J.S. FOODIES (又一城)

營業中

休息中

上星期五同朋友們一齊去呢間餐廳食生日飯。我同另一位朋友預先買定左個蛋糕，諗住比個驚喜比壽星朋友，係未入座前就偷偷地比左個蛋糕職員A 同職員B 。而個兩位職員亦有問我地係味需要比驚喜，我地話「係啊，到時麻煩晒你地捧個蛋糕過黎」，仲比埋個入座飛號碼佢mark返係蛋糕。原本以為應該可以有驚喜比到朋友，點知齊人入座個陣，職員C直接問我地：「係味擺左蛋糕個枱？」然後我地全部人靜左十秒咁望住佢🙄🙄但個職員C完全唔覺得有問題個下先勁🤗貴餐廳請到個咁聰明識做既staff，真係等人比劣評啦🤪🤪然後座位安排個到，職員C完美示範咩叫自打嘴巴。我地有5個人，咁佢安排左一張大枱比我地先入座，仲有一位要等隔離枱走左先可以入。但安排左個張枱係超級大，我地問可唔可以中間擺塊隔板？職員C勁串咁答：「咁你改左人地條法例喎，一張枱只可以坐4個人」但最好笑貴店對窗個條長枱都係一張過，但又隔左幾塊隔板架喎🤓我地問返職員C，佢又答唔到我地。咁即係點呢？野食不過不失，但係貴店服務態度極有問題。特別係職員C, 於2021年4月30日 晚上8點幾個陣企收銀位既個位staff!

《最吸晴緊係啲醬喇😍》放假前夕，撞埋幾個朋友都放假就即興出黎食個飯。哩間餐廳之前成日大排長龍，今日一試就知點解～😌😌🍟黑松露薯條 $69黑松露醬配薯條簡直不要太香，薯條熱辣辣又脆，熱力更令黑松露嘅香味提升，上枱無耐已經清曬！🍝 松菜蟹忌廉意粉 $198比咁大隻蟹腳你，認真唔話得，就連意粉醬都係蟹肉整成，蟹香爆棚勁好食。🍅蕃茄海鮮意粉 $198咁大隻開邊蝦賣相已經好夠氣勢，帶子嘅熟度亦岩岩好，仲配上百搭蕃茄醬酸甜味道，除左可以提鮮外，撈意粉都一流。🥞香芒熱情果Frappe $45梳孚里係癡線地鬆軟，係癡線地鬆軟架，用叉輕輕一切就開。口感綿密，配上忌廉同糖霜已經好好味！極推薦！🥞朱古力香蕉pancake $119一上枱噴鼻而來先有一陣好香嘅牛油味，口密鬆密。配朱古力同香蕉味道好配合，甜甜嘅味道好岩為一餐豐盛嘅晚餐作結。

昨日睇OpenRice見好多好嘅食評 lunch嘅時候去試吓 叫個明太子意粉 素玉burger 味道好一般 跟住叫咗個甜品芋泥pancakes 質感好稀 我食緊甜品那個Assistant manager走過來好幾次態度好差叫我哋夠時間埋單 我就同他反映我們一直唔知佢有限時 直到落甜品後 你才提醒我 那個經理就話入坐時一定有講 態度極之差 估唔到經理個態度都咁差真係唔知點解佢可以做經理 唔會有下次再光顧就算食物幾好 服務咁差都唔會幫襯！

