Kiuki Sweet Bakery

營業中

休息中

用低糖低油嘅戚風蛋糕慶祝生日就最好不過啦！我地今次就揀左人氣高企嘅Kiuki Sweet Bakery日式草莓x朱古力脆米戚風蛋糕一見到已經心心眼，成個蛋糕嘅外型都好靚，好少女feel，切開個蛋糕，就見到有好豐富嘅材料喺入面！包括有新鮮草莓自家製成嘅果醬、低糖草莓果肉忌廉、草莓乳酪慕斯等等……蛋糕嘅內層仲有粒粒朱古力脆米，食落口有好濃郁嘅士多啤梨香味！口感好豐富！我地最鍾意嘅就係呢款蛋糕甜度適中，唔會太甜太膩

網上社交平台cake shop越做越多，好多都係麻糬、戚風、開心果等等，一直都好欣賞kiuki sweet蛋糕款式配搭新穎，係其他舖頭好少做嘅口味，係心機之作網上訂咗一個同屋企人慶生，$450四寸夠四人食，有黑芝麻忌廉、黑芝麻奶凍、抹茶戚風、黑糖麻糬，每款材料本身都好突出，但夾埋一齊唔違和好融合，尤其是黑芝麻好香非常足料，100分配搭！訂購後店主都有提醒取貨流程，建議我哋自備冰袋或者向店家購買，但我住觀塘附近好快返到屋企，加上戚風蛋糕冇忌廉咁容易溶，整體購物經驗很好

依家餅舖一直都知道佢好受歡迎，又會出好多唔同款式嘅曲奇餅。今日終於可以試到啦。雖然係一間IGshop，但係其實拎貨都好方便。觀塘地鐵站一出行4分鐘到就去到成業工業大廈，然後4樓一出𨋢就已經見到啦。有個盒裝住啲曲奇餅好有誠意，送禮物就非常適合。每一個曲奇餅都係獨立包裝同人分享方便，而且亦都好衛生。Oreo 朱古力Oreo朱古力唔會太甜，而且真係會食到Oreo粒。大大塊Homemake Cookie，唔會太油。海鹽雙重朱古力可以行我哋食落去同朱古力味相反嘅味道好過癮，食完一啖會忍唔住再食多啖。呢個微妙嘅味道令到個曲奇餅好豐富。燕麥雜錦果仁曲奇上面鋪滿咗南瓜籽同埋燕麥片，食落去鬆化得嚟又會有咬感。食完呢個曲奇之後會有飽腹感。

來脆外軟嘅曲奇餅 出邊就係好似平時嘅脆卜卜入邊就係軟心嘅今次想大量買散水餅 所以就叫咗幾塊試吓先呢個係軟曲奇6件盒裝曲奇餅嘅口味任君選擇例如有肉桂堅果 開心果 Oreo 黑芝麻 雜果杏仁我就叫咗黑芝麻Oreo同埋雜果杏仁黑芝麻嘅味道炒得好香Oreo就有邪惡留心嘅口感雜果杏仁就比較健康最貼心嘅食法就係先把喺焗爐度焗一陣再拎出嚟食，就更加外脆內軟嘅口感仲要熱辣辣 而且呢度係用低糖配方 食得安心，又放心呢度所有嘢都要首先預訂再過嚟拎

最近朋友生日有IG睇吓有咩蛋糕，支持吓香港小店就發現咗Kiuki sweet bakery 蛋糕幾靚，於是試吓。我哋訂咗一個四吋芝麻奶多X黑糖麻糬X抹茶戚風蛋糕。兩個人食份量啱啱好，三個配料都係我哋非常喜歡，但未試過喺蛋糕上面一齊出現，出奇地竟然冇違和感非常夾。表層cream係淡黑芝麻香，配上抹茶戚風蛋糕，茶香非常濃郁。裏面嘅拉絲黑糖麻糬口感煙靭，低糖配方唔會太甜。底層再配上黑芝麻奶凍，係咁多層裏便最濃郁黑芝麻香氣嘅配料，入口類似奶凍版既黑芝麻糊一樣，成個蛋糕低糖低油蛋糕都唔會太甜，非常適合鍾意食甜品又唔想太甜嘅朋友。平時觀塘有非常多嘅蛋糕小店，有選擇困難症嘅朋友一於試吓kiuki sweet bakery.

