Itamama (荃新天地2)

營業中

休息中

叫侍應拎個碗仔嚟，個碗仔完全未洗乾淨，上面又有油又有食物殘渣，非常嘔心。於是再叫侍應拎多兩個碗仔，情況一樣咁污糟，最後拎咗一個碗睇上去冇咁污糟自己抹返乾淨嚟用，洗碗同清潔做得非常馬虎。分別叫咗黑松露bagel同沙嗲牛肉麵，沙嗲牛肉麵等咗起碼半個鐘，食完飽飲完嘢到最尾要催先有個沙嗲牛肉麵食。侍應大部份都係講普通話，要重複講幾次佢地先聽得明，舉手叫唔該又扮睇唔到你，黑口黑面急急腳行開。最不滿嘅都係食具衛生問題。

我從來未試過入去餐廳食早餐要放棄離開。話說今日同兩位朋友於該餐廳等咗10分鐘之後安排入座，然後，各自手機點餐落單。落單後，很快便送上3杯餐飲+其中一個餐的1塊多士。之後，過咗20分鐘，沒有上餐便問職員請跟進。但是很可惜再過10分鐘，沒有職員交待，我就主動起身去出餐處找管理再詢問為何？她就列印點單出嚟往我們座位問，我們只說來了餐飲，其他什麼也未送來。非常非常失望，由下單後40分鐘仍然沒有職員過嚟交侍跟進，我們只好往收款處再找職員詢問出餐有什麼事，我們要求取消訂單離開。我真係感到非常失望，所有職員究竟如何工作及處理該餐廳的運作。我自己也有去過該集團的其他分店也感到滿意，但這間分店我就不敢恭維，請大家留意！

滑蛋三文魚龍蝦湯螺絲粉👎🏻🗑️未試過覺得啲食物垃圾到要俾劣評🤡但..上菜見到已經覺得少伏🤢啲湯好稀，煙三文魚得嗰幾條仔都算。🤏🏻飲啖湯完全零龍蝦味🦞❌似淡嘅蕃茄湯加鹽🥫啲螺絲粉淡茂茂🤮唔知自己食緊咩🤯跟餐嘅蒜蓉多士🍞應該係一早整定，上枱嗰陣已經凍哂，變得難咬😵‍💫問個侍應點解無龍蝦湯味，就咁望兩眼就走咗去，服務態度真係好㗎啫🤗最普通嘅熱檸水都唔掂👹無檸檬片🍋淨係落濃縮嘅檸檬汁溝熱水，酸到兩個點😓濃縮嘅檸檬汁應該係用於煮食/cocktail嘅時候調味(?)🫠食到咁上下聽到隔離枱問個待應🍝點解佢個肉醬意粉冇肉醬😹但公道啲講，試過佢嘅焗豬扒飯係唔錯嘅，平時嘅下午茶pizza都ok的🍕只可以話廚房人手不足真係好影響食客嘅感受😮‍💨

門面望都乾淨企理～入面空間都足夠，唔會好迫嘅～坐落都舒服～餐具倒轉放入去，就唔知個底幾耐洗一次～望到入面都乾淨嘅～🥹午餐都幾多元化～27種午餐～價錢由61～78蚊～同時提供了不少加購及飲品作選擇～個湯就一般啦～不濃郁，菇味也不突出～質素算不上是好的～可以吧～沙律一般～個人口味黎講黑椒太多～沙律汁也沒什特別～有點Hea~麵包不是脆口的～大概我和餐廳對多汁的定議略有不同～好少汁😣米也一般用料～但而雞蛋煎得靚的～牛扒也煎得好～肉質內嫩，外邊脆口～對得上這價格～～～

好耐冇食過呢間餐廳，夜晚睇完戲就入去食下，星期四食牛扒特別便，但係qr code落唔到特價價錢，大家記得搵職完落。牛扒分量充足，薯條都好香脆，呢個價錢食到呢個質素唔太差。當然唔好要求好有牛味好好食，我覺得對得住個價錢。另外叫野菌白汁焗雞飯，同以前一樣都係炒飯底，但係個炒飯底比較hea，以前真係吵到粒粒分明。另外冇咗松露汁，份量亦細咗，無論係雞嘅數量定係成碟飯嘅份量，都細碟咗，唯一芝士都係充足，不過不失。

