Kampoeng

營業中

休息中

知道銅鑼灣這間Fusion印尼餐廳好出名， 上次放假專程去試。餐廳在地庫，環境也很大，裝飾有心思，有刻意去佈置過，有很多中東特色裝飾品。沙嗲雞串燒兩串 $46雞肉味道惹味香而嫩，不會很乾，沙嗲汁好juicy，好濃郁，令雞肉串味道昇華。炸生鴨$70 +$17黃姜飯第一次吃這種料理，我覺得還可以。炸鴨表皮香脆可口，味道非常之辣！是慢慢散開的辣味，這時候吃一口粒粒分明的黃姜飯就最適合不過了。醬燒魚$68醬汁和燒魚原來是分開的。乾燒魚肉配特調醬汁味道也不錯。炒芥蘭$68芥蘭相當蒜香惹味，條條爽口又美味健康。珍多冰$31冰凍而奶味香濃，裏面綠色的應該是粉條，軟軟的好有口感。

香港有特色嘅印尼餐廳真係唔多，有位姐姐介紹呢間，咁就去試下喇😚餐廳位於糖街，位置方便，沿樓梯落下層餐廳，樓梯兩旁，佈滿印尼小食，多不勝數。餐廳內的座位頗闊落，幾整齊，感覺舒服。Menu圖文並茂，好清楚，抵讚👍🏻。Ilan Bakar Kecap 呢個印尼燒魚🐠，配搭印尼醬真係冇得輸。醬油是辣的，好惹味喔。皮脆卜卜，唔會乾，大大件，$68，抵食呀。雜錦巴東牛肉飯都係唔錯嘅選擇呀，$75，份量足夠，牛肉🐂鮮嫩，伴以炸蝦片、蘿蔔、薯仔粒，有汁配菜，用黎伴飯一流。加多加多沙律$68，第一次食印尼沙律，好特別，配以印尼沙律醬、雞蛋🥚、菜🥒。甜茶呢杯印尼飲品$20我就覺得麻麻地，都係港式飲品🥤啱口味d。呢間印尼菜館食物高質，經濟實惠，職員有禮貌，態度親切。值得推介！

去到銅鑼灣行街想食吓特色的菜式,來到糖街附近的Kampoeng, 主打印尼特色菜式.中午時間有不同的午市套餐，但我哋還是想吃單點的餐牌。先叫了個雜錦巴東牛肉飯， 配上了色彩繽紛的配菜，有巴東牛肉，牛肉10分嫩滑很好吃，仲有其他咖喱汁煮的雜菜，辣辣香香的！仲有脆蝦片烚蛋等！啱晒心大心細咩都想試的人！另外有人叫了個特色印尼炒飯，炒飯10分有鑊氣炒到粒粒分明，醬汁亦都很濃味！旁邊亦都有配上串燒，脆蝦片！面頭仲有一隻煎蛋，流心的，拌入炒飯好正！最後叫了杯熱的檸檬蜜，冬天甘涷，食番辣野成身都最晒！餐廳坐得好舒服，枱同枱中間有好足夠的空間感！

餐廳位於地庫，門口有食物檔，穿過食物檔下樓梯，就是餐廳喇。地方大，座位闊落。餐牌十分多選擇。‖ 加多加多沙律 ($68) ‖份量不大，料不多，但但但但它的醬汁真的超級好味🤤🤤。醬汁甜甜，有強烈花生香，濃稠度適中，混著蔬菜、豆乾、蝦片吃，正！😍😍 應該話混著任何東西都正😆。醬汁幾乎給我們舐清光😂。‖ 印尼醬燒雞 (半隻)($145) ‖‖ +黃薑飯 ($17) ‖燒雞十分嫩滑，雞肉極輕易離骨，醬汁甜甜香辣，非常惹味！☺️☺️ 又一道極為美味的佳餚😍。黃薑飯好香薑黃味，粒粒分明，混著醬燒雞吃，好吃到爆😍。‖ 沙爹牛肉串 (3串)($48) ‖牛肉串超強炭香味😍，濃濃炭爐香🤤，而沙爹醬花生味超香，香香甜甜好好味🤤。不過牛肉本身牛味就欠奉喇😂。想吃香辣惹味印尼菜、感受滿嘴花生沙爹香，來這餐廳沒錯了😋。推介。這裡的印尼菜真的很香濃😋，重口味人士一定喜歡。😆❤️