一直對曲奇都有少少執著，講真周街都有各或各樣唔同樣唔同款式甚至唔同口味特色曲奇！早排好朋友就介紹咗一間全手工製作嘅曲奇餅店，欣賞佢哋只係會接到order才開始製作，不加防腐劑，即係唔似一般出面買嘅曲奇🍪擺成年都仲食得！而上次好朋友比我食個塊開心果口味曲奇，上面仲要充滿咗開心果粒，今年大熱嘛，梗係勁鍾意食啦！跟住我自己又走去order咗，揀咗開心果味、燕麥什錦果仁味同海鹽雙重朱古力味都係超正，入口好鬆化，而且佢地嘅曲奇主打係軟曲奇，易入口唔會好難咬，我嘅小朋友都食到而且一食愛上了！佢地都設有禮盒裝，送比朋友食都好得體添！除咗曲奇，佢地出品嘅戚風蛋糕都超正㗎！有機會大家都可以order黎食㗎！@kiukisweet🍪 Kiuki Sweet Bakery🍰地址: 觀塘成業街19-21號成業工業大廈4樓17室近觀塘地鐵站b 出口#kiukisweet #bakery #hkbakery #cookies #cake #軟曲奇 #外脆內軟 #低糖成份 #自家製作 #無防腐劑 #食得健康

我有個朋友喺群組極力推介我哋去買軟曲奇，我都好鐘意食曲奇餅，佢話啲曲奇餅好味好食，仲可以上網選購，購買完之後就去番Kiuki Sweet Bakery店舖攞曲奇，店舖位於觀塘成業街19-21號成業工業大廈4樓17室，港鐵觀塘站B2出口，行幾分鐘就到，訂購Kiuki Sweet Bakery 產品都好方便。Kiuki Sweet Bakery嘅軟曲奇購買每款口味最少購買2塊，每張訂單最少購買4塊，所有曲奇均為獨立包裝6塊或以上會有紙盒包裝，保存方式係常溫保存2天、冷藏 (0-4°C)7天，而食用方式係（1) 如冷藏保存，食用前請於室溫回溫 ，（2) 預熱焗爐或氣炸鍋至175度，再烤大概10分鐘，放涼2分鐘，就會最好吃。今次係我首次上網訂本地純手工製作品牌 Kiuki Sweet Bakery 嘅軟曲奇，網上看到軟曲奇嘅照片都令人覺得吸引，除咗軟曲奇，仲有好靚嘅美味蛋糕相，真係有親戚朋友生日時又可以去綱上選購，軟曲奇有9種款式選購，有雙重開心果麻糬@$35、雙重開心果軟心@$32、OREO朱古力@$28、肉桂堅果@$28、堅果黑芝麻@$28、經典朱古力果仁@$28、海鹽雙重朱古力@$28、

老婆生日月梗喺要慶祝一番，今次去咗觀塘嘅Kiuki Sweet買蛋糕聽聞佢地採用低糖低油嘅製作方法，呢款蛋糕有老婆最鐘意嘅Valrhona朱古力🍫希望佢鐘意啦🤣取蛋糕時已包括一支蠟燭及一個生日牌🍌特濃朱古力香蕉x 朱古力脆珠戚風🍫4寸蛋糕都幾高裡面有成3層㗎🤩 包括：#三層朱古力香蕉戚風 #朱古力脆珠 #朱古力忌廉 #香蕉夾心 用上新鮮水果製作而成，保持到香蕉嘅新鮮味道之餘，朱古力味濃郁又唔會太搶！最重要嘅就係味道唔會太甜啊！蛋糕尺寸仲可以同店主講，有4寸 （2-4人）、6寸（5-8人）、8寸（9-15人），仲有其他口味～下次會想食開心果蛋糕呀🤩

