然也有親子丼和牛肉）。第一次惠顧了二人套餐，有十蔬雞肉特制烏東（大）+山芋炭燒鰻魚飯（大）+飲品一款。很欣賞烏冬的手打口感，內裡有似麥的黑色顆粒，煙韌健康，吃烏冬就知道食物製作的功力深厚。本人極喜歡柚子味，加上十種蔬菜，湯質清新。由於不吃肉，所以雞肉味道質感不能評論。鰻魚飯，鰻魚色澤不是想象中的深，但口感味道不錯，在香港是價性比高的選擇。欣賞飯內加了的糯麥米，混在飽滿的日本米中，又吸了鰻魚的醬汁，味道一流。最後，想讚賞一下外賣盒的設計。它們不是一般的外賣盒，是特製的。圓盒裝烏冬，內層有鍚紙層，應該有保溫功能；鰻魚的黑色飯盒也很有型格。

🍽️食物方面：🐔十蔬雞肉特制烏冬(中-120g)💲55好健康 有牛蒡/油豆腐/蒟蒻/蘿蔔/菇/薑絲 重柚子味 麵好彈牙 山芋炭燒鰻魚飯(中-200g)💲82用糯麥+珍珠米 好煙韌 有蓮藕同菇 鰻魚略嫌燒得唔夠🔈環境方面：去咗日本巷仔小店嘅feel有2個熱情嘅日籍師傅打理💬其他資訊：Kotori_Lbird📍 荔枝角長順街20號時豐中心12樓1208室ℹ️ OP/WTA66763548落單-有試食set💲48

走入荔枝角一間日式餐廳，氣氛寫意得嚟又唔失專業。我試咗呢度嘅十蔬雞肉烏冬同埋山芋炭燒鰻魚飯，味道好正！烏冬麵條爽滑，有種咬落去韌勁嘅感覺，隻湯底清新得嚟又唔黐笠。麵條上面的十種蔬菜，由牛蒡到蒟蒻，層次感十足，一啖啖都嘆為觀止！😋而個炭燒鰻魚飯就更加驚喜，鰻魚燒到啱啱好，鍚邊帶啲香滑，秘製醬料淋上頭，簡直係藝術品！底下嗰層山芋泥，配埋糯麥同珍珠米飯，每一啖都覺得健康嘅氣息迎面撲嚟。師傅嘅手藝真係令人讚歎，從煮食嘅過程到擺盤都顯得佢哋嘅用心。就算係叫外賣，每樣菜都包裝到好妥當，一啲都唔洗擔心會淋漓或者變質。忍唔住嘆一口氣，覺得火紅嘅飲食界之中，咁嘅小店真係難得一見嘅寶，每次食完都滿足到讚啦縂評！👏🍚🍜

終於取得幾天前預約的外賣，當然對佢充滿期望，呢個係一個試食餐，整體份量是平常午餐多一點。鰻魚飯嘅飯有點醬汁，飯🍚軟，糯麥口感軟稔，幾得意，鰻魚沒有太多調味，整體都是軟身，不是皮脆果種，有丁點碎骨，蔬菜也是偏稔，印象深刻係有一片荀定係山芋。烏冬的配料也是偏軟身，烏冬自家制，粗幼剛好，但找不到雞肉。整體上，用料特別，可以一試。

鰻魚無想像中咁好食，似日本食嗰啲好natural有少少骨嗰種，但又唔覺有炭燒味，唔係好食到咁誇張反而個烏冬好驚喜，佢啲烏冬有啲一粒粒好似麥咁既嘢係入面唔知係咪自己整，個湯有柚子香好得！同埋佢啲食材全部都超好食，好似喺日本食嘅食材咁全部都好真材實料$48試食又真係幾吸引，不過份量真係偏少，同埋要為咗呢個份量嘅飯一個禮拜前訂好令人卻步，不過始終係$48試食價，下次會考慮叫其他價位嘅餐👍🏻總括而言，我是滿意的

