Jacomax

營業中

休息中

係門口等位個時已經見到鋪頭入面密密烤焗pizza記得一定要試個blue cheese pizza, 勁有驚喜😋🥗西柚肉配煙三文魚果仁沙律🍗香烤黑椒雞翼😋必試👍👍藍芝士蘋果薄餅🦖T-Rex 暴龍pizza

又同同事去試新餐廳, 今次去食pizza~聽聞呢間係一間良心小店，由於餐廳冇得預約，所以我哋成班人就早d逃跑去拎位。去到發現餐廳真係唔多位，好彩提早過嚟。我哋叫咗炸尤魚，麥啤煮藍青口，忌廉蟹肉大通粉，藍芝士蘋果pizza同芝士四重奏pizza仲加咗salami。炸尤魚同個蟹肉通粉味道普普通通，而且尤魚炸得比較乾。個青口就好surprise，好香啤酒味，最後同事連個湯都飲埋XDPizza方面，個批都大件，每個分6份，芝士四重奏真係好多芝士，愛芝士嘅我非常滿足。另外個藍芝士蘋果pizza非常特別，芝士味唔重，反而蘋果好甜，成個pizza好似甜品蘋果批，果然最後食係明智~當甜品😋

Jacomax嘅pizza好出名🍕 又係bookmark咗好耐，但因為walk-in食嘅話一定要喺門口排隊，所以好多次都無的起心肝去試🙈🤣 早排喺銅鑼灣收工就終於同朋友去咗試，7點半都排咗半個鐘左右～ 最後2個人食咗1個pizza + 1個意粉，聽落好似有啲多🙈 但最後都食得晒😎•🥢 藍芝士蘋果薄餅 $178呢個薄餅係熱辣辣焗起，但批底都係有有少少偏乾硬，個人嚟講就唔太鍾意呢種批嘅口感～不過薄餅上嘅味道真係超級加分！😋 無論聞落定食落，藍芝士味道唔算好濃；蘋果酸酸甜甜咁，令個芝士pizza無咁膩，整體配搭幾新鮮，所以最後都食得晒成個pizza，啲蘋果真係功不可沒！🙊🤤•🥢 忌廉蟹肉大通粉 $158大通粉就係好粗同大條嘅嘅長通粉，唔會太淋，幾有咬口，而且中間塞滿咗忌廉蟹肉😍 忌廉汁嘅份量超多🤩 好creamy但唔膩，入面有好多一絲絲嘅蟹肉，仲有啲洋蔥粒，所以食落都幾fresh😋

嘛，去呢間舖，十之八九都係為咗藍芝士蘋果pizza。藍芝士蘋果pizza：老實講，特色固然是有的，香港好少機會食到。但比起綽頭，味道並不算突出，尤其以我芝士狂嚟講，藍芝士味唔夠，以及嫌批邊略硬。雖然整體已經比一眾pizza連鎖店好多了，算係用更高的標準睇佢吧。忌廉蟹肉大通粉：但係！當諗住衝著pizza而去的時候，意粉滿有驚喜，蟹肉大通粉無欺場，滿滿打碎的蟹肉相當滿足，忌廉香滑蟹肉足料，大讚。（右下）炸魷魚：小食炸魷魚嘛，就是物有所值的炸魷魚（笑）另外，用餐途中出現好笑插曲，其時pizza已上菜，但飯腳竟然犯上「放工時間喺港島搭巴士」之大罪。餐廳員工見久未齊人，大好pizza我只動手食一塊，提出可以在飯腳到達時，翻熱pizza，十分貼心。飯腳姍姍來遲，pizza隨之翻熱，誰知端來的，竟是一個完好的pizza，侍應解釋：呢個係全新嘅，因為頭先翻熱時，跌咗......😂我：噢😂。暗自嘉許他的真誠。也默默為服務評上滿分。總結係，衝著綽頭，藍芝士pizza可以一試，但如果忘記藍芝士pizza，可能會別有驚喜，畢竟佢平均水準都相當不錯。

慕名而來食 藍芝士蘋果批, 覺得Carbonara比較好食。一來到已經好香芝士味，食落好咸，但係好足芝士，滿足到我。煙肉夠肥美好食。藍芝士蘋果批一來到好大陣啤酒味，想像一下係啤酒加sliced apples嘅味（非apple cider!!🍏) ，係甜甜哋嘅批，但fushion個人意見真係麻麻地，無覺得好驚喜，層次唔係好出，加上佢個皮都幾厚，覺得餅底做得麻麻地。無他，試下大家推薦嘅，但個人認為真係overrated, 有朋友想食會再來，否則自己就唔會特別返來。

好朋友快要結婚，約食飯比貼我禁開心緊係食好d啦平時行過渣甸坊見到佢出名既藍芝士蘋果pizza今次就有機會試啦～煙三文魚柚子沙律🐟🐟三文魚鹹度適中，加埋柚子沙律菜好fresh呀~兩位女仔食一大盆藍芝士蘋果pizza🧀🍕芝士既咸同蘋果既甜味出奇地合拍唔會有膩既感覺。批皮係薄軟既，唔會好似食左好多飽包禁十分滿意呀蕃茄芝士肉丸🍖🍖勁勁勁多芝士呀，你睇下d芝士拉到幾長🤣蕃茄醬汁幾鮮甜，應該係用新鮮蕃茄整成，配埋肉丸不錯

