J.S. FOODIES (又一城)

營業中

休息中

每次去又一城食飯，經過J.S. Foodies 都大排長龍， 難得有朋友可以排隊攞位先， 絕對冇唔試嘅理由🤗 J.S. Foodies 以人氣美式漢堡班戟為主打，座位比較少，位於I.T. 概念店入面， 同好多喺日本嘅概念餐廳一樣， 位於時裝店入面， 可以方便睇埋衫嘛👗👠啱晒我地呢d忙碌嘅OL😂講返食物質素先，今晚嘅主菜係班戟😍，試左招牌士多啤梨藍莓香蕉梳乎厘班戟同 Oreo 班戟.....一個字～ 正😍 班戟材料採用日本國產雞蛋同麵粉， 果然高質👍🏻👍🏻 梳乎厘班戟充滿空氣感同鬆軟感， 配以香滑忌廉同水果， 感覺香甜清新。而Oreo 班戟味道濃郁，真係好喜歡呀🤗 之前喺大板都試過另一人氣梳乎厘班戟店 “Gram”, 感覺Gram嘅招牌班戟比較厚身同空氣感更重， 但如果有同行朋友唔係太鍾情於甜店， 咁選擇J.S. Foodies 就可以開心share 埋美式咸點菜式啦🤗另外都試左松葉蟹忌廉意粉，酸忌廉黑松露薯條， 經典漢堡同 Honey orange lemonade 🍹都會想推介比大家🤗

soufflé pancake無得輸！最喜歡草莓藍莓pancake芒果pancake雖然是季節限定但是芒果太冰了和pancake搭在一起有點突兀而且芒果pancake用的是杏仁味道的cream有點杏仁露的感覺⋯沒有原味的cream好吃當然pancake的底子和flippers出品一樣好而且排隊快很多看著鹹食也不錯的樣子可以回頭的店！

找到了！終於找到對口味的梳乎厘班戟🤤這家J.S. Foodies為日本過江龍店 除了有正餐吃外 還供應flipper‘s出品的班戟😻一直聽聞flipper's的梳乎厘班戟好吃 這次一嚐 果然是超好吃呢～💓_{原味班戟 $99 🥞}煎班戟的火候控制得特別棒班戟濕潤度恰到好處 口感鬆軟輕盈 入口即溶 但不失實在感(不太喜歡有些梳乎厘班戟空氣感太太太重 吃完後好像只吃了陣風般😛)用上日本雞蛋製作 班戟入口蛋味極為濃郁‼️且甜度剛好面頭的忌廉也不容忽視！輕盈幼滑 還帶點焦糖味呢！配上班戟吃完全就是滿滿的幸福感啊🥰🥰_{松葉蟹忌廉意粉 $198 🍝}這裡除了梳乎厘班戟 鹹食一樣出色！試了期間限定的松葉蟹忌廉意粉忌廉汁味道香濃但不是很稠身 所以吃著也不會覺得膩口😚重點是配料超豐富的 有松葉蟹肉 蟹膏 跟蟹籽～ 全部都好新鮮 而且份量好慷慨 真的是啖啖肉呢！😻雖然價錢不便宜 但的確很足料兼有水準呢！👍🏼_雖然J.S.Foodies已開業好一段時間 但聽聞還是長期人氣高企呢～ 建議非正餐時段來吃就不用排隊囉～☺️

期待左好耐，想試好耐的JS Foodie…法式焦糖班戟🥞好似係招牌班戟？班戟上加糖再用火槍燒過，一開始會有脆脆口感，不過好快就淋晒…pancake 質地較實，唔算出色，係有法式焦糖gimmick only.. 好飽肚HKD129明太子醬海膽意粉🍝海量既明太子醬，配埋三文魚子同海膽，都算ok，不過唔夠熱HKD239意式芝士蛋糕黑班戟🥞Tiramisu style pancake，之前都食過Gram既Tiramisu pancake，見呢個好似好濃朱古力咁所以叫左，朱古力顏色係有，不過冇乜朱古力味，始終係Tiramisu 嘛，加埋咖啡味糖漿，係好濃既咖啡味，就冇乜cream cheese味…質感超厚實，density勁高…食唔晒…HKD129期待已久的J. S. Foodies.. 整體係失望既.. 期望過高？同公司的Flipper's pancake好食啲

lee間係日本西餐餐廳,都係又一城扎根左一排,到而家都係咁多人排隊,見一家大細嗰啲排咗好耐,我同朋友就排咗半個鐘,但係值得嘅,main course同甜品都冇令人失望lee個係期間限定嘅芒果pancake,好正,d芒果好甜,個pancake都好soft,好有空氣感😋😋lee個係松對蟹蟹膏忌廉意粉,好creamy,但真係好肥lee個係番茄醬海鮮意粉,隻蝦好大好好食,scallop都好正,冇雪藏味green tea latte,茶味都好濃郁唔錯cappuccino普通咖啡店嘅味道,可接受總括來講可以接受,但貴左少少,好似比起開舖嘅時候貴左一大截,如果唔係其他嘢都幾好