屋企人生日係網上預約左Kiuki Sweet Bakery嘅招牌海鹽焦糖x伯爵茶戚風蛋糕🎂個蛋糕係4吋，我地4個人食都覺得好夠食。屋企人都話個cake好靚，外層係海鹽焦糖忌廉，加入海鹽嘅咸味食落比較輕盈唔會好膩。面頭仲有藍莓、餅乾、同埋蜂蜜焦糖脆脆。而切開後會見到一層層嘅伯爵茶味戚風蛋糕，夾住一層嘅嘅牛奶可可脆米醬同伯爵茶奶凍，食落幾有層次，蛋糕唔算好甜，但伯爵茶就好香好濃😍Kiuki主打戚風蛋糕，佢地嘅蛋糕口感蓬鬆而有彈性，而且比較低糖，夠晒健康，食過都會對佢地自家製嘅蛋糕非常滿意🤩🤩

好友生日，知道她是朱古力控，又不想在一般連鎖店購買生日蛋糕，在社交平台搜尋到這間人氣低糖戚風專門店《Kinki Sweet Bakery》，啱晒啦！一於訂購送給好友替她製造驚喜！🎂特濃朱古力香蕉x朱古力脆珠戚風店舖位於觀塘成業街成業工業大廈，都好容易搵，拎嘅時候好期待，估唔到我訂咗個4寸的好重手好有份量，包裝都好精美，好有心思！蛋糕共有4層：有香蕉夾心、朱古力忌廉、朱古力脆珠及朱古力香蕉戚風，店主採用Valrhona朱古力，而且是以全天然食材製作而成，好健康，可以好放心地吃😊朋友收到大表驚喜，下次試吓其他口味先！

小店出品往往都有意外的驚喜🥳 位於觀塘工業區的Kiuki Sweet產品以低糖低油為主🤓 這次訂購了人氣戚風蛋糕，質感輕柔細緻，頗具蓬鬆感，既有外在美也有內在美🫦🫦✂︎❥$𝟰𝟱𝟬 香蕉朱古力戚風蛋糕／𝟰吋◂ ◂ 由朱古力忌廉、新鮮香蕉、朱古力脆脆製作而成🍌🍫 一打開包裝盒，一股濃濃的香蕉朱古力味便撲鼻而來😻 ◂ ◂ 朱古力忌廉幼滑／香蕉爆甜，整個蛋糕充滿著特濃的香蕉朱古力味道🎂 中間加了朱古力脆珠，令蛋糕口感更加豐富👍🏻💕◂ ◂ 最重要是一點都不過甜，吃掉大半個也不覺膩口👅

中秋送禮好選擇！！溫馨健康、適合一家大小的hand-made 曲奇x雪花酥禮盒🌝🐰🧚🏻‍♀️柔和的米白色，搭配簡約的線條設計，清新而優雅。禮盒由綠色的繩帶束起，增添了幾分生機與活力；掛有一隻兔子與盛開的花朵的吊牌，可以送上自己的祝福語。🥰禮盒精緻美觀，還透露著細緻與用心，特別適合中秋節佳節的送禮，傳遞這份溫馨的喜悅。禮盒裡包括：🍬-草莓抹茶雪花酥 *3-椰子芒果雪花酥 *3-海苔辣肉鬆雪花酥 *3小小一顆，卻又能吃出滿滿的真材實料，有鹹有甜可供選擇，口感軟韌、有嚼勁，低糖無負擔。個人好喜歡椰子芒果口味，讚。🍪-開心果軟心曲奇 *2-堅果黑芝麻軟心 *2-海燕雙重朱古力軟心 *2軟身曲奇老人小朋友都啱食，低糖低油，用料有誠意，口感豐富，好吃不甜膩，口味都很好吃😋。📍Kiuki Sweet Bakery (觀塘) - 觀塘成業街19-21號成業工業大廈4樓17室