想食呢間店好耐喇，可惜次次大排長龍，難得星期五晚收早去整牙，整完6:00 竟然冇人等位，即刻同老公入去啦！😍黑椒雞翼味道一般，唔算特別，同埋有啲乾。薯條配茄汁及他他醬，超好味，粗度剛好，仲有少少薯皮連住，夠哂口感🤤好大盤，食唔哂要拎走。Margarita Pizza，簡直不能不點，餅底好軟熟，芝士拉晒絲㗎，熱辣辣好正最後仲叫咗杯Long Island，不過不失，有30%濃度，飲完都有少少feel 🤪埋單連加一$400，只係杯Long Island 較貴（$88），否則成餐$300攪掂，同連鎖pizza 店差唔多，但味道超班一萬倍，連侍應哥哥都靚仔啲，總結我諗唔到點解仲要幫襯pizza hxt 囉🤣🤣

以目前黎講😍我最愛既Pizza 1定係...Jacomax既藍芝士蘋果Pizzaaaaaaaa!!!去親都1定會點佢嫁🤤🍕🧀🍎仲要係即叫即製添👨🏼‍🍳藍芝士既味道唔會太重舖埋薄薄既焦糖化蘋果係面好有焦香感甜甜地既蘋果加咸咸地既藍芝士就係出奇地好balance好夾好好味啦🤤👍🏻個餅底薄薄地加埋個邊邊烤到脆卜卜口感好正不過記憶中💭上環分店既焦糖多d就令味道更出更甜啦💭其他款式既食物味道都唔錯👍🏻麥啤煮藍青口好重麥味會情不自禁地飲埋佢個啤酒汁卡邦尼意粉個忌廉汁好濃郁煙肉帶有咸香而且意粉有煙韌既口感不過食多幾啖就開始覺得都幾heavy🙈香烤黑椒雞翼外皮烤到金黃色好香脆黑椒味亦都好出而且肉質都算幾嫩滑而個炸茄子就略嫌佢d炸粉厚左少少味道亦都普普通通無咩特別🧐

今次都係跟fd去食飯～排隊等左應該最少有30分鐘….無得book～只好排啦….一開始都無咩期待，因為無search果呢間～點知嗌左個招牌藍芝士蘋果pizza，食到唔停口真係好好食！本身以為有芝士會好濟，因為我好容易就會濟…點知食完唔會覺得濟….本身又聽個fd講係薄批..以為係薄到好似餅果d，點知個批身唔會太厚或者太薄…加上有蘋果中和下～食多兩件都無問題！出其意料地好食

細細個食Pizza都係幫襯連鎖店，食嚟食去都係肉類或者海鮮嘅薄餅，今次就試下特別少少嘅！聽聞E間意大利餐廳嘅藍芝士蘋果薄餅好多正評，坐底諗都唔諗就點E款Pizza嚟試下。🍕伊款藍芝士蘋果薄餅完全顛覆我對Pizza比較傳統嘅印象。正如我上面所講，一直以嚟都係食啲肉類或者海鮮嘅薄餅，配上水果嘅都係有菠蘿嘅pizza。今次試E個藍芝士蘋果薄餅，兩者係出奇地咁夾！☺️拉絲嘅芝士配埋清甜嘅蘋果，令人忍唔住一塊接一塊咁食！薄餅嘅餅底唔會太厚，食多幾嚿都唔會覺得頂胃！👍🏼

曾於yellopenrice登場的良心薄餅店💛總店在上環，一炮而紅後在銅鑼灣渣甸街開了這間分店，延續了上環店的人龍，據知還即將在將軍澳開新店，當真是可喜可賀🎉 .7點鐘到達，剛好等5分鐘就有位，再遲點就變成超長人龍。門口就已經見到餐廳的薄餅廚房，師傅即拉即焗，由烤爐烘烤完成到送上餐桌只需10秒🔥保證新鮮熱辣。牆上貼了密佈熱帶植物的牆紙，加上六角型的地磚，令我感覺去了拿玻里小店一般。 .菜單當然是主打薄餅，還有沙律、意粉和小食。不過我早已做好資料搜集🤓知道藍芝士蘋果薄餅是這裏的首本名餅，所以2個人一個12吋薄餅加小食就剛好了。 .🍕藍芝士蘋果薄餅 | $178 | 9/10薄餅剛放下時仍見到上面的芝士滋滋發響，藍芝士的香味❨臭味？❩慢慢滲進空氣，以青黴菌發酵而成，致表面有一些藍色的斑紋🧀味道偏鹹經烤焗後的蘋果片仍然保持濕潤🍎甜味和芝士碰撞出新感覺，配上外脆內韌的餅皮一流。薄餅完全不滯不膩，吃完也不會太飽，反而有點意猶未盡之感😍 🧆蕃茄芝士焗肉丸 | $60 | 8.5/10鋪滿了芝士，散發陣陣肉香，爽彈的肉丸浸在茄醬海洋內🥫酸味加鹹味更開胃。