今日約左日本返黎既大學同學gathering。為左方便大家，所以揀左係又一城食tea。大家黎之前都食左少少野，唔係太肚餓，就揀左間比較light既餐廳。黎到要等大概二十分鐘，入到去個裝潢會令人好舒服。見到有關於夏天既特別甜品但我地冇食哈哈。我地三個人叫左兩個pancake同一個burger。等待期間發現佢仲有啲props比你影相打卡。Burger黎先，因為pancake要等大概廿五分鐘。侍應仲主動問使唔使切開一半。有牛油果既burger味道好清新，牛都ok, 但未夠juicy。伴碟既薯條都好脆。之後黎到既pancake，我地見到個份量都係呆左😨本身以為入面會好鬆軟，但佢係結實型pancake,我地三個一人食完一層已經好飽😂😂😂。但我地都好中意食佢既冧酒味，唔會太重酒味，都幾岩唔好酒既我食。呢個tiramisu pancake就比較濃味，同埋係好黑實既pancake，食落有啲似brownie, 我地食完個冧酒pancake都已經好飽😂😂😂😂所以呢個最後都食唔哂。總括黎講，唔好當呢度係tea，因為食完一個有份量又實既pancake已經飽到好似食左餐正餐咁。呢度都係一個值得同朋友傾一個下午既

外面排長龍，店內就空枱多的是。枱上放著reserved牌。上前問waitress係咪可以打電話訂枱，但又冇得訂。再問之下，原來係有高層留左枱。空枱多的是，就是要你排隊，吹咩！wait and wait and wait and wait with lots of empty tables. I really don’t know why on a Sat night. Please review the whole operation and it is unacceptable to ask the customers to wait for a long with a lot of empty tables

次次經過都好多人排,今日下定決心試,lunch time 排左半個鐘終於入到去🙈🙈🙈今次嚟到試左burger同pancake🍔🥞手打牛扒漢堡厚切薯條雖然有少少咸,但口感唔錯但係！個牛扒又細塊又乾寧願佢整扁少少🤣Mcd 個個仲好食Rating:印度烤雞班戟班戟本身味道口感都一般,覺得自己係屋企煎都可能差唔多,不過印度咖哩雞味道唔錯,同班戟一齊食比想像中夾,驚辣仲可以加埋一邊既sour cream中和一下食完咸食,仲可以加糖漿落pancake～main dish & dessert 兼具,perfectRatingverall, burger 極度一般,pancake 還可以,建議試甜品同意粉,應該有保障少少🤣🤣🤣

成日經過見到有好多人 已經好想試所以特登搵一日平日下午茶時間去大概排隊排咗一個鐘左右我哋三個人+1個小朋友叫咗兩個疏乎厘pancake 加黑松露薯條我個人覺得黑松露薯條比較普通但係個疏乎里pancake係我暫時食過最有蛋味同係日本食過既有得揮雖然嗰度唔算太大但竟然係有BB櫈 啱晒我帶小朋友去

成日見到呢間都好多人排隊, 今日早少少嚟排先~睇下係唔係真係咁值得排咁耐~由於早嚟所以等左陣就有位啦~睇下有咩野食先~之前食過佢地CWB個間都唔錯幾好食~今次見呢間餐牌好多野食揀, 款式比較多~叫左過海鮮意粉, 意粉口感岩岩好~唔會太硬或者太淋~材料都算多~帶子大大粒又厚身~正呀!松露芝士薯條, 佢用粗身薯條炸到外脆內軟, 點埋個醬食真係停唔到口~糖品叫左提拉米蘇...好香好好味~真係冇得輸~佢個CREAM好滑身又夠酒香味~鬆餅熱辣辣整出黎~加埋個糖漿好好食~咖啡叫左FAT WHITE~咖啡味道唔算香濃, 鮮奶味道蓋左本身咖啡香~