呢間餐廳啲質素都幾差, 服務又唔到位, 仲要有部分侍應唔識講廣東話.嗌咗一份牛扒, 食落都唔知咩肉嚟嘅，又冇肉味又韌。 客魚三文魚意粉，啲意粉好似茶記啲湯意粉，仲要意粉唔熟嘅， 另外，啲熱檸蜜好似飲洗杯水咁樣， 食咗七百幾蚊但係仲要唔收卡， 絕對有懷疑佢哋想逃稅漏稅， 總體嚟講呢間嘢真係好唔掂。

叫份晚餐係安格斯牛扒5成熟，當晚人唔多漏單等咗好耐都差唔多20分鐘之後，催咗侍應冇回覆都算，最後卒之嚟咗份好似叉燒咁嘅所謂五成熟牛扒…. 忍唔住都要叫個侍應嚟反映下🤬唔識煎扒就唔好做扒啦！

座位空間合理舒服。自助QR code落單，正常唔難用，仲可以自己慢慢揀食咩同加特別要求。蘑菇湯夠濃夠味。意粉味道正常，蘆筍都幾多。檸檬茶是沒有真檸檬而係加檸汁個款，味道正常，份量大杯。沒有加一服務費。性價比正常合理。

晚市堂食，地方大，坐得舒服。用餐人客唔算多，上菜速度都好快。叫左個牛油果扁蝦意粉，價錢ok，意粉份量偏少，蝦份量還可以，有3-4隻到。但個賣點係牛油果就真係稱唔上，色澤方面，個汁同個麵一點都唔綠。同menu上張圖都相差好遠。個汁好黃似稀身忌廉加牛油，表面偏油。配料牛油果亦少得可憐，得一點點細細粒，最多可以話係裝飾點綴，可能1/5 個牛油果都冇。如果個青醬可以做好少少會更好考慮埋價錢，性價比還可以接受。

There's a reason why people keep visiting a restaurant again and again and again and again... maybe until the end of the world.  Consistency of the taste of the food, value for money etc.  For this place it's both.  My little daughter just loves the lasagne and the chips set, and everything I told her we will be going to this place she will literally jump into the air and give me a kiss (I wish).So... give it a try when you have time.  Warning though - tastes vary between different shops - last

第3次食呢間餐廳有食過下午茶同晚餐味道吾錯 價錢還可接受環境吾錯 坐得都舒服 服務態度尚可接受不過餐廳冇得比Apple Pay希望可以增加呢種方便既付款方式 咁就更好啦😊

I have always came back to place simply becoz of the lasngna - my girl just loves it!!!  The place is well situated at the heart of Tsuen Wan West.  Easy to find, clean environment with QR code ordering system.  I find it hard not to come back.

來食下午茶，點知食到嬲 首先自座落單 其實不嬲都好憎呢樣野 餐牌又無 店員又唔會主動比你 咁請問點知你餐廳有咩食呢？ 其實並唔係間間餐廳都適用於自座落單囉更唔好講d年長既客人 點識自助落單 ， 呢個都其次 ，我點左bagel 配暑條 暑條係凍又霉 ，都真係未食過咁難食既暑條 ，好似整完擺左勁耐賣剩既先比你 ， bagel口感好差 又凍又硬 好難食！唔食好似好浪費 但真係食左2啖我成碟就無食 真係好垃圾 我記得當初無咁難食 唔知係咪換左人定點 無下次 浪費金錢食垃圾

Itamama係taste of asia集團既餐廳，發展非常迅速，短短幾年間已經係香港開佐好多分店。今日我同朋友就黎到荃新天地既分店。先講環境，座位舒適，每張桌同桌之間都有充足既空間。 再講下服務，有得用QR code 掃瞄落單，餐單設計貼心，有得選擇反蛋，太陽蛋同炒蛋。 職員送餐速度快，亦有禮貌，絕對係快靚正!我地叫佐兩個早餐， 分別係香草雞排炒蛋通粉，意大利蕃茄牛肉湯通粉。我地互相share黎食。(1)香草雞排通粉配鮮奶炒滑蛋 ($35)雞排嫩滑， 炒滑蛋充滿牛奶既香味，好香滑，味道一流。(2)意大利蕃茄牛肉湯通粉 ($38)牛肉既牛肉濃郁，湯底既每一淡都充滿番茄既香味，好好味。總括而言，呢間餐廳早餐性價比高，值得一去!

星期日都幾多人食早餐，qr code落單後飲品好快到，之後一直等等等，隔離有枱人遲我十分鐘嚟都已經有嘢食，我仲係無到三十分鐘時侍應有幫我催，最後到四十分鐘都未嚟，我趕時間走咗痴線，花咗八個字結果嗰日無食早餐就要做嘢⋯⋯都唔明啲湯粉，煎蛋腸有幾難煮…