最近先知原來銅鑼灣有一條街主打係買印尼或東南亞地區的美食，呢條街就叫糖街。姨喺糖街的銅鑼灣商業大廈地庫，更有一間食肆專賣印尼食物，店名叫Kampoeng。本身都比較少去食東南亞食物的我們，首先便點了一款店內招牌的巴東牛肉飯，巴東牛肉本身用香料醃製， 味道的層次比較多，吃得出有不同的香料味，除了巴東牛肉愛，半碟的小食也非常多，例如炸蝦片、薯仔、雞翼、辣豆角等等，配上自製的黃姜飯，絕對係一款東南亞風味十足的美食。此外還有印尼醬燒魚，燒之前用大量醬料醃製，再用火爐燒至乾身脆身，就咁食落口已經香味十足，在配搭店內自製的獨特甜辣醬，令燒魚的味道更多了一種變化。另外還點了沙嗲牛肉和沙嗲羊肉串燒，沙嗲串燒亦做得出非常好的水準，肉質非常嫩，而我比較喜歡羊肉的獨特口味，配搭上珍多冰和涼粉冰，消暑之餘亦解難，一舉兩得。

肺炎肆虐前在印尼品嚐過不同地區的地道菜式，自此愛上此菜系！通關無期，決定到在港印民人常光顧的餐廳懷緬一下位於糖街的東南亞餐廳入口有售賣印尼小食和飲品的攤檔！到達地庫後發現別有洞天設有特色小茶檔，兼備印尼鄉村的悠閒、舒適與現代的時尚、精緻置身鬧市中的寧靜綠洲，當然要來一個椰青配合一下番石榴汁味道清香、清新、清爽印尼的不少菜式都會用上牛肉，巴東牛肉入口鬆化，加$17可配香噴噴的椰汁飯炆牛腩湯燜得軟腍惹味，送飯一流！除了椰汁飯愛，加$17還可選配色香味俱全的黃薑飯沙嗲羊肉串肉質嫩滑，香氣十足無膻味蝦醬炒通菜夠鑊氣，熱辣辣

我記得以前我的印尼同事帶我來銅鑼灣的Kampoeng吃午餐，那時候我已經覺得挺好吃，所以今天帶了我哥來吃晚餐。 😍門口長這樣 😀座位長這樣 因為只有我跟哥兩個人，以前跟同事們一起吃的時候多人可以坐這種，好舒服。 😍不得不說，餐廳的裝修是我喜歡的 😍餐廳的menu好貼心，差不多每個食物都有圖片供客人參考。 😍印尼村特色炒飯我當初看圖覺得好吸引，所以就叫了這個，哈哈。 這個味道沒有我在外面吃的那麼咸，但味道一點都不會淡，很適合比較健康的人，例如我。 😍 我哥比較喜歡重口味也喜歡這個。炒飯上的配料 - 串燒，蛋跟蝦片都很好吃。 😍一點都不用怕炒飯會太齋。 ☺香脆炸雞炸雞超大一隻，一開始以為是炸雞粒，好險我哥願意幫我吃一半，哈哈。 炸雞裹面的雞肉仍保持滑嫩，一點都不會柴。 😍煎粟米餅一上來真的被它的尺寸嚇倒，超大一塊。 這個煎得金黃鬆脆，一點燒焦都沒有，而且裹面有滿滿的蔬菜料，但吃起來一點都不無聊。 鮮芒果涼粉雜果珍多冰好多芒果 😍不過吃起來味道跟平常吃的有點不一樣，可能是品種不一樣的關係。

今晚和友人想食特式風味菜式，看見地面的炸蝦片和椰青水吸引了。先來每人一個椰青，邊食仲可以刮椰肉食，玩得好爽。主食方面選擇了特色炒飯，炒飯配有蝦片和蛋，炒飯內有雞肉粒，配搭上都幾豐富。就快入冬，來碗金錢肚湯暖暖胃，中式以外的煮法第一次飲，幾特別，而且味道都好清新。最後當然不少得串燒。絕對沒有令到我失望的沙爹串燒，特別是牛肉，完全沒有筋，啖啖肉，配上秘制醬汁，簡直是回味無窮。雖然餐廳位置隱蔽，但是本著發掘美食的心，會別有一番風味。

