Jacomax

營業中

休息中

經常排隊的熱門餐廳，星期六下午6點來到，餐廳已滿座，另有兩枱等候中。餐廳門外有放座椅讓人坐著等候，坐在外面已聞到pizza香，愈等愈肚餓，天氣熱還好等了大概20分鐘就可以入座。由於見到pizza都幾大個，兩個人只係點了一個pizza一個小食。藍芝士蘋果薄餅($178)應該是餐廳最出名的薄餅，是未試過的配搭，當然要一試。藍芝士的味道不是想像中濃烈，鹹香鹹香加上甜甜地的焦糖蘋果，出奇地配合，配料雖然簡單，但味道新鮮而不會突兀，而且薄餅底烤得香脆同時又有口。香烤黑椒雞翼($58)雞翼烤得有蜜糖焦香，脆外皮有黑椒味點綴，是不錯的雞翼。另外有店員推介的蜜糖啤酒，甜甜地，配芝士令味道更突出。

每次晚飯時間經過銅鑼灣一帶，門外總是要排隊，今次選擇5點來個early dinner，終於不用等位，真好。與友人點了一份意大利粉和一份pizza，份量也不少，已經很足夠 2人吃了 (小食也相當吸引，唯有下次再試)=煙豬肉忌廉粗意粉 Carbonara Bucatini=令人驚喜的口味，以為pizza出名，原來意粉也不錯，忌廉和蛋汁的配合剛好，入口creamy，另外煙豬肉是先煎香再一連意粉一起煮，食落味道juicy香口，增添不少色彩 👍=意大利辣肉腸薄餅 Diavola =最期待的pizza終於來到，色香味已經令人滿足 ❤ pizza的餅底香脆，厚薄剛好，連邊都好食。辣肉腸和芝士的調味適中，而且不會過油或過乾，份量也很多。另外，餐廳也有不少酒類提供，可以飲番杯，食件pizza，享受一下意大利風情 ❤

又一間bookmark 左好耐嘅餐廳12:45開始好多人排隊藍芝士蘋果薄餅最出名嘅pizza🙈聞落同睇落都好不安，但食落其實好易人口。食得出blue cheese 但唔算好重，pizza 本身嘅質地都一般忌廉蟹肉通粉意粉煮得太淋🙈唔係好食到蟹肉味，淨係講得出忌廉🙈炸魷魚🙁🙁完全唔合格🙁細條都算，重點係炸到好燶好油🙁🙁🙁🙁雞翼正常無特別我覺得當一間普通西餐都ok geh，但就唔好抱太大期望，同埋無dessert 比較可惜🙈

之前睇連登有個一人一間最好食黃店嘅post，見超多人都講呢間意大利菜餐廳！佢哋最出名係即叫即搓即焗嘅pizza，銅鑼灣店仲整咗玻璃窗比你睇住一塊🍕嘅誕生過程🤪 味道真係驚為天人，連登仔冇老點！同埋職員超nice，佢哋見我用咗店內serve嘅紙巾擺口罩，就即刻主動再比多張紙巾我，服務超貼心💛大推呢間黃店比大家！🔸Tips🔸大家留意返呢間係冇得book，只可walk in，店員話好多時6:30pm前就會full晒，所以大家最好早啲去排隊！▪️藍芝士蘋果薄餅 $178▪️呢度嘅招牌pizza，必點‼️一上枱已經聞到好香藍芝士味，之前都未食過有蘋果嘅pizza，冇諗過蘋果薄片同藍芝士係咁夾😍！成個pizza整體係咸嘅，但蘋果有微微甜味，中和咗芝士嘅膩💯 同埋份量係超大個，我哋兩個人食，每人食4件真係超飽🤣 通常pizza食1-2件就唔想食，不過呢個pizza係我哋食到第3件都仲覺得好好味，證明係堅好食🤪▪️香烤黑椒雞翼 5隻 $58▪️5隻雞翼都算幾大隻幾多肉😍 黑椒味好香，雞翼個皮焗到有少少脆，入面啲肉保持到好嫩滑，正！

喺銅鑼灣開左唔係好耐嘅pizza店，夜晚都會見到人龍，lunch 12點去都會有位。食左幾樣野，都好鍾意，唔會話好重味。會再去。《暴龍》- HK$188我地就係比個名吸引到叫佢。呢個pizza上嘅都係一啲醃制肉如pepproni，ham，salame。但出奇地味道係剛剛好，唔會好鹹，可能係因為佢嘅料唔係鋪到滿一滿關係。 《藍芝士蘋果薄餅》- HK$188呢個pizza係比較特別，你會見到網上好多人推介。佢藍芝士味偏濃，帶啲蘋果嘅甜味，甜甜地嘅pizza，我覺得幾易入口，幾好味。但如果接受唔到藍芝士味道嘅人就接受唔到了，我地5個人食，有3個人都不太喜歡隻藍芝士味。《香烤黑椒雞翼》- HK$58 烤得香口，唔會好鹹同超濃味，味道剛剛口，輕微黑椒味，越食越想食。《松露油牛肝菌火腿大通粉》- HK$165松露味濃，好creamy，亦唔會好溜，好味！《炸魷魚》- HK$88香脆，魷魚彈牙，又有魷魚圈又有魷魚蘇。

