J.S. FOODIES (又一城)

營業中

休息中

行到攰，本來想去Oliver sandwiches 到食，點之原來已經冇咗 咁諗住去dan ryans, 原來佢又冇tea set...咁對面就係呢間，望落都好似幾好，就去睇睇其實本來想望吓個menu 先決定入唔入去但要禁飛咁就入咗去了 XD叫了薯條和pancake 😋 薯條嚟先好好味！夠熱辣辣又脆皮嘩個法式焦糖pancake 不得了！或者我太大鄉里，真係第一次食有焦糖面既pancake好好味呀 通常就咁pancakes 食食吓凍咗D會淋pat pat 咁。佢呢個有焦糖響底面，會keep住脆脆哋咁。好驚喜！

去完蘋果整電腦，行過就去食，當時冇人排隊，門口店員無咩禮貌同好惡，沒有日本餐廳的感覺，店在it 社裏的一個Conner 位，燈光好白，我坐在大檯上，檯在裂開的🤣裝修好流🤔我三點瞓醒覺好餓，叫左三樣嘢，其中一杯飲品唔記得影相，杯飲品我叫咗摩卡冰沙，好甜好膩，幾啖就唔敢再飲,然之後嚟咗個黑松露意粉其實都算唔錯幾好食，但得兩啖，份量真係好少都唔知夠唔夠150 g，最後等左好耐嘅梳乎厘pancake終於出場啦，見到佢個樣覺得好友空氣感好想食，一啖咬落去中間係唔熟嘅，見到啲液體，即刻唔想食，我覺得空氣咁好重要但pancake熟都重要！

早前被J.S. Foodie吸引，推介各種班戟甜品，賣相好靚，而小妹又非常愛好日本的Soufflé Pancake，所以就去左九龍塘的JS foodie揾食餐廳可以先取票再等位，即使疫情嚴重，都依然有人等候，大概等左半小時，仲要差點Miss左票號，終於入到去啦。餐廳裝修都幾日系，位置好闊落舒服，一睇餐牌，原來呢間梳乎厘班戟同Flipper’s係同一間黎架！咁質素應該非常之有保證。由於所有甜品都係即叫即整，所以等候上菜嘅時間差不多要20到25分鐘。最後簡單叫左士多啤梨藍莓香蕉班戟，Flipper’s嘅班戟真係可以焗到好高，又好鬆軟，佢嘅忌廉、麵粉、雞蛋應該都係非常之高質，因為原材料高質，所以感覺焗出嚟的甜品亦都非常之好味。另外士多啤梨一啲都唔酸，好甜，香蕉同藍莓亦都非常新鮮，呢三種生果加埋配呢一個甜品真係非常之出色。

日本人氣漢堡班戟店‼️岩岩開張嗰陣時真係好誇張 見到勁多人喺出邊打晒蛇餅😰所以我次次都冇等😅但係前排疫情關係都唔使點排隊就食😊-🥑牛油果芝士漢堡 $129新鮮即叫即炸但係無咩特別 肉又吾夠juicy 勝在有半個牛油果🥑岩我😛-🥞藍莓忌廉班戟 $119之前食過梳乎厘班戟好好味今次黎試吓個薄版 我覺得唔太好食 粉又多😥佢個梳乎厘班戟 好食好多倍❗

行行吓街，甜品癮又發作，見到J.S. Foodie店面幾大，又幾好坐，一於試吓先！因為唔想食太飽，點咗一份法式焦糖班戟pancake同朋友share，一上枱見到燒到金黃色嘅焦糖已經心心眼😍果然食落焦糖味好香，又有脆脆嘅口感，比起平時食軟綿綿嘅pancake又有多一重口感！班戟充滿蛋香，配合埋忌廉，真係好想大嗌一聲‘好好味呀’🤩🤩不過張相就影得差啲，個班戟太吸引，求其影吓就趕住食🤤之後至發覺張相鬆郁矇😂😂特別想講呢度嘅service好好，位位店員都好有禮貌好好笑容，絕對會再返嚟幫襯👍🏼👍🏼

朋友生日諗住揀間靚靚餐廳食個tea 叫左一個waffle 一個salad 個waffle 都幾好味既Cream 是真. Cream 來的Salad裡面既蔬菜種類都多！ 咖啡味道都是有水準的 😌

J.S.FoodiesMatsuba crab pasta with cream sauce 松葉蟹忌廉意粉 （$198)好足料既意粉，有蟹肉，蟹籽同蟹膏，雖然唔係好重蟹味，但個sauce好好食，好香忌廉味，而意粉又唔會好爛，味道唔差不過價錢偏貴Classic burger 手打牛肉漢堡 （$109)普通漢堡味，唔係特別好食。清酒蜆肉意粉味道偏淡，有些少酒味九龍塘達之路80號又一城LG2樓30號舖i.t blue block