東京人氣班戟係Flipper’s既姊妹店位於又一城i.t內 當然有唔小人去排隊食啦 我等左大約30分鐘就入座 ——🍴Kiseki Pancake 士多啤梨 $119係我最鍾意嘅空氣感pancake🤤好香滑有蛋味~~~我覺得好食過日本嘅Bill😎 .🍴經典漢堡+牛油果$109個漢堡都好大份🥰 而且牛肉唔會羶味好有肉汁個包一啲都唔乾🤤 ..☕️ CAFE Mocha $36個拉花拉得好靚✨重點係佢個價格比其實地方平只係$36一杯

今日陪閨蜜去九龍塘試婚紗，然後行過去又一城食下午茶，閨蜜帶我嚟食班戟，話好好食。排隊大約排咗15分鐘，期間望入店內，幾乎每枱客都相機食先。排咗隊都要夠一半人先可以入去架。原來係一間東京名店，怪不得咁多人排隊，咁當然要叫班戟食。檸檬芝士班戟配自家製風乾檸檬片班戟新鮮暖呼呼，口感軟熟，加埋芝士忌廉，好味！風乾檸檬片好酸呀反而碟邊嘅檸檬粒粒好似蜜餞。原味班戟一客有3件，剛好一人一件。要趁熱食，以免塌下來。梳乎班戟空氣感十足，連忌廉一齊食，好味到呢！又一間食甜品好去處。

上次平日6:30黎已經大排長龍，今次就下午茶時間黎，唔洗等，直接入座。招牌沙律 配 柚子醬蔬菜好新鮮，配合柚子一齊食好消暑。牛油果🥑芝士漢堡 配 薯條牛油果真係好百搭，配咩都咁好食。蕃茄海鮮意粉有藍青口，帶子，大蝦 配 蕃茄溶醬正常味道，無太大驚喜。黑松露意粉超濃郁的蘑菇味，鍾意食的會超愛😍連平時咀叼唔食菇類的姪女都話好好食。我的必食之選👍🏻可愛的兒童餐☺️除左果兩粒豬肉丸麻麻地之外，其他都好好食。香芒熱情果沙冰 - 淡左少少士多啤梨沙冰 - 四杯中最好飲香滑椰子沙冰 - 少少椰香味雙重碎朱古力沙冰 - 甜到漏🥴以上飲品個人認為可以唔洗試士多啤梨藍莓香蕉pancake熱辣辣，震騰騰的 厚pancake 好香蛋味，有係日本食的感覺朱古力香蕉pancake 有比較之下，呢隻薄身的pancake 有點失色。

又係時候食生日飯，今次朋友揀咗呢間！本身諗住叫一個主菜，再加一個甜品，不過我哋太肚餓，所以再叫多咗個小食。忌廉黑松露薯條：新鮮炸起，外脆內軟，就咁食都已經好好味，仲可以點下上面啲黑松露或者忌廉，加埋一齊個口感又特別左，基本上都唔使再點隔離嗰啲番茄醬！松葉蟹忌廉意粉：就咁睇相，以為好細碟，一上枱，原來都幾足份量個喎！啲意粉好幼細，又好好𡁻頭，配埋啲忌廉同埋蟹肉，係正嘅！不過可能始終有啲忌廉，好快我哋兩個就食滯左！但我哋都好努力咁食晒佢！士多啤梨藍莓香蕉班戟：從來都話甜品係有另一個胃，原來係真嘅，就算我哋食到好飽，但都仍然堅持叫多個甜品！原來班戟都可以咁軟熟，雖然叫班戟，但其實更加似三個細嘅疏乎厘，唔會太甜，又非常之易入口，生果黎講，士多啤梨比較似主角，藍莓同香蕉都係點綴，不過士多啤梨就酸左少少。但都值得一試既！

今次要介紹嘅餐廳係位於九龍塘又一城嘅 J.S. Foodies，主打嘅班戟網上好評如潮。排咗大約三十分鐘隊終於被安排入座，環境不過不失但係好多時候都要同其他人搭檯。J.S. Foodies is located at Kowloon Tong Festive Walk, and its pancake rates high in various platform. It takes around half an hour of queueing time. The environment is relaxed, but most of the seats are arranged to sit with other customers.法式焦糖班戟 (Crème Brûlée Pancake) $129班戟嘅美感十足，三層嘅班戟再伴以草莓、藍莓、香蕉作點綴，表面再加上一層厚忌廉。以酸味為主嘅水果同帶甜嘅班戟好襯，焦糖令到班戟表面變脆而且會有少少獨有嘅苦味。但係令人失望嘅係只有最面個層班戟係有包裹住焦糖嘅效果，下面兩層嘅焦糖被熱溶後質感唔再脆。Three layers of pancak