J.S. FOODIES (又一城)

營業中

休息中

印度雞pancake 日本時裝品牌JOURNAL STANDARD開設的餐飲店「J.S. FOODIES」專門店, 今次去開又一城，叫左佢lunch set , $131 連飲品。因為唔中意食甜野，所以無叫到佢招牌焦糖pancake , 叫左依家印度雞，咸pancake 出奇地好食， 咖喱唔辣而幾香，pancake 可以點咖喱汁，亦可以配佢蜜糖，幾好食！對於我依家好耐無食過pancake 嘅人嚟講，十分滿足！

疫情之下，去唔到日本，專登過來排隊食梳乎厘！呢個梳乎厘好有蛋味，少許的牛油味，每一啖都好似食空氣咁柔軟，但又飽肚..兩個人食Tea的份量啱啱好！對於唔好cream嘅人黎講，cream 擺多左，反而阻住食梳乎厘，而berry可以再多少少，berry嘅酸甜可以中和梳乎厘嘅膩..而飲品要左double chocolate chip frappe，對於朱古力控黎講係相當大嘅滿足，不過冰始終會令飲到最後溝淡左少少朱古力味

Cookie and cream frappe呢個我朋友叫嘅  佢話唔會太甜  幾好味Mango and passion fruit frappe味道唔錯 ，啲芒果好甜，上面嘅cream都好味，但係略嫌唔夠fresh有少少熱情果嘅味但係一啲都唔酸，怕酸嘅朋友都可以叫松葉蟹肉義粉必點！！價錢小貴但係非常足料，啲麵食到最後都有好多蟹肉剩，加埋蟹膏同飛魚子，個汁好鮮味，兩條蟹腳一起就食到唔會整污糟手。士多啤梨舒芙蕾班㦸啲士多啤梨好甜，舒芙蕾空氣感十足，入面都幾濕潤，蛋味再多啲會好啲🥰個cream都唔係超市買到嗰啲得個甜字嘅cream，奶味幾香。

終於嚟到依間舖頭朝聖仲以為會有好多人嚟排隊可能因為新開啦同朋友嚟都排咗5分鐘都冇就到我哋啲嘢食全部都好好吸引全部都想嗌晒嚟食個主菜雖然係班cake但係佢啲意粉都非常之好食同埋嘢飲都好好飲 賣相都一樣咁靚 完全配合到佢依間餐廳嘅氣氛同環境

每次經過這間餐廳門口，都見到大排長龍，為的就是一嚐正宗東京甜品的風味吧！擇日不如撞日，因來到附近，碰巧見不到人龍，等了沒多久，就可入餐廳內。在等座位期間，看到今期特別推介的pancake，再加上以soy milk取代whole milk的熱飲，感到很滿足！

而家喺日本開過嚟嘅香港分店，啱啱喺又一城開嘅時候，基本上你想食到就一定要排隊，不論你咩時間，門口都勁多人😅依家開咗一段時間，係唔繁忙嘅時候其實唔需要點樣等位，趁住呢個咁好嘅機會，梗係要來試吓啦兩個人，嗌咗一個甜品，一個主食。當食個下午茶，夠晒份量啦個包表面有啲硬，入面個漢堡唔算好熱，有啲似整左一陣既感動 薯條都可以既 粗薯條，食咗入邊嘅薯蓉壓軸出場嘅就係個甜品，三個軟林林嘅班cake，望到都好開心🥰食落去有啲似食空氣咁😂唔算好甜總結：不會經常黎，可能俾人吹捧得太誇張，對佢期望過大，其實都係普通野

梳乎厘控快啲Bookmark定啦😆Sakura Pancake最特別既係以5個迷你梳乎厘拼合成綻放既櫻花🌸再用鹽漬櫻花做點綴賣相真係好吸引🥰💕充滿蛋香味~~好有空氣感 而且好鬆軟聽講佢係嚴選岀世界第四品種既紅寶石朱古力🍫製成綿密既櫻花🌸粉紅忌廉再配上櫻花士多啤梨🍓醬同麻糬雪糕🍦配搭出多重口感 層次豐富個人認為份量都算多要2個人share食先食得哂🙈J.S. FOODIES
地址:九龍塘又一城LG2樓30號舖

見OpenRice 好多like係屋企食完飯就諗住落街食個甜品～果然是人氣 ...都然係人氣 ！ 好多人～ 8:30pm 開始截龍 ...叫左個tiramisu pancake淡淡既tiramisu 味 唔算太出黑松露薯條薯條有點淋 似係翻炸不過個黑松露cream cheese 有意外無咁諗咁既配合又出奇地夾 值得一試喔