☕️ 食物：👍🏻👍🏻👍🏻👍🏻👍🏻 /5💰 價錢：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5J.S.FOODIES 🤗 它來自東京，與日本Flippers同一集團，分店遍佈東京、台灣等地 🇯🇵餐廳以「奇蹟的梳乎厘班㦸」聞名 🥞，除咗提供多款甜食班㦸，另外仲有咸食班㦸及其他漢堡包、小食選擇，而最重要係食品質素好有水準 👍🏻，喺好多細節位都會令客人感受到佢哋對食物質素嘅堅持，加上環境舒適，服務一流，地理位置又非常方便，攪到我耐不耐就心思思想去幫襯～ 😍💋 牛油果配三文魚班㦸 ($129)薄薄嘅傳統班㦸上面係份量好多嘅新鮮牛油果，仲有多片三文魚，出奇地略帶甜味，明顯係事先醃製過，味道一啲都吾腥，最估唔到係面層嘅蕃茄碎粒，好有質感，而且似係醋漬，味道好醒神 🍅；旁邊提供配班㦸食嘅蜜糖、忌廉，突然福爾摩斯上身，心諗：又咸又甜？味道會唔會好奇怪呢？🤔 哈～ 結論係一啲都吾奇怪！仲好夾添呀！👍🏻 Yummy！🤤 💋 原味班㦸 ($99)再叫咗個Soufflé pancake 🥞 ，蛋味超香，質感就超級超級鬆軟，真係好似喺日本餐廳食到嘅咁有水準㗎！👍🏻 班㦸上

原本見倒呢間餐廳係flippers姐妹店有flippers既pancake食所以被吸引左假期前去夜晚排左一陣 大概半個鐘先有位等位既期間已經決定好食咩🤣特濃海膽忌廉意粉配炸蝦天婦羅好多汁 有微微既海膽未 個汁都好creamy炸蝦天婦羅有三條 脆卜卜 沾埋d汁食 一流😛酸忌廉黑松露薯條見倒個賣相都睇得出好正一上到黎勁香黑松露味好大pat酸忌廉同黑松露薯條啱啱炸好 好脆我地食到停唔倒口！！！原味pancake食完主食當然要食呢度最出名既pancake啦～三大舊疏乎厘pancake同creampancake入口即溶 好香蛋味 唔會太甜都唔會好漏 超好味個cream都非常出色d cream份量好足夠 啖啖都可以同cream一齊食😋😋

最近習慣了吃外賣，覺得人有點自閉，今晚同樣不願堂食，男友說他想食望月樓的福建炒飯，但我想食意粉，方便起見，就選了這間吃班㦸聞名的餐廳，一中一西，各取所需，大家都開心呢！這間餐廳之前吃過，它的梳乎厘型㦸味道不錯，不過上次未有機會吃它的意粉類，所以就點了一個黑松露忌廉意粉。黑松露忌廉意粉光是打開膠袋就已經聞到濃濃的黑松露香氣，意粉賣相就一般，不過外賣稍欠漂亮賣相也是意料中事，只要不是太糟就收貨了。意粉份量合理，不會過少，大概有兩碗份量；另外餐廳很慷慨，黑松露醬和菇菌份量都很多，頗足料呢！值得一讚，希望這份慷慨能夠維持下去。忌廉醬汁份量看似很少，其實拌勻所有醬汁配料後，每條意粉都沾滿醬汁，十分誘人。幼意粉軟硬度適中，黑松露忌廉汁的味道和質感大致符合我的期望，既有黑松露那股獨特的幽香味道，同時忌廉汁的奶香味也不會太濃；汁醬稠身不過稀，口感幼滑，整體水準不錯！如果再進一步，稍微加鹹醬汁味道，黑松露忌廉汁的味道會更加突出。食物質素不錯，餐廳亦很貼心，除了乾紙巾和餐具外，還附有濕紙巾，確實不常見呢！不過外賣盒就建議改用較高身或較密封的，特別是有汁醬的食物，防止漏汁機會。今次因為紙盒太矮，又沒有正規蓋