男朋友生日揀蛋糕梗係要揀最好嘅比佢，聽朋友介紹依間蛋糕店超高質超好食，同全天然食材，絕對超值。有好多款選擇，而每款都好吸引，超級選擇困難症都發作啦。因為我超中意伯爵荼，男朋友就超中意焦糖，今次揀嘅「招牌海鹽焦糖 X 伯爵荼戚風」完全就中晒我哋想食嘅嘢。包裝用透明盒好有質感，加埋絲帶更加精緻，因為而家天氣熱所以要30分鐘內放返雪櫃，返屋企前先放入冰袋。外表已經好靚好精緻，表層喺海鹽焦糖忌廉唧花，仲有焦糖餅同藍莓做點綴。另外仲有一包獨立包裝嘅蜂蜜焦糖脆脆，包裝袋都有店logo好可愛啊。蛋糕切開有好多層，望落層次分明。首先包圍住蛋糕嘅係海鹽焦糖忌廉，每層伯爵戚風之間仲有牛奶可可脆米醬同埋伯爵奶凍。第一啖當然先試晒所有嘅口味，層次感非常豐富，咁多種餡料互相既唔會搶味而相輔相成地夾。我自己仲中意之後再每層分開嚟將每一種味都唔錯過。忌廉夠軟滑，甜而不膩。戚風蛋糕夠蓬鬆有彈性，夠濕潤唔會好乾身，而且好濃郁嘅伯爵茶味。奶凍嘅茶味都好出，茶濃奶香柔軟嫩滑，奶凍分咗兩層，上層滑捋捋下層有碎茶葉口感好得意。店舖有3款尺寸，因為兩個人食所以預訂咗個4吋蛋糕，本來諗食完晚餐再食可能耍留小小第二日再食，點知最後因

📍 Kiuki Sweet Bakery 觀塘📍之前試咗一次軟曲奇，一試難忘，於是就不斷尋找唔同嘅原曲奇去食🤩！留意到呢一間喺觀塘嘅Bakery，主打健康，食材高質又新鮮，而且口味眾多，於是就特登嚟買來試一試。買咗朱古力 & Oreo & 曲奇，各2塊🤩！🍪海鹽朱古力軟曲奇係真材實料嘅軟曲奇😋😋，啖啖香濃嘅朱古力，加上海鹽嘅味道，大正！🍪Oreo朱古力軟曲奇加熱嚟食，朱古力呈寬溶化嘅狀態，加上Oreo碎嘅絕佳配搭，曲奇外脆內，無論係味道定係口感上面都層次豐富！🍪燕麥雜錦果仁軟曲奇食成日都令人會覺得好似好Heavy，但係呢一款就令人有健康嘅感覺，首先係微甜，唔會感覺好漏。另外用料有豐富嘅果仁同埋燕麥，除咗口感多層次，仲有一種健康簡約嘅感覺！呢一款都好推薦！店主好貼心咁樣教我哋點樣加熱嚟食！

每年諗買咩蛋糕慶祝媽咪生日都好頭痕，因為老人家唔食得太甜。今次竟然比我搵到依間kiukisweet，主打低糖低油配方，仲要有勁多口味揀。我掙扎完之後就訂咗呢個黑芝麻戚風蛋糕。我哋四個人食就揀咗個細嘅四吋蛋糕。個蛋糕🎂有5層，其中三層係抹茶戚風蛋糕，中間夾住拉絲黑糖麻糬，黑芝麻忌廉。食落口感豐富，每一層都好有驚喜。我最鍾意個拉絲黑糖麻糬，口感煙靭，黑糖味濃。黑芝麻忌廉嘅黑芝麻味都好濃郁，但係唔會好甜。呢間蛋糕嘅款式我覺得係真係自創同有心機去整，同埋店主都好有溫馨提示，包裝又好靚，有機會下次都想試埋其他口味。