個日同男朋友去又一城買嘢，睇緊有咩食嘅時候搵到呢間鋪。.拎左飛等左二十分鐘左右就入得～.🌼原味班戟配楓糖牛油$79超推介呢個薄身班戟。上面有一舊牛油，將楓糖淋上去，再搽均勻，切開品嚐，口感鬆軟。原味比較重蛋味。.下次想試下其他口味😁.🌼士多啤梨🍓藍莓香蕉🍌班戟 $119呢個班戟口感輕柔，空氣感十足，但蛋味一般。士多啤梨🍓有少少酸～.🌼香芒熱情果 $45上面有層cream 加幾粒芒果 下面係滿滿的芒果，味道唔差。但有點小貴。

次次來到都會食梳乎厘或者pancake系列，今次講講另類的食物介紹 — 黑松露系列。酸忌廉黑松露薯條 ($69)相信所有食物都是即叫即整的，薯條剛剛炸好的，加了酸忌廉和黑松露醬後，就上檯了。熱辣辣的薯條真係好吸引，脆卜卜！！沾上黑松露醬的薯條更是錦上添花~~濃郁的黑松露味滿在口中！！黑松露忌廉意粉($119)可能食完個人覺得很出色的酸忌廉黑松露薯條後，相比之下，這款黑松露忌廉意粉內的黑松露味沒有薯條的那麼重口味，反而菇味較為突出。

After reading all the negative reviews about the wait time, I experienced it myself first-hand. 70mins later we were all seated. We thought the souffle pancakes were ok. The food was not very good and I was surprised how expensive everything was.The service is not very good as well. We complained about our food and the young waiter, he just rudely ignored us.

Our wait was almost 1.5 hours. Such a horrible experience.The service was very slow and rude as if they did not care.The food was undercooked and there was no seasoning. My children's pancakes were just ok. They liked the whipped cream and mint. We will never return.

一直好想試呢間嘅pancake，做咗功課知道佢嘅法式焦糖pancake係最出名，所以一去到就即刻嗌咗呢個！呢個pancake唔同普通pancake，因為佢每塊pancake都有一浸焦糖喺面，代替咗一般會用嘅蜜糖/糖漿，食落口脆卜卜咁，多一層口感，我自己本身唔太鍾意食甜野，但都覺得呢個pancake好特別，好好食！除咗pancake之外，我哋仲嗌左「黑松露薯條」，薯條係啱啱炸起，又係脆卜卜咗超驚喜！！加埋黑松露醬真係冇得輸！😆😆 食吓食吓好快就食哂，連相都唔記得影🙈總括而言，呢間餐廳嘅嘢食有中上水平，價錢都合理，好適合兩個女仔下午茶去食🤩

看著又一城落成，但已年多沒到訪又一城，再到訪已經成為處處欄處處閘的籠。若非公事是日需要經過，相信已沒有令我想去的吸引力。是次光顧F.S. Foodies, 老實，IT也沒有幫襯好多年啦但這餐廳想試試，當去轉日本也好加上想了解一下為何會吸引這魔多人光顧，於是12點入座試試。是日點了：黑松露忌廉意粉：非常濃郁creamy的意粉，黑松露亦很豐富很驚喜，好好味。手打牛肉漢堡配溫泉蛋飯：唔係我食無影相，但問過飯腳味道如何，答案是好味經典原味pancake：很香，味道不錯。我幾鐘意這pancake外形和味道，但我飯腳認為太黏，食起來會拆爛哂。他比較喜歡幸福D果間喎。總括而言，食物味道好，份量足。環境靚，不過座位比較少，可以再光顧。

主要想試佢地主打嘅日式班戟班戟唔會好乾 表面有焦糖好正班戟質感鬆軟細密 外脆內軟生果加cream係個好出色嘅配搭  成個班戟好有層次非常推介😊黑松露磨菇意粉好香 磨菇勁多 好似唔洗錢咁加 有機會磨菇多過意粉haha 意粉煮得啱啱好 幾彈牙 酸忌廉黑松露薯條又係勁外脆內軟個醬配薯條真係一流 如果你鍾意食薯條 又鍾意黑松露呢道菜好啱你😝對牛油果配三文魚班戟冇好深刻嘅印象只係記得班戟ok 三文魚ok 沙律ok 但加埋一齊就...😂Cookie frappe嘅味比想像中濃 平時飲嘅frappe 因為冰 會變到冇咩味 但呢杯好足料 好多cookies 甜味又調到啱啱好幾出色 Tapioca jasmine milk tea比平時台式飲品特別 成杯大致係街買到珍珠奶茶嘅味 但多左少少茉莉花香 好impressed!鍾意飲珍奶嘅朋友記得要試啦💜🤑 法式焦糖班戟 $129 🤑 黑松露磨菇意粉 $119 🤑 酸忌廉黑松露薯條 $69 🤑 牛油果配三文魚班戟 $129🤑 Cookie frappe $39 🤑 Tapioca jasmine milk tea $29