今日係母親節帶左媽媽泥呢間過江龍日式餐廳朝聖，今年都無咩機會搭✈️去旅行，食下日本野當去左🇯🇵。睇餐牌己經好吸引心大心細唔知簡邊樣好，價錢每款過百元我們一行三人分別叫3個主菜1個甜品，首先第一道泥叫芝士漢堡，附有炸薯條我老公話最好味係漢堡包之後泥左個鮮茄海鮮意粉同黑松露忌廉意粉，呢度款款意粉都好貴，接近成2百蚊，有些不值，不過試過就算甜品最後簡左法式焦糖pancake ，真係好好味，大家都搶住食，pancake上佈滿焦糖，配上雪糕同cream ，真係一流

星期一至五去，下午茶冇乜人，唔使排隊，可能人手好少，所以冇乜招呼，直接自己行入去，都有幫你探熱叫咗杯莫卡，朱古力同咖啡味都濃郁，味道配搭得好好，身邊仲有啲cream，成杯嘢都好靚，另外叫咗美式咖啡，咖啡味同酸味都適中，即刻可以幫助消暑主角到啦， pancake熱辣辣，又軟綿綿，有震盪震盪嘅感覺，加埋少少cream cream，外觀相當吸引，切落去，好似棉花糖咁，柔軟柔軟，加埋啲cream，甜味適中，可惜cream太少，如果多啲就更加好啦

同朋友來食慶祝生日飯禁飛排隊拎位平日晚上等了約一小時Menu好多pancake焦糖布朗尼雪糕班戟 Brownies Pancake  其實個pancake勁普通個pancake唔算好香同brownie口感都唔算好夾 brownie太硬 而且唔夠核桃醬又唔係好夠另外有個櫻花紅寶石朱古力班戟 (限定) 就好特別佢係有五個迷你pancake pancake口感都唔差而且都算整得香不過士多啤梨有怪味呀.....我同朋友都冇食到.....好似浸左漂白水味道咁另外我地仲叫左個龍蝦沙律龍蝦沙律味道都ok不過性價比就唔高囉

食物一般....侍應態度一般...坐得唔舒服...好逼...好噪...客人好多,坐得好逼,侍應個個超級忙,無人有笑容...可能平日上午光臨好D...strawberry酸酸的,唔知洗咗未呢...?惟一的好處是,個甜品無加糖,食得出濃濃的蛋味...

想食這間好耐，但一直未有機會食，今日終於有機會食到了，原來依間餐廳是在一大型型人品牌店內，七點多八點黃金時間🈵️座要等位，等位期間睇吓個餐牌，原來選擇不多，主打甜品班戟，價錢也不便宜，入座後，叫了一個明太子醬海膽意粉及經典漢堡，個意粉記得要將啲明太子醬撈混先食，如果唔係會過䶢，醬汁比較多，比較creamy，多吃可能會漏，海膽色澤有D暗瓦，好似唔太新鮮，至於個漢堡新鮮即製，熱辣辣，但塊肉唔夠juicy，味道一般，覺得這個價錢這樣的質素有啲貴，下次唔會再去這𥚃食晚飯，可能食甜品會好味啲．

一嚟到都好多人排隊等位，等咗成個鐘先有得入😅因為有啲肚餓，所以就走咗去對面間意大利餐廳食少少野先，食完翻來等多10分鐘先有位🤣原味pancake配楓糖牛油-本身以為疏乎厘pancake應該最好味，估唔到呢個好有驚喜🥰一上枱已經聞到濃郁蛋香味，淋上楓糖漿同埋鹹牛油，超夾同好味😋果然係人氣推薦🤗原味疏乎里pancake，空氣感都足夠，味道👌🏻，但美中不足係個面幾燶下🤣冇咁窿會好啲🤔食到蕉香味，同埋個疏乎厘pancake底唔知點解會黐住嗰碟面🤔🤔呢兩樣都扣左點分😢下次再嚟應該只會食Pancake就得了🙋🏻‍♀️

夜晚同朋友嚟咗呢間食飯。唔洗等位。三個女仔叫咗兩個意粉、兩個Pancake，佢個份量係偏細，特別係意粉類。意粉叫咗松葉蟹忌廉意粉（唔記得影相）同埋黑松露意粉。Pancake叫咗 Caramel Brownie Pancake同埋櫻花Soufflé Pancake。 食物質素OK嘅，唔會話好好食，但又未至有嘢 Complain。講好食，又一城好多餐廳會好過佢。呢間餐廳唔係Sell食物而係Sell食物個樣同日系小清新裝修。食物貌相好過味道，坐得都舒服，環境乾淨，疫情下用餐都安心。啱同朋友傾吓計，但要注意佢哋係有用餐時間個半鐘。

本人真系超❤️食疏乎厘🤤所以可以食到呢間高質pancake店真系好滿足😍#jsfoodie #士多啤梨藍莓香蕉班戟 $119 上檯都幾大一件可能系用日本蛋慨關係 已經聞到超濃郁嘅蛋香味啦👅流曬口水🤤👀食落真系堅鬆軟🥞pancake整體嘅空氣感同實在感拿捏得岩岩好 非常出色👍忌廉份量岩岩好 最緊要系唔膩🍓#黑松露忌廉意粉 $119佢地系用天使麵 細細條 易入味🤤黑松露好香濃 忌廉份量剛好🍝算性價比幾高