今日好難得可以見番十幾年冇聯絡嘅朋友😆九龍塘對大家都係方便，JS foodie 又好耐冇食（重點係冇寫過食評！）所以一於揀佢啦！期間限定！奇蹟の粉紅莓果忌廉梳乎厘班戟 $139如果平時我係會叫原味soufflé pancake，但係今日竟然有期間限定！當然要把握機會試吓啦😋佢有一層好厚嘅奶蓋cream喺面，一拎咗外面層膠就會好似瀑布咁散落嚟，幾得意～cream同之前一樣又滑又充滿奶香味，今次中間仲加咗酸酸甜甜嘅莓醬，特別開胃。仲有啲細細粒嘅脆卜卜，連埋鬆軟嘅soufflé pancake 真係好正😆Cheese burger with french fries $129因為係share嘅關係，我哋叫佢cut half食得方便啲～雖然麵包已經唔脆，但係裏面嘅牛肉好多汁，配埋其他配料都係一個好食嘅漢堡，薯條亦都炸得唔錯Black truffle pasta with cream sauce $129真心佢個size份量都幾大，我哋係要放棄部份先留位食到甜品。白汁偏”潔身”，所以食得多會有啲滯，蘑菇黑松露都幾多，味道係好的，不過如果細食就建議一個鹹食一個甜品😂總結：今次雖然貪心左不過樣樣都試

每次見到人龍咁長，都唔想去排隊。終於都過咗排隊嘅熱潮，行入去就即刻有位坐。黑松露忌廉意粉$129Black truffle pasta with cream sauce 未食過咁足料既黑松露意粉，好多啡菇，忌廉汁係好香濃又唔會好膩。芝士漢堡$129 Cheese burger 麵包外面脆，裏面好軟熟，塊漢堡扒好厚，薯條熱辣辣，值得食焦糖咖啡（熱$37/ 凍$39）Caramel Macchiato 飲完咖啡之後已經好飽， 冇位置甜品了。下次吧

J.S. Foodies呢個名相信大家都唔會陌生可以話係不折不扣嘅網紅店🤣真係超多人排隊佢同flippers同一集團 賣既pancakes同flippers一樣咁高質😍但同樣主菜都係非常有水準 值得一試😋.🎈松葉蟹忌廉意粉 ($198) 價錢少貴 但我覺得非常足料值得一試👍一上碟已經聞到好香忌廉同蟹味 仲見到一大pat蟹膏同海量蟹肉😍忌廉汁亦非常creamy 濃濃既香味加埋啖啖蟹肉真係一大享受啊😋😋評分: 8.5/10.🎈原味疏乎厘pancake ($99)一份三大舊 仲好香蛋味啊😋空氣感十足 好鬆軟👍係食完會想再食既甜品評分: 8.5/10.🎈總括而言排隊時間偏長 太肚餓就唔好等啦🤣平日walkin排半個鐘走唔甩🥲但食物的確高質 不過價錢真係幾貴評分: 8/10

用餐時間：普通星期5 1345今日2個人叫左2個lunch set。整體味道唔錯，不過我覺得落曬全部糖漿都好似唔夠甜。味道同檸檬碳酸飲品大致相同。呢個意粉好好食！意粉好幼好creamy，配埋三文魚籽食味道好夾，係我食過既意粉其中一個最好食。呢個飯質素普通。首先係佢啱啱黎到我幫佢影相嗰陣我已經feel到佢就黎會跌，我影完之後佢果然跌曬落啲咖哩到。而味道就正常發揮。呢度部分座位都唔係坐得咁舒服，而我地就係其中之一。我地比人安排坐係窗邊位，嗰度既臺比較窄，而且張高凳都坐得唔舒服，所以如果唔好彩比人安排坐嗰度應該會影響用餐體驗。最後埋單連加一係$273，兩個人平均每人$137。呢度食物質素唔錯，希望下次可以試到呢度主打既甜品！不過餐廳要改善既地方係部分座位坐得唔舒服既問題。

初四早上比較少人，終於可以試吓，大約等左半個鐘入座，因為二人限敘令嘅關係，安排坐一張特別嘅枱，座位非常寬敞舒服😌個人覺得呢間餐廳生意好，原因係咸、甜食物都有水準，價錢相對合理😅而當日所點嘅食物真係全部都好食😋Tapioca Milk Tea - Iced ($29)好好飲👍🏻印度烤鷄X原味班戟 （$129）真係好正，咖喱🍛惹味，入面嘅配菜同樣新鮮，唔會整到爛晒，非常讚👍🏻配班戟食，係另一感覺😋士多啤梨藍莓香蕉班戟 （$119）最愛空氣感班戟，呢度嘅蛋味香濃、幼滑細嫩👍🏻👍🏻👍🏻