有驚喜嘅意大利🇮🇹菜餐廳🤩當日晚市時段去到咁啱唔洗排隊，即刻可以入座😍小食試咗兩款，分別係炸魷魚🦑同埋黑椒雞翼😋炸魷魚食落唔會油淋淋，炸得好香脆😚黑椒雞翼個外皮脆卜卜，肉嫩多汁😋辣海鮮意粉🍝係粗意粉辣味夠👍🏽有2隻蝦，魷魚同大量蜆肉🤩超級足料！！Pizza都係食最多人推薦嗰款😂個味道鹹鹹甜甜係幾得意嘅🤪環境舒適，上菜速度都好快唔需要等好耐👍🏽餐廳仲會好窩心等你食完小食、意粉然後時間啱啱好再送上熱辣辣嘅Pizza👍🏽👍🏽整體都好好👍🏽

今日同朋友食生日飯，7點半去到已經排緊隊(平日)，我地3個人排另一條隊，最後等咗1個半鐘，9點先入得。😂(因為多數係2人枱，冇乜大枱，所以3人以上排會等好耐)不過等候期間一直有得坐住等，所以都唔係好辛苦。講返食物同服務。話說我唔知佢有冇收切餅費，所以事前打過電話去問，店員回覆嘅態度好好，值得一讚。另外，我地3個女仔叫咗1個pizza，1個意粉，1個小食，已經好飽。我地本身以為要500，600以上先埋到單，但竟然400幾就得，抵食！pizza我地叫咗T-Rex,啖啖肉，好食！而意粉我地要咗carbonara,但我地都一致覺得太咸，太膩，食2啖已經食唔落。但小食魷魚圈都好食整體好好，特別係服務態度！(ps佢地上蛋糕會播埋生日歌，怕尷尬可以同店員講唔洗播😂，佢地會好好記得 )最後臨走收緊舖，店員仲唱生日歌比我個frd聽😂thanks

呢間係銅鑼灣必食嘅pizza店🍕就算要齊人先入得，開鋪冇幾耐就要等位，都好值得去食🥺重點1: pizza 大件，餅底香脆餅底係自家製作，焗得啱啱脆，唔會好硬🍕好多人都食作藍之士蘋果味，我哋就偏愛火箭菜🥬 睇相都見到parma ham好多，每嚿pizza都一定會有至少一塊，非常抵食😆火箭菜新鮮，苦澀味唔算濃，同parma ham好夾🤭重點2: 外相不討好 但味道一絕兩個人食pizza 已經好飽， 但心思思都想試吓意粉🍝 叫咗個海鮮意粉，初時見到咁細碟有啲失望🙍‍♂️ 但係一食落口 海鮮好有鮮味😍 啲辣辣地嘅意粉好過癮 愈食愈好味😋重點3: 職員態度好🤣題外話： 呢隻桃味啤 幾好味😋

💛💛💛鍾意食pizza嘅你有福了Jacomax 人氣黃店終於由上環開到黎銅鑼灣😱記住一定試佢哋最出名嘅藍芝士蘋果pizza🤩啲芝士可以拉到超高蘋果配Pizza好鬼夾😍建議叫埋佢哋嘅雞翼同薯條🙋🏻‍♀️所有嘢都係即叫即整 熱氣之選😏不過如果夜晚食建議早啲排隊因為好多人㗎等 上次食八點就截龍🥶

〔 暴龍 〕 $188 .整個都係肉嘅Pizza , 唔會太過鹹, 啖啖肉而不膩.〔 蕃茄芝士焗肉丸 〕 $60 .肉丸上面鋪滿住滿滿嘅芝士, 係可以拔絲嗰種😍, 肉丸不錯, 有肉味而且不會散開.〔 炸茄子片 〕 $68 .炸粉唔會落得太多, 完全唔會覺得油膩, 而茄子就比較霖身.服務態度和藹親切.👍🏻(好味指數: 8/10)