小店位於荔枝角嘅工業大廈內，由日本人主理嘅外賣專門店，主打多款日式料理，最為出名嘅係佢哋嘅山芋炭燒鰻魚飯配十蔬雞肉特制烏冬套餐，可以按個人喜好揀選份量，十分貼心！山芋炭燒鰻魚飯選用糯麥加珍珠米，糯麥係大麥嘅一種，比一般大麥Q彈更有咬口，鰻魚用炭火燒過，食落有淡淡嘅炭燒香味，魚肉大塊，啖啖肉、山芋磨成滑蓉，帶有清新感～ 最值得一讚係個靈魂鰻魚頭汁，聽聞用兩日時間製作，feel到師傅的嘅用心同誠意😌十蔬雞肉特制烏冬包括白蘿蔔、蓮藕、甘荀、草菇、牛蒡、里芋、蒟蒻、柚子、蔥同油豆腐，新鮮，健康，鮮甜，入味，整體口感十分豐富！麵條滑嘟嘟，帶點咬口、最後用埋柚子點綴，令到成碗麵更加清香，配搭得好唔錯，有料👍🏻

荔枝角工業大廈內有一間日本人主理嘅日式外賣店，主打鰻魚飯和雞肉烏冬，即叫即整，外賣店暫時主打1+1主食，客人可以根據自己食量選擇不同份量及價錢。* ��3號set：十蔬雞肉特製烏冬＋山芋碳燒鰻魚飯。* �山芋碳燒鰻魚飯- 鰻魚即場烤製，又大又肥美，師傅再係上面加上自家製嘅鰻魚汁；另外米飯使用了香口的日本米及加入了煙韌的糯麥。🥰🥰🥰* 十蔬雞肉特製烏冬- 湯底主打自家熬製，好有日式家庭料理的味道。烏冬有了10種蔬菜加雞肉，當中有蓮藕、里芋、蔥、柚子、大根、甘筍、菇、蒟蒻，蔬菜經過時間烹煮後非常香甜。

真正隱世日式外賣店。地點位於荔枝角一棟商業大廈，如果唔係朋友介紹真係未必識搵。由兩位日本人主理，主打嘅菜式都係比較健康。今次要咗個二人餐（可選配不同大小嘅烏冬同鰻魚飯）。某啲套餐仲會配有飲品。✨十蔬雞肉特製烏冬（中）有三個size，中size 係120g。除左雞肉，仲以十種蔬菜製成，包括里芋/蓮藕/蔥/蒟蒻/柚子/大根/牛蒡/菇/甘荀 /炸豆腐。烏冬幾彈牙。整體都幾清甜，非常健康。✨山芋炭燒鰻魚飯（大）同樣有三個size，大size係300g。鰻魚好肥美，以自家熬製醬汁調味，非常香，仲有啲炭燒風味。飯係用上糯麥同珍珠米，口感帶有煙靭感。面頭仲配上清新山芋蓉。

有人知道我喜歡吃燒鰻魚，特意推介了這間，終於有機會經過荔枝角可以順道一嘗😋 店舖裏為開放式廚房，可以觀賞到師傅製作的情景，有種吃廚師發板的感覺😂偷聽到他們真的用日語聊天的🤣🤣 Set5 二人餐 $200 (無加一) • 山芋炭燒鰻魚飯  鰻魚兩大片重疊著，攤開平鋪的話，其實比飯盒表面還大 無骨，很柔軟的那種醬汁較薄，更突顯鰻魚的魚油香💗山芋的質感像納豆(? 綿綿 可以拉絲 (圖5) 😂 我喜歡珍珠米軟硬適中，而且看他們ig說裡面還加入了糯麥，減慢血糖上升😳加上大量魚香醬油，拌飯一流 • 十蔬雞肉特製烏冬原來店舖只有這兩種菜式，專注做好強項，想必不錯大量蔬菜令湯底清甜，還有少許柚子香烏冬也不是普通的，可看到藜麥粒在麵條上! 外賣回家後，烏冬有點被浸得太軟，但其實也不太差，大家十分捧場😂 • 飲品：蔬菜汁加分位，很多時候外賣店的都是給罐裝汽水 這卻有蔬菜汁，滿意😂 家裏習慣晚上吃小份量，這裏已經足夠我們四人分享😚看見他還有$48的試食套餐 ，包括鰻魚飯和烏冬，附近上班的話不妨一試