印尼咖喱我首選巴東咖喱，貪佢夠辣夠重口味。呢碟巴東牛肉雜錦飯有3種咖喱，白咖喱以濃郁椰汁為主，唔辣。印尼咖喱汁呈黃色，香濃椰汁味但略嫌稀。巴東咖喱出色，夠香濃頗辣，一嚿牛肉嫩滑一嚿牛筋有咬口，兩樣都夠入味。跟白飯仲有蝦片。

一向也很喜歡東南亞菜，泰國菜、新加坡菜、馬來西亞菜就吃得多，今次首試印尼菜！本身對印尼菜的印象就只有印尼蝦片和超辣的巴東牛肉，因為本身不太嗜辣，所以印尼餐廳一向不在To-Eat List上。但這間在銅鑼灣糖街的餐廳讓我發現原來印尼菜有很多其他出色的料理，不但好味，價錢也不貴。倆口子肚皮有限，想吃的又太多，只好留待下一次機會。沙爹牛肉串(3串) $48 / 沙爹雞肉串(3串) $46差不多每一桌都會點的串燒，無論是雞肉或牛肉，本身已醃得很入味，肉質經燒烤後香口之餘也不失Juicy。靈魂沙爹醬濃郁，比泰式的多了甜味和微辣味，是不一樣的惹味。印尼醬燒魚(甜醬) $65魚皮燒得焦香脆身，魚肉結實不乾，也不難去骨。首試印尼醬燒魚就愛上了，甜甜的印尼醬與魚鮮味實在是很好的搭配，令人停不下來一口接一口。說到底也是海鮮類，$68可算是很親民，而且好吃到想即場Encore，大推！燒牛尾湯 $75湯底很清但味道很濃郁，有蕃茄、芹菜粒帶起牛的鮮味，還配有印尼蝦片。紅酒炆牛尾就吃得多，燒牛尾就是初嘗試，雖然肉不多，但沾滿濃郁入味的燒汁，與鮮味的湯底互相輝映，同樣出色！椰青 $41大大一個，薄薄一層嫩滑椰肉，椰

我一直都想試下正宗印度菜今日去銅鑼灣糖街食呢間Kampong 😋😋餐廳係地庫地面擺放咗各式正宗印尼糕點、炸蝦片等等各款印度小食夠哂正宗地道啊地庫環境好大，座位舒適，適合一大班朋友食飯gathering 店員介紹餐牌食物種類，有各式各樣正宗地道菜式，好多款都係第一次見咋！我點咗巴東牛肉雜錦飯有炸蝦片、薯仔粒、咖哩牛肉蘿蔔、巴東牛肉薯仔粒同牛肉用多款辣粉同香料醃過，味道濃郁，辣味十足，而且仲有後勁🌶🌶🌶愛辣朋友一定要食啊🤣

食得多日本韓國菜，有時都要轉下口味，今日同女朋友行實惠、宜家傢俬行到餓，就上網搵到間印尼菜餐廳轉下口味，做好安心出行同埋量體溫就安排入座！粟米餅係店員嘅炸物推介，亦係香港較少見嘅炸物，粟米餅外身炸得極為脆口，內裏則較為軟熟，粟米粒中和左炸物嘅油膩感，小食黎講值得試吓！沙嗲雞肉串好出色！每串雞肉串都有大大嚿雞肉，肉身鮮嫩亦唔乾身，外層亦燒至香口，沙嗲醬味道夠濃，醬汁仲加咗辣椒仔，令味道更加突出，用嚟點雞肉串一流！印尼炒飯可以講係食東南亞菜必食嘅一個炒飯，炒飯鑊氣十足而且炒得十分乾身，令米飯粒粒分明，味道亦十分之均勻。佢哋亦會喺炒飯中加入雞肉粒取替平時常見嘅雞肉串，咁食嘅話口感層次更豐富！雜錦巴東牛肉飯亦係店員嘅推介之一，但係略為辛辣，食前先做好心理準備！佢哋嘅飯係椰汁飯，椰香味十足，飯身亦較為黏身，比起平時食嘅白飯大為不同十分特別。巴東牛肉真係好辣，但辣得來香味十足，味道有啲似超辣版嘅咖喱汁但有好多其他香料味，牛肉亦炆得好腍身，吸盡汁醬嘅味道，除咗牛肉之外，其他雜錦例如香辣花生碎粒、香辣薯仔粒同樣醒神開胃，撈埋落去啲椰汁飯度食，口感層次豐富而且特別，讚！炒通菜不過不失，夠鑊氣、唔油、味道