之前食過一次外賣已經覺得好好食今次專登放工過唻食堂食星期二7:50pm唻到，要等大慨15分鐘但店員超細心俾左一人一把芭蕉扇我地四個人食左三個pizza一份雞翼呢日Mojito 同long island 仲要$88 買一送一最推介一定係Gongonzola&Apple (藍芝士蘋果)，岀乎意料咁夾既味！另一個係Crudo pizza (火箭菜火腿)食完兩個唔夠喉仲想試多個就再叫多一個呢個有牛油果同辣椒醬，辣得勁過癮 四個人賣單每人二百幾

餐廳位於銅鑼灣市中心 地理位置非常方便 約朋友聚餐既好地方選擇第一次入去就覺得環境好舒服而且職員都好nice 由落單到送菜都態度好好 當我想要Tabasco 會主動幫我拎👍🏻👍🏻☺️比人好印象啊～今次我地有4個人 叫左2個pizza😂😙加炸魷魚🤪🦑一個pizza 係佢地既signature 藍芝士蘋果pizza 另一個就係 三文魚籽加西西里檸檬pizza 一甜一鹹 😍叫左薄底 脆卜卜 食幾多都唔會太飽🤤欣賞而家好多pizza 店 open kitchen 落左order 先即時整 包新鮮出爐先至最好味😝藍芝士蘋果pizza果然係招牌 完全冇令人失望 好match又令人食完一塊想再encore 😏相對另一個pizza比較下去就有點失色 味道不令人深刻 所以下次再幫襯都唔會翻叫😅但佢地既pizza都好岩打卡 好igable🥳而炸calamari 出色啊!!!! 香脆可口 份量足夠we all love it🤤🤤🤤🤤小食都好正~~餐廳整體比人感覺好relax 真係好岩chiii下 gather下😎😎仲有野飲都好好飲😍✨✨

Gorgonzola  &  Apple  pizza啱晒我呢個芝士控😍😍😍雖然無梅窩某一pizza店既gorgonzola pizza咁有口感上既層次（梅窩店係有藍芝士、啤梨、核桃等，食材豐富），但Jacomax就剩係得藍芝士同蘋果，食材相對上冇咁豐富。不過係市區食到呢種咁正嘅藍芝士薄餅（唔使入梅窩）已經係夫復何求！啤酒青口亦好正，有好多隻青口，不過個靈魂係個啤酒汁，同朋友直頭係咁直接飲個啤酒汁😂😂

👧🏻👧🏻👧🏻👧🏻相信大家對Jacomax依間意大利餐廳應該都唔會感到陌生，仲記得佢地上環間鋪等位嗰條隊真係長得好可怕😳，👧🏻s都曾經為咗個蘋果薄餅🍎而排埋一份。今次👧🏻s經過銅鑼灣嘅時候，發現佢地喺渣甸中心開咗分店，仲要咁啱冇人排隊，機會難得，緊係即刻沖入去回味下~🤤 銅鑼灣分店比上環間鋪細，可以容納嘅人客亦都會比上環少，不過感覺上以前上環嘅人龍比銅鑼灣長好多(戴返個頭盔先👷‍♀️：唔知依家上環仲係咪有咁多人排)，所以大家想試嘅話就可以自己衡量下去邊間好啲啦。 ✧✧✧✧✧✧✧✧✧✧✧✧✧✧✧✧✧✧✧✧ 1) 藍芝士蘋果薄餅 HK$178 去Jacomax唔食依個pizza🍕應該就同去食燒肉唔食牛舌一樣，唔知你去黎做咩。🤭未食已經聞到好香嘅藍芝士味，食落蘋果味唔會話非常突出，但係當焦甜嘅蘋果🍎遇上濃烈嘅藍芝士🧀，簡直好似開緊一個鹹甜盛宴，兩者加埋一齊真係好夾‼😍加上依個薄餅係薄底嘅薄餅，完全係正中👧🏻嘅紅心🎯~不過有一點係👧🏻覺得比較可惜嘅，就係……佢地個pizza得12吋，對大胃👧🏻黎講真係唔係好夠飽，如果有大啲嘅size可以揀就好啦。😚 😍賣相：🌕🌕🌕🌕🌕😋味道：🌕🌕🌕🌕🌗 2) 煙豬

想食pizza時最快諗起既舖頭😛佢地既pizza真係幾大個！兩個人只係食得落一個批加一個小食咋🙈我地6點左右黎到，唔使排隊就有得入座。🍴T-Rex $188🍴香烤黑椒雞翼 $58見到呢個選擇都知我哋係食肉獸啦😎話說之前都叫過外賣，堂食新鮮熱辣真係好味啲架🤤雞翼既外皮烤得香脆唔油，裡面仲有肉汁；pizza係薄批底但唔係脆到好似餅乾個種，light得黎有煙韌感，topping份量適中平均，唔會有幾啖太多料或者太少料。