同老婆🕛係又一城諗食乜，又想飲🫖，又想剧🥩，又想食拉🍜⋯ 選擇困難症復發😅。正當懊惱之際，經過JS Foodie，諗返起之前海港城店連隊都排唔到，今日，飛雲來了👍🏻。呢間係出名pancake既日式西餐廳，但除左🥞，其他菜式既水準都好高，雖然只係lunch，但已足夠感受到呢間餐廳既❤️意同誠意。所以話做得人🐲店一定有原因，無論係菜式擺盤，味道，店內環境同服務，我都覺得幾唔錯，真係排隊都要再試🤗。

今日同我既好朋友v小姐去慶祝生日 終於可以抽時間見下食個飯傾吓計(◐‿◑)就揀咗以前返學嗰陣成日去嘅地方食lunch 仲特登打電話去諗住訂位點知要攞飛🥺原來真係好多人排隊 我哋2:30去到攞飛前面都仲有五張飛要等ಥ_ಥ- - - - - - - - - - - - - - - - - - - - - - - -🦀松葉蟹肉忌廉意粉 $198 (5/5分)推介必食✨上網見到大家都推介咁梗係要叫一個試吓啦😏大概等咗10分鐘左右就有得食 哇！估唔到上面有一”pat”蟹膏 即刻忍唔住要試咗先 好鮮甜😍唔會覺得好腥臭個d 仲有好多蟹籽係面 撈勻黎食 真係啖啖蟹肉既鮮味(≧▽≦)蟹”蟹膏 蟹籽 蟹肉” 雖然剩係得兩條蟹肉 入面係啖啖🦀肉 意粉比較軟身 d忌廉汁加埋意粉 真係好CREAMY(˶‾᷄ ⁻̫ ‾᷅˵)份量都算好多 如果有機會一定要食多次 我哋兩個食到個碟勁乾淨煙肉蛋漢堡配薯條 $139(3/5分)個漢堡包真係好大好大 雖然餐廳員工已經幫我哋切開咗一半 不過都仲係唔可以一啖咬落去 要分開咬 入面超厚嘅牛肉 係手打架 咬落去真係好彈牙 唔會覺得好乾冇汁 入面都會有好多肉汁😋🤤不過我就覺得有啲普通

今天午餐，去了又一城一間休閒餐廳獨自吃午餐。點了黑松露忌廉意粉，原本沒有抱多大的期望，因為這款菜式很多的餐廳也有類似。但上碟時，看到份量已經十足，而且在意粉上放了一大舊黑松露醬，香味撲鼻！而且周邊的忌廉汁及菇類亦頗多，賣相已經很不錯。當吃時，麵條軟硬適中，菇類及忌廉汁也十分足夠，黑松露醬更濃郁可口，吃完整碟午餐，已經十分飽肚，很滿足。此外，他們的冰茶也不錯，可以選擇甜度及冰的多少。相信會再次來到進食。

松葉蟹忌廉意粉($198)有crab meat蟹肉、crab roe蟹籽、crab paste蟹膏，未食已經聞到好香，將啲蟹籽蟹膏撈勻d忌廉汁，食落每一啖意粉都好香，好creamy，好濃嘅蟹味，松葉蟹連殼上碟，好鮮甜，好好食！原味班戟（$99）好有空氣感，夠鬆軟！食落好似棉花糖咁柔軟，蛋味好香(呢個好重要！)，加埋啲cream好好味，唔會好漏，甜度適中！最鍾意食原味，唔鍾意加其他配料，呢個班戟無令我失望！Cold Cappuccino ($36)甜度適中，咖啡濃香，好飲過其他coffee shop既咖啡！除咗排隊嘅人比較多，需要等嘅時間長d之外，坐既位置同食枱都夠寬闊，好多食物種類選擇，一定會再encore