上次路過銅鑼灣已注意這裡有家印尼菜, 看過OPENRICE的食評不錯又抵吃, 便帶著朋友到這裡醫肚. 朋友差點找不到這店, 其實這店在地庫, 地面的電梯外放滿了印尼小吃, 絕對不難找. 串燒的基礎味道感覺與泰式相差不遠, 但這個沙嗲汁的調味更辣少許, 我頗為喜歡. 個人喜歡羊肉的串燒多點. 這道香辣炸雞面層放滿了煮過的辣椒醬, 炸雞的質感是偏向乾身. 配上這個辣椒的味道很香辣過癮, 份量不算很大, 下次可以配黃薑飯一起吃. 黃薑飯配辣椒應該很夾. 另一道點了東南亞國家都有的咖喱, 正好可以跟常吃的咖喱比較看看. 這個咖喱與泰式的咖喱相比多了椰漿而少了份辛辣. 咖喱的偏向湯的質感多一點, 羊肉的味道不錯. 埋單的價格連加一不用$300, 味道地道又大眾化抵吃. 餐廳的空間大而寬敞坐得舒服. 

對印尼菜認識只有印撈的我，發現香港原來有地道高質印尼菜！朋友係銅鑼灣地膽，教我嚟糖街呢間印尼餐廳，估唔到原來在地庫，係咁大間，仲裝修得幾靚。粟米餅好大塊好多粟米，超脆口，煙煙靭靭。酥炸豆腐呢個好似平時食嘅臭豆腐，炸得幾脆口。香辣烤雞Ayam Taliwang職員提醒呢個印尼香辣烤雞超辣，怕我哋食唔到。但係我同朋友本身食得辣，聽完更加想挑戰一下！雞皮上面嘅醬料酸酸辣辣，越食越惹味！係辣得嚟好過癮！印尼醬燒魚 Ikan Bakar Kecap今餐飯最欣賞呢條魚，第一次試用印尼醬料燒嘅魚，魚皮燒得剛剛好，唔會燒得太乾。配嘅醬料好辣，但係辣得嚟好襯燒魚，十分滋味。鍾意食魚嘅我，太遲發現原來印尼醬燒魚係咁出色，仲要只係68蚊，好抵食！印尼特式炒飯炒飯粒粒分明，印尼醬油夠香，隻荷包蛋仲幾靚！椰青去唔到東南亞旅行，唯有嗌番個椰青止下旅行癮。估唔到又幾清甜，最後連椰肉都食埋。原來食印尼菜嘅性價比都幾高，2個人平均每人先百幾蚊，可以嗌倒咁多款小食同特色菜，下次嚟銅鑼灣諗唔到食咩都會再嚟，因為坐得真係幾舒服，又多位。

一向對東南亞菜有點偏好，泰國印尼印度菜都喜歡。近來朋友介紹這間地道的Kampeong位於銅鑼灣糖街，位置方便但因藏在印尼小賣店後面/樓下，我們平時經過都沒留意到。打開餐牌，樣樣都好想試！印尼酥炸豆腐 $45 外皮酥脆 ，搭配附上的微辣醬汁更美味巴東牛肉 $58 牛肉軟腍之餘亦有嚼勁，肉汁香濃，對我們來說有點辣，配上椰汁飯吃剛剛好炸印尼黃豆餅 $29 原本以為是好像綠豆蓉的煎餅，來到才知這利用黃豆跟天貝菌發酵做成的煎餅是印尼特產，香口惹味，口感紥實梳多雞湯 $53 從網上得知梳多是來自印尼文中的Soto，是濃湯的意思。這道雞湯材料頗豐富，有濃郁雞味，用來送飯很舒服，尤其吃了不少辣之後雜錦椰汁雞飯 $78除了雞之外，椰汁飯伴有豆角，蝦片，辣薯仔，青瓜，肉餅等好豐富。可能吃了一口辣醬關係，椰汁好像沒想像中重特式印尼雞肉角 $48餐廳空間大，環境舒適，下次聚會又多一個選擇了