雖然疫情已經過去，但係唔少廚師仍然不斷挑戰傳統，尋求獨特的食物配搭✨今次黎到呢間外賣店，估唔到個廚師係講日文，好彩識講兩句，臨走前同佢講左聲ありがとう🤣十蔬雞肉特製烏冬 M + 山芋炭燒鰻魚飯 L $200炭燒鰻魚飯 鰻魚飯大size為300g，鰻魚經過炭火烤製，充滿了炭燒風味，再加上廚師特製的醬汁，口感更加香嫩多汁，廚師以糯麥混合珍珠米，每一口都能感受到濃郁的鰻魚的香味，灑上一點海苔粉，值得比個Like👍🏻十蔬特製烏冬烏冬中size為120g，廚師將藜麥混入烏冬，除左里芋雞肉之外，仲有十蔬包括蓮藕蔥、大根、甘筍菇、蒟蒻、牛蒡等等，好健康啊！！！🤗好味指數：8/10性價比指數：8/10餐廳名稱：Kotori_Lbird餐廳地址：荔枝角長順街20號時豐中心12樓1208室電話：35210153

一間幾值得推薦嘅小店，隱藏喺工業大廈裏面，如果唔係朋友介紹，真係唔知道有呢間餐廳🙈 由日本廚師主理，乾淨企理既開放式廚房，主打鰻魚飯同烏冬，有唔同Size可以選擇，對於我呢啲胃口細嘅人相當友好。🕊️十蔬雞肉特製烏冬 唔係一般食開既烏冬藜，由於加入咗藜麥嘅關係，口感冇咁QQ，但相對地更健康。第一啖覺得湯底比較淡雅，但慢慢感受到蔬菜嘅清甜味道，一定要趁熱食😋 🕊️山芋炭燒鰻魚飯個飯係重點！真係超級好食！口感有嚼勁，粒粒分明，配搭秘製汁更香甜可口。本身以為自己會唔鍾意山芋黏糊既口感，但配搭米飯出奇地夾。鰻魚份量都幾足料，有炭燒嘅香氣，非常值得試！

Kotori_Lbird (荔枝角)📍 荔枝角長順街20號時豐中心12樓1208室隱藏喺工廠嘅日式料理，方便附近返工嘅大家🇯🇵 鰻魚飯🐟 珍珠米口感軟糯，淋上自家製照燒醬汁，撈飯好開胃米飯上面有少少山淮山，增加咗黏度，會有少少杰，不過淮山好有益，我就冇乜所謂🤪店主好佛心，個丼咁平都有兩大塊鰻魚!!! 係兩大塊!!鰻魚肉質肥美而且厚身多肉，不過食嘅時候要小心細骨啊十蔬雞肉特製烏冬🍜 真係減肥嘅恩物!!日本店主特意加入藜麥喺烏冬，食得出喺自家製烏冬主打有10種蔬菜，蓮藕、大根、柚子、甘荀、菇、蒟蒻、牛蒡同炸豆腐等等低脂又有飽足感!

荔枝角時豐中心12樓1208室有一間由日本人主理的外賣店，專門提供十蔬雞肉特制烏冬和山芋炭燒鰻魚飯。今天去荔枝角D2 Place買狗糧，順便去買外賣試下。店主打山芋炭燒鰻魚飯和十蔬雞肉特制烏冬，可揀飯加烏冬套餐或只揀飯或烏冬。我推介山芋炭燒鰻魚飯，有特色和風味，品質比好多居酒屋出色。大size是300g，中size是200g，可按自己喜好選擇。飯是珍珠米加糯麥，有咬口，飯上面有清新山芋蓉，纖維豐富又健康。鰻魚肥美有炭烤風味，自家熬制醬汁令炭燒鰻魚更可口，鰻魚份量多，可以開心吃過夠。十蔬雞肉特制烏冬清淡健康，烏冬小size是40g，中size是120g，大size是150g。藜麥烏冬入口較結實。十蔬包括里芋，葱，蓮藕，大根，柚子，甘荀，菇，蒟蒻，牛篣和炸豆腐，另外有雞肉，飽肚又低卡。拿外賣時見到日本師傅專心一致地準備外賣，專業和敬業樂業精神令人佩服，讚👍現在憑單張購買可減$15，值得試下。