〰️Gorgonzola & Apple $158🍎🍕店內著名嘅藍芝士蘋果披薩 未食過呢一個組合嘅味道 本身都有啲驚會怪🤣但兩者味道出奇地和諧😚鹹甜配合得不錯 加上簡單嘅食材 無任何油膩嘅感覺👅餅底即搓即焗 但係偏薄 無咁飽肚👌🏻藍芝士都好香 啱啱上菜熱辣辣嘅時候好食好多 大家都要趁熱食！！！🔥🔥〰️Porcini and Ham Rigatoni with Truffle Oil $165本來麻麻地黑松露 但比身邊嘅人影響底下 慢慢學識欣賞佢😆超香濃嘅黑松露味 連埋啲菇食好正🤤圓粗通粉食到啖啖creamy嘅汁 呢個配搭好唔錯🥰💰 $377 (2人)食物質數 ⭐️⭐️⭐️⭐️環境舒適 ⭐️⭐️⭐️⭐️抵食指數 ⭐️⭐️⭐️推介指數 ⭐️⭐️⭐️⭐️

公司有Team lunch嘅時候同事都好鐘意叫呢間，所以之前都食過幾次外賣，但堂食就第一次，結果當然冇失望，Pizza緊係熱辣辣最好食！【蝦仁水果沙律】$158生果足料，蝦仁大隻同夠Fresh，Dressing係醋同欖欖油，雖然我個人麻麻哋鐘意醋，但相信鐘意食醋沙律嘅朋友會滿意。不過呢道應該係今日叫嘅野食入面性價比最低，除非好想食菜，唔係我覺得可以Pass loll 【煙肉忌廉粗意粉】$148鐘意食Carbonara嘅朋友真係必嗌！忌廉汁超香濃，加埋粗面夠晒掛汁。煙肉好香好惹味，而且同出面食嘅其他煙肉味道有啲唔同，係有少少港式燒肉嘅感覺，可能有用到類似香料去醃製，用燒肉形容可能有啲怪，但真係好好食！【藍芝士蘋果Pizza】$178我不嬲都唔太鐘意食加熱過嘅生果，但呢個Pizza真係好驚喜！藍芝士味道好出，配埋清香蘋果，蘋果加熱咗都係爽脆嘅，比起生果可能更似瓜。冇諗過呢個Combination可以咁夾！以前食外賣已經覺得好正，今次食新鮮出爐覺得又更好食了，芝士熱辣辣溶溶地，Pizza真係要熱食係最正！結論：一定會Encore，仲有好幾款想試嘅菜～

今次分享的Pizza其實已經買過幾次外賣，但堂食最近才是第一次去~銅鑼店的 Jacomax平日晚市要排隊，大約等半小時~店會有椅子可坐著等位。焗Pizza的廚房位是開放式，剛好我坐的位置能看到入爐！時不時就會傳出薄餅的香味呢✦ 藍芝士蘋果薄餅 ($178) - 這款可以說是這裡必點的薄餅吧!?芝士味道濃厚，藍芝士的味道獨特再配上清甜的蘋果薄片若果您的接受度很高又對甜味薄餅有興趣便要點囉✦香烤黑椒雞翼 ($58/5pcs) - 皮烤得幾脆身的～不過稍微乾身了些 ... 另外黑椒味不算特別重。✦ 炸魷魚 ($88) - 炸粉不會太厚身！魷魚圈好大！而且口感彈牙得來有幾軟稔 ✦煙豬肉忌廉粗意粉 ($148) - 意粉口感比較實有咬口，但不是硬那種。汁亦很濃調～不過最特別是煙豬肉好彈牙

老公今日帶左我同奶奶試左呢間餐廳，本身想講句又食pizza，又食意粉，好悶姐。。之後等位期間我地係咁見到枱枱都叫同一款PIZZA，咁我就上OPEN RICE睇啦，原來果款勁多人叫既係藍芝士蘋果PIZZA，咁我梗係都要叫黎試下啦，假日關係用餐時間係75分鐘。落完ORDER十分鐘個PIZZA就上枱喇，熱辣辣份量都就算大，三個人食岩岩好，一上枱顏色靚，樣靚，最緊要係有濃濃既芝士香，蘋果薄片甘甜，配埋藍芝士獨特香味，真係好夾，而且蘋果同芝士分佈平均，每一啖都可以食到曬啲料，真係想一食再食。。我地仲叫左個沙律，煙三文魚柚子花生脆粒沙律，大大份，而且煙三魚份量勁多，最驚喜既係配以香脆既花生粒令到口感提升😋松露牛肝菌配長通粉，呢個香到呢，濃濃既松露香仲配埋個濃稠既忌廉汁🤤味道絕對有層次，就連一向皇帝脷既李生（我老公）都話好食🤩而呢個亦都係成餐最推介既菜式😎至於飲品方面就一般般喇🤣總括黎講，呢間餐廳我一定會再去食，因為係真係好食，係等得耐左少少，明既，好食就自然多人